انا مع نفسي : هسي انا حأمشي وين يا رب اوووووووف 😪
ضربت لي سيرين
سيرين : الو وين انتي من الصباح 😍
انا : سيرين انتي في البيت 😭😭😭😭
سيرين : اي لكن لي و مالك بتبكي ؟؟؟؟؟؟😰
انا : ماما قعدت تزهجني لمن خليت لها البيت 😭😭😭😭
سيرين : طيب تعالي اقعدي معانا
انا : لالا يا بت انا حأفتش لي داخليه ولا اي حاجه اقعد فيها 😔
سيرين : يا بت انتي هبله وانا موجوده تمشي ليك داخليه
انا : انتو براكم ما ناقصيني
( طبعا سيرين ابوها برضو متوفي و عايشه هي و امها لكن ظروفهم اخير نحن و بيتهم صغير شدييييد )
سيرين : تعالي يا زوله و نتشايل سوا ما حنك 😃
انا : خالتو امكن تزهج من وجودي معاكم
سيرين : لمار تعالي بدون نقاش 😒
انا : طيب جايا
و لمن وصلت بيت سيرين...
خالتو فريال لاقتني : لمار حبيبتي ازيك 😍
( خالتو فريال دي جميله جمال و مره ظريفه شديد لكن سيرين ما بتشبها ابدا سيرين خدوريه كدا )
انا : ازيك يا خالتو مشتاقين
فريال : بالاكتر والله ، سيرين قالت لي جايا تقعدي معانا
انا : والله يا خالتو انا ما ناويه ارجع البيت تاني فحقعد معاكم كم يوم بس و .....
فريال قاطعتني : يا بت يا لمار بيتنا زي بيتك و حتقعدي معانا ان شاء الله مليون شهر ☺
انا : شكرا يا خالتو ❤
فريال : بعدين حتونسينا بدل ما قاعدين برانا كده 💔😂😂
انا : 😂😂😂😂 طوالي بونسكم
و قعدت مع ناس سيرين من الزمن داك
و في يوم......
انا صحيت الصباح على صوت سيرين و هي بتصرخ : ااااااااااااااااااأا يا ماما
انا جريت عليها : مالك في شنو 😨
سيرين : في فاااااار يا لمار
انا : وووب علينا فاار😳😳 ( طبعا انا بخاف من الحاجات دي )
جات خالتو فريال من المطبخ : يعني في فار في البيت 😰
سيرين : اي يا امي شفتو بي عيني 😥
انا : انا ماشا استحمه علشان افتش لي شغل اشتغلو 😩
فريال : اي صحي ما تضيعو زمنكم يلا سرعه
انا جهزت و مرقت من البيت .....
فضلت لافا و بفتش لي في شغل
دخلت لي محل كده بتاع حلويات كانو معلقين اعلان : اهلين ☺
الراجل : اهلا و سهلا
انا : انا جاياكم بي خصوص الوظيفه المكتوبه في الاعلان
الراجل : للأسف انتي ما مناسبه 😐
انا : اجي و لي ما مناسبه😒 انت هسي عرفت اي شنو
الراجل : لأنك حلوه زي الحلويات البنبيعها😍 يعني كدا الزول بدل ما يشتري يقعد يعاين ليك
انا شلته لي قطعة جاتوه و كشحتها لهةفي وشو : اشبع بالحلويات 😠
طلعته براو بكلم في نفسي : اوووووووف ياخ 😠 لكن انا زودتها شويه 😂😂💔 يلا يلا هسي بقولو عني مجنونه و بتضحك براها 💔😂😂😂😂 لكن عجبني السويتو فيهو
و رجعت البيت
لقيت روحي جعانه حشيت لي ساندوتش و اكلتها
خالتو فريال : لي اكلتي الليله كنت عامله ليكم شوربه الطماطم على الطريقه الايطاليه 😍
انا : 😂😂😂😂💔
جات سيرين : الليله الشفع ديل رفعو ضغطي ( هي شغاله مشرفه في ترحيل )
انا : حرام عليك ماف احلا من الشفع 😍
سيرين : جربيهم يوم واحد بس
فريال : هي بطلو نقه و تعالو عشان نأكل 😒
انا : هي انا خلاص شبعت و ما عايزه اكل
فريال : لمار ياخ على الاقل جامليني حبه 😥
انا : والله يا خالتو ما بقدر بعدين لمن اجوع بسخن و باكل ☺
سيرين : امي جليها ارح ناكل 😂😂
فريال : خلاص بي راحتك 😐
و قعدو ياكلو و انا بونس فيهم ( انا اصلا بحب الونسه و الكلام الكتير )
سلمى جاتنا ...
