#البارت ( 18)
#قصه #ذياب #ونور
يوم كان سبت صاحت امي يالله ولجن كومن بسرعه نظفو البيت وطلعو الكتب واقرو كمت غسلت وجهي وشفت بعيوني جوه جفن صاير اسود طوخ دخل هشام
هشام بابا سمعت الي صار
بابا شكو ابني شنو صاير
هشام اذياب ابيت اهله
بابا عجيب وين كان ذياب هاذه وليش كل هاي المده وين كان صاله 8ايام غايب
هشام والله ماادري بابا
نور لمن سمعت هيج احس جسمي كله يبزز يبو رجع رجع ركضت الى فاطمه ولج فاطمه رجع رجع ذياب واني طايره من الفرحه بابا ركز عليه وخزرني دنكت دخلت الى غرفه اهوس واركص
هشام بابا راح اروح الى ذياب اشوفه
بابا ابني اكعد وسكت وبعد ممنوع احد يروح يشوف ذياب وتكطع علاقتك بيه
هشام يي بويه بعد مالي يي علاقه بيه وراح هسه ادز واحد من ريعي يوصل حجايه الى لا اله علاقه بيه ولا واحد بينه
بابا عفيه ابني اتركه بعد مالنه حاجه يمه شكو بعد لا انريد ذياب ولا شي منه عينك انعم الله عليه وهاي هيه
نور لمن سمعت هيج رد بابا صفنت كلت والله انتم مااصير الكم جاره ابد وناكرين المعروف اجه بابا دخل الغرفه
بابا ..نور انطيني الموبايل مالتج
نور ..ليش بابا
بابا .. كتلج انطنياه بسرعه بدون حجي زايد
نور ..انطيته التليفون طلع الخط كسره واخذ الجهاز وكال اذ اسمع بيج شايفه ذياب لو حاجيه ضهرج اكسره فهمتي واني او اخوج انوديج ونجيبج كعدت بالغرفه ابجي ساعه اضحك لئن رجع وشويه ابجي لئن بابا كسر الخط وكال ممنوع ذياب يدخل البيت
#عوده #ذياب
ذياب دخلت البيت شفت امي جيس ماي بعيونه ركضت عليه تبوس بيه وتبجي وصيح رجع ابني حاولت اسكته بالكوه يالله نشفت ادموعه ورجعت الضحكه اله
بالليل اجو جماعتي من كل مكان يسلمون عليه راحو باليل ساعه 12بالليل اجه سالم وشريكي حازم
#حازم ..ذياب شصار وياك احجي
#ذياب ..يوم الي صوبت انضربت طلقه وحده بمتني وكعت فكيت اعيوني اني بيت نفسهم الي ضربو عليه طلقات
#سالم يي كمل يي
ذياب اخذوني قبل لا تجي الشرطه بدقائق اخذوني عالجوني وضمدوني جرحي اورادو يحركون روح جدي بيه اني جوه ربطو اديه ورجليه اول همجوم منو هجم عليهم
#حازم كال اني او سالم وشباب ليش سمعت صوت الرصاص
ذياب اي سمعت صوت الرصاص واسمعهم يحجون يكولون هذوله الي هجمو علينه ربعه هاذه ذياب الشرطه ادور عليه خلي نسلمه الهم ونخلص اذ وصلت الى جده ودرو بيه اهنا يمنه والله جده يحرك القريه علينه واحنى مابينه حيل الى مواجه ونضارب بينه مر عليه ثلاث ايام واني بيتهم اخذوني سلموني الى #مكافحه 😞اجرام بالمكافحه والله اول مااخذوني اكو نقيب اسمه فلان اول مشافني كال والله وكعت ياذياب اليوم راح تعترف على كلشي سبوع كامل يضربون عليه رادو مني اعترف مااعترفت كتلهم اني ماعرف هيج ناس ولا اني اشتغل بسلاح عدكم دلليل اني اشتغل بسلاح يوميه يراوني انواع التعذيب بس مااعترفت
#حازم والله انته زلمه ذياب زلمه
#سالم....ذيب ذيب عمي انته الملك او عاشت البطن الي حملتك هيه ذيبه او خلفت ذيب وسمته ذيب
#حازم ههههه والله صدك ذيبه وخلفت ذيب يي وشلون طلعوك
#ذياب جدي طلعني من السجن وكل محامين 3والمحامي كال مدام مامعترف راح اطلعه اليوم الضهر يتغدى يمكم
سالم ...بعد اترك هاي الشغله لا توصل ورجع اقرأ وتخرج واترك شغل السلاح
#حازم....هههه لعد شنو ياكل اذ يترك شغل السلاح
#سالم حازم هوه مامحتاج افلوس حتى يشتغل واني هم راح اترك شغل السلاح لان مااريد ارجع مره ثانيه الى سجن واذ دخلت بعد منو يطلعني ذياب عنده جده وعده واسطات اني منو الي ياحازم
#ذياب شسالفه شبيكم راح تعاركون ههه امشونه خلي انروح نتعشى وراح اروح بشغله اليوم نكظيه سوى
#حازم دخيل ربك بيه رمي وسلاح لو لا
ذياب خخخخخخهه يي يي امشونه صعدنه السياره ورحنى الى مطعم
🌸🌸🌷🌷🌷🌷🌷🌷🌸🌸🌸🌸🌸🌷🌷🌷
شنو تتوقعون راح يسوي ذياب هوه او أصدقائه
☘🌷🌷🌷🌷☘☘☘☘☘☘
اني اسف جدا واعتذر لئن كنت مشغول امس واليوم هسه مسافر هسه يالله حصلت نت ونشرت الكم القصه سامحوني فدوه
