#أدرينالين26
قالت لي م كلمتك لأني امتحنته مع المجموعه Aوانا شخصيا درجاتي م ضاعت لاني امتحنته سلفا😊....طبعا انا وقفته مصدومه،م زعلته علشان الدرجات الضاعت ،لانها م مشكله بس انا مصدومه في دان ،متغيرة شديييد،م دان الانا بعرفها ابدا ،اخر يوم في الامتحانات قبل م ادخل الامتحان جات بت بتقرى معانا اسمها مشاعل،سلمت علي قالت لي شهد صحي السمعتو دة😳قولته ليها سمعتي شنو؟م فهمتك؟قالت لي مشكلتك مع دان وكدة،قولته ليها ههه بس انا ودان ماف بينا مشكلهه😊قالت لي قالو انتي عامله حساب في الفيس و قاعدة ترسلي لي خطيب دان صورك صحي؟؟طبعا انا جاتني حالهه من الصدمة لمن بقيت ارجف،قولته ليها شنوو؟😳منو القال كدة ومتين؟قالت لي اسي سامعه ناس اروى قاعدين يتكلمو في الاستراحه،صراحه م بحب ألف وادور قولته اجي اسألك،الكلام دة قبل الامتحان بي 10دقايق بس،انا بسبب الكلام دة راسي شطب وم عرفته اشتغل شي في الامتحان غير الصفحه الأولى،طوول الامتحان انا ببكي وراسي بودي وبجيب،طلعته من الامتحان اوول من قالو مضى نصف الزمن،انتظرته دان لمن طلعت مسكتها من يدها،قالت لي فكيني انتي مجنونه😡قولته ليها ي دوووب انا عرفته انتي متغيرة مالك،كان غالبك تجي تسأليني إذا الكلام دة صح ولا لأ؟قالت م محتاجه اجي واسألك علشان تكذبي وتتوهمني فيني تمام؟كفايه شوفته بعيني،قولته ليها شوفتي شنوو؟قالت لي شهد عليك الله بطلي حركات واطلعي من دووور البرائه الانتي متغمصاه دة ،انا اعتبرتك اختي ودخلتك بيتنا وم حصل يوم شكيت فيك ولا بالغلط،قولته ليها لو اعتبرتيني اختك بجد كان جيتي وسالتيني اذا السمعتيهو والشوفتيهو دة صح ولا غلط،واسي انا حأقول ليك انا م عندي علاقه بالشوفتيهو تمام؟قالت طيب لنفترض انو انتي م ليك علاقه بالموضوع الحساب معمول بي رقمك ليه؟صوورك جات من وين وليه داخله ليهو بي اسم مزيف؟؟ي بت انتي لو عامله فيها واقعه من السماء انا اللازاك والله،قولته ليها رقمي ؟😳قالت لي بتدردشي مع باسل ليه وبترسلي ليهو صورك لشنوو؟غلطانه انا لانو حذروني منك بس م سمعته قولته عليك طيبانهه وبت ناس ،قولته ليها دان انا م فاهمه شي من البتقوليهو دة وريني خليني اشوف بعيني،قالت لي هههه شهد انتي تافهه عارفه حاجه زي دي؟م حأقول ليك اكتر من كدة تمام؟ فاكره باسل حيعاين ليك يعني؟_شكلك نسيتي انو انتي حتى الشراب اللابساهو مدياك ليهو انا ماف مقارنهه ،،بعد م دان مشت انا حسيت الدنيا دي لافه بي والجامعهه دي شايفاها كأنها دوامة وانا جواها،بقيت اقول لي نفسي استغفرالله العظيم ي رب ،استغفرالله العظيم ي رب، عمري م اتوقعتهه انو حيجي يوم ودان تتكلم معي بالإسلوب دة ،قبل م اطلع من الجامعه اتصلته على احمد بقيت احكي ليهو وابكي،قال لي م تطلعي من الجامعه انا جاي عليك،انتظرتو لمن جا ،قال لي دان دي مجنونه،وحتى القصه ساذجه شديد وم بتدخل الراس،قولته ليهو يعلم الله ي احمد انا م رسلته لي باسل دة ولا بالغلط ،وانا اساسا م عندي حساب في الفيس وم بعرف فيهو اي شي،وحتى الواتساب كنت ماسحاه نزلتو قبل فترة بس علشان اراسلها هي وافهم منها الحاصل،انا زعلانه علشان دان م جات حكت لي ولا حتى سألتني،احمد اتضايق شديد قال لي بطلي بكاء ،شهد انا واثق ومتأكد انو انتي م بتعملي كدة،شكلو دة زول عايز يفتن بيناتكم وعمل الحركه دي،قولته ليهو حتى ولو دان لو سمعت حاجه زي دي حتصدق؟