القوارير

القوارير ٤

#القوارير ٤
زينب الموسوي
افترينا المدينه كانت الناس تحتفل بالكرسمس وراس السنه والاضويه بكل مكان مكنت اگدر اركز  كنت اشبه بحاله من فقدان الوعي او التركيز يمكن من الخوف او كثر الدمع المدينه كانت جميله والبدله كانت اجمل ياريت العرس حفله وبدله وصالون ونرجع لاهلنا رجعنا على الشقه اني وهشام بديت اسمع دگات گلبي هشام ادرك خوفي وحاول بتصرفاته يرسم لي صوره مطمئنه
سلمت عليج بيت اهلچ مارديتي زعلانه مني
حاولت اجاوب بس سكتت
حتى هنا متردين تريدين احجي بالانكليزي يمكن تردين
كان جوابي دموع وسكته
اليوم راح تخلصيه بچي اسوله ترى ماصار شي يستدعي تبچين تعالي نطلع نشوف المنظر من البلكونه
بارده والبدله مفتوحه
اسوله حچيتي
اخذي سترتي
نزع الستره ولبسنياها طلعنا للبلكون كان منظر الليل والاضويه والثلج يتساقط منظر ساحر والي زاده سحر كلام هشام
تدرين كم مره حلمت اني وياچ واگفين هنا وتخيلتج بالبدله البيضه اكيد هاي الجنه
حلو الاضويه والثلج بس بارده
لاحظتي اليوم ماكو كمر ولانجوم
غير مغيمه اكيد ماكو كمر ونجوم
لا شافوا جمالچ ومطلعوا
تعرفين بامريكا شگد عدد السكان
لا مااعرف يمكن بالمدرسه گالوا ٢٥٠مليون ليش تسال
٢٥٠مليون بشر بس اني مالي احد بهال بشر كلهم غيرچ انتي راح تملين دنيتي وتصيرين كلشي بحياتي لاتخافين مني وانطيني فرصه يمكن تحبيني
ماخايفه منك بس اشوف نفسي مو گد الزواج صغيره
هشام صحيح انتي زغيره بس تتعودين عليه يجوز من تكبرين تعنسين ومحد ياخذج
وليش اعنس ومحد ياخذني
اني كنت كل ماامي تگلي تزوج اكلها اني زغير لمن وصلت لامريكا الوحده صعبه ردت اتزوج ملگيت بنات وانتي هم بعد كم سنه متلگين وينهم العزاب اشو ثاني يوم يوصل اامريكا ياخذ امريكيه
جا مااخذت امريكيه وفضيتني
هيچ ضايجه مني اسوله
لا موضايجه منك موقصدي اقصد ليش متزوجت امريكيه من عمرك ماادري كمت اخربط بالحجي هشام مو قصدي وخلص بردت خلي ندخل

