زواج عرفي

٢٢

كتير بنغلط في حياتنا .. وبنرتكب ذنوب كتيييرة .. بس باب التوبة مفتوح وربنا ما بنسي عبادو .. البضرك الله بضرو في يوم .. وعمر الحياة ما وقفت عشان انسان او مشكلة طالما نحن بنراجع نفسنا ونتوب ... ربنا ح يسعدك ويفرحك كتير لما تنسي انك زاتك في يوم مريت بي حزن وإنكسار وهموم ..
مع كل الود ❤😘
.
.
.
و حيرت قلبي معاك
خليتو بيك مشغول ..
.
.
عادل قعد يومين في السودان لانو شغلو  .. انا ابيت ارجع معاه .. خليت امي تهرج وما خلت لي شكلة .. بس برضو عاندته وابيت امشي معاه .
لما جا يودعني حضني اخر حضن وقال لي والله انا شاريك ياشادن وعايز ابتدي حياتي معاك .. ربنا بغفر لي ما عايزة تسامحيني .
قلت ليه اديني فرصة امكن الزمن يقدر يمحي الجوه قلبي ..
بكيت لما جا ماشي ما هو كمان بقي مني وانا بقيت منو بس في حاجة جواي واجعاني شديد ما قادرة ارجع ليه بالساهل .
عدت الشهور سريع وكل يوم كان بتصل علي يتطمن .. الشوق عزبني عذاب كنت عايزاه ومتمنية يكون جمبي في الظروف دي ..
ماما كل يوم بتشغل لي موال بتاع لوم ما رضيانة بالانا بعمل فيه دا😂😂
بس كتر خير بابا البقيف في صفي علي طول ..
ناصر جا راجع البيت براه وكالعادة ما بقعد معانا ولا بتونس زاتو .. ما هو في كل بيت لازم تلقي نوع الاخوان الزي ديل علي طول منكدها علي البيت ويشاكل ويجوط بدون سبب .. بس نعمل شنو بنصبر وندعي ربنا الله يهديهم ويصبر ماما وبابا عليهم ..
بطني كبرت وبقيت تقيلة دخلته في التاسع .. وكلها كم يوم والد حددوها لي طبيعي ..وانتي ياماما قطعتي قلبي بالمشاوير ورجولي وجعوني .. عشان الولادة تتسهل لي ..
الايام كانت زي ما هي ما حصل شي جديد .. بس كنت مقاطعة التلفونات وحلفته ما اعمل لي واحد من يوم ناصر قلع تلفوني وما عارفاه طيرو وين لي يوم الليلة اظنو باعو بكون .. اخباري انقطعت من اصحابي في مصر من وقت جيت ما عارفة عنهم شي ..
بديت الين تجاه عادل واحن ليه ومرات مرات بشيل تلفون ماما بتصل عليه اسمع صوتو بالذات لما اتعب من الحمل بحتاج ليه شديد ..
قمته فجأة في حاجة وجعتني وحسيت بي شي داير يطلع مني .. قعدته اكورك واصرخ خلاص اعصابي باظت لحظتها ..
قمته من السرير ووقت شوو موية نزلت مني قعدت اصرخ بي طول حسي وبقيت ماسكة بطني من تحت وببكي .. بنادي في ماما الحقيني انا عايزة الد 😢😢😢
بابا وماما جرو بي المستشفي جري واتصلو بالدكتورة الكنت متابعة معاها .. دخلوني غرفة الولادة سريع .. وفرجته الناس علي بالبكي والصرخي ما خليت لي دمعة وصرخة ..
بابا اتصل بي عادل والجرسة حصلت قعد يبكي في التلفون .. ويقول ياريتني لو كنت قاعد ياريتني لو حضرتها .. ياعمي قول لي الحقيقة شادن كويسة ..
بابا لما هرشو😂😂
الله خليك راقل ي بني كلهم كم ساعة زمن وتطلعلنا بالسلامة يارب ادعي انت بس..
قال ليه انا اول طيارة وجاي علي طول ..
الالم كان شديد علي الدكتورة بقت تقرا لي في القران وانا بقول وراها .. تعبته شديد وفجأة حسيت حاجة دفعتني قوي وبطني بقت خفيفة واول صرخة اسمعها وتاني ما حسيت بي شي ...
لما فتحت عيوني كنت تعبانة ومرهقة ..
حمدالله علي السلامة ي بنتي ..
ماما سلمت علي وباستني شديد ..
وبابا قعد جمبي ..
شوفيها ياشادن شبه ابوها كيف ماشاءالله تبارك الله ..
ختتا لي في حضني قعدت ابكي واضحك فرحااانة شديد .. الحمدلله ..
ماشاءالله شكلها حا تطلع مزة زي امها بئا .. وانا من دلوئت بئلكو اهو غير اتنين مليار مش ح وافئ علي قوازها ..
قعدنا نضحك ..
انت يابابا عايز تبور لي بتي من هسي ولا شنو ..
جات الممرضة وورتني كيف ارضعها وبعدها جات الدكتورة واطمنت علي وعلي الطفلة .. طلعونا في نفس اليوم بالليل جينا البيت.. ونسوان الحي اتكسرو فينا زيارات لما زهجوني لاني كنت تعبانة عايزة انوم .. والبت طلعت لي بكاية ما عارفة لمنو 😕😕
بس نمته كدا شوية ..
زي حسيت بي شي لمسني اتخلعته لقيتو عادل جراني عليه ..
حمدالله علي السلامة حبيبي ..
عادل جبته بنوته بتشبهك 😍
عارف حبيبي حلوة زي امها مش ..
بس خليك في حضني وحشتيني شديد .
وانت كمان روحي كل ثانية بتمر علي كنت فاقداك فيها .
انا بحبك يا عادل لقيت نفسي ما بقدر ابعد عنك ..
ربنا يحفظك لي يا ام ليان .
😍😍😍
ليان الله اسم حلوو ..
عجبك حبيبي عارفة لي سميتها ليان ..
اي شي منك حلو .. لي؟
عشان تطلع لينة ورقيقة وحنينة زيك .. انتي عارفة بحمدالله انو رزقني بيك انتي بقيتي كل حياتي ..
ضربتو في يدو قول نحن ..
قعد اضحك ايوااا نحن ..
قوم شوف بتك انت نسيتها ولا شنو😂😂
قام شالا وجا ختاها في وسطنا .. عاين لي نفس اول نظرة لما عيونا وقعت في بعض .. رايك شنو نمشي عمرة .
😍😍😍 حبيبي قول والله انا نفسي اعمر والله نفسي ازور الكعبة واشرب موية زمزم ..
خلينا ندعي ربنا يغفر لينا ويحفظنا لي بعض وما نتفارق ابدا ان شاءالله .. بس ليان تتم شهر وشوية ونسافر علي طول نعمل عمرة بإذن الله ..
فرحته شديد طبعا لاني حسيت ان عادل بقي انسان تاني ما ياهو عادل الاول ..

