#ادرينالين16
هو تنزيل رفعت ضغطي ورشتني بالمويه وصحتني من سابع نومه ودة كلوو بسببك انت لو كنت عارفه دة السبب م كنت صحيت،ضحك قال لي بينك وبين نفسك الكلام دة من قلبك😂😁😊؟؟سكتته مسااافهه بعدها قولته ليهو لو م من قلبي يعني حيكون من معدتي مثلا؟😒قال لي ثقيلهه ولسانك لازمو قص 😁قولته ليهو نننننن احلف كدة😒قال لي والله،قولته ليهو عريسك عبدالله😛حركات شفق اختي المتخلفهه😂💔قال لي نعم؟قولته ليهو لالا م قولته شي😁قال لي هاااا احكي...قولته ليهو احكي شنوو؟قال لي يومك كان كيف❤قولته ليهو الحمدلاه عااادي ماف جديد،قال لي بالعكس ياااخ انا لو مكانكم يومي برنامج جديد وطلعهه جديدة لانو بلدكم حلوة يااخ والطبيعهه الفيها تهبببل ،،،قولته ليهو اساسا بلدنا حلوة وم فيها ولا نضمة م زي بلدكم😌قال لي اهااااا قصدك شنو يعني وقعد يضحك😂قولته ليهو م قصدي شي😌قال لي بس كمان بلدنا ناسها حلوين 😁قولته ليهو قصدك شنووو اعتبرها شتيمه يعني 😒قال لي ابدا والله حاشاكم الشتيمهه😂قولته ليهو انت راكب في عربيه لأني حاسه بي صووت هوا شديد،،قال لي ايوة ي دوووب طالع من الشغل وراجع على البيت،قولته ليهو اهااا طيب وبتتكلم كيف وانت سايق؟؟قال لي عاااادي هههههه،قولته ليهو لأ م انك تسوووق وتتكلم بالتلفون ،،،قال لي ي شيييخهه حركات بتاعين المرور دي خليها 😂😂😂😂قولته ليهو م تستهر إنت م خايف على روحكك؟؟قال لي طيب اصيغ ليك السؤال بطريقهه تانيه إنتي خايفة علي؟؟؟في اللحظه دي انا اتبكمتهه ولساني اتبلع😢سكتته مسااافهه قولته ليهو واخااااف عليك لشنووو؟قولته ليك كدة علشان نفسك وبس😊،قال لي اممممم قولتي كدة؟قولته ليهو ايوة وبعدين تعال اسألك انت متصل لشنووو؟قال لي والله م عارف قاعد مع نفسي كدة فجأة اشتقته لي زوول ثقيل كدة وحبيت اسمع صوتو فدخلته في صراع بين عقلي وقلبي ،قلبي بقول لي اتصل ،وعقلي وكرامتي بقولو لي م تتصل،المهم اتصل م تتصل في النهايه اتوصلته لي قرار انو م حتصل ابدا وشلته جلوالي واتصلته وبس😁❤انا م عارفه بس الشي الفهمتو انو بحاااول يلخبطني ويوقعني الحيوان دة😢💔قولته ليهو والزول الثقيل دة شكلو م شغال بيك ولا جايب خبرك وم عندو ليك حاجه ي حليلك 😊،،،قال لي ويمكن العكس بس عامل تقيل وكدة😌بتكلم معي كدة فجأة اسمع ليك صوت بووووري شدييييد وبعدها الخط فصل،،قلبي اتقبض وم عرفته ارجع في الرقم كيف لاني م بعرف تلفون تنزيل دة 😭عايزة انادي تنزيل كدة التلفون ضرب رديت بي لهفهه قولته ليهو في شنوووو؟؟😳قال لي ماف شي بس الجوال وقع والسماعهه فصلت،قولته ليهو لالا انت كضاب انا سمعتهه صوت بوري بضرب وشديد كمان انت كنت حتعمل حادث صح؟؟قال لي م حادث بس في واحد داخل غلط هههه،،،قولته ليهو شايف ؟مش انا قولته ليك م صح تتكلم بالتلفون وانت سايق؟؟قام ضحكك😂قولته ليهو بتضحك على شنوووو انت؟؟؟؟😠قال لي بضحك عليك انت😂😂😂😂😂😂😂😁قولته ليهو ليه مالي؟😢😒قال لي ماف شي ثواني خليك معاي،،،بعد مسااافه سمعته صوتو وهو بقول وبقول:مساء السرور، امي امسيتي كيف؟؟بعد مسااااافهه ردة قال لي انتي معاي؟قولته ليهو ايوة معاك ليه م عايز تتغدى؟سمعته امك بتقول ليك الغدا جاهز،،قال لي لما اكون مرهق وفتران م بقدر أكل إلا بعد استكين💔قولته ليهو تستكين يعني شنوووو؟؟