الجزء الثاني عشر ... الفصل الثاني
#حرير#بعد_منتصف_الليل
و تمونين ياريم المكاحيل
على القلب في خيره وشره
فديت الوسيعات المظاليل
رماح الهلاك المستشره
وخطواتك اللي بالخلاخيل
لها في الصدر والقلب جره
وسواليفك بكل التفاصيل
وصوتك بها لله دره..
.
بقلمي #نشــــوى_السٌــلطان...❤️
🍂🍂🍂🍂🍂
شمة... عزززة النوب المواعد بالشارع.. ياغافلين الكم الله..،ماتنلام سحر.. اهجس شبت نار
بداخلي.. ماتحملت بعد مابيه اصبر طلعت عليهم وكتلهم ماشاءالله المواعد صار جدام الباب
وبنصاص الليالي..
حرير. صديت ورايه شمة مدري شتحجي مافهمت عليهم.. اريد اطلع للبيت مشيت خطوة
دحام..فتحت الباب ونزلت هاي شبيهااا تخبلت
شتحجي كضبتها من ذراعها.. يولي شطلعج
حرير.. صديت على صوت دحام حاجاهه بصوت
عالي وهو مزعوج .. وكفت اريد افهم شنو اللي
ديصير..،
شمة.. لا تكضبني عوووفني وخرر .، الناس من حجت ماتنلام بيكم... جان استحيتلي تركضين
وره واحد متزوج..، عبالج راح اسكتلج لا والله
ماسكت.. الا افضحج بعربناااا..
دحام... ماتحملت... سوالفها.. ضربتها راشدي فريت راسها فررر... صديت على حرير
ارجعي حرير .. روحي عالبيت
حرير.. اريد انطق اهجس موبس لساني
حتى جسمي مربط.. هاي شبيها شتحجي هاي
دتقصدني يعني اي اني دتأشر عليه وتحجي
وعينها بعيني.. تقدمت خطوتين،، دقيقه انتي
دتقصديني اني...
دحام... حريرررر ارجعي للبيت
شمة.. ارجعي خية للبيت ماتشوفين الحب يكلج ارجعي..
دحام... يولي كافي كمت ادفع بيها واضرب راشديات.. امشي طبيييييي جووووة اني اعلمج
اذا ما ذبحتج عجل اني حرمة مو زلمة اندلفيييي
دفعتهااا بقوووه..
شمة.. وخررر.. خل افرغ النار اللي بكلبي
الناس كلها حذرتني منها الهاي ام العشك
يوميه حابتلها واحد.. وجه الفكر شسويتي
ببوجرراح من سحورجن انتي وامج.. النوب
فريتي عقل رجلي خليتي مايشوف غيرج
كافي حرام عليج والله اني ماعندي احد
تريدي يذيحني ولج شنو انتي
حرير.. كمت ابجي اختنكت.. مدي افكها منه وبنفس الوقت حجيها يرررن بأذاني هي حب
هذا هييي اصخاااام ياسحر هذاا النوب طلعت وجهي فكر .... هاي هم عرفت حضي
وتريد تفضحني بالعررب... بصوت مخنووووك
دحاااام شبيها شمة شتحجي هي حب هذذا
شبيها تخبلتتتتت الناس ان سمعت شراح تكوول
عني... كمت اصفك واضرب على وجهي دحام
فهمني الساااالفه ولي يسلمك اهلي اذا سمعو هالحجي يذبحوني... شمسوية الها اني ليش
هيج تتهمنييي...!
دحام.. طببت شمه بالبيت وطبكت الباب صديت على حرير تبجي وتحجي.. مشيت عليه يولي
شبيج ماعليج منها اني اكصلج السانها هاي تخربط من يومها هي هيج.. ماعليج منها وربي
اذا حجت عليج اذبحها خلاص.. لا تبجين
يولو.. شبيج انخبصتي... هيدي ماكو شي
يولي كافي مسحي دموعج وطبي عالبيت
حرير... دحاااااام اني بعد مابيها اكف على حيلي سمعتها شكالت اتكول افضحكم الناس
راح تصدكها ماكو وحده تحجي على زلمتها
ول فهمني.. ليش هيج كالت.. شنو الدافع
اللي خلاها هيج تتهمني.. دحام من احاجيك
دحج بعيوني لا اتصد غاااد تره والله كلبي خلصان قهر.. حاجيني...
