#ادرينالين31
قال ليها عرسو لي البت دي...😊طبعا في اللحظهه دي كلهم بقو في حالهه صدمهه،وانا بقيت كأنو كاشحين فيني مويهه تلج،تسنيم رفعت ليهو حاجبها قالت ليهو اجي ي باسل كدة قول بسم الله وبطل هظار م تخلي البت تحرد الأكل😂💔الناس دي كلها جاتها حالهه من السكوت اللحظي ماعدا تسنيم هي الوحيدة الواعيهه💔قال ليها ليكم فترة بتقولو لي باسل عرس باسل عرس،وي امي انتي قولتي لي العمر م مضمون فعلا العمر ممضمون عشان كدة مع احترامي ليك ي استاذ اذا م عندك مانع طبعا ❤تسنيم قالت ليهو باسل انت م جادي صح😂قال ليها تسنيم دةموضوع بهظرو فيهو جادي والله،خالي سكت،وامي سكتت،لانو اصلا باسل م كان عارف عني شي وم حيقدرو يوافقو سااي كدة،وانا دي اصلا ولا حركة من محلي م قادرة اتحركها،امو قالت ليهو لكن ي ولدي ماف حاجه بتحصل سريع سريع كدة واحدة واحدة، قال ليها فعلا ي امي وانا م قولته عايز حاجه تحصل سريع سريع كل العملتو اني حبيت استغل الفرصه واطلبها من اهلها بس واشوف رايهم شنووو؟؟😊امي قالت ليهو والله طبعا ي ولدي البت بت خالها والراي راي خالها نحن م عندنا كلمهه❤خالي ابوالقاسم قال ليهو احم احم والله طبعا انت فاجأتنا شديد وزي م قالت امك المواضيع دي م بتحصل بالسرعهه دي لانو نحن لسه م بنعرفك كويس غير انو انت اخو جارتنا ،والله اختك م فيها قوول بس كمان نانت م بتعرف عننا او عن شهد اي حاجهه ونحن بتنا م بنديها سااي ،والرأي والله لا راي ولا راي امها ،الراي راي شهد في الأول والأخير هي البتعيش معاك م نحن😊باسل عاين لي وانا حاسه بيهو عمل الحركه دي زعلهه بس لانو كان ظاهر في وشو،امو قالت لي اها ي بتي الولد دة صدمنا كلنا والله انا زاتي حيرني لكن مدام جاتو نيه العرس اصلو م بخليهو يفوتها انتي قولتي شنوو؟رفعته عيني عاينته ليهم لقيتهم كلهم بعاينو لي ومنتظرين ردي،راجل تسنيم قال ليهم البت دي شكلها جاها هبووط😂😷💔قولته ليهم صراحه انا العرس اخر طموحاتي خصوصا في الوقت الحالي دة،،،باسل قاطعني قال لي عايزة تقري صح؟😊وانا م عندي مشكله طيب😊راجل تسنيم قال ليهو اسطوانهه البنات الطبيعيهه اسي انا تسنيم دي لما اتقدمته ليها قالت نفس الكلام 😂اخخخ بس منو م خلوووني اتم كلامي علشان اطير😡قولته ليهم لا انا والله فكرة العرس دي م في بالي ابدا معليش،عن إزنكم انا ماشه بيتنا ❤😊طلعتهه ومشيت بيتنا دخلته الغرفه وقعدتهه ابكي،بكيييت وم خليت دمعة م نزلتها،باسل ختاني في موقف بااايخ شديييد ،وهو قاصد ومتعمد بس علشان يثبت لي انو قادر يعمل اي حاجهه عايزها😭💔خالي هاشم لما جا راجع البيت مع امي،قال ليها الموضوع دة اقفلي اوعى تفتحي معاها وم تحاولي تضغطي عليها عشان توافق وحركات الأمهات المابتغباني دي فهمتي؟امي قالت ليهو برري هي حررة م وافقت معناها خلاص م وافقت بس،،،قال ليها المهم انا حزرتكك 😊اليوم التاني من الكلام دة اتصلت علي تنزيل في المسنجر،بتكلم معاها قالت لي مالك في شنوو صوتك م طبيعي انتي كويسه؟قولته ليها تنزيل انتي كلمتي باسل وقولتي ليهو انو انا في السعوديه؟قالت لي ابدا ليه مالك خيير؟