😭قال لي دقيقه،نزل من العربيه وشال التلفون اتكلم مساافه بعدها رجع قال لي يلا نمشي،قولته ليهو وين؟قال لي نحل المشكله دي عشان م تكبر،قولته ليهو انا حاولته اتكلم معاها بس م حتسمع ليك،قال لي لا المرة دي حتسمع غصبا عنها،مشينا مكان كدة ،احمد ضرب تلفون وقال :وين انتو؟فجأة في زول رفع لينا يدو مشينا عليهو،لقيناهو باسل ومعاهو دان،دان عاينت لينا بخلعهه قالت ليهو باسل انت كزبته علي؟قال ليها اقعدي م كزبته عليك انا قولته ليك اذا عايزانا نستمر لازم نحل مشاكلنا ودي اول مشكلهه لازم نحلها،قالت ليهو انت م عايز تفهم؟انا م عايز احل معاها مشكله دي واحدة تافهه سااي،احمد قال ليها دان احترمي نفسك واتكلمي بي اسلوب،قالت ليهو واذا م اتكلمته بي اسلوب عايز تعمل شنو؟باسل قال ليها دااان وضرب ليها الطربيزة،سكتت ،قولته ليهم انا م جايه هنا علشان اخلق مشكله تمام ،دان قالت بي ضحكهه استهتار ههههه #دراما_كوين باسل قال لي اقعدي ي شهد عشان نتفاهم،قولته ليهو انا م جايه علشان اقعد ،وانا م عارفه الحصل شنو بالظبط ،بس انا على العموم كدة م عندي علاقهه بالموضوع دة خالص ،كنت بتكلم وببكي،قولته ليها دان لو كان جيتي سألتيني مرة واحدة من الحاصل م كنا نحن حاليا في المكان دة ،انا م بعرف حاجه اسمها فيس ويشهد الله م حصل فكرته اعملو زاتي،انا حتى الواتساب بنزلو عشان اتكلم معاك انتي بس وبمسحو،مصلحتي شنو انا اعمل كدة؟باسل قال لي انا من أول يوم جاني الأدد من الحساب دة شكيت انو مزيف م قبلتو،بس صاحب الحساب رسل لي في الان بوكس عرفته انو في شي غلط قولته اشوف نهايتو شنو ،ورسل لي دان اسكرينات دردشتي معاهو من حساب تاني على اساس انو فاعل خير وعايز مصلحتها،وبالفعل لما دان سألتني قولته ليها الحساب مزيف،لأني واثق انو دي م اخلاقك ي شهد ،ومتأكد انو انتي م بتعملي كدة ، لانو الحاجه دي والتصرفات دي م شبهك 😊بس دان هي الماعايزة تستوعب ،،،قالت ليهو باسل ههه والله انت طيبان وعلى نياتك طيب جيب جوالك ثواني،فتحت تلفون باسل ،قالت لي اقري الرساله دي مش من رقمك الحاليا انتي شغاله بيهو دة؟؟شلته الرساله كان مكتوب فيها:انا متضااايقهه ومهمومه ممكن تتصل علي ؟؟عاينته للرقم قولته ليها بس ي دان الشريحه دي انا م شغاله بيها لانها ضايعه مني عندها فترررة،ضحكت قالت لي لا ي شيخهه دقيقه اصدق😊فتحته شنطتي عندي مصحف صغير كدة بشيلو معي دايما طلعتو ليها ختيت يدي فيهو،باسل قال لي شهد م تحلفي م مجبورة على كدة انتي فهمتي؟تصدق او لا تبقى مشكلتها اصلا كل شي واضح وهي المغطيه عيونها عن الحقيقه،قولته ليها اقسم بالله ي دان من حلف بالله خلى حاجه؟اقسم بالله انا م لي علاقه بالقصه دي كلها ،باسل قال ليها دان عارفه انو الزول دة عرف يختار صح اختارك انتي عشان عارفك عقلك صغير وتفكيرك محدود وشال تلفونو وقام مشى،احمد شال مني المصحف قال لي م مجبورة ي شهد فهمتي؟