#ادرينالين3
قولته ليها ماف شي ي حبوبهه سااااي بس...قالت لي ساااي كيفن يعني؟من جيتي من المدرسه ما ارتحتي ماشه وجايه مالك ي بت هاا ؟😢قولته ليها والله ي حبوبه ماف شي مزاج بس وضحكتهه😂قالت لي مزاجك عالي لكن 😂سمح تعالي اشربي ليك قهوة وبعداك خليني اسرح ليك شعرك دة الليله ولا ربطتي زاتو نضفتي بيهو زي دة شوفي اتملا غبار كيفن...قولته ليها نسيت اربطو سمح بعد اغسل ملابسي حقت المدرسه واستحمه بجيك تسرحي لي😅قالت لي سمح النمشي نجهز الزيت❤💃دخلته الحمام استحميت في الحمام قعدته اشووف للعلامات حقت السوط الفي جسمي ،قعدته مع نفسي كداااا قولتهه لي نفسي انا امشي المدرسهه تاني بعد الحصل دة لشنووو؟وكيف حيكون لي عين امشي بيها واقعد في نص البنات عادي،ايوة انا م عملته شي غلط اخجل منو بس تصرف الاستاذة معي عقدني من نفسي وخلاني اكره المدرسهه في حد زاتها💔المهم على بال م استحم واطلع المغرب أذن حبوبه قالت لي تعالي اسرح ليك وبعدين غسلي ملابس المدرسه،قولته ليها اصلا انا بكره م ماشه المدرسه ماف داعي اغسلهم💔قالت لي خبارك م ماشه المدرسه عندكم اجازة؟قولته ليها لالا سااااي بس💔قالت لي لالا ماف حاجه اسمها ساي انتي ممتحنه الثانوي لو فاتك درس واحد مشكله ،سكته م رديت عليها بعد م سرحت لي مشيت رقدته في سريري على طول حتى م انتظرته جدي يجي راجع مع اني م كنت بنوم مالم يجي واقعد اتونس معاه واعصر ليهو رجلينو اليوم داك رقدته بي وجع جسم على ضرب الاستاذة داك حاولته انوم بيهو بس كلام الاستاذة داك كان في راسي م قادر يفارق مخي ابدا ،بس بقيت اسأل نفسي هي بتعاملني كدة ليه؟😢وليه كل الحقد دة تجاهي؟وليه لما كانت بتتكلم عن اولاد الحرام كانت بتعاين لي ؟ليه دة كلوو واساسا ماف شي بجمعني بيها غير المدرسهه💔بس اسي انا ليه اخلي المدرسه عشانها؟ غير انو انا عندي طموحات عايزة اصل ليها يعني لو خليت المدرسه حأكون دفنته نفسي بي نفسي💔طول الليل انا بفكر وببكي لمن نمتهه،الصباح صحيت لقيت حبوبه غسلت لي ملابسي ،شلتهم لبستهم ومن غير مكوة ومن غير م اقول لي حبوبه انا طالعهه المدرسه طلعته مشيت لما وصلته المدرسه م حضرته الطابور حتى قعدته في مكاني ورا وختيت راسي في الدرج ،قبل م الحصه الاولى تبدأ جاتني تنزيل وفاطمه قالو لي ليه م انتظرتينا؟قولته ليهم ساااي بس 💔لما الحصه الاولى بدت رجعو محلاتهم ،الحصه كانت مع الاستاذة نفسها بعد م دخلت وبدت الحصه ، سمعنا ليك صوت صراخ ونقاش بره ،طبعا انا كنت سرحانه وم مركزة ، فجأة اشوف ليك حبوبه جات داخله الفصل حتى من غير مقدمات مسكت الاستاذة كشطتها ليك كف طاااخ👋قالت ليها اسمعيني هنا ي بت حااامد ي قليله ادب مالك مع شهد ؟شايلاها معاها مالك ؟حبوبه اتلفتت ورا وقعدت تعاين لقتني قاعدة في اااخر كنبه جات مسكتني ورفعت لي يدين قميصي لقت علامات الصوت ،قالت ليها حييييييييي وتاني رجعت كشطتها كف 👋قالت ليها ي سجم الرماد مالك معاها ي الما بتشبهي النسوان ،بي سبب سواد قلبك دة ياكي للأن معنسة وشاحدة ربي تبقي عاقر لو ضربتي المسكينه دي من غير سبب👐قبل كدة كنتي شايلاها مع امها ومتلحاها واسي شايلاها مع بتها مالك ي بت هااا قولي لي مشكلتك شنو ؟افتحي عيونك دي وشوفي الأرض دي كويس اختي بناتي ديل الله يهديك😠اثناء م حبوبه بتتكلم جا المدير داخل ومعاهو جدي واستاذين،حبوبه قالت للمدير شوف عليك الله وفتحت ليهو يديني ،شوف ضارباها كيف دة اسلوب معلم اسي؟نحن جايبين اولادنا عشان يتعلمو م عشان يتعزبو ،ياخ اولادنا نحن في البيت لو غلطو م بنضربهم كدة تجي الوسخه دي تضربها كدة؟انتي منو زاتك عشان تضربيها كدة وريني ؟الاداك الحق منو كلميني؟والله والله انا احلف ليك بالله تلاتهه شهد دي ولا من نوع الناس البغلطو على زول ولا بتتكلم حتى لو غلطتي عليها 😊شهد دي ياخي 1000نفر بتمناها بتو من ادبها واخلاقها والله ي مدير من غير مبالغه مش امس ضربتها الضرب دة كلو؟