دحام.. ماعرف بعد شحجي ساكت وهي تحجي وتبجي.. حرگت كلبي حرك الله يكطع عمري .. شنون هيج قهرتها مدي احضنها اسكتها ماريد اشوف دموعهااا بس ماكدر ااااخ
اووف.. روحي حرير فوتي ماعليج منها هسه احل السالفه روحيييييي عاااااااااد
حرير.. انت ظام عليه شي مو اي اعرف اني ماراح اكدررر انام.. الله ياخذ عمري.. شنون
وين اولي وين انطي وجهي اهلي يردون يزوجوووني وحرمتك تتهمني وتحجي حجي
ماينحجيييي ليش هيج الدنيا ويااايه ليششش
ياسحور هاي انت احجي فهمني ليشششش
هيج حجت اريد افهم السالفه ماراح ارتاح
دحام... كتلج هي عقليتها هيج شبيج طبي لا احد يشوفنا هين سوية روحي ولا تبجين
وسالفة يزوجوج اهلج غصب اياااج تقبلين
حرير.. سامر مايفيدذذج
حرير.. يمعووود هي سامر اني وين وانت وين دحگ عليع راح اروح .. بس دخيلك احجي وياهه
اسالها ليش هيج حجت وهذا منو اللي جذب عليها.. اووف دوم الدنيا عكس تمشي ويايه
وينه سعد.. راح وخلاني على ايد هذا وذاك
مسحت دموعي.. ومشيت..
دحام.. يولي.. لا تبجين.. شبيج كافي والله
محد يسمسج بحجايه خل يولون الناس تعرف
انتي علم.. يولي اني اخاف عليج اكثر من سعد
ومن اهلج.. روحي والهوى بضهرج.. يولي العمر
يرحض فًٍـًٍـًٍـًٍـًٍـًٍـًٍ✹ًٍـًٍـًٍـًٍـٍـًـًٍدًٍۋًۋًۿـًٍـًٍﮧً❤️ الج والله
حرير.. صديت عليه عيوني مليانه دموع وعتب
مارديت كلشي.. شيحجي هذا خايفه من اللي
ديسوي دحام حرمته ماحجت بلاش
عفتة وطبيت لبييت عمي
دحجت من الجام.. فرح بالمطبخ.. سحبت
نفس ياربي ماريد احد ينتبه.. منين طلعتي هالسالفه.. فتحت الباب وطبيت..
فرح.. هلا هلا.. والله عرفت راح تجين ادري بيج
ماتكدرين تنامين بعيد من عدنا...
حرير.. ابتسمت الها.. اي صحيح.. طبكت الباب ورايه فتت خطيت خطيتين..
فرح.. حرير.. اكفي شبيج شومدري شنون صوتج
حرير.. ماصديت عليه.. واني مندارة كتلها..
لا بس راسي يوجعني عبالك اريد اتمرض
فرح .. يولي دحكي عليه.. عيونج حمر شنو باجيه موو
حرير.. اي تذكرت الغالي وجعني كلبي ماتحملت بجيت.. راح افوت للغرفة راسي يوجعني..
فرح.. اكمل الشغل واجي وراج روحي انتي
حرير.. طبيت قفلت الباب عليه.. ذبيت شالي
وغيرت هدومي.. شغلت المسجل اريد ابجي
اريد الطم على حضي المصخم اريد افرررغ هموممي... شغلت المسجل وطفيت الضوة بقيت
وحدي.. اسمع... وين انت....
يالعفتني.. بلا حبيبي.. وين انت..
اني من بعدك غريب وين انت...
لـوو تجي وتشوف حالي جان حنيت
وشكيت.. شاركت گلبي بهمومه ومثل ما ابجي
بجيييت.. اووووف ربي.. وينك ليش عفتني
صرت ابجي واشهگ الحزن صار مرافكني
شكد ماابجي وكل ماابجي ارتااح
دحام... شفتها راحت والدمعه بعينها.. احتركت عليها.. دفرت الباب وطبيت... صحتتتتتتت سحرررررررررر
شمة... طبيت بغرفه سحر ابجي واشكيلها
شفتهم والله واكفه يمه ومشغل الها اغنية
سحر.. هذاااااا دحاااام عززززة اسمعي
شمة.. كمت الحيلي اقفلي الباب عفية
اركضيييي
سحر.. كمت اريد اقفل الباب.. ودفعه دحااام
يمةةة عيونه تخوووف... رجعت لوره..
