#ادرينالين18
انا طبعا من الصدمة في البدايه م استوعبتهه كلامهم....امنه قالت ليها هي ي يمة لكن هو ااااكبر من ابوووووي وم محترم سنو ولدو الكبيير حتى متزوج وعندو ولدين ،،،امها قالت ليها ويعني شنو متزوج تلاتهه الراجل محللات ليهو 4،طبعا الكلام دة كلوو انا ساكته من الصدمهه،بعد مسااافهه قولته ليها يمة دة كلام شنوو؟وعرس منو😳امنه قالت لي أجي ي شهد عرس منو كيف عرسك انتي طبعا،قولته ليها وانتي منو القال ليك انو انا دايرة أعرس اساسا؟؟انتو م نصاح ولا شنووو؟فجأة ليك خالي حمد بقول لي وانتي السألك منو من رايك؟؟اتلفته عليهو قولته ليهو لكن ي خالي انا م دايرة اعرس ولا شي انا دايرة اقرى،قال لي ي بت هوووي هم القرو عملو شنو م بعرف ليك اي قرايه بلاش قرايه وكلام فاارغ معاك فهمتي؟قولته ليهو والله غايتو انا لا دايرة اعرس لا شي ،،،جراني من شعري واداني كف قال لي انتي قليله ادب بتكلم معاك انا تقولي لي م دايرة اعرس ولا شي ووقع فيني ضرب امي بالقوة مسكتني منو،جا راجل امي قال ليهو مالكم؟في شنو؟خالي قال ليهو اسمع ااضرب للزول دة اسي قول ليهو لو جاهز تعال بكرة اعقد عدييل ولو م عندك بي اي شي تعال،،،راجل امي قال ليهو لالا هي قالت م دايرة تعرس يعني؟دقيقه اسي بحسم ليك الموضوع دة ،طلع تلفونو واتصل وقال:ي اكرم سلام عليك كيفك انشاءالله تمام؟اها ي زول انا قعدته مع ناس البيت واتكلمته معاهم قالو م عندهم حاجه اسمها خطوبه ولو جاين بكرة تجو عقد عديييل اها انت رايك شنوو؟خلاص عديلهه ي زول تممام وبدل م نحبسها ليك معانا سوقها احبسها في بيتك 😂😂😂😂ابشر ي زول بكرة تعال اعقد واستلم مرتك طوالي،،يلا مع السلامه❤بعد م قفل قال لي خالي اها ياهو الموضوع اتحل وبكرة بنعقد ليها وبنرتاح من وجع راسها وهمها دة💔امي قالت ليهم هي لكن ي جماعهه البت قالت م دايرة تعرس،،قال ليها انتي م تتدخلي فهمتي؟؟اوعى تدخلي فاهمهه ولا لأ؟راجلها قال ليها علي الطلاق تلاته ي سوسن تدخلي م تلومي الا نفسك ،امي قالت ليهو م تغصبوها على العرس لكن وانت ي حمد داير تعرس ليها راجل اككبر منك في زمتك؟خالي قال ليها مالو عيبو شنوو؟قالت ليهو كان م فيهو عيب عرسو لي بتك مالها؟؟قال ليها انتي حيوانهه بتتكلمي معي كدة انا وقام ينبذ فيها،راجل امي قال ليها علي الطلاق ي سوسن م تحترمي نفسك اطلقكك طلاق تلاته واشيل منك الأولاد فهمتي؟اوعى تدخلي انتي من الناس البتعرفي السترة يعني؟ولا دايرانا ننتظرها لمن بكرة تجيب لينا شافع من مافي وتجدعو لينا بعداك نقول حي على الصلاة وحي على الفلاح؟انا ياهو حذرتك اوعى تدخلي ،نحن الرجال هنا وبنعرف مصلحتها وين ودة م موضوع نسوان ،،انا قضيت ليلي داك ببكي للصباح م غمض لي جفن ،وم عندي طريقه اطلع بيها من البيت عشان امشي أتصل على خالي ابوالقاسم ولا في يدي شي اعملو غير البكى😭😭😭😭😭صباح الجمعهه اصلا م طلعته من الأوضه ،حوالي الساعهه 10كدة امي جات قالت لي ي بت شهد قومي دايرة أتكلم معاك،سكته م رديت عليها ،قالت لي ي شهد ي بتي انتي عارفه انو المرة مغلوب على امرها دايما وم في شي بيدها تعملو واسي أنا امك دي والله يديني ورجليني مربطات وم بقدر اعمل شي عشان كدة عليك الله ي بتي عرسي وانستري،هي المرة دايرة شنو غير السترة عليك الله؟