وصلوا أمام أحد المولات المليئه بالماركات
أدخلهم (دياب ) محلا يعرفه و يتعامل معه رحب بهم صاحب المحل ماجد
" يا أهلا وسهلا بالعمده الغالي أؤمر يا باشا"
سلم عليه دياب "اخبارك ايه يا ماجد ،رايدين خلجات زينه أحسن خلجات عنديك، طجم لكل واحد من عيلتي الحلوه دي و بكره نكملوا الباجي"
نظر البائع لهم مستعجبا كيف تكون هذه الاشكال عائله هذا العمده
نادي علي عماله و أفهمهم مركز دياب و أن يتعاملوا مع العائله معامله طيبه ،تعجب العمال أيضا لكن هذا عملهم
دياب بصوت عال "عبايه يا دلال عبايه"
ضحكت دلال "حاضر يا كبير اللي تؤمر بيه علي راسي"
و خرج الجميع بملابس جديده ووضع دياب الملابس القديمه في كيس و نادي علي عامل الجراج و أعطاها له و معها مبلغ من المال
اصطحبهم الي مطعم يقدم المشويات و تناولوا عشاءهم في سعادة بالغه
ثم أخذهم لفندق شيراتون الذي يرتاده دائما و حجز للولدان غرفة و لدلال غرفه و غرفه له و لمحبوبته نوال ثلاث غرف متجاورات
صعد كل منهم لغرفته و نبه دياب عليهم بأن أي شيء يخطر علي بالهم فليطلبوه فورا من خدمه الغرف
"كل اللي نفسه تشاوره علي حاجه يطلبها يا عيال"
و دخل اولاده غرفهم انتظر الي ان اغلقوا ابوابهم و فتح باب غرفته همت نوال بالدخول فامسك يدها
"علي فين يا عروسه " ضحكت " داخله الاوضه "
فرد "كده لحالك ما يصوحش "و حملها و دخل الغرفه و اغلق الباب بقدمه
و ألقاها علي السرير" يا بووووووووي مشتاج يا نوال مشتاج و الشوج جاتلني "
"طب ... أنا ... مش جاهزه "
"يوه معذوره اياك "
"لا بس .... مش جاهزه يا ديب "
ضحك ضحكه عاليه" مايهمش اجهزي بعدين آني ما جادرش
بسم الله"
و خلع جلبابه و انقض علي السرير و .....سكتت شهرزاد عن الكلام المباح و أخذ دياب يروي شوقه لنوال شوق طال سنوات و سنوات
استيقظت نوال فوجدت الظهر قد ولي و الساعه اقتربت من الثانيه ظهرا
"دياب يا ديبو و (قبلته) اصحي بقي بلاش كسل (قبله ) اصحي بقي (قبلة )
ضحك دياب " آني بالشكل ده ما هاصحاش آني هادسك في حضني إكده و نناموا تاني "
"لا اصحي بقي العيال زمانهم صحيوا من بدري يقولوا علينا ايه"
"يجولوا ان أبوهم مشتاج لامهم "و قبلها قبله طويله
"و رايد يطفي الحريجه اللي في جلبه"
ضربته ضربه خفيفه "اتلم يا راجل بقي يا الله فوق كده و خذ لك دوش"
أمسك يدها "لا ما أعرفش اتسبح لحالي تعالي معايا سبحيني"
ضحكت نوال "حاضر يا نن عيني حاسبحك ،قدامي بقي علي الحمام"
انهيا الاستحمام و ارتديا ملابسهما و هاتفها أولادهما لينزلوا جميعا
فقال دياب و هو يحتضنهم
"ها شجيتوا ريجكم يا ولاد و الا لساكم علي عشا امبارح"
دلال " عملنا ايه يا بابا "
نوال ضاحكه" قصده غيرتوا ريقكم فطرتوا يعني "
دلال" اه طلبت فطار الصبح"
سامي " احنا كمان فطرنا لا مش فطرنا، ده لطفي باشا ما بطلش اكل من امبارح"
