زواج عرفي

٢١

ماما ختت لي التلفون علي طول في اضاني حيرتني طبعا ..
قلته الووو
حبيبي واحشاني والله ما قادر استحمل بعادك لي عملتي كدا وهربتي بالطريقة دي ..
والله كنت ح استحملك لو حتي ما اديتيني وش ومنعتيني منك بس تكوني معاي وقدامي ..
عادل انت عايز شنو مني ..
عندي ليك مفاجأة حا تتبسطي شديد..
مفاجأة شنو؟
انا جاي بكرا ان شاءالله وحا تعرفي.
طبعا الشمار حرقني ساعتها بس صبرته 😂😂 ما عايزاه يعرف لهفتي للموضوع ..
اتكلمت معاه شوية وقفلته ..
بقيت بفكر في شنو ياربي في شنو المفاجأة .. مسكته بطني وبقيت بتكلم مع البيبي😂😂
عارف بكرا بابا جايينا نقول ليه ولا لا نقول ليه ولا ما يستاهل يفرح..
تقولي ليه ولا والله ياشادن الا اقول ليه انا ..
ماما خلتني انط 😂😂
ماما شنو خلعتيني ..
من حركاتك دي الراجل تفرحيه ولا تقعدي تدسي منو وهو شفقان عليك وروحو عايزة تطلع فيك .. وعملت ليها حركة بي خشمها كدا .. يابتي الراجل لازم تحترميه وتحفظيه قبل كل شي حتي لو غلط فيك ما خلاص الحصل بقي والقسمة جابتو ليك .. ست البيت المسؤولة هي البتقدر تمسك بيتا وتعدل راجلا لو كان معووج .. ما بتخليه وتجي جارية بيت اهلا .. بري منكن نسوان الزمن دا .. والله نحن زمان مافي شي بطلعنا من بيوتنا نضحك بره ونبكي جوه .. ماف زول يعرف عننا حاجة .. الواحدة تجيب راس الراجل زي الما حاصل شي .. انتي في يدك تحلي وتربطي .. اربطيه بالعيال تاني بجري تحت رجليك .. ما تخليه يعاين بره نهائي صوني بيتك ياشادن انتي مرة متزوجة بعد كدا بطلي لي حركات التجوهل دي ..
احييي انا ماما ادتني درس زي الدرس اتحرقته وما رضيت كلامها لانها ما عارفة الحصل شنو بس سكته .. طبعا وقت ما رديت عليها .. عوجت خشمها وطنطنت وطلعت..
قالت لي الله يهديك يابتي ويصلح حالكم ..
انتظرته تاني يوم بي فارغ الصبر 😂😂 ما نمته وانا بفكر في المفاجأة شنو ..
تاني نمته وصحيت لما ماما صحتني قالت لي عادل جا وقبل اقوم جا داخل علي الغرفة ..
قال لي خليك راقدة .. ماما ضحكت وطلعت قفلت الباب ..
😍😍 والله لما شفتو شوق الدنيا كلو اتكبه فيني بس عملت روحي تقيلة وما هاميني ..
هو ولا انتظر لي جا شالني ورفعني فوووق ولفه بي خفته وقعدته اكورك ياعادل نزلني بتوقعني انا حامل ..
زي تقول وقعت فيه صاقعة نزلني براحة واتنفض قام علي حيلو ..
قلتي شنو؟
خجلته ونزلته راسي قلت ليك انا حامل ..
قولي والله
جطه فيه يعني دي فيها هظار بس ..
جا علي وقعد يبوس فيني يعني انتي حامل وبقي بضحك ما مصدق وقعد لي في الارض بقي ماسك يدي وكل شوية يلمس بطني .. يعني انا حا ابقي بابا مش .. الحمدلله يارب..
فجأة مزاجي قلب وقلت ليه انت داليا طلقت غسان من مرتو كيف؟
هسي الجاب السيرة دي شنو مالك بالموضوع تاني خلاص انسي ياشادن😠
قلت ليك جاوبني الحصل شنو؟
قال لي داليا ختت غسان في راسها واتجننت علي الاخر لما اتزوج غيرها قدرت تصل لي مرتو وورتها صور مفبركة وقالت ليها انها متزوجة غسان  من تلاتة شهور وهسي حامل منو وورتها ورقة الزواج وتقرير الطبيب بالحمل منو ..
قلت ليه انت جادي ما معقول ..
استني النحكي ليك الباقي ..
طبعا الوقت داك بت خالتو عملت ليه كان توكيل عشان يسحب القروش ال هو عايزها وبدا فعلا في المشروع بتاعو بس جات داليا وبوظت ليه كل شي في ثانية .. زوجتو كلمت اهلا وحصلت المشكلة ونادو غسان وواجهو وهو نكر نهائي الموضوع .. موقفو صعب بقي لانو قبل كدا كان موضوعك وهسي تاني ظهر موضوع داليا .. فشكو فيه وزوجتو وقفت التوكيل علي طول وطلبت الطلاق منو .. هو رفض يطلقها اول لكن هي رفعت عليه قضية خلع واطلقت بالمحكمة ..
قعدته اضحك بدون انتبه لي روحي يستاهل الحصل ليه دا كلو وان شاءالله ما يشوف شي حلو ..
ما عايزة تعرفي المفاجأة شنو؟
شنو؟
داليا بعد عملت عملتها دي جاتني ..
انت بتقول شنو جاتك وين؟
لا اله الا الله يابت الناس ما تصبري هسي انتي في شنو؟
عاين انت بتقول في شنو جاتك تعمل عندك شنو مثلا..
ممكن تصبري اتم كلامي..
كويس وبقيت صارة وشي..
هههههه قعد يضحك قال لي اموووت في حلاتك وانتي صارة كدا ..
ابيت اضحك ليه كلو كلو ..
قال لي جاتني خايفة وقعدت تترجي وتبكي لي انو غسان هددها وانو ما حايسيبها والحا يعملو فيها مستحيل تنساه في حياتها .. وطلبت مني اطلقك ونعرس بعد كدا .. قلت ليها اني فعلا طلقتك لاني ما قادر ابعد منها ..
طااااخ ضربتو في كتفو ...
ااي اي حبيبي شنو ما تستعجلي افهمي اول
😠😠😠😠
قال لي طمنتها و صدقتني للاخر لانها بتثق فيني وقلت ليها لازم تجيب كل نسخ الصور المفبركة العندها وطلبت منها رقم الولد البعملهم ليها وقلت ليها انا عندي خطة اخليك تبتزي بيها غسان ..
هي طبعا فرحت شديد وجابت لي كل الصور واللابتوب الفيه النسخ ورقم التلفون .. خليتها في الشقة وطلعته قلت ليها بجيك بعد شوية واتجهزي لي كدا بي احلا حاجة عندك سهرتنا صباحي مع بعض. .
بقيت اشوف عادل عشرة عشرة وضربتو تاني .. يا خاين يا خاين ..
حبي والله كل