دحام.. كضبتها من خوووانيكهاا.. يولي منيلج هالحجي هااااا... احجيي
سحر...هي حجي هذااا اني ماعليه
شمة.. شنووو انتي كتيلي اني ماعيه
سحر.. انتي الحجيتي عليها وكلتي فاره عقل دحام ولجججح اني شعلي
شمة.. جذاااابة والله مادري هي كالت تحبه ويحبها وسوتلكم سحررر
دحام.. كضبت شمة وسحر طبكت راس براس
شنوووون هيج تحجن هااا البنيه شوكت حبتني
سحر.. والله سمعنا شمدرينا خويه والله ماعلية
اني مرتك هي شكت...
دحام... هيييييي مضعوووف بخت هذا الكلج
يولي تحجين على بنات النااااس ياهو العلمج ها
اقسم بالله .. اذا سمعت حررف واحد على حرير
اقسمجن قسممممم
شمة.. هاااا شو بعدك ادافع عليه والله الا افضحكم انت وياهه هالكلبه ام الحب حزتنااا
دحام.. كضبتها من شعرها فريت راسها يولي
انتي تريدين تموتين على ايدي بس مادتعرفين
شنووون..يولي ان سمعت حجاية وحدة
صدكي بالله .. مارحمج احسبي روحج عند اهلج
شمة.. هااا تريد اطلكني.... مووو بسيطه
سحر.. انهزمت للهول عفته هو وشمة الصياح
والعياط مالهم.. طبيت اركض على امي
ام دحام.. ولجججح شبي اخوج شنو هالصياح
سحر.. يمة دحام راح يذبحنيييييي
ام دحام.. عزة علماتلج منو اللي شمسويه ولج
احجي شسوويتي
دحام.. طلعت اركض ادور على سحر كل البلاوي منهاا اليوم اذبحها خلاص..
طبيت على غرفتي طلعت الحزام وطلعت وينهاااا
ام دحام.. بسم الله شبيك يمة على كيفك شمسويه هالمضعوفة البخت...
دحام.. يمة وخري... منو قفل الباب ولججج
افتحييييي
ام دحام.. يول احاجيك شبيهاااا
دحام.. عووووفينيييييي اريد اذبحهاااا
ام دحام.. ولك العالم راح تلتم علينا فضحتونا
دحام.. استغفررر الله ربي ماريد احد يسمع
تعوذت الشيطان.. ولج وين تروحين مني
اسمعي اكلج.. اذا ماكصيتو للسانج عجل اني
مودحااااام... ذبيت الحزام.. وطلعت عالباب
شغلة السيارة وطلعت.. صعدن عندي شخطت السيارة بالفررع ومشييييت
شمة.. سمعتة. طلع صوت سيارته هذا.. طلع
حلكي يذب دم شعري منفوش .. طبيت الغرفتي
طلعت شال.. اني اعلمج ست حرير عجل من وراج يريد يطلكني....
ام دحام... ولجن شكووو احجن شنو السالفه تعاي حاجيني وين رايحة....
شمة.. اريد اروح افضحها للم الحب عجل يهدددني يريد يطلكنييييي
ام دحام ... مني هاااي ولج تعاي يولي والله يذبحج.. ارجعيييي
سحر.. فتحت الباب وطلعت.. عوفيها يمه خل تفضحها.. ماتنلام
ام دحام.. ولج منو هيه دحجن عاد
سحر.. يعني منو اكيد حريررر
ام دحام... عزززززة عليجن.. البنية شبيها شنون تحجن علييييها ولجن البنيه مانشوفها
وينه دحاااام خل يجي يذبحج ام السان الطووويل هاي عمايلج والله مو عمايل شمة
انطيني عباتي خل اروح اجيبهااااا
شمة... طلعت صفنت عليمن اروح لا ماروح على بيت ابو جراح خل اروح الابوها طلعت على اهلها
الفرع اضلم.. ركضت واني خايفه وحدي.. وصلت ودكيت الباب..
حدهن... سهام افتحي الباب هذا منو الجة هالحزة..
سهام.. والله مادري.. كمت فتحت الباب...
حدهن.. صحت ها منووو
سهام.. هذي شمة حرمة دحااام..
