رواية الخيار الصعب

... الفصل التاسع....

سلوى مو مصدقة اللي تشوفه.. عيونها تتنقل بين هيفاء وليال.. اللي انخطف لونها ونزلت راسها من الاحراج.. هيفاء احضنتها بقوة .. بوجه جامد تناظر سلوى ...

هيفاء ( رافعة حاجبها): الناس تتصل .. تعطي خبر قبل ما.....
قاطعتها سلوى (بزمرة): اتصلت على جوالك ما رديت , بعدين قفلتِ الجوال. كلمت البيت قالت الخدامة انك موجودة في البيت لكنك unavailable..
هيفاء (تحاول تمسك أعصابها): اها.. فلبست عباتك وجيتي..
سلوى عيونها على ليال: لو ما كان الموضوع مهم .. ما كنت جيت ... ( بعدين لفت وجهها).
هيفاء اللي لاحظت ان ليال بدت ترجف.. ( راح أوصل لها وراجعت لك ).. سلوى ما ردت وقعدت على الكنبة ..

ليال (تتنهد): شفتيها شلون كانت تطالعنا.. الله عالم شو تفكر فيني الحين..
هيفاء (تمسح دموعها وتبوسها): حبيبي لا تزعلين نفسك .. بعدين سلوى فري وعارفة عني كل شي ..هي بس تفاجأت فينا .. بس..
ليال (حاطة يدها على يد هيفاء): ايه بس ... وش راح تقولين لها ..
هيفاء (تهز كتفيها وتبتسم) : راح أقول لها اننا lovers..
ليال (تهز براسها): لا .. لا انا ما أقدر.. الأحسن ان ما نلتق.....ى
هيفاء( تحضنها بقوة): ششش لا تقولينها ... أنا ما صدقت ترضين عني...
ليال: أي .. بس ..
هيفاء: لا تخافين بيبي ( تبوسها).. راح أحل الموضوع ..
ليال: شلون راح أحط عيني بعينها...
هيفاء (تضحك): اعطي نفسك وقت.. وراح تتعودين ..سلوى مو من النوع اللي يحكم على الناس.
ليال: .............
هيفاء : اوكي بيبي..
ليال (تهز براسها): اوكي.. بيبي..

صعدت هيفاء لفوق وشافت سلوى قاعدة على الكنبة وتدخن... قعدت على الكنبة اللي قبالها .. وظلوا ساكتين مدة ... بعدين هيفاء زفرت بقوة : قولي اللي عندك..
سلوى (تطفي cigarette .. وبغضب) : هيفاء جنيتِ وين عقلك .. من قل البنات ..البنت تشتغل عندك .
هيفاء (بهدوء) : أحبها ..
سلوى( ما سمعتها): تبين تتسلين .. ما حد منعك .. بس رجاء ابعدي عن الشركة .. الشركة مصدر رزق .. ما أبيـ....
هيفاء (قاطعتها بهدوء) : أحبها وأموت فيها ..
سلوى ( توها تنتبه ):وش قلت ..
هيفاء (عينها في عين سلوى): أعشقها ..
ناظرتها سلوى مدة .. بعدين وقفت وحطت يدها على جبينها : هيفاء .. هيفاء ...
رفعت هيفاء راسها وطالعت سلوى وعيونها تدمع : أحبها.. وربي أحبها...
راحت لها سلوى وجلست جنبها .. وحطت يدها على فخذ هيفاء.. هيفاء مسكت يد سلوى وحطت راسها على كتف سلوى.. ظلوا مدة ساكتين..
سلوى (بهدوء): إلى هالدرجة تحبينها..
هيفاء: ما أتخيل حياتي بدونها..
سلوى (تبتسم): أجل هي سبب تغييرك المفاجئ..
هيفاء: همممم.. معها أكون غير.. أكون مي me ..
سلوى (تضحك ): والله برافو عليها اللي روضت الـlioness..
هيفاء وخرت عنها.. ولفت جسمها عشان تقابلها.. تناظرها وهي رافعة حاجبها ..
سلوى (تأشر بيدها وتبتسم): don't give me that look .. أنت فعلا متغيرة .. وين هيفاء قبل وين هيفاء الحين..
ضحكت هيفاء: أقدر أطلب منك طلب ..
سلوى (تبتسم): أكيد.. امري..
هيفاء: ما يأمر عليك ظالم.. احم .. ليال ......
قاطعتها سلوى: أدري .. ما عليك.. صارت family الحين ... بس أتمنى تكونين عارفة شو قاعدة تسوين..
ناظرتها هيفاء ( مو فاهمة):.......
سلوى (رافعة حواجبها): ما أبغى البنت تنضر..
هيفاء (قامت وراحت للميني كيتشن وأخذت لها كاس ماء ): ما راح أسمح لأحد أن يمسها ..
سلوى (مكتفة ايدينها): أنا ما أتكلم عن أي أحد..
هيفاء (رفعت يدها): ولا لنفسي أن أجرحها أو أضرها..
بعدين التفتت عليها والكاس بيدها : بس قولي لي ..وش الشي المهم اللي ما ينتظر إلى بكرة وخلاك تجين في هالوقت .
سلوى ( بهدوء): هيثم..
هيفاء (باشمئزاز): وش فيه..
سلوى (تزفر بهدوء): رجع الشرقية اليوم..
هيفاء وجهها أحمر من الغضب.. رمت الكاس على الأرض......