قولته ليها انتي عارفه انا م زعلانه منك انا زعلانه عليك لانو ربنا م بيظلم حد واكيد بجي يوم وتتأكدي انو م انا العملته كدة،،،رجعته بيتنا كنت مكسووورة شديييد ويائسهه بجد الحياة بقت لي مسيخه وم ليها طعم،انا حظي كدة ليه؟كل حاجه حلوة تدخل حياتي بتطلع في كسر من الثانيه حتى قبل م ألحق احس بي طعمها،اليوم التاني امي حوالي الساعه2ونص كدة قالت لي قومي ارح معي،قولته ليها وين؟قالت لي ارح بس بيت مرة ماشين ليها انا وخالتك زمزم،قولته ليها مرة شنوو؟قالت لي اررح نمشي بس،مشيت معاها ،اول م دخلنا البيت كان ملان نسوان ،نلس داخله وناس مارقه،قولته ليها دة شنوو؟قالت لي اسكتي ،قولته ليها دة بيت وفاة يعني ولا شنوو؟والنسوان قاعدات بالصف،شويه كدة خالتو زمزم قالت لي امي ارح ندخل،امي مسكتني من يدي ودخلنا في غرفه كدة،غااايتو قدر م اوصف ليكم شكلها م حتصدقو،غرفه مخيفهه وكلها دخان وبخور ريحتو عفنهه،ومرة قاعدة في الارض ورابطه راسها وممشطه الشعر دة لي نهايه الضهر وشكلها مخيف كدة،قالت لينا اقعدو،طبعا انا حلفت كان اقعد،عاينت لي قالت لي اقعدي،والله خوفه بس قعدتهه،😢💔قالت لي امي دي ياها بتك القولتيها؟امي قالت ليها اااي،قالت ليها بتك دي عندها عواارض كتيره شديد ،امي قالت ليها ااي والله بس الله يدي العافيه،المرة قالت ليها راجلك دة انتي دايرة ترجعي ليهو ولا نكسرو ليك؟امي سكتت،قالت ليها كان دايرة ترجعي ليهو نرجعو ليك ولو دايرة نكسرو ليك ونسكتو ليك جيبي لي دمك بتاع النجاسه وانا بديك ليهو لكن بشرط تدفنيهو في المقاابر،طبعا انا خلاص كتمته نفس ومصدومه في امي،خالتي زمزم قالت ليها هااا سوسن دايرة بيهو شنو راجل م نافع سااي خليها تكسرو وتقعدو في ارض الله دي،عاينته لي امي قولته ليها يمة دة شنوو دة😨😱انتو م جادين صح؟؟امي قالت لي هسسس اسكتي ي بت،المرة عاينت لي قالت لي لو م عاجبك اطلعي برة طوالي،وقفته على حيلي قولته ليها فعلا م عاجبني وطالعه لكن م براي قومي يمة ،خالتي زمزم لو ماشه قومي ولو قاعدة خليك قاعدة،امي قالت لي اقعدي ي بت ،قولته ليها يمة اطلعي سرعهه،طلعنا وانا طووول الطريق اشاكل فيها واقول:معقوله يمة؟انتي زوله بتعرفي الله وبتقري قرءان كل الوقت في النهايه تتابعي لي الناس دي؟قالت لي ي بتي العوارض ماليه حياتنا نحن م ساي نحن مكتوبين،قولته ليها يمة لنفترض انو مكتوبين معقوله تمشي لي زول يحل ليك مشاكلك بالنجاسه؟في طرق تانيه ،الرقيه الشرعيه دي م خلت زول عيان او مسحور ،واسي حتكون واحدة كزابه وهي العفانه طاقه من ساسها لي راسها مشاكل شنو البتحلها خلي التنضف نفسها اول،قالت لي م بتنضف نفسها عشان بتشتغل بالجنون،قولته ليها ياكي عارفه وبرضو عايزة تغلطي كنتي صح؟سمح يمة انتي م بتصلي؟قالت لي خلاص م تكوركي سمعتي الحله كولها،قولته ليها يمة تاني اوعى تفكري ولو بالغلط تمشي البيت داك انا ياهو حزرتك،قالت لي خلاص سمح قولنا😒😏في يوم بالليل تلفوني ضرب المتصل كان احمد،صوتو كان متغير،قولته ليهو احمد صوتك مالوو؟