عرفت الكلمتين (فضيتني .ومن عمرك ) جرحت بيهن مشاعره فقررت اسكت ومااحجي بعد وسمحت لعقلي يتوقف عن التفكير واتحمل الي راح يصير ورغم صعوبته ورفضي النفسي للعلاقه الي لازم تم بهاي الليله تحملت وسكتت
اهلي الصبح جوي عليه امي عرفت كلشي طبيعي هشام فرحان لكن اني جواي بركان غضب خايفه ينفجر ويموتني ثالث يوم
هشام اليوم عيد ميلادچ اسوله ناسيه
اني عمري ماتذكرت عيد ميلادي ومحد من اهلي يتذكره شلون عرفت
هشام شفت الهويه من عقدنا عند الشيخ يله بدلي نطلع نجيب كيك وشموع ونحتفل
نروح عند اهلي ونحتفل اليوم مشفت امي
هشام لا نحتفل اني وياچ بس وبعدين اخذچ لاهلچ
بكيفك
طلعنا اشترينا كيك وشموع ورجعنا نحتفل ونطاني هديه كلاده بيها اسمه
وداني عند اهلي ساعه ورجع اخذني
الساعه صارت سنه اسوله مااكدر افارگج ابد
جا والدوام راح تبطل وتكابلني
هشام ابطل واگابلچ ليش لا
هاي امريكا اذا متشتغل يطردونه بالشارع والكفل زينب
هشام لچ تموتيني من تكولين والكفل زينب تجنن احبچ اسوله
ليش سكتي غير. تجاوبيني
الله يخليك
الله يخليك ! يابه ميخالف مقبوله منچ احسن من الماكو
ئي امي تكول العافيه بالتداريج
لعد انتظر العافيه
اليوم الرابع بالليل بدت عندي الالام ومغص بطني واستحي احچي خابرت امي گالت مابيج شي الصبح اخلي سعاد تاخذج للدكتوره
واگفه بالمطبخ وتولدت عندي رغبه غريبه اتعارك واطلع من البيت ماادري فجاءه صور الي صار بالليالي الفاتت گبال عيني والم ومشاعر بالرفض ان يتكرر هذا الشي الليله دخل هشام عليه
شدتسووين بالمطبخ وعايفتني لوحدي
چا غير اسوي عشى
چا اني مااريد عشى تعالي گعودي يمي
معاجبتك ال چا ليش مااخذت وحده تگول لعد
منو گال معاجبتني اصلا تخبل
صار تلث ايام كل مااكول جا تعيدها وراي مااحب واحد يقلد عليه
يابه والكفل زينب ممقلد
كافي هشام لاتقلد اكثر هذا حچيي  معاجبك هسه اروح لبيت اهلي
شبيچ اسوله ليش عصبيه مكلت شي ترى
لا گلت اذا اني معاجبتك ترى اني هم معاجبني هواي اشياء وساكته
شنو الي معاجبج گوليه واني اغيره
معاجبني احد ينام يمي ليليه اريد انام الوحدي مااريد الطخ مكياج والبس ملابس خفيفه اريد ارجع لاهلي اضوج منك الالم موتني كله منك شجابرني اتحمل
هشام مارد عليه بكلمه ابتعدت للغرفه ابدل حتى اطلع دخل وراي
اسيل وين رايحه بهالليل عيب اخوانچ شيكولون طردها ابقي هنا واني اروح انام بالصاله
گتلك من البدايه اني مو گد الزواج هشام والله مخنوكه ترى مو كل بنيه تتقبل الزواج والله مجاي اتدلل بس مااگدر
درتاحي هسه وانزل اجيب ادويه من الصيدليه وارجع
اسفه هشام طولت لساني عليك اهلي اذا عرفوا يذبحوني
يابه اهلچ شعليهم عادي خلاف يصير بينا الا نگللهم كافي تبچين هسه عشر دقايق وارجع
طلع من الشقه اكثر وقت حسيت بيه هشام انسان خلوق ومودب هو هذا الوقت واكثر تصرف كرهته بحياتي هذا الموقف كان صوتي عالي وابچي والولد ساكت
اني كنت بصراع داخلي من حياة صحراء اتنفست الحريه بامريكا شهر وتزوجت ورا شهر يعني لاعشت طفوله ولامراهقه بس هشام ماله دخل بخريطه الهرمونات بداخلي الولد خطب واهلي وافقوا واني سكتت
جاب الدوا وانطاني اياه
هذا مسكن للاالم وباجر اخذچ للدكتوره
اني اسفه هشام
  اششش نامي ولاتفكرين والله مو قصدي اقلد عليچ انتي افتهمتي غلط
بتلك الليله هشام نام بالصاله
الصبح رحت للدكتوره
مرت علينا اسبوع متزوجين وهو نايم. بالصاله بديت احس بالغلط ويمكن افتقده
خلي نطلع هشام ضجت من البيت
دباوعي من الشباك شوفي الثلج منو يطلع
جا شنسوي نبقى هنا محبوسين شتباوع بالتلفزيون
هشام كره سله تعالي تفرجي وياي احلى لعبه
گعدت يمه بدا يشرحلي
شوفي هذا فريق شيكاغو بيه مايكل جوردن لاعب ميصير مثله ابد شوفي كله تلث نقاط يجيب
افتهمت اللعبه وتحمست وياها وهشام اتصل بمطعم يجيب بيتزا كنت اريد اعتذر منه واحسسه ندمانه حتى يرجع ينام يمي بس اني مااعرف گتلكم اني كلشي ماافتهم بهاي الامور العاطفيه كل الي گدرت اسويه كنت الدگمه بالقميص مالته مفتوحه سديته وكتله لاتستبرد وهو سكت
اگلك هشام يمكن اكو فار بالغرفه مالتنا
لا حبيبتي متوهمه الشقه شهريا يجوون يضربوها دوا
بس يمكن البارحه سمعت صوت جوا الجربايه اخاف انام بيها لوحدي
ها افتهمت ئي حبيبتي الغرفه بيها فار وجريديه وحيايه ميصير تنامين لوحدچ تعالي نامي على هاي القنفه الثانيه وحتى هم تتفرجين تلفزيون
هو هذا الله گدرك عليه مالازم اروح انام لوحدي
تعالي كعدي خلي نتفاهم اسوله الي گلتيه ماثر بيه
جنت متالمه ومخنوگه ولاتنسى بعمري الهرمونات مضروبه ناس بناس بالمدرسه هيچ گالوا
يعني اذا تصالحنا اليوم ترجعين باجر تتعاركين ميصير هيچ اسوله الزواج  استقرار مو لعبنا بطلنا
ماادري هشام اني حتى مادارسه بالعراق وحتى من نحجي سوا احس فرق بيني وبينك تگلي قصايد  وشعر واني حتى مااعرف شتگول   وصار من الصبح افكر شلون اعتذر مااعرف بس هاي الايام الي تزاعلنا بيها افتقدك والله والكفل زينب
  اسوله عادي تحسين بالفرق لان اني اكبر منچ و مااريدچ تعتذرين اريدج تاخذين قرار لوتريديني لو لا
اريدك هشام
فكري شويه
گتلك اريدك واذا تريدني اگول لعد وابطل جا
شنو تبطلين جا لج والله اموت عليج من تكوليها
زين احلف متضوج من اگول چا
والكفل زينب بس انتي تكوليها احلى
من تلك اللحظه بدت علاقتي تتحسن اني وهشام واتقبلت فكره الزواج 
ويمكن استسلمت ورضخت للواقع
عيني الاصنام چاي كهوه لو حاره عليكم
تفاعلوا شتسوون بالبيج لعد