...............
و قعدنا انا و جدو نتونس و نشرب الشاي اما زياد من بعد الغدا استأذن و مشا 💔 لحدي بالليل شدييد جدو : يلا يا سيرين انا بعد دا نعست
انا : تصبح على خير يا جدو
جدو : و انتي من اهلو ☺
جدو دخل غرفتو ...
انا ماشا كده في الممر لقيت ليك في نور جاي من غرفة زياد
دقيت الباب....
انا : ممكن ادخل ؟؟
زياد : ايوا طبعا اتفضلي 😊
انا : انت مساهر لحدي هسي براك 😐
زياد : كنت بشتغل
انا :اها طيب انا ماشا ، تصبح على خير☺
زياد : و انتي من اهلو
مشيت غرفتي ..
قاعده افكر : هسي العيشه هنا ما حلوه😍 ، لكن برضو ما من حقي 😢، اووووووف انا التفكير حيشق دماغي و نمت و انا بفكر
الصباح صحيت بدري
لقيت جدو صاحي : صباح الخير
انا : صباح النور
جدو : ان شاء الله عجبتك النومه في الغرفه 😃
انا : ما شاء الله الغرفه حلوه و النومه في مبالغه
جدو : زينب زياد لسه ما جا
زينب : جا و هسي بياخد دوش و جاي
انا : هو زياد مشا وين مع الصباح 😐
جدو : زياد كل يوم بمشي الرياضه في الجيم و مرات سباحه و كدا و بيجي قبل الفطور طوالي
انا : جدو انا عايزه القى لي شغل ، يعني ما عايزه اقعد ساي 😥
جدة : طوالي بكلم ليك زياد يشغلك معاهم في الشركه
انا : لالا انا قصدي يعني شغل عادي بدون واسطه فهمته يعني عايزه اشتغل بي شهاداتي
جدو : زكرتيني زياد زمان رفض اني امسكو حاجاتي و بدا من الصفر لحدي ما عمل شركتو دي 😊
و اثناء ما نحن بنتكلم جا زياد خاشي : اهلين يا جدو صباح الخير
جدو : صباح النور ❤ ما بتصبح على بت عمتك مالك
زياد : صباح الخير يا سيرين ☺
انا : صباح النور
جدو : زياد عايزك تشوف لي سيرين شغل معاكم في الشركه 😄
زياد عاين لي كدا : طيب يا جدو بشغلها
و دخل المطبخ
انا مشيت وراهو : زياد اقيف ثانيه 😐
زياد : ايون 😕
انا : يعني ما تكون قيلني عايزه اشتغل بي واسطه ولا كده انا عايزه اشتغل بي شهادتي☺
زياد بي استفزاز : و منو القال ليك كنت حشغلك بي واسطه ، في شركتنا ماف واسطات
زياد ماسك القهوه في يدو : زينب الفطور اتأخر كده لي
زينب : خلاص جهزتو انت انتظر مع استاذ فاروق و انا بجيبو ☺
و طلع....
انا : زينب هو زياد ده شايف روحو كدا مالو
زينب : حرام عليك والله طيب شديد بس لو عرفتيهو اكتر ، انا جهزت الفطور يلا علشان تفطري
انا : بري ما بقدر اكل هسي زي الوقت دا انا بشرب شاي نحن في السودان بنفطر الساعه ١٢ عديل 😂😂💔
زينب : طيب تعالي اشربي الشاي معاهم
انا : طيب
مشيت قعدت معاهم و مسكت لي كباية شاي
جدو : سيرين لي ما بتاكلي 😕
انا : لانو ما متعوده لكل زي الوقت ده 😐
زياد : قدامنا عشره دقايق اجهزي
انا : 😳😳😳 ماشين وين
زياد : مش قلتي عايزه تشتغلي معانا
انا : اي لكن افتكرت من بكرا
زياد : طيب لانو الليله اول يوم يعني ممكن تتعرفي على الناس و بكرا تبدي
انا فرحت : طيب اديني ثواني و اكون جاهزه 😍
جريت لبسته ملابس عاديه و طلعت
هو لبس بدلة الشغل : يلا
ركبنا مع ماركوس
زياد : اسمعي طول ما انتي في الشغل موضوع انك بت عمتي دا تشيليهو من راسك في الشغل انا مديرك و بس
انا : طيب تمام 😑
زياد : اها و تاني حاجه الcv حقك وينو
انا : 😳😳 ما جبتو من السودان و لا حتى شهاداتي ( طبعا الشهادات باسم لمار )
زياد : 😒 طيب عايزه تشتغلي كيف
انا : والله نسيت 😩
زياد : طيب طيب ☺، بس وريني درستي شنو و اشتغلتي وين قبل كدا
انا : قريت هندسة اليكترونيات جامعة الخرطوم و عندي خبره بسيطه في المحاسبه
زياد : اشتغلتي شنو قبل كده ☺
انا : اشتغلت .....😩
زياد كان مدنقر رفع راسو : مالك 😕
انا : لانو الشغل الاشتغلتو ما له علاقه بالمجال
زياد طبطب على كتفي : ما تخجلي من شغلك طالما شغل كويس و ما فيهو حاجه عيب
انا : كنت شغاله في بوتيك لفتره كدا و بعدين خليتو 😩
زياد : حلو ، تمام ، ميه ميه ☺
وصلنا الشركه ...