انا : سلووووووم وين يا
سلمى : والله مشتاقين 😍
انا : مصطفى حقك داك كيف
سلمى : اه ما تزكريني 😵
انا : لي مالكم ؟؟
سيرين: ما قلت الولد ده غياظ 😒
سلمى : هي حيلك حيلك ما تقولي عليهو غياظ ، بس هو ما قادر يتقدم لي 😰
انا: لي ما بتقدم ليك مش هو بحبك 😗
سلمى : لانو ما عندو قروش
انا : يا بت انتي هبله عشان القروش تخليهو 😒
سلمى : انا ما خليتو لكن مستنياهو يحسن ظروفو حبه حتن بتقدم لي
انا : طيب تمام الله يكتب الفيهو خير 😍
سيرين : مع اني مش مستريحه لكن الله يهنيكم
سلمى : انا الليله بايته معاكم
سيرين : طوالي و بالمره تحكي لينا
قعدنا نتونس و نحن طافين النور ....
سلمى : لمار انتي فارس احلامك شكلو كيف 😉
انا : ما بعرف اصلا ما بحب اتكلم في المواضيع دي 😐
سلمى : انتي مززززه مفروض تكوني خاتا شروط مش كدا يا سيرين ....
سيرين ما ردت
انا : سوسو انتي نمتي
سلمى : مالا ما بتساهر
انا قمت على حيلي و فتحت النور لقيتها راقده كدا و فتحه خشمها 😲
انا : سيرين يا سيرن 😨
سلمى :😳😳 مالا شكلها كده
انا : ما عارفه ثانيه اكلم خالتو فريال
مشيت علشان اناديها لقيتها واقعه في ارض المطبخ
انا : سلمى اااااااااااااا اطلبي الاسعاف سرعه 😭😭
سلمى جات : يا بت 😳😳😳 خالتو فريال مالا
انا : ما عارفه ياخ اضربي
وضربنا للاسعاف و ساقوهم المستشفى
بعد اقل من ربع ساعه ....
الدكتور : اسف لكن المريضتين اتوفوا 😞
انا : ك ك كيف كدا انت بتكزب علينا صاح
الدكتور : والله ما بكزب اتسممو بي سم فار 😔
انا بقيت ببكي شدييييييد
سلمى : لا ما معقوله ما قادره اصدق 😭😭😭😭😭
بعدين قعدنا انا و سلمى نبكي شديد ....
سلمى : هسي حنتصرف كيف انتي ما بتعرفي زول من اهلهم
انا : ابدا سيرين عمرها ما جابت لي سيرة اهل غير امها 😭😭
سلمى : طيب معناها نكلم الجيران
المهم كلمنا الجيران ... و دفنو و كدا
سلمى : ما غريبه ماف زول من اهلهم جا
انا : ما عارفه يا سلمى كدا خليني
انا كنت زعلانه شديد و ببكي شديييد 😭😭😭😭😭😭😭
بالليل رقدت في السرير ( في بيت ناس سيرين)
سلمى : هسي حتقعدي في بيتهم كدا لي متين
انا : انتي جنيتي بكرا ماشا بكرا طوالي 😔، اصلا ما بقدر اقعد فيهو بعد الحصل دا
سلمى : انا الليله ببيت معاك و بكرا بمشي معاك تفتشي لك محل
انا : ما محتاجه انا ماشه اقعد مع عمتي في كسلا و خلاص
سلمى : و الله حنشتاق ليك يا سرين 😔
انا : يا حليلها ان شاء الله من سكان الجنه 😭😭😭
و بعدين نمن
الصباح ......
كنت نايمه و شعري كان مفكوك
القى لك زول بملس لي في شعري
انا صحيت مهجومه : انت منو 😳😳😳😳( الراجل كان عجوز )
الراجل : حفيدتي الحلوه
انا : شنووو حفيدتك بي وين انا ما بعرفك زاتو
الراجل : يا سيرين امكن تكوني ما بتعرفيني و لا شوفتيني و لا انا شفتك لكن انا جدك 😍
انا : لكن انا ما س...