عنود( معصبة): كانت ما جيتي ونمتي عندها ... شوفي الساعة كم...
ليال (تكلم نفسها): يا ليت ..
عنود(حاطة يدها على خصرها): خير وش قلتي..
ليال: سلامتك.. وراحت لمت خالتها ( أسف أني تأخرت .. بس في أمور كانت عالقة بينا وحليناها)
عنود( مو فاهمة): أي أمور.. وأي عالقة ...!!
ليال (ترقع): كان عندنا شغل كثير وحبيت اخلصه كله اليوم.. عشان عزيمة خالتي بكرة لأني ما راح أقدر أروح لها..
عنود: المهم .. حاولي ماتنسين نفسك.. ما أقدر أغطي عليك أكثر...
ليال (ترفع يدها لراسها مثل حركة العسكري): أمرك سيدي..
تناظرها عنود فترة: فيك شي متغير.. صايرة حليانة يا ضرسانة .. تضحك وتطلع .

قعدت ليال تفكر في اللي صار اليوم .. موقف سلوى ونظرتها .. كانت استغراب . دهشة ..بس كان في شي ثاني في عيونها.. شفقة .. يمكن يتخيل لي..
قامت تفصخ عبايتها والشيلة وناظرت المراية .. شافت رقبتها وشهقت بصوت عالي .. عنود دخلت فجأة ( وش فيك) . ليال التفتت عليها ويدها على رقبتها ( لا بس جت عنكبوتة على يدي ..واخترعت )..
عنود( تناظرها بنص عين): عنكبوتة !!!! (وهزت براسها وطلعت)..
ليال معصبة وتكلم نفسها " هيفاااااااااااااء .. شلون أقابل الناس بهالمنظر!!!!! 

في مكان أخر.....

غادة (بحدة): وش قلتِ..
تهاني: شفتها في فندق........ تتعشى مع بنت (تصفر) حلوة موت...
موضي: لا تبالغين .. ما عليها زود..
تهاني ( باستغراب): ما عليها زود.. من اللي كان بياكلها بعيونه...
غادة (تهز أكتافها): يومين وبتمل منها.. وش المشكلة..
تهاني (تأشر بيدها): ما أظن.. أنت ما شفتيهم في المعرض ونظرات هيفاء لها غير....
موضي (تهدي الوضع): أي بس هيفاء متقبلة المزاج .. أكيد بتمل منها..
غادة (تهز راسها): قلت لي حلوة...
تهاني: مووووووووووووت..
غادة (بهدوء) : نشوف ..؟؟؟