لقيت لك الحريم ديل لبس و شياكه
زياد : وراي على المكتب سرعه
انا ماشه وراهو وقف للسكيرتيره حقتو : ابعتي لي احمد في المكتب
و دخلت معاهو المكتب ...
جا واحد كده اول ما دخل : اوباااااااا 😍 معاك بنات و ما تكلمني
زياد : يا ابو حميد اهدا حبه
احمد : اها
زياد : دي سيرين بت عمتي
احمد مدا لي يدو : اهلين يا سيرين و انا احمد
انا : اتشرفنا☺
زياد : احمد ركز معاي هنا
احمد : اها
زياد : هي حتشتغل معاك في قسم البرمجه لي فتره تحت المراقبه و لو اشتغلت كويس تستمر معانا
احمد : تمام كلو تمام 👍👍 اعتبرو حصل
اثنا ما هم بتكلمو جات بت كدا داخله و جرت على زياد باستو من خدو : زيزو صباح الخير
زياد : صباح النور 😐
البت : دي منو ما اتعرفنا
زياد : دي موظفه جديده في الشركه يا جودي
جود : و من متين انت بتهتم بالموظفين العاديين
زياد : جودي الواطه صباح امشي شوفي شغلك 😒
جود : طيب لكن بعدين تحكي لي 😍
زياد : يلا فرتكي هسي 😒
احمد : يلا يا سيرين معاي علشان تبدي شغل
انا : طيب
و انا ماشا كدا زياد مسكني من يدي : ثانيا يا احمد امشي و هي بتحصلك هسي 😊
احمد : طيب
انا : في شنو
زياد : لمن تكوني عايزه تناديني في الشركه تناديني استاذ زياد تمام 😐
انا : اكيييد انت هنا مديري و بس 😑 ممكن سؤال قبل ما امشي
زياد : اتفضلي
انا : انت مش قلت ما عايز تكلم زول اني بت عمتك طيب لي كلمت استاذ احمد 😐
زياد : احمد صحبي و زي اخوي و هو شريكي في الشغل لكن الباقين ما يعرفو مفهوم ☺
انا : اكيد☺ طيب انا ماشا
مشيت لي مكتب استاذ احمد .....
احمد : شوفي يا سيرين شغلنا بسيط و ساهل ، نحن بنشتغل في الاجهزه الكهربائيه يعني بنصنعها فهمتي
انا : اها طيب
احمد : انا و الموظفين المعاي شغلتنا البرمجه بتاعت الاجهزه اما زياد و المعاهو بشتغلو في باقي حاجات زي تصميمو و شكلو و مميزاتو فهمتي
انا : اي
احمد : يلا عايز حماس من اول يوم حنادي ليك لميس تشرح ليك شغلنا كلو و بالتوفيق
انا : استاذ احمد لي كل الموظفين عرب 😐
احمد : زياد اختار انو كل الموظفين يكونو كدا يعني الفكره انو نشغل العرب اكتر و بس
انا : فكره حلوه والله 👍😍
احمد : يلا يا سيرين عايز همه عاليا
جاتني وحده اسمها لميس : اهلين فيكي
انا : انتي سوريه
لميس : يب انا من سوريا ، خلينا نبلش في الشرح
الموهم اليوم كلو بتشرح لي و كدا لحدي ما عرفت اي شئ عن الشغل
وبالليل خلاص راجعه البيت .....
مشيت لي زياد في المكتب : انا خلصت الليله
زياد : طيب تمام انا زاتي خلاص يلا علشان نرجع ☺
و نحن في الشارع ...
زياد : اها اول يوم في الشغل كيف معاك
انا : صراحه اتبسط و الشغل حلو ☺
زياد : طيب تمام ، انا جعت شدييد
انا : 😳😳. هو انت بالله بتجوع زينا كدا
زياد : كيف يعني
انا : يعني البشوفك بقول ما بتاكل زاتو
زياد : 😂😂😂😂💔
انا : هي طيب ما هندا بتضحك
زياد و هو مبتسم : انت قالوك انا ما انسان
انا : يعني شايفاك طول الوقت ساكت كده 😕
لمن وصلنا نزلنا....
جدو : والله الليله خليتوني براي كدا
زياد :جدو انا جعان هسي خلينا ناكل
جدو : انا سبقتكم امشو انتو و اكلو 😆
زياد : طيب
و قعدنا و اكلنا و بعدين انا مشيت غرفتي علشان انوم و بقيت بفكر : هسي البنات الفي الشركه كلهم لابسين و متمكيجين انا الوحيده المشيت ساي
خلونا نمشي لي ناس السودان شويه ...
سلمى بتتكلم مع مصطفى بالتلفون : يعني انت لسه ولا فلس ما عندك
مصطفى : والله اخر ٥٠٠ جنيه و كملت. و ما بقدر اطلبك هسي انتي رسلي لي قروش تانيات علشان اعمل بيهم حاجه و اتقدم ليك 😐
سلمى : اجيب من وين قدر العندي قاعده اديك ليهو 😑
مصطفى : انتي مش كان حكيتي لي انو عندك صحبتك و ما عارف بقت مقرشه خليها تديك كم الف دولار كدا و اتقدم لك بيهم 😄
سلمى : يا ولد انت جنيت عايزني اشحد ، بعدين هي زاتها دي ما قروشها
مصطفى : كلميها خليك زكيه البت دي مفتاح و جاك
يتبع.... 😊