الراجل قاطعني : شوفي انا حأحكي ليك القصه بشرط انك اتمشي معاي
انا : انت مجنون امشي معاك ويين
الراجل : اول خليني احكي ليك لي ما حصل اتلاقينا
انا : اتفضل احكي 😒
الراجل : انا جدك فاروق ، عندك خالك اسمو يوسف للاسف اتوفى برضو ،فريال كانت البت المدلعه في البيت اي حاجه عايزاها بنجيبها ليها لحدي ما كبرت و بقت عروسه و قررت تتزوج ابوكي ، انا رفضت و قلت ليها لا يمكن اسمح ليك ، لكن فريال عندت و اتزوجتو، و من وقتها و انا مقاطعها و هسي هي اتوفت😰 يا حليلها المهم هسي انا جاي اخدك معاي
انا : يا جدو انت شكلك ما عارف انا ما س.....
الراجل ما اداني فرصه اتكلم : شوفي قدامك ثلاثه ساعات تلمي شنطتك و تجي معاي بدون اعتراض
انا : اجي معاك وين ياخ انا ..
الراجل: في قصر مستنيكي في استراليا بلد الاحلام يلا سرعه باي
انا : دا مالو الراجل دا ّ....... استنا 😨
الراجل مشا ...
انا جريت صحيت سلمى: سلووووووم يا قومي سرعه النحكي ليك
سلمى : مالك يا بت في شنو ؟؟
انا : سيرين عندها جدها جا هنا و كان قيلني سيرين
سلمى : شنووو😳😳 كيف يعني هو ما عارف انو سيرين...
انا : والله شكلو ما عارف ، قال جاي هنا ما عارف شنو قصر و ما قصر
سلمى : وانتي حتمشي صاح !!
انا : انتي هبله كيف يعني امشي الراجل قايلني سيرين😒
سلمى : يا بت الراجل شكلو مقرش يا حليلك يا سيرين كان عندك دهب و انتي ما عارف
انا : اول ما يجي حوضح له سوء التفاهم و خلاص
سلمى : انتي عبيطه اخير ليك كملي في الموضوع كأنك سيرين😄
انا : استغفر الله كيف اعمل كدا ، انتي اكيد جنيتي
سلمى : انتي ما عندك شئ تخسريه بالعكس حتعيشي ملكه و تحققي احلامك
انا : القروش ما كل حاجه ، انتي لو عايزه امشي براك دي قروش حرام لانها حقت سيرين 😠
سلمى : انا عندي ابوي و امي و اخواني ما بقدر امشي لكن انتي اصلا متشاكله مع امك يعني ما حنك لو عشتي بي شخصية سيرين و حققتي احلامك و بعدين ما تنسي اختك في العز
انا : هي بطلي الراجل لمن يجي حكلمو بالحاصل و خلاص
سلمى : يا بت دا صندوق دهب و اتفتح ليك
انا : سلمى خلاص ياخ 😑
الموهم سلمى قعدت تقنع فيني انو امشي على اساس انو انا سيرين و الشيطان لعب😈 دورو و لأني محتاجه للقروش وافقت
بعدي كم ساعه كدا ..
فاروق جا : حفيدتي الحلوه جهزتي خلاص علشان تقابلي عالمك الجديد
انا كنت زهجانه من العملتو : ايوا يا جدو 😪
فاروق : عارفك حزينه علشان فريال و الله انا زاتي زعلان شدييد و ندمان لأني شاكلتها و قاطعتها و حصلح غلطتي و اعيشك احسن عيشه
انا بقيت ببكي لمن اتزكرت سيرين 😭😭😭😭😭😭
جدو : بتشبهي فريال الله يحميك يا بنتي 😔 يلا حنتأخر على الطياره
انا : لكن انا ماعندي جواز سفر
جدو : انا عملت ليك واحد بس باقي صورتك نختها فيهو
و كدا انا بقا اسمي في جوازي سيرين محمد عبد القادر
و سافرتا✈✈
و كدا يادوب بدت قصتي ...
يتبع.....