😳قولته ليها ماف شي بس سألتك،قالت لي صوتك بقول غير كدة مالك ي بت وباسل مالو معاك؟قولته ليها باسل جا هنا السعوديه،قالت لي شنوووووو؟؟متين وكيييف😳قولته ليها م عارفه اقسم بالله انا زاتي لو م شوفتو في وشي محل م امشي بلقاه زي القدر قرفني حياتي😭قالت لي وين المشكله يعني خاف السعوديه دي حقتك براك ونحن م عارفين اجيييييي شوف النفسيهه دي كمان😒قولته ليها انتي م عارفه الحصل خليني اتم ليك الباقي،قالت لي اها؟😒حكيت ليها بالعمل باسل،قعدت تضحك قالت لي جاك خرف مبكر وبقيتي تألفي صح ي بت انا مش قولته ليها بطلي تحضري افلام ومسلسلات؟😂😒💔✋قولته ليها م تستعبطي وربي انتي م عارفه الموقف الختاني فيهو قدام اهلي واهلو اقسم بالله اتمنيت الأرض تتشقى وتبلعني😭قالت لي يعني اسي عايزة تقنعيني انو باااسل خطبك قدام اهلو واهلك صح 😳💔قولته ليها تخيلي بس ؟قالت لي اها والحصل شنوو ؟وافقتي ولا لسه؟قولته ليها ي بت انتي م نصيحهه اوافق شنوو؟انتي م جادة ولا شنوو ؟قالت لي شهد خاف رفضتيهو قدام اهلو؟😳قولته ليها تنزيل انا حكيت ليك قبل كدة انو باسل دة خطيب دان صحبتي اللي في مقام اختي؟انتي تتوقعي مني اوافق على حاجه زي دي؟قالت لي اقسم بالله ي شهد انا بت هطلهه ومتخلفهه ومخها فاضي زيك م لاقتني ،دايما بتكفي نعمتك بيدك،دايما انتي في حالهه هبل وعبط ،اطلعي من دوور البت المثاليهه والقويهه دة بالله ،انتي في حياتك دي شوفتي الوييييل وتعبتي تعب السنين متخلفه انتي لمن ترفضي فرصه زي دي؟ولو على قصه صحبتك وهو كان خطيبها وكدة ي زوله صحبتك عرست وعاشت حياتها الدور والباقي عليك انتي،انا شاخصيا لو كنت مكانك وانتي كنتي صحبتي وبالرغم من علاقتي معاك الدايمه بالسنين م برفض لو اتقدم لي خطيبك القديم،لأنو سلفا انتي عرستي وخلاص يعني انا كان عرسته خطيبك وكان م عرستو حيفرق معاك في شنوو؟الا كان انتي لسسه عندك مشاعر تجاهو بعدها ممكن يبقى ليك حار،وبالنسبه لي ضميري والكلام دة والله انا م عملته حاجه غلط ولا خطفتو منك ولا اترقدتهه ليهو رجلو براها جابتو لحدي عندي من حقي ادي نفسي فرصهه،قولته ليها بس دي انانيه ي تنزيل ،تعاملك مع صحبتك تاني حيكون كيف لو عرستي راجلها؟حتى ولو هي بينت ليك انها مبسوطهه في تراكمات جواها بتكون تجاهك،هي م بتخت اللوم على الراجل لانو في النهايه راجل وم عندو عيبهه لكن بتخت العتب عليك انتي💔قالت لي طيب بعيدا عن قصه الصحبه والكلام الفارغ اللي بطمم البطن دة تعالي اتكلم ليك عن باسل شويه،شهد انتي عارفه انو باسل ااااصرة علي انو اقنعك تجي تشتغلي معانا في المعرض ؟كنت بسأل نفسي عن السبب وم كنت بلقى جواب،عارفه اليوم العملتو فيهو حادث انتو واسراء عربيه الناس الانتو ضربتوهم اتضررت شديييد وبتاع العربيه كان متسبل وقال إلا يشتكيكم وبعد تعب وتحنيس من باسل دخل ليهو عربيتو الورشه وصانوها ليهو صيانهه عامهه وطلعوها ليهو جديدة؟طيب عارفه اليوم الاتصلتي علي وقولتي لي انا في القسم انا اتصلته عليهو وقولته انو انا محتاجة مساعدتو هو كان جاي من المستشفى مرجع اخوهو البيت لانو عاملين ليهو عمليه ويومين كانو واقفين برجل واحدة في المستشفى وي دووب كانو راجعين البيت علشان يرتاحو وهو زاتو كان مصدع والصداع عايز يكسر راسو؟