الجزء الـثالـث عـشر ... الفصل الثاني
#حرير#بعد_منتصف_الليل
بقلمي #نشــــوى_السٌــلطان...❤️
🍂🍂🍂🍂🍂
ياصغر الفرح في گلبي
ويا كبر االألم والاه..
دحام.. طلعت الجكاره.. اي محمد.. هية نفسها
ولك فررت عقلي فر.. صدك بالله بكل زوايه البيت
اشوفها.. محمد موبيدي والله موبيدي ولك لا اركز
بشغل ولا بشي محمد الحب من يجي
مايستأذن احد.. حرير دخلت الكلبي بدون
استأذاااان....💔.. وريتها مادخلت وريتني
ماشفتهاااا ..اتمنى اطلعهااا من هالگلب
محمد... دقيقة هسه انت ليش هيج مهموم وضايج شكو شنو الصار... واذا حبيتها
هالشي موبيدك ،،؟
دحام... يمعود سوالف النسوان ماتخلص يكسرن عرب بحاله.. ،،مرتي متخبلة وتحجي
وتريد تسوي سالفه على حرير... والبنيه ماعليها
ولا تدري اللي بداخلي شنوو...
محمد.. لا لا شنو هالحجي لا تخليها تحجي حرير اصيله ومانقبل احد يجيب طاريها
دحام.. اني كتلها بس تحجي وتجيب طاريها بحرف مكانها عد اهلهااا ... ياوويلها مني
محمد.. اي دحام خطيه البنيه شنو ذنبها تره
يكفي القهرر اللي شافته بحياتها...
دحام.. يول والله ادري عجل شكاسر خاطري غير هالحرير...
محمد..دحام.. تالي هالحب شنووو
دحام... صديت. عليه صفنت.. مادري محمد
مادري والله..
محمد،.، والله مادري شكلك خويه انت متزوج
دحام.. يول الف مرة ماتكف بوجهي من اريد شي اسوي..
محمد... هالله هالله هههه عجل توكل
دحام.. لا لا.. اترك السالفه هسه ماريد احد يسمع ابد نخليها الايام هي اللي تحلها النا .. خل نرجع للديرة تأخرناااا..
محمد... بس على كيفك ماريد مثل ذاك اليوم لعبت نفسي😕
ابو قاسم...ماكو هيج شي عيب عليكم هالحجي حرير ماعدها هيج سوالف...
حدهن.. هي وينها امشي خل نفوت جوة لا الناس تسمع موتاقصين فضايج
شذى،.. شبيكم شنوو السالفه..
فرح.. حرير بغرفتها يمكن نامت..
شمة.. تلكيها دتخابر دحام ادري بيهم عبالهم مااسمع.. الله كريم
فرح.. صديت عليه هييي ابعدي شوفج اياااج تحجين على حرير افتهمتييي حرام عليكم
حدهن... كااافي سوالف طبن جوة لا احد يسمع
فرح.. طبينا ننمشي للهول..
شذى.. اشش صوتكم عمتي مالها حاال تسمع هيج حجي..
ابو قاسم.. فرح صيحي حرير بسسرعه
فرح.. اي هسه.. طبيت دكيت الباب.. حرير
وينج كاااعده...
حرير... مسحت دموعي طفيت المسجل.. ها فرح
اي كاعده..
فرح.. افتحي الباب احاجيج بسرعه..
حرير.. كمت الحيلي ياالله خيرر شكو بس لا سالفه دحااام يمة... كمت اركض خليت الشال
على راسي عزة عمتي مريضه خاف ضغطها
متعلمة اني اقيس الها الضغط.. فتحت الباب
فرح.. حرير تعاي ابو قاسم يريدج ولج هاي هين حرمة دحام.. ومدري شتخربط عليج
حرير.. كمت الطم على وجهي لا بربج صدك تحجين هاي شجااابهه تخبلتتتت
فرح.. دقيقه شنو انتي تدرين بالسالفه
حرير... امشي بعدين افهمج... لفيت شالي وطبيت للهول.. لكيت حدهن وام دحام وشمة
انصدمت زين حدهن شجابهه وياهم...
ابو قاسم.. اكعدي حريرر اريد احجي وياج
شمة.. هااا خطفافة الرجال.. ولج جان استحيتي..
ابو قاسم... هيييي اشش اسكتي لاتحجين حجي كبارر... اصبري خل نفهم
ام دحام.. اكرصي اللسانج شويه شبيج والله اليوم يذبحج دحام شطلعج...