نوال "امبارح ليه يا ابني انت كان لسه في بطنك مكان ده انت امبارح واكل كيلو كباب و كفته لوحدك غير البطاطس نفسي اعرف بتودي الاكل ده فين"
لطفي و هو يفرك بطنه "يا نونو يا عسل السهره طولت بقي قدام القنوات امبارح و كنت باتسلي"
سامي ممسكا لطفي من كتفيه "تتسلي يا مفتري، ده طلب من المطعم يبعت يجيبله بيتزا من بيتزا هت حجم عائلي بمستلزماتها ، و صحي من النوم محسسني انه ما كلش بقاله سنه و طلب برجر ،ومش هاجيب سيره الشوكلاته اللي كانت ماليه ثلاجه الفندق و اللي الحمد لله اتنسفت"
أخذ دياب في الضحك حتي دمعت عيناه
"سبحان الله كيه جدك الكبير لطفي الله يرحمه كان علي طول جعان و لا يبانش عليه الوكل،
و أنت يا سامي كيه جدك الكبير سامي لجمته قليله "
دلالو هي تتشبث بذراعه " و أنا بقي زي مين"
فاحتضنها قائلا "انتي يا حبه عين أبوكي كيه جدتك دلال زينه و ما فيش في حلاوتها و لا جمالها و لا عجلها
و بما ان الكل فطر يبجوا يا الله بينا نلحجوا وجتنا و نشتروا طلباتكم"
أخذوا في شراء كل ما خطر علي بالهم من أفخر الثياب و كل ما يلزمهم كما اشتروا حقيبة كبيه لكل منهم وضعوا بها ما اشتروه
نبه دياب جيدا علي دلال أن البيجامات التي اشترتها للنوم فقط و لا تفكر في ارتدائها خارج غرفتها قائلا
"الجصر فيه شباب و خدامين ،جدك يجتلك لو شافك إكده"
فرفعت يديها بالتحيه العسكريه "حاضر يا بابا أوامرك"
ظلوا يومان يشترون ما يلزمهم و هاتفوا الجد ليعلموه أنهم في الطريق
دياب" اسمعوا يا عيال و انتي يا نوال و اسمعوني زين
جدكم الحج فارس هو كبير عيله العزايزه و كلمته سيف علي رجاب الكل ما حدش يتنيها معاه
اللي يجول عليه يتنفذ من غير و لا كلمه
آني متجوز تلات حريم وجيده بت خالي حسن الله يرحمه و حسيبه بنت عمي عمران و دول كيه البلسم و لا يمكن يزعلوا أيتها مخلوج
أما اللي ما لكوش صالح بيها هي دريه بت عمي جمال
دريه و ما تزعليش يا نوال تحبني حب واعر جوي و هي دي اللي ممكن تضايجكم بس ما تخافوش و ما تدسوش عني أي حاجه تعملها معاكم و آني هاوجفها عند حدها
و كلاتهم جاعدين في ثالث دور من الجصر......
الدور التاني جاعد فيه جابر خوي و مرته راجيه أخت حسيبه و عنديهم جسار و رضوان و عمار الصعيب فيهم خوي جابر و ابنه جسار.......
و الدول الاول جاعد فيه خوي وهدان و مرته صفيه أخت وجيده و عنديه ورده و زهره و دول كيه النسمه و ما فيش اطيب منيهم
و الباجين الخدم ، المهم عندي تكونوا جد المسؤليه ،و كيه ما ربتكم نوال و آني عارف إنها ربت رجاله
بتي حبيبتي ما لهاش صالح بولاد عمها سلام عليكم عليكم السلام
و انتوا يا ولاد ما لكوش صالح بحريم الدار
احنا الغلطه عندينا مش بالساهل، فيها جطع رجاب
جدكم ما هيتهاونش واصل في الغلط و جدكم و جدتكم اول ما تناظروهم تحبوا علي يدهم"
كانوا وصلوا لنجع العزايزه و الكل يلوح لهم
فالخبر كان قد اعلن في النجع بوصول زوجه دياب بيه المصراويه وأولاده
#قصص_نشوه_حكاوي_العشاق
