و قعدنا علشان نتغدا
جدو : مش قلت ليك يا سيرين حتتعودي على العيشه هنا ☺
انا : الحمد لله ❤
جدو : اها يا زياد الليله انا ناوي اغلبك 😏
زياد مسك يدي بتحت الطاوله و بغمز لي : الليله الحظ معاي ما بتقدر تغلبني ❤😉
انا سكت ساي
جدو : سيرين خليكي شاهده الليله حأنغلبو 😏
انا : طوالي يا جدو ، زياد لازم يتغلب 😂
زياد : حمستوني 😊
بعدين مشينا قعدنا في الطواله البلعبو فيها
جدو : سيرين انتي معاي صاح و حتساعديني 😉
انا : اكييد انا لاعبه معاك يا جدو و حنغلب زياد 😛
زياد بنظرات مستفزه : تمااااااام 👍 حغلبكم لو عشرة انفار لعبو مع بعض 😏
جدو قام : طيب انا امشي اجيب الكشتينه و اجي
انا عاينت لي زياد : مغرور 😠
زياد : دا ما اسمو غرور ده اسمو واثق من نفسي 😏
انا بنظرات تحدي : حنغلبك يا مستر زياد 😠
زياد : هي فرملي فرملي دي لعبه على فكره 😂😂
انا : نشوف 😏
و بدينا نلعب و من بداية اللعبه انا و جدو غالبين
زياد كان ببتسم كانو فايز
جدو : قطعناك 💪
انا بعاين لي زياد النظره بتاعت ما قلت ليك😏
زياد ختا يدو ورا شعري طلع ورقه و ختاها
زياد : يلا يلا جيبو كل العندكم 😎
جدو. : اوووووف ياخ
انا : على فكره انت غشاش جبت الورقه دي من وين
زياد : 😏 دا اسمو لعب يا استاذه
جدو : زياد يوم من الايام حقدر اغلبك 😞
زياد : يلا انتو استسلمتو ولا شنو القيم لسه ما انتهى 😂
انا : لا طبعا نحن ما زال ورقنا اكتر منك 😑
زياد : يلا يلا العبي
لعبنا بعدين زياد : دا دوري صاح 😀
انا : ياخ بطل حركات و العب سرعه
زياد : طيب المره دي حلعب بطريقه اظرف من الفات ، اختاري وحده من الورق دا 😉
( الورق حقو هو و مغطه يعني انا ما شايفاهو ) قمت اخترت وحده
زياد : شيليها و اقلبيها 😃
قلبتها طلع ولد
زياد : يلا يلا كشوهم كلهم عندي 😂😂😂
انا : لا انت اكيد بتغش 😠
جدو : لا يا بتي ما بغش ، اصلا انا ما حصل قدرت اغلبو 😂 طيب نقطع القيم و نمشي نحضر لانو ماف فايده هو تقريبا فاز
زياد : طيب لانو انا زهجت من الفوز 😏
انا : مغرور
زياد : ☺☺
قعدنا قدام التلفزون
زياد جاهو تلفون ....
زياد : يا الله نسيت موضوع مهم لازم امشي
جدو : ماشي وين 😐
زياد : ليلى مسافره بكره و لازم نودعها 😊
جدو : يا حليلها المره دي ما جات تسلم علي
يتبع ....