حرير.. انتي شتحجييين.. شخطف هاا شبيج تخبلتي.. موحرام عليج شمسويتلج اني
شمة... لااا والله حرام عليج انتي.. اللي خليتي رجلي مايشوف غيرج عميتي حتى لشغلة مايروح .. مالكيتي غير دحام هاا عرفتي حضي
حرير... والله ماعندي شي وياااااه شبيج
حدهن.. عجل شنون هيج حجت
شمة.. اي حجيت لان شفتهم بعيني محد كلي ها هم انكري ست حرير مو شفتج ويا بالباب ومشغلج اغاني...
حرير... لاااا والله اني جنت يم امي والبيت كله يدري ابو قاسم انت احجي كول مو بيدك وصلتني...
ابو قاسم.. اي صحيح اني وديتهااا،..
شمة.. عجل شجابج عليه بالليل.. ها ااحجي
حدهن.. اي احجي شجابج عليه جاوبيها
حرير... اختنكت ماتحملت كمت ابجي.. والله ماعندي شي وياه والله ليش كلكم مصدكين
اني جيت امشي من يم امي بالصدفة شفته واكف كبال بيتنة .. سلمت عليه،.، وانتي طلعتي
شمة... اششششش اسكتي لا تبجين من وراج طب كتلني اني واختة شوفي ايدي شوفي
حلكي كله هذا بسببج مايقبل احد يغثج عبالج
اسكت لا والله الا اسولف للديره كلهااا مثل ما انكتلت من وراج .. ماراح اسكت عن حقي
عجل يرضيج اتطلگ من وراج صارر يهددني
حرير... ولج يااااحق... وروح ابو جراح ماعندي وياه شي شبيكممممم احجو انتو اني مو كبل
بالبيت شفتوني طلعت.. حرااام عليج والله اني وين وانتي وين اني الناررر تسعر بداخلييي
وانتي تحجين هالحجي... وين تروحين من الله
ابو قاسم.. اللي يجيب طاري حرير على السانو
يشوف شي مني مو شايفه بحياتة،.. حجي زايد ماريد.. هسه اخابر دحام.. اسكتن... راح اخابر
شذى... عيييييب عليكم حرير.. ماتطلع منها العيبة.. امشي ولج اطلعي من هين.. يله ولي
فرح.. اللي يجيب طاري حرير.. اسحلووو بنص الديرة.. بنت عمنا اشرف من الشرف..
افتهمتيييي يله روحي لو مالخاطر دحام
جان عرفنا شنون نتصرف وياج
ابو قاسم... اشششش خل اسمع كافي تلغن
شكللللللت انييي..
حرير.. كعدت بالكاع... مابيه حيل بعد احجي ولا بيه حيل اكف على حيلي.. ليش هيج الدنيه
ويايه اريد افرررح اريد يوووم حلو بحياتي
ليش ماكتوبلي الفررح.. يحجون فوك راسي
حدهن شذى شمة فرح ام دحام.. اني مارد بس ابجي.. وصافنه على ضيم كلبي....💔
دحام.. وصلت محمد لييتهم لفت السيارة اريد اروح عالبيت.. دگ التلفون...
الووو...
ابو قاسم.. دحااام...
دحام.. هلا ابو قاسم...
ابو قاسم.. انت وين تكدر تمر علينا
دحام.. بالفرع.. هسه اجي خمو اكو شي
ابو قاسم.. تعال هسه ومن تصل نحجي
دحام... هيان وصلت راح انزل..نزلت ودكيت الباب البره.. صحت يول ابو قاسم...
ابو قاسم... طلن للربعه ماريد الوالدة تسمع..
حرير... كمنا كلنا طبينا للربعه كعدت على الحودلية وبداخلي نااار تسعر.. منين اتلكاهه يربي .. كبالي شمه كاعده وخازرتني بعينها
يربي هاي مخبله لو تخبلت ويا حضي...
ابو قاسم.. فوت دحام ماكو احد غريب..
دحام.. فتحت الباب وطبيت بسم الله.. رفعت راسي.. الربعه مليانه نسوان... صديت كاعدة
شمة وامي... عيوني صارت براسي خزرررت شمة... شكوو شصايررر شجابكم هين
ابو قاسم.. اكعد خويه خل نتفاهم..
شمة.. لبدت وره عمتي شفتو خزرني بعينه
اليوو يذبحني اني هم خبله شجابني شطلعني
لو ساكته مو احسن.. ضليت اقرأ ايات بداخلي
وارجف من خووفي
ابو قاسم.. حرمتك جت وتحجي عليك وعلى حيرير .. حجي جبيرر.. يعني علاقة ومن هالقبيل وانت تعرف اللي اقصده
دحام... كمت الحيلي.. كووومي ولج كووومي
شحاجيه انتييييي....