حدهن.. شمة شجابها هالحززة طلعت عالباب
سهام.. شبيج شمة شصايرر ليش تبجين
حدهن...عزززة شكو ولج شبيها ليش تبجي
شمة.. خالة الحكيني دحام يريد يطلكني
حدهن.. يولي شتحجين ليش يطلكج
شمة.. الله لا ينطيها كله من وره حريررر يحبها
وكتلني لان شفتهم سويه واكفين كتلهم الا افضحكم يهددني يريد يطلكني وين ابو عبير
يعني محد يكدر يوكف حرير تره مصختهااا
حدهن... اششششش اسكتي لا يسمع ابوها نايم جوة وبي ضغط والله بس يسمع يموت
شمة.. عجل يرضيج يطلكني واني ماعندي احد
وين انطي وجهي...
حدهن.. اسكتي يمه هسه نفهم السالفة امشي
سهام جيبي عباتي
سهام.. طبيت اركض جبت عباية وطلعت يمة
اروح وياج..
حدهن.. اشش ابقي هين واذا سأل ابو عبير
كليله راحت تضرب الابره.. امشي يمة شنون بلاوي ماعد نخلص من هالسوالف..
ابو قاسم.. شذى سويلي جااي...
فرح.. الجاي حار بس صبي
شذى.. وين حرير.. سمعت صوتها جت مو
فرح.. اي راسها يوجعها طبت للغررفة
حدهن.. اخذتها وطلعت البيت ابو جراح كينا الباب..
ام دحام.. اكفن وين رايداااات ارجعييي
شذى.. ابو قاسم الباب البره يندك...
فرح .. يمكن حسن هذا كمت وره اريد اشوف هوة
شذى.. ولج صدك اخبار عرسج
فرح.. بعده ماكمل التحضيرات..
شذى.. يعني اجلتوو
فرح.. يمكن نأجله امشي خل انشوف منو بره
حدهن.. هلا ام دحام شنونج خيتي...
ابو قاسم.. كمت فتحت الباب استغربت
حدهن شجمعها ويا اهل دحام بقيت صافن
حدهن.. ابو قاسم.. وينهااا حرير...
ابو قاسم.. خيرر شكووو جوة حرير
حدهن.. شنو هالحجي اللي طالع عليها عجل
احنا من خليناهه يممكم غير عينكم عليها
والله ان سمع عمك يموووت
دحام.. على كيفج فهميني شكووو شبيكم
شمة.. حرير.. تحب دحام ودحام يريد يطلكني علمودهااااا موعيب عليها تركض وره متزوج
شذى.. طلعنا صوت حدهن و شمة اني وفرح.. بقينا مصدومييين هاي شتحجي.. شبيهم شنو حرير شنو دحام اريد افهم السالفه طلعنا نركض...
حرير.. بقيت مدده بفراشي صافنة شمة ليش هيج كالت.. تذكرت دحام من كلي لا نوافقين بسامر.. وكال سعادتج هين.. اووف لا ماتصور دحام يريدني لا
لازم اهج بعد مابيه اصبر اهج اي وشيصير خل يصيررر.. اذا ابقى هين ماراح اخلص من السوالف وراح يزوجوني سامر
دحام.. طلعت على محمد اخذته وطلعناا طلعت الدنييا من عينييي....
محمد.. هاا دحااا ردينااا شبيك شو هم ضايج
دحام.. ولك گلبي معتتتتتلك مو بس ضايج
محمد.. دحام.. والله اذا ماتحجي وتكول المن تريد راح ازعل وانزل كافي لو تحجي لو سد السالفه كلها
دحام.. يوول يااااب شحجي يول هذا كلبي دوم يعذبني.. حب وحدة.. مدري شوداه عليها
محمد.. هيييي منوووو الخاطر الله
دحام.. طفيت السيارة وكفت..
محمد.. هاا خيررر شكو شو طفيت
دحام.. حرير محمد.. حرير شعلت اهل اهلي
محمد.. حريرررر ماغيرهاااا ..؟
دحام.. طلعت الجكاره.. اي محمد.. هية نفسها
ولك فررت عقلي فر.. صدك بالله بكل زوايه البيت
اشوفها.. محمد موبيدي والله موبيدي ولك لا اركز
بشغل ولا بشي محمد الحب من يجي
مايستأذن احد.. حرير دخلت الكلبي بدون
استأذاااان....💔.. وريتها مادخلت وريتني
يتبع