ولا شي والراجل دة م فيهو كلام والله بسترك انشاءالله ،قولته ليها يمه انا م دايرة اعرس افهمو ي ناس م دايرة اعرس😭😭😭قالت لي ي بتي عليك الله م تعملي مشاااكل ،اسي انتي شايفه كل يوووم مشكله لا انتي مرتاحه لا نحن مرتاحين عشان كدة ي بتي انستري ،عوض حالف طلاق تلاته قال بشيل مني الأولاد واخوانك ديل لسسه صغار يمشي بيهم وين لو طلقني البربيهم منو؟عشان كدة ديل وليااانك ي بتي اسمعي كلامهم ،هنا انا عرفته انو امي م معاي وانو هي بتفكر في مصلحتها وبس ،رفعته ليها راسي قولته ليها اساسا دي حالتك اي يووم انتي وقفتي معاي ي البقول عليك امي؟يوم متين احتجته ليك ولقيتك جنبي؟قولتي لي اولادك صغار ولو شالوهم منك البربيهم منو؟انتي جدعتيني وانا عمري كان يوم وياني قدامك عايشه ،على قول حبوبتي الخلوهو في الدلقون بربى،،جايه تقولي لي المرة مغلوب على أمرها انتي طوول عمرك مغلوب على امرك وحتى لو بي يدك شي م بتعمليهو لي،على العموم ابشششرك بي حاجه لو خايفه من الطلاق م حتطلقي بي سببي اصلا راجلك الماليه بيهو يدك دة م بتسمى راجل اساسا انا جايه الدنيا دي غلط وانا اصلا م متوقعهه منك شي ابدا،وديل البتتكلمي معاهم ديل م ولياني وم رجال اساسا لو خالي ابوالقاسم كان قاعد م كان دة كلو بحصل،وبعدين انتي م امي انتي ام اولادك ديل وانشاءالله تقدري تربيهم صح ،واصلا دي م بتتسمى حياة يعني كدة كدة عزاب في عزاب م فارق معي شي ،😊امي قعدت تبكي قالت لي حيييي ي بتي 😭😭😭😭😭😭😭عاينته ليها بإحتقار وسكته خليتها ،استغفر الله العظيم بس💔قولته لي نفسي ي شهد انتي اساسا جايه الدنيا دي غلط وشكلك حتعيشيها غلط بس علشان تتنفسي ،استسلمي للأمر الواقع اصلا دي نهايتك المتوقعهه،وي قول حبوبه مرمي الله م بترفع💔شويه كدة امي جابت لي الحنانه علشان تحنني،المرة اثناء م بتحنن فيني قالت لي انتي مالك صااارة كدة م موافقه ولا شنوو؟قولته ليها اذا وافقته ولا لا البفرق شنوو ولا شي ،،،قالت لي والله النصيحه خالك حمد بالغ ياخ اكرم دة واحد وسكااري وم نافع وم تامي راجل زاتو ومعزب نسوانو ديل عزاب الله اكبر انتي اسي بت صغيرة زي دة بعرسو ليك؟لو نافع صحي كان يديهو لي بتو الكبيرة دي ،في قلبي قولته ليها ياهو شبهم م بفرق منهم في شي،،بعد م خلصت لي رسم امي جات قالت لي ولعته ليك حفرة الدخان تعالي اقعدي فيها شويه كدة،طبعا انا بقيت عبارة عن صنم متحرك ،اصلا وصلته على قناعهه انو حياتي دي انتهت يعني تاني م بفرق معاي شي اساسا ،وبتجاوب مع اي شي قالو لي اعمليهو،مشيت قعدته في الحفرة زي ساعهه كدة ورجعته اوضتي ،بعد صلاة الضهر جات امنه وامها وقعدو يزغرتو وفي وشوشهم نظرات وابتسامات ساخرة كأنو بقولو لي مبرووك للجحيم الانتي ماشهه ليهو دة، طبعا الناس كلها بعد سمعو الزغاريد جو متفاجئين وبسألو في شنوو؟