ابو قاسم... دحااااااام اصبر احنا نريد نوضح الامور.. ونحلها دقيقه خل نتفاهم...
دحام.. لالا هاي اعرفهااا شحجت اني اعلمج كووومي عليه.. كووومي احاجيييييج..
شمة.. ماكوووم تريد تكتلني عمه حاجييي
ابو قاسم... دحااااام شو هيج الحجي كتلك اكعد...
دحام.. صديت على حرير.. عيونها مليانه دموع
كاعده ومنضرها يقهررر شسويت بالبنيه اني
ولج انتي تخبلتي ولج شجابج هين وشحجتي
حرير... رفعت راسي.. دحاااام.. عوف حرمتك
اريد اسألك سؤال جدام الكل.. جاوب بالصدك
دحام .. سمعتها كالت دحام.. اووويلي كلت بگلبي يبعد عيون دحام ونضرها .. اي احجي...
حرير اسمعج..،
حرير.. اني عندددي شي وياك فد يوم حاجيتك
فديوم خابرتك.. اريد اعرف مرتك ليش هيج تتهمني شمسووويه الها اني...
دحام.. حرير.. شنو هالحجي ليش منو مايعرفج
خويه ابو قاسم.. احسبها عليه.. والسالفه خلوولها يمي...
حدهن.. شنو احسبوها عليه هالحجي جبير ماينسكت عليه ومرتك تهدد بينااااا
ابو قاسم.. احنا مانريد نكبر السالفه والعالم تصدك ... كلشي تسمعه اني اريد اسأل
شمة.. شنو اللي خلاج هيج تحجين على شنو استندتي.. تره هذا حجي ماينسكت عليه
شمة.. اسألو اله لا تسألني اني
دحام... كمت عليها وكضبتها من ايدها لويتها
ولج ماكتلج هالحجي عوفي ماكتلج لاتححجين هيج هيييييينة اصبري خل ارجع للبيت..
ابو قاسم.. دحام بالله خليها تكمل دقيقه
شمة.. عوفنيييي ايددددي ااااااخ عمة حاجي
وخر منيييي.. عليش ضجت هاااا
ام دحام.. حيل بيج كتلج اكعدي اسكتي ماسكتي...
شمة.. عجل اضل ساكته
دحام.. وخرت منها واني افوررر نار عليها
افرك بدية يربيييي بس خل اصل البيت
حدهن.. احجي شبيج سكتي..
شمة.. اني وصلني حجي كبل فترة ..
حدهن،.. اي كملي...
شمة.. كالو دحام يركض بشغلة ابو جراح الخاطر حرير.. وكبل هين يجي علمود يشوفها
شذى.. وين يشووووفها اصلا يكعدوت بالربعه
ابو قاسم.. خلي. تكمل.. عوفوها...
دحام .. اويليييي بس الزمج اليووووم
حرير،. كملي كملي..
شمة.. اي واني شفت دحام بغير دنيه كبل مهموم وضايج.. ومكابلكم.. تغير طبعه للشغل قليل يروح.. صار عندي شك انو دحام يريد
يتزوجها ويحيبها ضره عليه.. بس اليوم تأكدت
دحام.. انعل ابو اهله اللي مايتزوج عليج ويكسر راسج اعلمج اليوم خل اصل البيت
ابو قاسم... عوفهااا كملي شنون تأكدتي
شمة.. كتلكم طلعت وشفتهم سويه... يعني الحجولي ماجذبو عليهم..
دحام.. انعل ابوج لابو الحجالج كومي كومييي
اطلعي عالبييت..
شمة... هااا عليش اطلع ماعليك بية
ابو قاسم.. احجي انت دحام الحجته شنو
دحام.. ابو قاسم.. والله البنيه بالصدفه شفتها
طلعت اجيب جكاير وتلكتني كبال بيتكم وهاي عايشه بالاوهام.. بس راح اعلمها اليوم
حرير... وابقى اني متهووومة شنون يعني
دحام... شحددددة اللي يجيب طاريج بعد
والله اكص اللسانوو...
حرير... شمة زوجج تنغارين عليه حقج بس تتهميني حرام علييييج اني منين بعد اتلكاهه
حدهن.. كنالج وافقي بسامر واطلعي من هالديره اللي مليانه حجي ونفاق ماصدكتي
شذى.. والله حجيج صدك خاله ...ابو قاسم
حاجي سامر كله تعال خل ننطي اقلها حرير تخلص من هالديرررة
حرير... شنوووو لاااا ماتزووووج
حدهن.. اتزوجين غصبن علييييج
دحام... لحد يجبر البنيه .. حرام عليكم... عوفوها ماتريد تتزوج شلكم عليها
حدهن.. موجابريها بس شفت انت اقرب الناس مرتك تهمتهااا
شمة .. ماتهمتهاااا اني داحجي الصدك شوفو شنون تغيررر وجههه وكام يدافع الهااا
ابو قاسم.. دحام سكت حررررمتك كافي عااد تره زودتهاااا..
