زواج عرفي

٩

قلبي دقاتو البتحكي
كم تعب بالشوق معاي
.
.
.
شادن هوا انتي أخدتي البلوزة البيضا..
استني بس ي توحة .. شادن شادن اوعي تكوني نسيتي هديتي لحسن ازعل ..
سيبوهالي شوية شادن بصيلي هنا متنسناش اوعي تروحي تلائي ناسك ومتتزكرناش تاني ..
هو تئدر دنا كنت شربت من دمها ..
أشرف واحمد بي صوت واحد يووووووه اسكتو بأ..
تمممم حصل هدوء شامل كامل 😂😂😂 عاينا كلنا لي بعض واتفقعنا بالضحك ..
قلت ليهم عملتو لي وجع راس ما نسيت شي والله ما نسيت شي .. الا انساكم وارتاح منكم في السودان 😂😂
توحة : ايوااا كدا بئا مااااشي ي ستي
..
خلاص خلاص والله بهظر معاكم انتو احلا رفقة مستحيل انساكم ..
اااااخ ياخ نسيتي حاجة 😢😢
كلهم بصوت واحد ايييييه..
دكتورة غادة جلستنا التانية معاها ولا كلمتها بأني راجعة السودان ..
يووووه انا كمان نسيتها خالص ..
النبي ي توحة امشي ليها ووريها وبالمرة شيلي رقم تلفونا ورسليه لي ما تنسي ..
توحة : حاضر ي حببتي ..
حتومي : شادن شادن هي اغنيتك المفضلة ئوليها كدا اصل نسيتها بتئول المفارئ ايه ايه ئوليهالي ..
ههههههه بتقول المفارق عينو قوية انت لحقت تنساها تاني ..
رقية : ي بنتي دا دماغو مافهاش غير رئيص الفننات 😂😂😂
حتومي : اسكتو انا مخاصمكو كلكو
روقي يا رقية دا حتومي احلا قلب في الدنيا كفاية هداني اغلا هدية علي قلبي ..
حتومي : ايوا كدا ي حببتي شفتو الذوء ..
وصلنا المطار وما خلوني ولا لحظة كانو منتظرين معاي طول اليوم لما مواعيد طيارتي جات وندهوني
😢😢😢😢
الجرسة بدت تحصل والدموع بدت تنزل حتي اشرف واحمد وحتومي اول مرة اشوف دموعهم..
ريم : ايه ي قماعة بأ نحن ح نئلبها غم ولا ايه 😢😢😢 ي حببتي ي شادن مش متخيلة انك مروحة مننا 😢😢😢
دي حالتا ريم البتصبر فينا قلبتا بيت بكي زيادة..
ودعوني واحد واحد زي التقول ما ح اشوفهم تاني ..
توحة : خلي بالك من نفسك ي حببتي وبس توصلي بالسلامة كده إبئي طمنينا عليكي حاضر ..
حاضر ي توحة يلا امسحي الدموع دي غالية علي شديد ما بحبك تبكي والله ..
توحة : امووواه ي روحي انا توصلي بالسلامة يارب..
ريم :سيبيهالي يلا دي لحسن وحشتني من دلوئت والله ..
يا حبيبتي ياريم والله انتي حا تفرقي علي جامد ..
ريم : خشي في حضني ي بنتي اشمك لآخر مرة ..
طاخ ضربتها يابت بطلي بيئة كفاية 😂😂😂 بالطريقة دي مافي حد حا يتزوجك ..
ريم : 😂😂😂 ياستي اما اشتغل اول تاني أفكر في قواز بلا نيلة ووقع دماغ ..
سوما : كفاكي رغي خلاص ابعدي ابعدي تعاليلي ي شادن اما احضنك اخر حضن ..
سوووما الله يعلم حا افتفدك شديد سوما : متفئديش غالي وإبئي طمنينا عليكي زي ما ألتلك توحة ها ماشي ..
ان شاءالله ياروحي ..
ودعوني كلهم واحد واحد وبكينا والله شديد وكان صعب علي امشي منهم بعد ما بقو لي كل شي في حياتي اخوان وصحبة وكل شي .. ساندوني ووقفو معاي ما اتخلو عني .. ما حسسوني بأني غريبة عنهم .. كانو اجدع صحاب مرو علي ..
ودعتهم وطلعت الطيارة وكان ضهري بوجعني .. بقيت بفكر حا اعمل شنو بي رجوعي السودان .. حا اتأقلم كيف واعيش معاهم كيف .. كنت خايفة من اخوي اكتر شي لاني عارفاه صعب .. وخايفة ناس البيت احسو بي الفيني .. واكتر شي خايفة من ماما تعرفني .. بقيت بدعي وبستغفر انو ربنا يعدي لي الشهرين علي خير ..
نمته معظم الوقت في الطيارة وعدي الوقت سريع وصلنا السودان ..
لقيت بابا واخوي منتظريني بالعربية سلمت علي بابا شدييييد كان واحشني موووووت ..
حمدالله ع السلامة ي بنتي السودان نور بي رقوعك والله..
بابا والله واحشني واحشني والعجب ماما ما قادرة خلاص انتظر اكتر من كدا ..
ازيك يا ناصر ..
ناصر : حمدالله علي السلامة يلا خلونا نمشي استعجلو ..
صريت وشي علي الاستقبال البارد اللاقاني بيه اخوي ..
بابا قال لي معليش ي بنتي مهمن كان اخوكي الكبير متزعليش منو يلا لحسن مامتك منتظراكي من الصبح ع قمر..
😊😊😊😊
جينا البيت يا مااااما مامااااا انا جييييت شدونة حبيبتك جات ..
انا وماما اتسالمنا بالاحضان والدموع والبكي ..
ناصر: خلاص شنو سمعتو الفريق كلو ادخلو جوه وتمو سلامكم دا ..
ما ردينا ليه ..
ماما تعالي تعالي جبت ليكي حاجات تحفة تحفة 😍😍 وبابا كمان..
وريتهم الهدايا الجبتها ليهم .. وقلت لي بابا التشيرتات دي اديها لي ناصر انت ..
ماما قالت لي مالك وشك مخطوف كدا انتي كنتي عيانة ولا شنو ..
لالا ياماما بس تعب الامتحانات واخر ايام ما ارتحته بنمشي السوق وراس السنة انتي عارفاه في مصر كيف للصبح ما كنا بنوم ..
قالت لي خلاص قومي اخدي ليك حمام مسافة اعمل ليك حاجة تاكليها عشان تنومي ترتاحي شكلك تعبان ..
قلت ليها حاضر .. دخلته استحميت وغيرته هدومي لبست لي جلباب وجيت اساعدها في المطبخ .. حلفت علي ما اهبش شي .. قلت ليها يا ماما لو شربت لبن ساي احسن هسي الساعة ستة صباحا معقول اكل .. قالت لي امش عايني شكلك كيف وبعدين ضعفتي تقول ما بتاكلي .. 😮😮😮😮 ماما يعني ابقي قدر البرميل ولا شنو انتي شفتي صاح