ابدا م اتكلم ولا شكت ولا اظهرت لينا انها حاصله معاها حاجه لو م جو صحباتها الليله الصباح كلموني م كنت عارفه الله يأزاها ضربتها دايرة تجنن لي بتي😠المدير قال ليها ي خاله عشهه اهدي كدة كل شي بتحل بالهداوة انشاءالله،جدي قال ليها والله عشان الواحد اخلاقو م بتسمح ليهو يمد يدو على مرة لو م كدة والله انا دم بتعرفي الدم انا مستعد اسيلو في شهد دي،شوفي ي بت الناس انا ياهو كلامي دة واضح وانا بقولو انا عندي 1+1=2شهد دي تاني لو لقيتيها في جهنم زيديها حطب فهمتي؟غلطت عليك قصرت في واجباتها تعالي اشكيها لي انا بعرف اتصرف معاها كيف بس اوعى لأي سبب من الاسباب تضربيها فهمتي؟وانا عارفها م بتغلط لأنو انا عااارف تربيتي شنو،اسي انتي وريني هي عملت شنو خلتك تضربيها كل الضرب دة كلو؟ياهو انا واقف والمدير واقف والاساتذة الباقين واقفين وريني غلطت عليك في شنو؟والله لو اديتيني سبب مقنع خلاك تضربيها كدة حررررم اضربها ليك زيادة،،،الاستاذة سكتت م رديت عليهو،،،جدي قال ليها دة اكبر دليل على انك غلطانهه،😊✋حبوبه قالت ليهو الموضوع دة م بتسكت عليهو انا اسي من دربي دة بودي بتي المركز بشيل اورنيك 8بمشي بفتح فيها بلاااغ طوالي اصلي م بسكت ولا شي✋المدير قال ليها لا ي خالتي عشه الموضوع دة خلوهو علي انا وي استاذة خالدة انتي غلطانه ياهو انا بقولها ليك 💔وانشاءالله تاني الحصل دة م يتكرر على مسؤليتي ونحن شهد بتنا قبل م تكون طالبتنا ،جدي قال ليهو ي ولدي انت عارف معزتك بي معزة ابو القاسم ولدي وانا والله لو م الزعل م بشتكي ليك عشان عارفك م بتقصر❤حبوبه قالت ليها محولاها من مكانها مالك؟رجعيها سرعهه مكانها مع صحباتها ليه مقعدة بت اختك مع صحباتها ي حاقدة ديل صحباتها وأخواتها من قامت معاهم ومتربيه في نصهم الله لا بااارك فيكك ي ام وش زي طشت العدة...الغريبهه الاستاذة دي شكلها بقى زي الحمام الكاشحين فيهو مويه حارة محل تودي وشها م عارفهه والغريبهه بالرغم من تصرفها الزفت معااي م اظهرت اي ردة فعل او دافعت عن نفسها حتى ،مع اني م انبسطتهه من تصرف جدي وحبوبه معاها قدام الطلبه لأنو مهما حصل هي استاذة بس تصرفهم دة أكد لي إنو وراااي سند بجد وطووول م هم سندي ومعاي ماف شي بقدر يكسرني او يأزيني حتى ،المهم من يومها الاستاذة دي شبه إتعدلت هههه بقت م بتسألني ولا بتعاين لي حتى والله لمن بقت تحنني ي حليلها بس على قوله تنزيل تستاهل اللتخهه دي😂المهم بعد تلاتهه اسابيع من الكلام دة كان عندنا عرس في بلد تانيه م بعيدة من قريتنا ،حبوبه قالت لي الا تمشي معانا وانا وقتها كنت نازله امتحانات يوم الاحد والعرس كان يوم الجمعه،قولته ليها حبوبه امشو وتعالو انا دايرة اقرا عندي امتحان،قالت لي ي بت ها القرايه ملحوقه بنجي بعدين بكره اقري،قولته ليها لالا ي حبوبه عندي قرايه كتيرهه😢جدي قال ليها ي عشهه خلاص خليها قالت ليك عندها قرايهه خليها التقراا الله يوفقها،حبوبه قالت ليهو انا قولته عشان م تقعد براها لكن خلاث خليها انا بكلم بت هاشم تجي تقعد معاها،جدي قال ليها استعجلي اطلعي ي عشهه شايفهه السحاب دة شايل كيف انشاءالله م تلقانا في الشارع،طبعا الجو كان خريفي❤بعد م مشوو جات تنزيل وفاطمه وزينب وقعدنا نزااااكر طوول اليوم❤قريب للعصر كدة مشو خلوني ومشو بيوتهم،فرشتهه سرايرنا وقعدتهه اذاكر وبفارق الصبر منتظرةوجدي وحبوبه شغاله اقول لي نفسي ي رب يجو قبل المغرب ي رب عشان بخاف من الضلام شويه كدة سامعهه صوت كواريكك وبكى جريت فتحتهه الباب لقيتها امي ومعاها نسوان وامي دي ماسكنها مسكان وشغالهه تقول وااااي ي امي واااااي ومسكتني وقعدت تبكي،،،طبعا انا قلبي عايز يطير بقيت اقول ليها في شنوووو؟وامي دي تشيل وتكورك ناس الحله اتلمو وانا بقول ليها في شنو يمه؟بتكوركي مالك؟قالت لي امي ماتت ي شهد الحنينهه ماتت وخلتنا ي شهد احيييييي ي قلبي وااااااي😭😭😭😭😭😭😭......
❤❤❤