قالو ليهم عقد شهد،فاطمة جاتني قالت لي شهد انتي عقدو ليك ونحن اااخر من يعلم؟😳عاينته ليها بإبتسامه قولته ليها كل حاجه حصلت سرعة حتى انا اتفاجأته،بالت لي حتى ولو ي شهد كان ممكن ترسلي لينا شفق بس وانا اااخر لحظه امس كنت معاكي جينا من المدرسه مع بعض،قولته ليها اسي م حصل شي،قالت لي سمح اها العريس منوو؟قولته ليها لو وريتك م حتصدقي😍😂قالت لي منوو؟😳قولته ليها اكرم الجزار وضحكته😂طبعا جاتها حاله من الصدمة للحظه،قالت لي بطلي هظار ياخ،قولته ليها وأهظر ليه جادة معاك انا😂قالت لي شهد م بصدق اكرم السكاري دة م غيرو؟😱قولته ليها تخيلي بس😂قالت لي شهد دة بلديكي عشرة مرات انتي عارفه الحاجه دي؟دة م بتفاهم الا بالسكاكين،م بشوف زول قدامو غير الدم وقبل كدة طعن مرتو الكبيرة انتي مجنونه وافقتي لشنووو؟قولته ليها والمابخليني اوافق شنووو 😂قالت لي شهد انتي متزكرة لما نمشي السوق ونشتري اللحمه بتقولي لي الراجل دة انا م بريدو وم بتخلينا نشتري منوو؟انتي غاصبنك صح؟وقرايتك؟الراجل دة ي شهد بلديكي ياخي عيالو نصهم معرسين وعندو احفاد انتي م نصيحهه وقعدت تبكي،قولته ليها هههه هم القرو عملو شنوو،وي قول خالي المرة كان وصلت القانون مكانها الكانون😊😂قالت لي سمح وخالك ابو القاسم كلمتيهو؟م كلمتيهو صح؟قولته ليها خليها تبقى ليهو زي م بقولو بالإنجليزي سبرايز😂😂😂😂💔فاطمة دي بقت ماسكاني وتبكي وتبكي ،اغرب شي انا ولا دمعه م نزلت مني،قلبي إتحجر من كترة المأساة الأنا عايشاها،،،شويه كدة جات امنه جابت لي الملابس قالت لي قالو ليك البسي عشان العريس منتظر تطلعو،لبسته زيين وسرحته شعري براي ،ناديت امي قولته ليها انا جاهزة😊امي دي تبكي بأعلى صوتها وفاطمة ومريم ببكو بإتجاه وانا دمعة م نزلت مني ،خالي مسكني من يدي وقال لي أكرم ابشششر ي زول ياها حلالك،وهو زاتو م جاب معاهو اي زول جا هو براااهو،بعد المغرب قمنا طالعين الناس دي كانت تبكي وتصرخ كأنو مطلعين جنازة م عروس وانا كأنو ماف شي حاصل ودموعي دي حتى لو حنستها تحنيس م بتنزل،خالي لما شاف امي بتصرخ مسكها اداها كف وقال ليها الببكيك شنوو ؟بتك وسترناها بلاش كلام فارغ معاك،بعدها طلعنا مشينا،لما وصلنا البيت لقينا ام اكرم قاعدة سلمت علي هي زاتها قعدت تبكي😂قالت ليهو الله يهديك انت ي ولدي الله يهديك،طبعا امو مرة كبيييرة في العمر م صغيرة،قال لي ادخلي جوة هنااك،وصف لي اوضه كدة،مشيت دخلته وقعدته ،انا قاعدة وقلبي في يدي كنت شايله معي مصحف كل شويه بقرى لي جزء من سورة البقرة ،شويه كدة امو جابت لي اكل قالت لي اكلي ي بتي اظنك جعانهه،وطلعت مشت،انا قاعدة وخايفه تقريبا للساعهه 10بعدها رقدتهه واتغطيت بي توبي وانا الخوف عايز يكتلني،بعد مسااافهه من نومي حسيت بي زوول بضربني وبصحي وبقول لي هييي قومي يلا،صحيت بخلعهه وقعدته في نص السرير وصلحته توبي،طبعا جاااي سكراااني وريحتو تقرف،قال لي نايمة ليها شنووو؟؟
#نتلاقى