بس اول م قولته ليهو اسمك على طوول قال لي بمشي ليها اسي ابشري مع انو كان بإمكانو م يحاول يطلعك وينتظر لغايهه يوم الاحد بس طلعك في نفس الساعهه وم خلاك وراهو😊❤👊💔طيب عارفه انو باسل عمل مع اروى ولا بطيخ صحبت دان الطيرة دي نفس العملتو معاك عزم اروى بحجه انو عايز يتكلم معاها في موضوع وبعد م ركبت معاهو العربيه ولفه بيها اليوم التاني فتح فيها بلاغ و اتهمهما بي انو عندو دولارات في عربيتو م لقاها وانو هي اااخر واحدة كانت معاه في العربيه وختاها حراسهه اربعهه ساعات بحالهم علشان م يخليها تتبلى عليك وتشيلك قضيه انتي م حملها عارفه حاجه زي دي؟ ؟ هو م كان بعمل الحجات دي من فرااغو وسفاهتو الزايدة ولا من عدم البنات حواليهو لانو باسل دة بالزات م بفتش للبنات فهمتي؟كان بعمل كدة من خوفو الزايد عليك ،وم كان برضى فيك الشينهه،في زمنا دة الواحدة كان لقت واحد قال ليها بحبك سااي حتى ولو بالكزب بتوافق بيهو خلي لمن راجل يهتم بيك ويخاف عليك المفروض تطيري بيهو السماء لانو بجي واحد في الدسته😪اتفاجأته من كلامها ومن العملو بس قولته ليها برضو لسه انتي م قادرة تفهميني انا م بقدر اوافق عليهو ابدا باسل دة ،قالت لي شهد يغسسس على المسافات المنعتني اشوووفك وأتف في وشك واضربك كف يجيب ليك شلل اهتزازي دقيقه ابلكك يلا مع السلامهه حأبلكك اوكي وم تتوقعي مني افك البلوك قريب نفسيهه طيرة😪💔👊بالفعل بلكتني المتخلفهه منفعله اكتر من انفعال باسل في لحظه رفضي ليهو😂💔طلعته لقيت خالي فاتح اللابتوب،قال لي ايوااا عرفتهه العميد حقكم دة صحي والله كان بجي البلد لي اولاد اهلو ديل طوالي،،مشيت لقيتو فاتح الصفحهه حقت جامعتنا وكدة،قال لي زول قامهه وهيبهه ياخ زول محترم خلاص،،قولته ليهو والله ي خالي انيق اناقهه تسوو كدي،امي قالت لينا دة منوو؟قولته ليها دة عميد جامعتنا يمة تعالي شوفيهو😻💃خالي قال ليها انتي ي سوسن مش هو كان دايرين يخطبو ليهو استاذة خالدة حامد العندها نفسيات ديك وهو اباها؟؟ امي قالت ليهو بي خلعهه بري م عارفه والله😵😳قولته ليهو خالدة دي ياتا؟قال لي م بتعرفيها؟قولته ليهو خالدة استاذتنا حقت الرياضيات الفي الأساس ديك؟😳خالي قال لي ااااي ياها زاتها ،قولته ليهو يعني هي مجنوهه ي خالي؟😳طبعا للحظهه اتزكرته الحاله العيشتني ليها والضرب الضربتني ليهو😢💔خالي قال لي م مجنونه لكن عندها حالات كدة بتجيها زي النفسيات ،احلى حاجه انها م بتتفق معي نهائيا سبحان الله التقول جنها بقول ليها اكرهي حاجه اسمها ابوالقاسم ،كان لقتني قاعد مع الاساتذة م بتقعد وكان قعدت بتخلق ليها نقاش من مافي عشان تتشاكل معي😂😂😂😂😂😂😂💔قولته ليهو نفس الشي معي انا ي خالي م بتدورني نهاااائي عزبتني عزاب الله أكبر ي حليلها طلعت منفسنهه 😢قال لي جنها كاره حاجه اسمها اسرة احمد اللمام😂😷امي دخلت غرفتها على طوول وقفلت الباب،كنت بلاحظ ليها اول م نجيب سيرة الموضوع دة تضايق وتحاول تفيرو او تعمل روحها م مركزة معانا 💔اليوم التاني الصباح اتصلت علي دان،طبعا كنت كدة متوترة وم بين اكلمها واحكي ليها بالعملو باسل علشان م تسمع من برة،وم بين ممكن تزعل وتتوتر وتحصل ليها حاجهه او تتصرف ليها تصرف متهور يضيعها،ودان كرهتها في الدنيا الكذب او زول يدس منها حاجهه،انا دايما لما تتكلم معاي كنت بقول ليها احكي الحاصل معاك شنوو،،المرة دي هي السألتني قالت لي الحاصل معاك شنوو؟