حسيتو كلو حنان وحب ومسؤلية وتقرب من ربنا ..
الحمدلله يارب ما خاب من دعاك ولجأ ليك ..
ليان حبيبة امها تمت الشهر وكنت شفقانة عليها عديتو كلو بكي لي ماما وعادل دا كان بقعد لي في الارض ويحنسني ..
لما ما ترضع ببكي .. لما تسخن ببكي .. لما تبكي ببكي .. لما ما تنوم لي بالليل وتعزبني ببكي ..
الله يغفر لي حق ماما وبابا وعادل 😂😂 .. ومرات بنوم وبخلي <br> عادل يلولي .. بصحي بلقاه هو وبتو نايمين .. صورتهم وعملت ليه الصورة في برفايلو 😍😍 كانو حلوين حلا ..
قدرنا نحنس فاتن تمشي معانا عشان تمسك لي ليان .. لكن استغلتنا استغلال بشع واضطريتنا ندفع ليها .. بس طلعت مفتحة تمشي فسحة وتشيل قروش 😂😂 التصبر لي طلعت صحبة مصلحة ..
وقت وصلنا السعودية يالله احساس الامان البتحسو داك بس .. ولما دخلت الحرم قعدته في مكاني وبقيت ببكي دموعي ما وقفو .. حتي عادل لما عاينت ليه كان رافع يديه بدعي وببكي شديد .. احلا ايام حياتي لما عمرته وشربت موية زمزم واستحميت بيها .. ولما لمست الحجر الاسود .. اتمنيت ما امشي من الحرم .. الراحة البتحسها فيه زي كأنو ما حصلت ليك اي ابتلاءات في حياتك كلها بتنساها بتطلع انسان مولود من جديد 😍😍
المفاجأة التانية الحلوة لما عادل قال لي من هنا وح نمشي مصر نتفسح وتلاقي اصحابك وتطمني عليهم 😍😍 بقيت بنطط وبكورك زي الطفلة الصغيرة ..
جينا مصر نزلنا في شقتنا ارتحنا شوية .. خليت فاتن مع ليان ومشينا بيت ناس توحة كانت واحشاني موووت .
دقينا الباب وقت امها طلعت شافتني فرحت شديد وحضنا بعض وبكينا واتسالمنا كتيير .. دخلنا وعرفتها بي عادل راجلي واني جبت بنوته .. سالتها من توحة .. قالت لي انها اتزوجت اشرف😍😍 وااااي انا فرحته فرحته ليها يستاهلو يتزوجو لانهم كانو بشبهو بعض شديد .. قالت لي سافرو بره مصر ليهم كم شهر .. سألتها من الباقيين ..
احمد وسوما اتزوجو كمان وساكنين في شارع الهرم اصلو من زمان بموتو فيه .. فرحته ليها كمان وانو احمد بقي راجل واتزوجها ..
ريم اشتغلت في الغردقة 😍😍❤ زي ما اتمنت .. بس يارب تكون بقت انثي انثي وبطلت البيئة ال كانت فيها 😂😂😂
رقية كانت بنت بشوات من يومها دلوعة وكيوت كدا عرفته انها سافرت لندن تكمل دراسة هناك مع اهلها ..
حتومي 😂😂😂 وحشني شديد .. اتخيلو فتح ليه كافي وبقي لامي شباب مصر كلها اصلو بحب الفارغة والضحك ..
ما قدرت اسألها من غسان واهلو قدام عادل .. بس شلت تلفون توحة وهي حا توصلني بالباقيين اكيد ..
رجعنا الشقة ..
وتاني يوم مشينا شرم الشيخ ❤❤😍
نزلنا البحر رشيت عادل بالموية ومليتو بالرملة ..
😠😠😠 عارفة اخلاقو ضيقة وما بحب الهظار 😂😂
الساعة شال لي حشرة ولا حاجة ما بعرفا طلعت من الرملة وعايز يجدعها فيني ..
صرخته وقمت جارية .. عادل بطل ما عايزة معاك😢😢 عادل روق والله اصرخ الم فيك الناس ..
اووووخ الليلة بجدعو فيك عشان تاني تقلي ادبك علي ابقي استحملي قولي توووبة😂😂

تووووبة والله تووووبة 😂😂❤

النهاية
بـ✒فاطمة قسم الله