قال لي شهد دان دي قطعت شراينها💔،قولته ليهو شنوو؟😳كيف يعني😳ومتين ؟قال لي من أول امس،قولته ليهو وليه ماف زول كلمني؟هي كويسه؟قال لي روووقي هي كويسهه❤قولته ليهو في اي مستشفى هي؟،لبسته عبايتي سرعه وطلعته مشيت،لما وصلته المستشفى اتلاقيت مع احمد قدام المستشفى ،احمد قال لي شهد م تدخلي الناس كتااار ويمكن تسمعي كلام م بعجبك؟ قولته ليهو احمد دان صحبتي ماف اهم من كدة انا ماشه اشوفها فهمتني؟؟قال لي هي كويسه م عندها عوجه وانتي عارفه دان وعصبيتها لو شافتك هي ممكن تعمل مشكلهه،قولته ليهو طيب هي ليه عملت كدة؟الحصل شنووو؟؟احمد قال لي م عارف والله لكن تقريبا اتشاكلت مع باسل،قال لي دقيقه خليك واقفه هنا انا داخل المستشفى وطالع تمام؟قولته ليهو قبل م تمشي اديني رقم باسل،قال لي لشنووو؟؟قولته ليهو عايزاهو ممكن؟قال لي طيب تمام اداني الرقم ،اتصلته عليهو ،اول م رد قولته ليهو مالك مع دان؟قال لي نعم؟قولته ليهو مشكلتك شنو مع دان؟ليه قطعت شراينها؟قال لي منو معاي؟قولته ليهو شهد حيكون منو يعني؟قال لي المشكله شخصيهه،قولته ليهو وطبعا المشكله كانت بسببك صح؟قال لي م مجبور ابرر ليك الحاصل،قولته ليهو انت واحد اناني على فكرة وم بتفكر غير في نفسك وبس،ليه الأنانيهه الفيك دي؟دان دايما بتفكر شايفاك افضل زووول ومع تنها شايفه برودك بس بتتجاوزك وبتهتم مع انو الحاجه دي المفروض تجي منك انت 😡قال لي برجع وبقول ليك الموضووع شخصي ،وانا م عايز اتكلم في الموضوع مع زول لأني حسمتو يلا سلام 😊وقفل الخط في وشي،متخلف حيوان😡عصبني لمن مسحته رقمو من تلفوني وعدت الايام وكنت بتصل على ام دان علشان اتطمن عليها❤في يوم تلفوني ضرب الرقم كان غريب رديت قولته الوو..المتصل قال لي السلام عليكم،قولته ليهو وعليكم السلام منو معاي؟قال لي م عرفتيني معقوله؟قولته ليهو معليش م عرفتك منو؟قال لي خالك ابوالقاسم..ياخي لمن حسيت انو جسمي ردت فيهو الروح قولته ليهو خالي وااي ي امي اللحقي دة خالي ابوالقاسم😻وقعد يتكلم معانا قال لينا انا في الخرطوم وصفو لي محلكم وين انا جايييكم،،،وصفنا ليهو وبالفعل جانا ،طبعا عرف الحصل معانا كلووو بقى يتكلم معااي ويبكي وانا ببكي،،طبعا جانا الا بعد م ساافر البلد واتشاكل مع خالي حمد وجا راجع مشى لي خالتي مرام وشاكلها بعداك جانا نحن،قال لينا انا جاي سايقكم معاي السعوديه،امي قالت ليهو وين لالا م بنقدر نمشي وين؟قال ليها اسي البيت الانتو ساكنين فيهو دة بيت ولا دي عيشه؟انا جاي ومرتب امووري وجايب ليكم معاي إقامات ،انتي وأولادك بس نطلع الجوازات ونسافر من هنا كفايه،قالت ليهو وشهد جامعتها نخليها ورانا كيف؟