اني من وراهه راح انطي حرير السامر..
كافي هالحجي يعني كبل بالبيت محد يشوفها
شنو هالحجي..
دحام.. ابو قاسم لا تستعجل.. اصبر
ام دحام.. كوومي كومي سويتيلنا فضيحة
بعالليل...
دحام... اخذيها وروحي يمة... جاي وراج
حرير... ماتزوووووووج والله لحد يلح عليه
تره والله اهج وانهزم منكم كافي عاااد يااسلام
اني بشررررر مو حيوان مو بكيفكم تسيرون بيه.. ماريد احدددد بكلبي زلمة لغة كل الرجال
من گلبي افهمو هالشي حرااااام والله حرام
كمت الطم على وجهي حسسسسبي الله ونعم
الوكييييل حسبي الله ونعم الوكييييل الله عالظالم وين رااااح وعافني ويييين صرت حجايه بحلك هذا وذااااااك.. ليش يربي ليش حرمتني منه
شذى... كاااافي راح تموتين نفسج كافي شبيج عيونج راحت حسبي الله ونعم الوكيل عليهم عوفيها حبيبتي كلنا نعرف انتي شنو لاتبجين
دحام.. شفتها انهاااارت جدامي.. ضربت الباب بيدي بعد مابيها اصبر.. طلعت اركض وينهاا
وينهااااا خل تكضبهاااا ايدي
حدهن... شبيج تخبلتي الفاتتتت مااااات مايرجع بعد الزوااااااج سترررر الج شوفي
شنون الناس كامو ينهشون بلحمج .. ابو جراح راااح هو هم مايرضى يشوفج مقهورة يمة توكلي
على الله وافقي بالولد مايجيج احسن منه كافي عناد راسج هذا اليابس نفسه مايتغيررر
حرير... يحجووووون فوك راسي اني مارديت عليهم .. كمت الحيلي طبيت للغرفه وقفلت الباب
يريي يردوني اتزووووج.. شنون يرضوها مو جان يكلي والله محد ياخذج غيري عجل شنوون
اكسر كلامه.. بعد عمري ارجع شوف حرير شنون انذذذذذلت بعدك .. ارجع وين عفتني
حدهن.. شوفي كل مانجيب طاري الزواج
تنهزم ماتريد تتزوج اعرفها راح تبقى هيج
والعالم تلطخ علييها بهالسووالف...
ابو قاسم.. ماكو ماتقبل تقبل غصبا عليها
الرجال مايتفوت هي بمرور الايام تتعوود عوفوها
لحد يحاجيها اني راح ادز عليهم وانطيهم
شذى.. خطييييه شنون هيج غير هي تواقق
حدهن.. موخطيه هاي طايشه ماتعرف مصلحتها
فرح.. دكيت الباب عليها.. حرير وينج افتحي الباب... يمعودة والله بالي يمج
حرير... اسمعهم يدكون ويحجون ويايه بس مارد عليهم.. تعبببت يربي تعبت من كلشي
دحام... طبيت للبيت.. كبل عالغرفه ادور عليه ماكو شلت الحزااام وطلعت.. وينهااااااااا
ولج شمةةةةة اطلعيييي..
ام دحام.. عوفهاااا خل تولي لا تحاجيها
دحام .. وينها هسه احاجيج وين راااااحت
سحر.. بقيت قافله عليه الباب واسمعه يعيط
شمة.. طلعت فوك اركض بقيت حابسه روحي بالبيتونة كعدت يم جياس الطحين.. ختلت وارجف خايفه يصعد ويلكاااني...
ام دحام.. شمدريني وينها ختلت خافت منك
دحام.. خافت هي هاي تخاف... بالحرام اذا مانزوجت عليه عجل اني مو دحام.. اذا مادزيتها الاهلها وهنتها مثل الجلب هسه اتشوفون
طبيت للغرف ادور عليها.. فتحت الكناتير..
وينهااااا ولج وينججججججج .. يمةةةةةة
سحر وينهااا ...
ام دحام.. اسكت لاتصيح العالم تسمعك
دحام.. سحررررر وين عوفي العالم ...
ام دحام.. خاتله بالغرفه..
