فلسفاآتي 🐸🚬

اعترافات..

habibt_3zrahel
تعي بدي اعترفلك بكلشي
كلشي صار وكلشي حكيناه انا والاء
...
اول شي دحكيلك انو كل هاد الي عملناه وفكرتينا ما بنحبك منه كان لمصلحتك
كلشي سويناه كان عشان نسعدك
انا كنت احكي لالاء الاشياء الي ما بقدر احكيلك ياها لانو اذا حكيتها الك بعرفك رح تنجرحي وانا بدي ياكي تضلي مبسوطة عطول
الاء كانت تضل تحكيلي شغلات عن ياسمين وتضل تحكيلي انك لازم تحذري منها بس انتي ما بتردي
انا الاشي الوحيد الي حكيته لالاء هو شغلة وعد ...
وعد حكتلي ما احكيلك بس مضطرة عشان تفهميني
لما اعطيتي حسابك لوعد هي اجت عندي وكانت قاعدة بتحكيلي عن حياتها حكتلي شغلات بتسم البدن عن امها شغلات عنجد خلتني اكتئب واضل. اعيط طول الليل
وبالاخر حكتلي انها رح تحذف المحادثة عشان انتي ما تنجرحي وما تزعلي
وانا قلت ماشي عشانك يعني ... تحملت هاد الاشي عشانك بس ماقدرت اضل مخبيته كنت رح انفجر لهيك حكيت لالاء
وكمان الاء كانت تضل تحكيلي عنك وعن الشغلات الي نفسها تتغير فيكي ... وانا قلتلك هالشي من قبل صح ... قلتلك هيك بس عشان مصلحتك برضو لانو بنحبك
ولما قالت عنك الاء بتنقلي حكي .... هي حكت هيك لانها كانت بدها تبعد عنك عاساس انها مريضة ومابدها ياكي تزعلي عليها لو راحت ... يعني برضو عشان مصلحتك
انا بتصرف معك احيانا بحقارة لان بدي ياكي تعرفي انو مهما الواحد ورجاكي انو منيح ممكن يكون مش منيح ... لانو بعرف قلبك طيب وبتردي عكل حدا بيعمل منيحة معك ... بدي شخصيتك تصير اقوى من هيك .. بدي ياكي تكوني قادرة على مواجهة الناس الكلاب الي رح يكونوا معك بالمستقبل لانو الله اعلم انا رح اكون معك او لا يمكن اموت ... او تفرقنا الظروف ما بتعرفي الله اعلم
بتصدقي الاء هاي الي بدكيش تصاحبيها ... لما تركتك ياسمين تكملي الطريق لحالك مبارح ضلت تحكيلي يلا نصاحبها .... وانا كنت اقللها اجلي الموضوع لبكرا عشان بدي تالا تفكر منيح بالاشياء الي صارت ... بس انتي ما فكرتي فيها وبعدك مفكرتينا غلطانات
هاد كلو وكل الاشياء الي كننا نعملها كننا نعملها عشان نحميكي وعشان مصلحتك
انا اليوم حسيت انك بطلتي تثقي فيي لما ماجيت عندك بالفرصة
بس كنت مفكرة انك حاربتيني كمان مرة عشان هيك ماجيت
انا كان نفسي اقتل كل بنت قربت عليكي وقالتلك انو انا مش صاحبة حقيقية
حسيت بالخيانة لما شفت كل البنات متجمعات حوليكي وانا ولاحدا سائل فيي
الكل كان ييجي علي يحكيلي اني حقيرة ويروح
ماعرفت كيف اوصف شعوري وقتها حسيت عنجد انو الكل طعنني بضهري
..وكلهم كانوا كلاب
عادي خليهم يجو عندك ما عندي مشكلة
بس كيف الكل كان يمشي من جنبي ويحكي علي حسيت رح اموت من القهر
اخخ لو شفتي لما وصلتي عالبيت وانا كملت لحالي
كانن كلهن وراي ولما شافني ماشية قدامهن سكتن .... الله اعلم شو كانوا يحكوا ....
بس يلا مع هيك مسكت. حالي وما عيطت ☺لاني قوية عهيك مشاكل
وانتي لازم تصيري زيي ماشي ... عشان نعيش منيح لازم نعامل ما شخص متل ما بيستاهل

مابعرف ليش ما حكيتلك كل هاد عالخاص ☺