القوارير

القوارير ٣

#القوارير ٣
زينب الموسوي
هشام مثل اي شاب الخطوبه يحاول يكسب ود خطيبته وسوا كل الي يگدر عليه حتى يترك الانطباع عندي بالحب والفرح كانت ولايتنا مابيها ملابس محجبات مناسبه واهلي ميقبلون البس جينز وتشيرت هشام سافر لولايه بيها عرب حتى يجيبلي ملابس محجبات وكانت بوقتها حتى شالات ممتوفره هو ضل يتصل باصدقائه بكل الولايات حتى يوفرها الي كنت البس الثياب واحس نفسي مثل الممثلات نسيت حتى التفكير بيوم الزواج ومن حجيت لصديقتي ميري عن زواجي
اكيد تتشاقين
لا حقيقه اول يوم بالعطله اتزوج
انتي زغيره كيف عرفتي شخص وحبيتيه بهذا العمر
ماري مااگدر اعبر بالانكليزي تعرفين لغتي بسيطه بس لازم اتزوج
اتمنى الج السعاده وين الحفله تكون
بيت اهلي تعالي قبل الاربعه عدكم الليل من وكت
تبينين حزينه اكولج شي امي دائما تگول لا الحزن يدوم ولاالفرح يدوم لكن الحزن يوجع الگلب ابتعدي عنه
صح حچي امج
كنت اتمنى اعرف لغه واحجيلها اكثر لان محد عندي غيرها يسمعني
واني طالعه من المدرسه هشام كان ينتظرني ممتفقين يوصلني بس لگيته ينتظرني
اسوله ليش تجين مشي مو گتلج اني اوصلچ
البيت قريب عليمن تكلف روحك
شنو اكلف روحي ليش كم اسوله بالدنيا ديله اصعدي
صعدت السياره گعدت بالطرف يم الباب وادعي ياربي ميحجي وميسالني اي شي لان حتى لهجته تختلف عني
ترى بس الوف بالسياره راح توگعين ليش گاعده بالطرف شبيچ خايفه
لا ماخايفه
دحلفي مخايفه
مااگدر احلف چذب
يعني خايفه اسوله اني اتعمدت اجيت اوصلچ لان اشوفچ حتى بيت اهلچ من يوم الي خطبتچ حتى حجي بطلتي تحجين اسوله انتي مجبوره على الزواج
اهلي انطوني بعد مااگدر اكسر حچايتهم وابوي واخواني يگولون انت خوش رجال
وانتي شتشوفين اني خوش لو لا
ماادري والله
لاتضلين ماادري ومااعرف اسوله اعتبرينا هسه اصدقاء وگولي الي بگلبج ترى الزواج غصب حرام
لا اني مامغصوبه انه رضيت بس بصراحه خايفه وماافتهم بالزواج
اذا خايفه اطمئني ماكو شي يخوف الزواج ارتباط بانسان يحبچ ويخاف عليچ وكل الي اهلچ يمنعونه عليج اني اسمح الج تسوويه اذا مو غلط راح اخليلچ تلفزيون بيه ٣٠٠قناه وعلمچ تسوقين اخذج لمشيكان وشيكاغو ذني الولايات عبالك بغداد شايفه بغداد
وين شايفتها بغداد
لعد فاتچ نص عمرج بغداد احلى مدينه بالعالم انشالله تتغير الاوضاع واخذج حتى تشوفين اهلي
انشالله
اسوله اخر مره  اگلچ احلفي مامغصوبه عليه
والكفل زينب مامغصوبه
دائما اسمعچ تگولين والكفل زينب حلو تكوليها عفويه واني احلفلچ والكفل زينب مراح تندمين وياي وتعيشين حياتج مدللة لو اعرف ابيع عمري لسعادتچ اعرف انتي زغيره وموبالچ زواج وتريدين تكملين بس صدگي اني راح اوگف وياج بكلشي وعد تكملين خلص بعد لاتضلين خايفه ومهمومه والله اضوج من اشوفچ حزينه
خلص مااضوج الله كريم
تروحين نتغدى اني وياج
لا اهلي ميدرون لازم ارجع
هسه امر عليهم واگلهم
وين نروح هشام هو بهاي الولايه ماعدهم حلال بس التونا
اول مره تگولين اسمي تدرين
انتي متحبين التونا ليش
طعمها مثل الفلين بس اذا عاجبتك نروح
لا مو التونا الي عاجبتني عاجبني. نبقى سوا يمكن تگولين اسمي مره ثانيه
مرت الايام بسرعه وصار يوم زواجي كعدت من الصبح گلبي مقبوض وافتقد الفرحه كان اول مره اروح صالون واول مره اكتشف اني حلوه هشام شقته كانت قريبه من بيتنا  اتمنى انهزم اتمنى اصرخ مااريد اتزوج حچيت ويه امي
يمه اديه ورجليه ترجف اريد اروح انام
شتنامين هسه هشام واصدقائه يجون من الجامع ويزفوكم
اني شورطني كله منكم مااريد اتزوج
ولچ اسكتي اخوانج اذا عرفوا يدفنوج عايشه عايزه تفشليهم وتگولين مااريد اتزوج والله اذا سمعت هشام اشتكى منج ماتلومين الا روحج
كانت صديقتي ماري حاضره وكل شويه تسالني ليش تبچين
واجاوبها مااعرف ليش
الساعه خمسه كانت شتى وبارده ونهايه شهر ١٢ وقبل مااصير ١٦سنه  بتلث  ايام وصلت سياره هشام واصدقائه  اثنين واخواني وابوي ذولي كل الي كانوا موجودين بالزفه طلعت من بيت اهلي حتى ابدي حياة جديده اجهل الكثير عنها كل الي اعرفه صرت زوجه
هذا اخر جزء ينزل اليوم
تعبت واني انادي الاعضاء الغير متفاعلين والبارحه ردت احظر الخاص احترك  لاتحضرين وراح نتفاعل