قولته ليها والله ماف اهو زي م انتي شايفه ماف موضوع،كانت في المبطخ بتعمل ليها في كيكهه وشايله ليها علبه نوتيلا بتلحس فيها وبتتكلم معاي طبعا حركاتها حركات اطفال 😂💔،قالت لي ي بتي والله م بتلحقيني انا بس الحمدلله وصلته لدرجه بتونس مع بيبيني الفي بطني دة وعلبه النوتيلا الفي يدي دي 😂💔قولته ليها اقعدي اكلي لي في النوتيلا والكيك والشكولاتات بكرة الباب دة م يطلعكك😂😷😒قالت لي بسسس عليك توفي من خشمك قاعدة امشي مع احمد صاله الرياضهه😌💃👊💔وانا طووول مكالمتها معاي ملخبطه اكلمها ولا لأ،لما خلاص قربنا نقفل قولته ليها دان عايزة اقول ليك حاجه،قالت لي احكي في شنوو؟قولته ليها بس م تزعلي ولا تتوتري لاني والله والله من حلف بالله خلى حاجه والله م عندي ذنب في الموضوع ،وانا م عايزة ادس منك لاني م عايزة اخسرك فهمتي؟قالت لي ي بت بوظتي لي اعصابي قولي في شنوو؟سكتهه صراحه كنت خايفه شديد،قالت لي م تخليني اكشح فيك النوتيلا دي قولي مالك؟قولته ليها بعد م جيت السعوديه حصل كذا وكذا وكذا،،يعني من الأخر هو خطبني،بس انا م وافقتهه ولا عندي نيهه اوافق بس حبيت اكلمك علشان م تسمعي من برة وتزعلي بسس فاهماني صح انتي😵😷😢😔وهي لسسسه كانت بتلحس في نوتيلتها ،قولته ليها م بكذب عليك انا جادة😢قالت لي ويعني؟😂قولته ليها كيف ويعني؟م تفهميني غلط انا م قصدي شي والله،قالت لي اصلا عارفهه،😊قولته ليها عارفه شنوو م فهمتك؟؟قالت لي دقيقه انضف اصابعي دي من النوتيلا الفيهم دي وافضى ليك😒انتظرتها خمسه والله الخمسه دقايق دي كأنها خمسهه سنهه اعصابي تلفت تلف فيها،قالت لي اها قولتي لي شنوو؟قولته ليها دان ياخي بطلي بروود انا عارفاك زعلانهه زعلتي صح؟قالت لي وازعل لشنوو اساسا الفكرة كانت فكرتي😒قولته ليها شنو شنو كيف يعني فكرتك😳قالت لي يعني انا القولته لي باسل اخطب الحيوانهه دي😒💔قولته ليها دان دة م هظار انا جادة والله العظيم م مؤلفه القصه ولا شي،،،قال لي عارفاك جادة ي بت الناس شوووفي انتي فاكرة انو بعد م انا وباسل فركشنا وانا عرسته احمد علاقتنا انتهت؟بالعكس ياخ انا وباسل متواصلين مع بعض،هو بتصل علي وانا كمان بتصل عليهو عادي،قولته ليها كيف يعني؟قالت لي حييي من غبائك ي بومة،شوفي ي شهد انا صح كنت شبه مخطوبه لي باسل وحتى خطوبتنا م تامهه م لبسنا دبل ولا اي شي،وباسل عمرو م كذب علي ولا عشمني بالعرس ولا حتى قال لي انا بحبك او كدة،بالعكس كان برودو في علاقتنا واضح بس انا اللي م كنت شايفه شي لاني وقتها كنت ساذجهه شديد،شوفي اللخبطه دي كيف،انا لما كنت في سنه تامن كان احمد دة جا من دبي وقعد معانا السنه الأولى في البيت عشان بقرا الجامعهه وكدة،وم بكزب عليك انا