بقلم الكاتب # ملازم أحمد
وكفت اني وأمي وأختي سجاد مآ أحس آلة ذياب وكف فوك روسنة يلا تعالو اصعدو بالسيارة صعدنة بالسيارة كان الطريق ازدحام اختي جانت يم الشباج فاطمة جانت تباوع كالت آلهة ماما هذا الحجاب كلش حلوو خل أنزل اشتري امي صيحت عليهة فلوس ماكو بأجر دوام كروتكم شلون ذياب صف السيارة على جنب
نزل راح يم المحل الحجابات 4 معلكات اشتراهن كلهن اربعتهن رصاصي و اسود و نيلي وردي دخل السيارة انطانة العلاكة ماما كالتلة شنو هاي السويتة زحمة كللهة عادي ماكو فرق اختي طارت من الفرحة بس بداخلي ظجت اجاني وهواس انو خاف يحب اختي ظليت أفكر رجعنة للبيت ظايجة كلش حتى مافرحت بالملابس ثاني يوم الصبح بابا وصلنة للمعهد جان بدايت دوام هيج كلاوات يعني مو دوام مظبوط رجعت الساعة 11 ونص شفت ماما كاعد سوي أكل الساعة بالوحدة الظهر التمينة كلنة على السفرة كاعد نتغدة ماما حجت شلون بالخط بالبنات وسجاد بابا كللهة تعرفين وضعنة مسواك ومصاريف وبيت ماالحك كلة دين يومية الصبح نروح بالكية تنزلني مسافة على الشارع واروح اتمشى للمعهد بقيت على هاي الحالة أسبوعين أجة هشومي الظهر وإني جنت هسة راجعة من الدوام وتعبانة كال راح اشرد البغداد دخت تخربطت اني أخوية حزام ظهري شلون يعوفنة ويروح جان مصمم حاولت أقنعة بس مافاد مااكدر اروح البابا واكلة حاولت انو اتصل بذياب بس اني حالفة مااخابر لأن أهاني بس كلت لا هذا أخوية الخاطرة ادوس على كرامتي أخذت تليفون بابا الساعة تقريبا 3 أو 3 ونص الظهر أريد آدك على ذياب بس شلون ورقمة ماعندي حرت لازم اتصل ظليت أفكر شلون أجيب الرقم واتصل عليه هشومي جان طالع ذكرت انو زهراء صديقتي جيرانهم ركضت بسرعة دكيت عليهة اتصلت الوو زهراء وامتمت بالحجي ومرتبكة فكري كلة يم هشومي كتلهة أريد رقم ذياب كالتلي منين اجيبة ماعندي كتلهة حبابة دبري اريدة بسرعة شغلت حياة أو موت كالت خوش أذكر مرة انطى الأبوية ورة نص ساعة دزتلي رسالة بيهة رقمين اول واحد رقم أبو والثاني رقم ذياب سجلتهن بورقة وحذفت الرسالة صعدت فوك اتصل دكيت الرقم....... 078011 دكيت اشتغلت النغمة اغنية كاظم الساهر نمت وحلمت انك رجعت دكلي سامحني ظلمتك جرحتك بست خدي وبجيت وبحظانك غفيت رئسا فتح كالو الوو نعم تفضل ذياب فدوة اروحلك ذياب حباب ساعدني منوو كتلة نور كال اهوووووووو اني مو كلت لا تتصلين انتي ليش ماعندج كرامة ظليت ابجي وانقهرت حيل تمنيت اموت بساعتهة ولا هذا الكلام بس شسوي مجبورة الخاطر أخوية أتحمل الإهانة جريت نفس كتلة ذياب أخوية راح يشرد البغداد وتعرف بغداد خطرة وانفجارات كال منو كلج هذا الكلام كتلة أخوية كلي وإني ابجي كوة يطلع الكلام أحس مخنوكة من القهر كال اشششششش اهدي اهدي لا تبجين كتلة شلون اهدء شلون ماابجي هذا أخوية حزام ظهري شلون أتحمل يعوفنة ويروح كال هسة راح اروح عليه هوة وين بالبيت كتلة لا طلع كال هسة رايحلة اهدي واحجي ويا كتلة اوك انتظرك معتمدة عليك كال ماشي ورة نص ساعة خابرني كال قنعتة ماخليتة يروح فرحت طرت من الفرح أحس روحي رجعت اووف ردتلي روحي وحجالي نكتة
كال الحجابات حلوات رديت ياحجابات كالي الي اشتريتهن الج كتلة مو آلية الاختي هوة سكت تفاجأ كال اختج شنو اسمهة كتلة فاطمة كال هااا خوش كتلة خوشات