قال لي قصدي ارتاح ،،قولته ليهو اهاااا طيب ارتاح انا بعد كدة حأقفل،قال لي لا خليييك م تقفلي ي شهد ياااخ،،قولته ليهو لشنووو يعني؟؟قاال لي انتي عايزاني ارتاح صح؟؟قولته ليهو أيوة،،قال لي طيب انا حاليا مرتاح وانا بتكلم معاك ي ستي،،،لخبطططني وجهجه افكااري 😢💔قولته ليهو بس انا م بقدر اتكلم معاك اكتر من كدة وبعدين دة جوال تنزيل م حلوة اطووول المكالمه معاك بتكون منتظرة ،،،سكت مسااافهه قال لي طيب ي شهد لو جبته ليك تلفون م حتقبليهو؟؟قولته ليهو لالالا ولا بالغلط ،قال لي ليه بس؟؟قولته ليهو م بقدر ولا تفكر في الموضوع حتى الحاجه دي ممكن تعمل لي مشاااكل وانا زاتي م حأخدها،،،قال لي طيب مع انو الموضوع عادي يعني م فيها شي ❤قولته ليهو عادي بالنسبه ليك ،بس بالنسبه لي فيهو كسسر رقبه،قال لي طيب لو حبيت اتكلم معاك واسمع صوتك كل مرة اتصل واتجهجه كدة؟؟قولته ليهو م تتصل اساسا😰قال لي م ممكن تبطلي عناد وتوافقي ؟؟قولته ليهو اوافق على شنووو؟؟قال لي على موضوع الزواج وكدة ،على فكرة لو م حابة ممكن نعمل خطوبه وانا شخصيا م عندي مشكله لو اسي وافقتي حأتصل على عم هاشم يكلم ابووك وانا حأجيب اهلي واجي اتقدم ليك وحتى لو عايزة تخلصي دراستك انا م عندي مشكلهه،،لما قال كلمه ابووك دي انا ضربات قلبي بقت تضارب 1000ضربه في الثانيه،لو في سبب مخليني أرفض باسل ،هو عدم وجووود الأب في حياااتي😭😢دة سبب كافي يخليني ارفضو وابعد منو ،يعني اكيد حيجي يووم ويسألني عن ابووي وقتها انا حأقول ليهو شنوو؟؟م عندي ؟ولا م عارفه محلو وين؟ساعتها ردة فعلو حتكون شنوو؟؟قولته ليهو لأ اتا رافضه فكرة الزواج دي اساسا فهمتني؟؟قال لي طيب اديني سبب مقنع مخليك ترفضي💔قولته ليهو اسباب كتيرة واولها عايزة اكمل قرايه،،،قال لي خيييير ي ستي وانا زي م قولته ليك م مانعكك من دراستك حأسمح ليك تخلصي دراستك وين المشكلهه؟؟قولته ليهو كلكم في البدايه بتقولو كدة وبعد العرس بتقفلو النسوان بين 4حيطان😒😪ضحك قال لي خليك واثقهه انو م حيحصل معاك كدة خليك واثقهه انو م حيحصل معاك كدة انتي بس وافقي واديني رقم ابوك😂💔قولته ليهو ي باسل م بقدر اوافق والله ،قال لي طيب ي شهد بس بتمنى يجي يوووم اصحى على واقع تجيني مكالمه منك وتقولي لي موافقة❤قولته ليهو لو منتظرة اليوم دة وطاتكك مغربت ههههه 😂😁قال لي ههههه بالنسبه لي كسرة الخاطر لكن اوكك ❤بعد م قفل قعدته اتكلم مع نفسي،،ي ربي انا دة شنوو الأنا بعمل فيهو دة😢ليه انا بحاول ابعدو مني ؟دة غباء ولا شنوو😢طلعته بره لقيت تنزيل متجدعهه نااايمهه لمن بتشخر المتخلفهه😂💔المدرسه كان فاضل ليها اسبووع،وتنزيل كانت مسافرة تمتحن من الخرطوم ،وانا خالي رسل لي قروش تجهيزات المدرسه كنت متحمسة شديد ياخي تالته دي انا كنت راجيها بفارق الصبر لأني كنت عايزة اجتهد فيها لانها بالنسبه لي كانت نقطه انطلاقه لحياتي ،حلمي كلوو كان انو اجيب النسبه الانا عايزاها واحقق حلمي واغيير حياتي الانا عايشاها دي،يوم تنزيل مسافرة كنا مقدمنها لغاية موقف المواصلات ادتني ورقه قالت لي فيها رقم بااسل قال ليك اتصلي عليهو من اي رقم او رسلي ليهو رساله في اي زمن وهو حيرجع ليك تمام؟