احمد دة في فترة المراهقهه حبيتو حب كدة م عااادي كنت لمن ببكي ،وهو كان مفتري وم شغال بي وم شايفني اساسا ،وانا الحاجه دي كانت قاهراني شديد،واصلي م حبيت زول غيرو كل الفترة دي بس هو الكان معلق في راسي الله ياخده لمن عمل لي حالهه نفسيهه😪اها لمن امتحنته شهادة في الاجازة شافتني خالتو وداد ام باسل في عرس من اعراس اهلنا ديل ،اساسا هي م خالتي طوالي بس بتبقى لينا من بعيد،المهم شكلي عجبتها ومعاها حق اعجبها 😌❤قالت لي انتي بت عصمت المتوسطه؟؟قولته اااي عاد طبعا اختك مفتحهه الهدؤ والرزانهه عندها قدام الناس وبعرف بقعد الكلام 😌المهم في العرس داك اتونسو مع امي تماام وفي النهايه قالت لي امي دايرة اخطب بتك المتوسطه دي لي ولدي الكبير عجبتني ماشاءالله عليها اها لو جيناكم عصمت بدينا؟؟😂💔امي قالت ليها والله ي وداد كان دايراها اسي نديكم ليها ،امي طبعا طبعا كأنها بتجدع في بطيخهه معفنهه😪💔على كدة فجأة الناس بقو يقولو علينا مخطوبين وانا م كنت راضيهه النصيحهه بس لما شوفتهه بااسل النصيحهه عجبني شكلو اي نعم مع انو احمد كان مكسرني بس اقتنعتهه بي قصه انو هو م عندو لي شي،بي كدة انا وباسل اتدبسنا ،بس علاقتنا كلها كانت عبارة عن المتجمد الشمالي،برووود،اعذار هايفهه،مكالمات بالشحدة،كدة،يعني ابدا لا هو كان مرتاااح معاي لا انا كنت مرتاحهه معاااه ،وكنت دايما بشكي وببكي لي احمد من تصرفاتو،المهم بعد م اختلفنا واحمد عقد لي هو اتصل علي وحاول يهنيني وكدة،صراحهه م كنت زعلانهه او متضاايقهه ابدا،بالعكس،اقترح علي نبقى اصحاب وانو انا م اشيل في قلبي منو وكدة،صراحهه هو صح متخلف وعصبي ومتنرفز دايما بس اسلوبو وتعاملو راقي شديد ،وانا وافقته وبقينا متواصلين على الدوام،في يوم تلقائيا هو حكى لي عن قصه انو هو بعرفك قبل م تجي الخرطوم وحكي لي قصه عرس صحبو الفي البلد وكدة، من ساعتها عرفته انو باسل شبه عندو ليك حاجهه من زمان،تواصلي معاهو بقى اكتر وبقيت اجرجرو في الكلام مع انو صغب يديك حقيقتو تعبني وهلكني وفي كل محاداثتنا انا بحاول اجيب سيرتك علشان اخليهو ينداح في الونسهه،لحدي في يوم صدمتو قولته ليهو انت بتحبها؟طبعا نكر وحاول يتحرفن بس اختك خبرة في الحجات دي😌👊💔المهم بعد ضغط مني قال هو م عارف بس اهتمامو بيك كان بثبت العكس،لغايه اخر حاجه حكى لي انو انتي سافرتي السعوديه وسمع من تنزيل وكدة،انا شخصيا قولته ليهو اخطبها من لما كنتي شغاله في معاهو في المعرض قولته ليهو اخطبيها وبالمناسبه حتى اللبسه الجابها ليك في المعرض اتصل علي علشان يسألني زوقك كيف ومقاسك كم وكدة😂😷😁يعني اديني سبب اخليني ازعل وانا حصلتهه على حب احمد بحالو،م بتقدري تتخيلي حجم السعادة المعيشني ليها احمد ،ووالله ي شهد الحصل معاي دة كلوو لخيير علشان ربنا عايز تحصل كل المهاترات دي وفي النهايه اعرس احمد ،ويمكن يكون فيها خير ليك انتي وباسل كمان ولو الموضوع واقف علي انا والله ي شهد واعدم جناي الفي بطني دة لو شايله في قلبي منك او من باسل ،بالعكس وحياة ربي انا بحبكم وبعزكم انتو الاتنين ،ونفسي انتي بالزاات اشووفك