دحام.. دفعت الباب.. وينج افتحييييي
سحر.. ماعليه اني والله هي مرتك كالت مواني
دحام... افتحييييييييييي البابببب راح اهجمو عليج... افتحييييييي
سحر... تكتلني مافتحةةكةك
دحام.. راح اكسرو والله افتحي...
ام دحام... كافي يول العالم ولك تخبلت شجاك
دحام.. وخري يمة وخرررري.. رجعت ودفرت الباب كل قوتي... بأول دفرة انفتح الباب..
سحر.. خوية والله ماعليه انيييي والله هاي مرتك
دحام.. شلت الحزام.. كتلتها كتلها طلعت كل قهر حرير بيهن.. ضليت اضرب بيها بدون
وعي.. وخرتني امي... طلعت بالطررمة وره الييت ماكوشمة... تذكرت السطح.. اي اكيد فوك
الدرج.. صعدتة بالحضه.. افور عليها... شغلت الضوووة... وينج... انتبهت..لابدة بصف الطحين
جريتها.. من شعرها اطلعي اطلعي مسويه روحج خايفة...
شمة... لا تضربني تره والله اسوي شي موصاير...
دحام... هااا تهددين النوب... كمت اضرب بيها بكل قوتي... شنون هيج حجيتي شنون رحتي حجيتي هالحجي ...ولج فضحتي البنييييية
شمة... ليش مقهوررر عليهااا... هااا تضربني علمودهاااا... احجي ليش تحبها مووو
دحام... اشششششششش انعل ابوج لابو الحب لابو گلبي لابو ساعتج السوده
شمة... والله تحبهاااااااا اعرفك بس والله ماسكتلك...
دحام.. انعل اهلج... واذا ماسكتي.. احجي لكل العرب... اييي احبهاااا... اي روحييي بيهااا
ارتااااحيتي هسه....
شمة.. ايييييي كول هييييج اسمعي عمة اسمعي ابنج....
دحام... ولي.. لا تلغين... نزلت اركض.. الدشداشه.. الردن انشكت... طبيت للغرفة بدلتها شلت الجكاير وطلعت....
حرير.. راحت حدهن.. والكل نام واني ماغمضت عيني.. ضلت كاعده.. صارت الساعه اربعه،.
كمت الحيلي على كيفي فتحت الباب.. طبيت للحمام توضيت وكملت.. طبيت للمطبخ شربت ماي اريذ افوت للغرفه بيدي السجاده.. تلكتني
فرح...
فرح.. هاي بعدج كاعدة...
حرير.. ليش منو اللي يكدر ينام وره هالحجي
فرح.. تعاي امشي.. خل نفوت للغرفه نحجي..
حرير.. طبينا للغرفها وسدينا الباب..
فرح.. حرير.. شمة ليش هيج حجت...
حرير... هااا فرح النوب انتي هم مصدكة
فرح.. يولي لا والله بس خاف صدك داحام يحبج هي مرته وحست بي
حرير... يمعودة يحبني يكرهني مااايهمني احذ اريد بس ارتاح من هالصايب
فرح.. ابو قاسم .. كال راح انطيها السامر
حرير.. محد الة دخل بحياتي.. اللي يجيرني والله انهزم..
فرح.. يولي كافي تقهرين بنفسج شوفي حايتج
حرير.. الله كريم.. تهوووون خل اكوم اصلي
فرح.. ماشي حبيبتي الله يسعدج ..
حرير.. السعادة راحت ويا اخوج اندفت ويااا
عفتها وطلعت الغرفتي...
طبيت صليت وكملت.. خليت السجادة وتمددت بفراشي.. بقيت سارحة.. لازم اخلص اي اني
ماخليهم يجيروني خل اهج احسن لا دحام ولا سامر.. ماكدر بعد.. كمت الحيلي.. طلعت
جرجف.. فتحته بالكاع فرشته.. طلعت اللي
هدووم وساعه ابو جراح واليشغ والكاسيت
ضميتهم بالجرجف.. وشديتة عليهن ضليت
كاعده بغرفتي انتضرت تطلع الشمس وينفتح الطريق.. حتى اطلع.. اتذكرت.. فلوسي
اي فلوس من عمي.. فتحت الجراة شلت الفلوس
ضميتهم بشالي بالطارف وشديته عليهن
دحام.. بقيت بالباب كاعد بالسياره نزلت الكشن وتمددت بقيت للصبح كاعد.. اتذكرت حرير
اووف ليش هي تروح من بالي.. شنون جانت كاعده ومقهورة وتحجي وهي مقهورة النوب
يردون يزوجوهاا وتروح بعيددد.. زين وكلبي
هذا اذا راحت وين اروح.. روحي معلگة بيها
يتبـع
