مصعب غضب جدا و اتحمق قال ليها اوعك تكلمي زول من ناس البيت بكسر رقبتك .......برضو عايزها يعني .......كونها مشت لي طبيبة دي ما حاجة تخليني اشكك في شرفها يمكن تكون عيانة مثلا ........هههههه انت بتغش على روحك قلت ليك ما معاها زول من ناس بيتهم معاها صاحبتها فقط ........يا زولة قفلي خلاص ......مصعب بدأ نزاع داخلي ما عارف يتصرف كيف يواجه هدى ولا يسكت ........في الاخير قرر انو يواصل و يكمل للاخر و عزي انو هو شخص غير سئ و لا زاني ربنا ما بوقعو في زولة خبيثة .......بس الشك الدخلتو فيهو اختو عايز يكسر راسو من التفكير ........عبير بعد الدكتورة طمنها و عملت ليها اللازم في جمعتها اتخطبت و حددو ليها العرس ......هدى قالت ليها دا شنو دا بالسرعة دي قبليني كمان ماشاء الله ......والله يا هدى العرسان راقدين بس انا الكنت برفض اسي دا ولد عمي ساكيني ليهو سنتين و انا برفض اسي مجرد ما وافقت جا سريع و عايز يكمل سريع .......هدى فرحت ليها جدا و بقت تدعي ربنا يسترها و يسعدها و يهنيها .......
عبير اتزوجت قبل السنة ما تخلص و قبل الاجازة و مشت عدت15يوم و رجعت الجامعة و بقت تسك في هدى عشان تقريها الفات عشان الامتحانات على الابواب ........معمر شغال في شغلو و فاطمة كمان ما مقصرة كل مرة بي حركة جديدة و هو بقى يطلع بدري و يجي متاخر عشان اتجنبها .......و هدى بعد خلصت امتحانات على طول بعد اسبوع حيكون عرسها ...........مصعب حاول يتماسك و يتواصل معاها عادي بس ما زي اول في برود .......مصعب بدأ يقنع في نفسو انو لو ما قدر العلاقة دي ما يخوضها .......و ما قادر يسأل هدى من الموضوع دا ......عد الاسبوع سريع و جا يوم العقد و عقدو ليهم و مصعب اتصل على هدى و بارك ليها .......و بعدها جا ساقها من الكوفير .......وصلو الحفلة كانت شغالة ......مصعب ما ضاق ليها اي طعم رغم انو هدى كانت مبسوطة جدا .......بعد خلصو الحفلة ......ساقها مشو شقة مفروشة عشان شهر العسل ........
.مصعب اول شئ قال ليها اهم شئ نكون صريحين مع بعض .......هدى قالت ليهو فعلا دي اهم حاجة .......مصعب فكر كدا .........مافي حاجة عايزة تقوليها لي .......حاجة زي شنو مثلا .......احكي لي عن الماضي .......كيف يعني انت عارف كل شئ.......لالا قصدي ليك علاقاتك السابقة ........هدى اتخلعت .......لالا ما عندي علاقات اساسا .......كيف يعني اي زول بكون عندو علاقة ولو واحدة في ماضيهو .......هدى ابتسمت قالت ليهو لالا والله ما عندي و انت عندك ؟.......عندي شنو ......حبيبة سابقة ........مصعب فكر كدا قال يمكن لو حكي ليها تتشجع و تقول ........بدا يحكي ليها في قصة وهمية كدا .......و سبتو بعض لي شنو ......مافي قسمة بس ......هدى تعابير وشها اتغيرت .......مالك في شنو .......مافي شئ ساي بس .......مصعب فهم سبب ضيقها ........لكن اسي نسيتها و هي اتزوجت و جابت اولاد .......هدى ارتاحت شوية .......اها احكي لي انتي .......احكي شنو قلت ليك ما كان عندي اي علاقة بي زول اساسا تلفون ما عندي .......و لا في الجامعة .......لالا مافي .......ولا في المدرسة .........هدى قعدت تضحك قالت ليهو ايوااا اتذكرت .......مصعب بدأ مهتم .......لمن كنت في سنة تالتة اساس كان معانا ولد بجي طوالي الاول كان عاجبني بس هو بشاكلني و معمر بجي يدقو و انا بقول ليهو ما تدقو خليهو ........بدات تحكي ليهو في قصص من الاساس و كلها بريئة جدا ووهمية كدا ........مصعب حس انو بضيع في زمنو و قام على حيلو غضبان ......بالله ؟؟ يعني عايشة دور البريئة ......هدى اتخلعت ......في شنو ما فهمتك .......يابت الناس اسمعي هنا انتي شكلك زولة بتاعت مراوغة و قصص انا ما فاهمها احكي لي الحصل بالتفصيل .......حصل شنو وين بالضبط و متين و مع منو .........هدى اتخلعت ما فاهمة بتتكلم شنو......لالا انتي فاهمة كويس جدا الوداك قبل العرس بي فترة لي دكتورة نساء شنو ........هدى اتخلعت و في نفس الوقت اتذكرت صحبتها عبير .......اا ا ..... كانت عبير صحبتي عندها مشكلة كدا و مشيت معاها عشان تحلها .......مصعب بدأ يعاين ليها .......مشكلة عند صحبتك طيب اهلها ليه ما مشو معاها تمشى معاها انتي .....
يتبع....