مبسووطهه وسعيدة م تخلي المشاكل والاحداث الحصلت في حياتك زمان تأثر على حاضرك كفايه عليك وجع لحدي هنا استوووب عيشي حياتك عشان نفسك ،نفسك وبس❤هي بقت تبكي وانا ببكي،والله بتتكلم ساعهه واحدة انا م قدرتهه افتح خشمي بي حرف ،غلبني ارد ليها ،بعد م قفلته منها قولته لي نفسي حتى ولو هي قالت لي الكلام دةوهي مقتنعهه الحاجهه دي صعبهه شديد علي وبعدين باسل للان م بعرف شي عني واكيد لو عرف م حيتقبل الحاجهه دي ،بالليل قاعدة وبسرح في شعري وسرحاانهه ،،،فجأة تلفوني ضرب ،الرقم كان سوداني وغريب ،،،رديت قولته ليهو الووو؟؟المتصل قال لي شهد؟طبعا من نبرة صوتو باسل م غيرو😊سكتته م رديت عليهو،قال لي م تقفلي الخط لو سمحتي واسمعيني للنهايهه، م عايز امسك بيك زمن واطول عليك اوكي،يمكن انتي فاكرة انو تصرفي معاك في السعوديهه كان اناني وم فكرته في انو انتي كنتي صحبه دان وكدة،بس انتي م ملاحظهه لي حتهه انو انتي بتجبري الزول يتصرف تصرفات اسوأ من كدة؟؟_يعني م بتعرفي حاجه اسمها نقاش او تفاهم كل البتعرفي ليهو انك تسكتي ،ولو اتكلمتي كلامك كلوو مبهم ،بس في حجات عايز اوضحها ليك،انا ابدا م سبته دان عشانك ابدا لو الفكرة دي في راسك امحيها ،انا لما سبته دان سبتها عشاني وعشانها ،م كنت حابب فكرة انو اعشمها في العرس اللي اتفرض علينا نحن الاتنين،او اتفرض علي انا تحديدا لانو امي فاجأتني بالقصه وادت ام البت كلمهه من غير م تاخد راي في الموضوع،يعني انا قبل م اللقاك واعرف انو انتي صاحبه دان كنت بحاول ابعدها مني بس في نفس الوقت م كنت عايز اجرح مشاعرها،وانا ودان لو كان اتزوجنا لا انا حكون مبسوطه،لا هي حتكون مبسوطهه ولا حتكون في راحهه في علاقتنا لانو حننكد على بعض بس م اكتر وبعد فترة من الزمن ممكن تصل حد الطلاق،،،ااخر شي عايز اقولو ليك بالنسبه للقصه الحصلت في السعديهه انا اتعمدته اساافر والاقيك عارفه ليه؟لاني اعترفتهه ليك وكل جوابك كان السكوت دة الشي الزعلني،بالصدفه شفته اولاد اختي تسنيم ومعاهم صورة اختك شفق في بروفايلها في الواتساب ، اول م شفتها عرفتها سألته تسنيم من اسمها وإتاكدت،صح كل مرة كانت بتجمعنا صدفه،بس المرة دي بالزات انا خلقتهه الصدفهه،امي اساسا كانت عندها فكرة انها تسافرة تعمل عمرة وتقعد مع تسنيم كم يوم، وكان مسافر معاها مؤمن اخوي بس هو كنا عاملين ليهو عمليه ،وعشان م اخلي امي تمشي براها قررته اسافر معاها ،كنت واثق من حته اني حأتلاقى معاك طالما اهلك وتسنيم جيران 😊واحلى حاجه عملتها تسنيم انها عزمتكم عشاء سهلت علي الموضوع ❤لما شفتك في المطبخ م اتفاجأته بس حبيت اوريك انو م انتي بس البتعرفي تختي الناس في مواقف صعبه وبايخهه كانت عاجباني حاله التوتر واللخبطه الانتي فيها ولما فتحو موضوع العرس وم ادراك م العرس ادووني ملخص الموضوع يعني حبيت اكسر راسك من الاخرر كدة 😊،،،وي ستي بالنسبه لموضوع الخطوبه ايوة كنت جادي ولسسه جادي ،ولو اديتني سبب مقنع يخليني اتراجع صدقيني حاتراجع ،بس ي ريت السبب يكون مقنع كفايهه لأني لسسسه مالي يدي بيكك وعايزك بالحلال 😊❤
#نتلاقى😁😷❤