باتي في مصر

كيف ..
والله ما بسمن .. انا عايزة اكون استايل اقدر البس اي لبس ..
سجم خشمي عايزة اهلك ونسوان الفريق ياكلو وشي .. من بكرا بعمل ليك مشروع تسمين ..
سبحان الله حالتك دي انتي يا ماما القريتي بره السودان خلاص عادوك بي موضوع السمن دا ..
يابت عاداتنا كدا والبت الما مليانة زاتا ما بتتعرس اها النقول ليك ..
طبعا في الساعة ديك 😮😮 اتهجمته من جابت لي سيرة العرس ..
قلت ليها عرس شنو ال بي السمن دا كلام فاضي ..
قالت لي بري انا عايزاك تعرسي تفي من خشمك قراية وتميتيها تاني شنو ..
ماما انا مشيت مصر مخصوص عشان اقرا سياحة ما ساي افتكر هسي تجي تقولي لي عرس وما بعرف ..
اجي اجي يابتي كلام شنو البتقوليه دا النفتح ليك اضانك ودخالة امي مغترب جاي الايام دي والمرا فتحت لي اضاني فيك من هسي .. وكلمت ابوك واخوانك بعرفوه كويس ..
يا ماما دا كلام شنو دا البتقولي فيه منو القال ليكم تتخذو قرار من وراي بدون تشاوروني ..
ناصر : والله طلع ليك لسان ومصر علمتك يا بت نحن ما مالين عينك ولا شنو..
سكته ساي لاني بخاف من ناصر شديد وعارفاه اقل شي بقعد يكورك ويرفع صوتو ويتجهم كدا ودا البخوفني منو لما بقعد ارجف ..
ناصر : شفتي دا اخر دلعك ليها من الاول انا اعترضته وقلت ليكم ما عندنا بت تسافر براها برا قراية برا كلام فاضي .. هنا الجامعات مالية البلد .. قال سياحة وعواليق ..  نحن ادينا كلمة وعادل دا صاحبي شديد من صغار واحسن منو ما بتلقي ..
شوف ما عايزة اعرس انا وما انت البتختار لي افتكر اني كبيرة وبعرف مصلحتي وين ..
الساعة الرفع يدو عايز يضربني بقيت رافعة يدي مضارية بيها وشي ودموعي نزلو ..
قال لي شوفي هنا انا كفاية الاستحملتو وانتي صايعة في مصر تاني لو فتحتي خشمك دا والله مش امي وابوي ما عرفو يربوك انا اربيك من اول وجديد ومن الليلة لو شفتك عتبتي عتبة الباب دا اكسر ليك رجولك ديل .. يلا طيري جوه وما اسمع منك صوت انتي فاهمة ..
سكته ودموعي جرو بقيت بشهق ..
كورك فيني شديد ردي فاهمة ولا ما فاهمة..
قلت ليه فاهمة ..
قال لي يلا طيري من قدامي طيري..
جري دخلته جوه ووقعته علي السرير وقعدته ابكي .. جاتني ماما بقت تهدي فيني معليش يا شادن انتي عارفة اخوك دا صعب الخلاك تردي وتتحديه شنو ..
م م ما هو يا ماما واتفقعت بالبكا غلبني انطق ..
جا بابا في ايه اكيد دا اخوكي المقنون دا انا الود دا غولبت معاه حيلة صبرك يارب معليش ي بنتي يلا ئومي كده وغسلي وشك .. يلا ي منال هاتيلها حاقة تاكلها عشان تنام من تعب السفر دا ..
قمته غسلته وشي واكلته وشربت العصير .. طفو لي اللمبة وماما غطتني وقفلت الباب وطلعت .. اتقلبت علي جمبتي وبقيت خايفة من الجاي ومنو عادل دا .. ياتري ح اقدر ارجع مصر تاني .. ايامي الجاية مع ناصر حا تكون كيف ....

يتبع
بـ✒فاطمة قسم الله