وتقعد وين،قال ليها تساافر معانا ولما جامعتها تفتح تنزل داخليه بس منتهي،امي قالت ليهو لكن الجوازات دي كلامها م صعب،قال ليها انا عندي صحبي شغال في الجوازات م بياخد وقت بطلعهم لينا بالساهل،وبالفعل بعد اسبوعين طلعو لينا جوازاتنا،ورتبنا امورنا علشان نساافر😻كنا محتاجين للتغير دة نحن بالزات انا نفسياتي كانت في الأرض كنت عايزة أبعد من البلد دي وجوها،كنت عايزة انسى كل شي💔سافرنا السعوديه انا سافرته تميت شهر بس جامعتي فتحت اصلا السعوديه م كان فيها موضوع طوول اليوم اكل ونوم وبس😪لما رجعته السودان نزلته داخليه ،بقيت وحدانيهه في الجامعه وم عندي زول كل الوقت بكون قاعدة براي، وطبعا دان مع شلتها القديمه،كانو م بفوتو فرصه علشان يطاعنوني بالكلام فيها،في يوم جيت متأخرة قعدته في اااخر البينشات ،شويه كدة جا ولد قعد جنبي شال قلمي بتاع الرصاص من غير استئذان،شويه كدة شال قلم الحبر،رفعته راسي عاينته ليهو،قال لي I,m sory قولته ليهو عادي ولا يهمك،قال لي قبل يومين في لكشر م حضرتو ممكن اشوف الشيت تبعك؟قولته ليهو اوك طيب،الشي الحيرني انو الولد دة نفس الشي م قاعد يتكلم مع زول ولا شغال بي زول بجي زمن المحاضرات وبطلع بمشي وحتى لو قاعد في الجامعه اغلب الوقت بكون فاتح لابتوبو وبس، هو شكلو زي الأجنبي ، ولابس ليهو حلقه ومكككككسر البنات وهو م جايب خبرهم😂بعد خلصنا محاضرة طلعته مشيت قعدته في البينشات حقت حرم الجامعه،شويه كدة جا نفس الولد قعد جنبي وشايل معاهو عصير قال لي اتفضلي،قولته ليهو شكرا م عايزة،قال لي راح إزعل ع فكرة💔شلتو منو قولته ليهو شكرا❤قال لي ميار❤اسمي ميار،قولته ليهو اهااا❤بقى كل يوم لما يجي يلقاني قاعدة بجي بقعد معاي وبونسني، مع اني م بفهم نص كلامو لانو احيانا بشطح بالانجليزي😂في يوم كنت طالعه من الجامعه،اروى لاقتني في الباب قالت لي شهد انا راجعهه الاستراحه 5دقايق وراجعه امسكي لي شنطتي دي ،ومسكتني ليها وجرت،طبعا هي خلعتني لانها لا قاعدة تتكلم معي لا شي ،انتظرتها لمن جات قالت لي ثانكث وابتسمت لي ومشت،اليوم التاني جيت الجامعه اول م جيت اروى جات مسكتني قالت لي عايني ي شهد امس شنطني دي كان فيها 15مليون انتي شلتيها؟قولته ليها شنوو😳بررري شنطتك انا م فتحتها اساسا،😳قالت لي بطلي حركات وم تهظري معااي رجعي لي القروش الشلتيها،قولته ليها ي بت انتي م جادة طبعا قروش شنو انا م شلته منك قروش والله،قالت والله ي شهد اطلعها من عيونك اصبري لي بس،قولته حركات منها سااي وعايزة تبرمج بي م ركزته معاها ،يوم الخميس كانت عندنا محاضرة واحدة بس،اثناء م نحن طالعين قدام بوبه الجامعه جاني عسكري ،قال لي انت شهد احمد ؟قولته ليهو ايوة انا في شنو؟قال لي عندك امر قبض في قسم ال....قولته ليهو شنووو ؟وأمر قبض بالنسبهه لشنووو😳قال لي ارح معاي القسم،كان جاي بي امجاد،طبعا انا الخوووف كتلني كتل ،مشيت ركبته في الأمجاد ،والله من الخووف م عرفته اعمل شنو زاتي😢💔ركبته في الأمجاد جات اروى قالت ليهو انتو اتقدمو نحن وراكم بالعربيهه❤لما وصلنا القسم الضابط قعد يسأل فيني عن موضوع القروش وم القروش وانا ليه شلتها وكدة،قولته ليهو انا م شلتها وم مجبورة احلف ليك عشان انا واثقه من نفسي م شلتها،قال لي لكن الزوله دي قالت شلتيها وعندها شهود انو القروش كانت في الشنطه لما ادتك ليها،رفعته راسي لقيت دان ومعاها تاني واحدة واقفه،اصلا بقيت م بتصدم من اي تصرف تتصرفو دان،قولته ليها عايزة اقول ليك حاجه واحدة بس ي دان احتراما للبينا والله لو طلعتي لي في راسي حأنزلك واسكت تمام؟