وصاني من امس والله ❤مع سفرة تنزيل حسيت انو علاقتي مع باسل انتهت مسكته الرقم بعد م رجعته بيتنا قولته لي نفسي ناس الحله واقفين ليك على الغلطه ي شهد لو شافوك بتتكلمي بالتلفون حيعملوك زي اللبانه في لسانهم ،انتي في كل الحالات ماشه جنب الحيط وم عايزة مشاكل كفايه الفيك ،،يوم بكرة نازلين المدرسه راجل امي دة جا فااير داخل بشاكل وداخل بشاكل ،انا كنت بعووس في الكسرة وساكته ساااي،جا قال لي الزفت دة لسسه😡قولته ليهو قربته😊قال لي قربتي شنو ياخ بلاش قرف معاك 10ساعات بتعوسي انتي😡قولته ليهو بديت قبل شويه والله 😊طلع مشى وتاني جا راجع قال لي برضو لسسه ،وهو م تم 10دقايق من م مشى،قال لي بررضو لسه م تميتي انتي بتعوسي في كسرة ولا بتشوي في خرووف😡ناديت شفق قولته ليها قولي لي يمة تجي تجهز الغدا دة بالكسرة الطلعت دي،،،قال لي انتي من قبيييل بتعملي في شنوو وريني؟وانا الدخان مالي عيوني وهو زهجني بي كترة كلامو قولته ليهو انا بديت قبل شويه والله ،بي نبرة حادة كدة،قال لي انتي بتتزهجي في منوو ي قليله ادب وشال يدي ومسحها لي في صاج الكسرة😭💔قعدته اصررخ بعد صراخ ومصارعهه لزيتو وطلعته جريت ،قال لي تاني قبل م ترفعي صوتك اتزكري الحرقه دي😡اصلا هو فاير وزهجان من يوم خالي رسل لي قروش تجهيزات المدرسهه،،،الصباح لبسته وطلعته للمدرسه ،كنت محموقهه وزعلانهه والليل كلوو مساهرة الحرقه م خلتني انوووم ،كنت زعلانه ومخنوقه لدرجه انو دموعي بتجري براها،اثناء م انا ماسه في الشارع اتلاقيت مع بت اسمها ميادة في شارع المدرسه ،م صحبتي وعلاقتي بيها سطحيهه بس زي م بقولو بت مفتحهه وواقعهه ليها وشفته كدة،اثناء م نحن ماشين فجأة اشووفها طلعت تلفون من شنطتها وقعدت تتكلم بي مياعهه وميااصهه عاادي شكلو حبيبها،اتكلمت معاه زييين بعدها قفلت الخط انا كنت مترددة اقول ليها اديني التلفون ولا م اقول ليها،كنت عايزة اتكلم مع باسل لاني متضايقه بجد😢بس كنت خايفه اقول ليها وتنشر غسيلي وتفضحني😢بعد تفكير طويل اتوكلته على الله قولته ليها ميادة تلفونك فيهو رصيد؟قالت لي فيهو م عارفه كم لكن بعمل مسكول،قولته ليها طيب شلته التلفون دخلته الرقم سريع ،قالت لي لو خايفه دخلي التلفون جوة الطرحه ههه،اتصلته الرقم كان داخل بس م ردة،طلعته التلفون اديتو ليهو قولته ليها م ردة هاك،قبل م نصل المدرسه تلفونها اتصل قالت لي هااك هاك دة شكلو رقمكك،،،رديت قال لي الووو،،،قولته ليهو باسل كيفك❤قال لي ياااخ دة احلى صبااح جاتك من وين اتصلتي اليوم😍قولته ليهو انت عارف انو انا م بقدر اتصل،قال لي واليوم عملتيها كيف واتصلتي ؟عندي كم يوم مقلق ومنتظر منك مكالمه ياخ واتصلته على تنزيل ،،وقربته اصل لمرحله اتصل على خالو هاشم،،،قولته ليهو شنوووو؟انت مجنون😳قال لي ابدا م مجنون هااا دة رقمك؟وبعدين صوتك مالو متغييير كدة؟قولته ليهو م متغير طبيعي،وانا العبرة خانقاني ودمعتي في طرف عيني،قال لي لالا متغير حاسك م طبيعيه انتي كويسه؟؟؟سكتته م رديت عليهو دموعي جات جاريه،قولته ليهو ماف شي والله😢وانا نبرة صوتي لما ابكي بتكون واضحهه،قال لي شهد انتي بتبكي؟مالك في شنووو؟قولته ليهو ماف شي ،قال لي لا في احكي قلقتيني مالك؟؟م توتريني احكي في زول مزعلك او غلط عليك؟؟قولته ليهو عندي اللتهاب بس ،قال لي والالتهاب ببكي؟قولته ليهو مضايقني عشان كدة بس ،قال لي طيب استغفري ووقفي بكى وين انتي حاليا؟قولته ليهو ماشه المدرسهه ووصلته زاتي يلا مع السلامه وقفلته الخط،....
#نتلاقى_باكر😷😁