حسيت المكالمة طولنة بيهة اول مرة هلكد احجي ويا جان الكلام حلوو حيل وياااا ذياب جان اول شخص مو حبيتة ولا عزيتة بس روحي راحت آلة بدة يسئلني شكد عمرج شنو امنيتج بس جان يحجي من ورة خشمة متكبر مغرور حسيت بيه مشغول سمعت صوت شباب يمة كتلة انت وين كلي شعليج انتي امي ابوية امشي ولي وبعد لاتخابرين فهمتي أعيد لو لا اني دمعتي نزلت بديت ابجي سد التليفون بوجهي من سدة بوجهي انهارت اعصابي تمنيتة لو يمي آلة اشرب من دمة وهم ماارتاح لو منشكة الكاع وبلعتني ولا هذا الموقف اتصلت عليه رد كال الو كتلة انتة شلون هيج تحجي وياية وتهيني انتة منو حتى هيج دكلي فاشل تافه مامربة بس مو صوجك صوجي اني نزلت روحي وحجيت وية شخص مثلك تافه مامؤدب محد مربيك ماتعرف تحجي ذياب هههههه ضحك وكلي اراويج السني منوو كتلة أنجب دماغ سزز سد التليفون بوجهي بس اني من رزلتة حسيت روحي ارتاحيت نزلت وإني مرتاحة شفت امي كدامي كالت وين جنتي كتلهة جنت أشر ملابس شافت تليفون بابا بيدي كالت شسوين بيه كتلهة اسمع بيه اغاني كالت يلا ذبي وكومي عزلي البيت خاف أحد يجي وسوي جاي الابوج كملت بعدين سويت عشة وعزلت المطبخ سبحت واجيت انام دخلت للغرفة وكفت كبال المرأية نشفت شعري ومشطتة اووف أحبة شكد أحبة الشعري شعري جان كلش حلوو طويل جوة الركبة وناعم ونمت كعدت شعري لاف على وجهي ومغطيني كمت مشطت ولفيتة طوبة بدلت ملابسي وتريكت وطلعنة من البيت اني وسجاد وفاطمة شفت سيارة واكفة بالركن اجت علينة طلع ذياب فتح الجامة وكال سجاد تعال اوصلكم طلع هشومي شاف ذياب هااا خوي اليوم كاعد من الصبح خير ذياب كلة غير دوام عندي كلاوجي انتة غير أني طالب كال هشام. .....وصلهم وياك رد كلة بعيوني خادم صعد سجاد بالصدر وإني وفاطمة ليورة اباوع عليه من الجامة ويضحك وإني اباوع تك عين ذياب ..فاطمة وين داومين انتي وين مدرستج كالتلة بحي المعلمين مدرسة آمنة وسجاد قريب علية مدرستة بالفرع بس معهد نور قريب وصل نور بالأول وبعدين احنة كال فهمت اوك ذياب. . صفنت شلون اوصلهم بالأول كتلهة سيارة مآ بيهة بانزين فولت السيارة بانزين كال هااا مدرستكم صارت قريبة خل اوصلكم بعدين أوصل نور كنالة ماشي وصلنة سجاد نزل وفاطمة نزلت بقينة بس اني ويا شفت السيارة تحركت سريع ودخل للفرع نزل من السيارة فتح الباب الورة جرني من أيدي حيل عيونة كامت تجدح نار هذا شبي شكاعد يسوي فتح باب الصدر وشمرني حيل كعدني يمة أجة بسرعة صعد بالسيارة قفلهة ورفع الجام السيارة جانت مضللة جسمي صار كلة يرجف وعيوني تلمع بس أحد يحجي وياية ابجي مشة السيارة حيل سريع أخذني بشارع ترابي ماكو أحد اباوع يمنة يسرى محد اكو ظليت احجي ويا ذياب حباب ذياب أبوس ايدك راح ننكلب ونموت اوكف فدوة ذياب حباب كافي ظل يدك على الاستيرن بيدة ويصيح بكل صوتة هااا تخافين اني اعلمج تخافين مووو ابتعدنة مسافة عن الشارع لزم بريك السيارة ظلت تفتر اني نضرب راسي بالدشبول كلت هاهية انكلبت السيارة متنة نزل هوة فتح الباب جرني من شعري دفعني على السيارة وإني ابجي كلي تغلطين علية مووو اني صاقط ومامؤدب ومامربة وادبسزز خل اشوفج هذا الساقط شيسوي رفع راسي وضربني راشديات ثنين أحس رأسي افتر من الضربة الراشدي الثاني أقوى من الأول صطرني صطر حجابي انفتح وشعري طلع ظليت آدك على وجهي وابجي ذياب حباب لا تكتلني ظل يمسح بشعرة ويفرك بوجهة ويعيد الحركة عبالك مريض نفسي وبدة يصيح انتي شنو تغلطين علية وتجاوزين هيج اني كتلة انت انسان جبان تكدر بس على البنات شلون هيج سوي بية وتضربني أجة ركض راد يضربني اني رئسا دنكت بالتراب وحطيت رأسي بين رجلية وابجي بدة يحجي كلام يخوفني راح اكتلج وادفنج هنا ولا من شاف ولا من درة ظليت آدك على صدرة بدية واتوسل بيه يرجعني للبيت وادك على صدرة حيل وابجي كال حتى إذا رجعتج ويشوفون وجهج شراح تكوليلهم الاحسن اكتلج وإني ظليت أتوسل واقنع بيه بنات والنبي والنبي كل الي مكتوب صح مابيه زيادة ولا جايبة كلام من عندي الي سمعتة كتبتة الكم مثل ماهوة بقلم الكاتب # ملازم أحمد