😊الضابط قال لي انتي عارفه انو انتي حتقعدي تلاته يوم هنا؟،،عاينته ليهو بي خوووف قولته ليهو لشنوو ؟انا عملته شنوو اساسا؟قال لي الليله الخميس وكل المتحرين مافي ولو الجن الأحمر م بطلعك،خلاااص انا هنا الموت إتملكني😢😭اعمل شنوو واقول ي منووو😭💔بعد م دخلوني الحراصه اروى قالت للضابط ي حوته زي م قولته ليك م اوصيك م تقصر معاها😌ضحك بخباااثهه قال ليها هو نحن كمان بنتوصى😂😌❤قبل م يدخلوني الحراصه ميار جا داخل،الضابط قال ليهو اتفضل❤قال ليهو عايز اضمن البت دي،الضابط عاين لي قال ليهو دي؟بتعرفها انت؟ميار قال ليهو ايوة بعرفها دفعتي في الجامعهه،الضابط قال ليهو فوق م انك اجنبي وسوري كمان جاي داخل لي في القسم وعايز تضمن لي بت كمان؟تعال ي عسكري دخلو حراصهه الرجال،،،ميار قال ليهو م تغلط معاي بحزرك،،،الضابط قام ضربو كف وقال ليهو بلاش قلهه ادب معاك يلا طيروهو الحراصهه...قلبي وجعني على ميار جا يكحلها عماها مرة واحدة😪😢انا مهما قولته مرت علي ايام سيئه م حتكون بالسؤ دة ، الحراصه ضلام وريحه تقرف وباعوض وسخانهه،😭😷في بت كانت قاعدة معاي في الحراصه،عندها تلفون داساهو ماف زول شايفو عندها،الساعهه 10قولته ليها عايزة تلفونك دة ممكن؟قالت لي هاك لكن م تخلي زول يشوفك💔شلتو منها م كنت عارفه اضرب لمنوو لانو اهلي كلهم بعاااد وم عندي زول😢بسس قولته اضرب لي تنزيل انشاءالله اكلمها ساااي😢😭ضربته لي تنزيل قولته ليها تنزيل انا في الحراسهه،قالت لي شنوو م تهظري حراسه شنوو😳حكيت ليها بالحاصل قولته ليها قالو ماف ضمانات اليوم ،قالت لي واااااي ي شهد في اي قسم انتي؟قولته ليها قسم ال...قالت لي طيب دقيقه دقيقه،،قفلت مني ،تنزيل بعد م قفلت اتصلت على زول وقالت ليهو:اسفه اتصلته عليك زي الزمن دة لكن محتاجاك في موضوع ضروري ي ريت تساااأعدني،عندي صحبتي....انا كنت قاعدة وبتكلم مع اابت وبحكي ليها عن الحاصل معي جا عسكري قال لي تعالي عايزنك،قولته ليهو العايزني منووو؟😳قال لي اطلعي تعالي،طلعته مشيت مكتب الضابط كان اللقى ليك باسل واقف وبتكلم معاهو،الضابط عاين لي قال لي رجالك كتار خلاص😊باسل قال ليهو ركز معاي انا يوم الأحد انشاءالله حأجيبها ليك عشان تتحرو معاها لكن م تخليها في الحراسه ليوم الأحد،الضابط قال ليهو شووف ي الأخو م تكتر معاي ماف متحري يعني ماف طلعهه فهمته؟ولسؤ حظها اليوم الخميس والمتحرين كلهم مشو أهلهم وم حيجو الا يوم الأحد،باسل قال ليهو ولو جا متحري؟قال ليهو اقول ليك حاجه زي الزمن دة متحري الا كان تخلقو خلقه😊باسل قال ليهو كويس،،،طبعا في النقاش دة دة كلوو انا واقفه ومسطحهه بس بعاين💔😢باسل طلع بىة ضرب تلفون وقال:ي عم خليل عليك الله انا في قسم ال....محتاج لي متحري يكون شغال في القسم دة يجيني ااااسي ،اااي عااارف الزمن متأخر بس انا محتاج ليهو يصدق لي ضمانه ...
معليش ي جماعهه والله اليوم كنت مافي ي دووب رجعته بيتتا اعفو لي واتضطريت اكتبها ليكم طويلهه❤