و عشانك بس انتي ا

سمعيني للنهاية ..
ابيت ارد عليه ..
قال لي الغبية استدرجتها في الكلام وخليتها تعترف علي حاجات في روحها براها بدون تنتبه لي اني كنت مسجل ليها كلامها وبالذات حتة الابتزاز وفبركة الصور .. من دربي طلعت ومشيت لي ناس بعرفهم في الشرطة .. اديتهم التسجيل وفتحت فيها وفي الولد بلاغ .. طلبو مني اعمل خطة يجمعوها معاه عشان يتمسكو بالثابته .. فعلا اتصلت بيها من هاتف في الشارع وقلت ليها تلفوني قفل ف لازم تطلع تجي عند الولد وانا بجيها عندو .. اتلاقينا هناك وكنت مشغل الجهاز الادوني ليه الشرطة عشان يسمعو كل الكلام .. استدرجتهم الاتنين في كل الحصل وخليتهم يعترفو بيه كأننا كنا بنتونس ونسة عادية .. هي كانت بتضحك ومبسوطة لما قلت ليها انك اجهضتي .. قالت لي تستاهل وعقبال تبقي عقيم ما تلد تاني ..
وااااي انا قالت ليك كدا 😢😢
معليش حبيبي ..بس اخدته ليك حقك وهسي داليا اتمسكت في قضية ابتزاز وفبركة ..
😮😮😮😮 ما تستاهل جد
شنو ؟ انتي بعد العملتو فيك دا وبتحني عليها ..
😢 ما عارفة ياعادل بس قلبي وجعني عليها .. ربنا يعينا .. صاح هي ازتني كتير وربنا مستحيل ينسي المظلوم .. بس يلا مهما كان عندها اهل بتوجعو ليها ودا براه ما هين كسرة الاهل حارة يا عادل ..
طيب وانت كيف طلعته منها مفروض تاخد نصيبك والصور مش فيها انت برضو لانك معاها .. ما اشتكت عليك؟
سكت ما رد علي ..
تاني قال لي انا محامي انتي ناسية..
قال لي انتي مسامحاني ياشادن؟
سكته ما قدرت اجاوبو اقول ليه شنو .. ما هو زاتو معاها ..
قال لي الزمن بنسينا ياشادن اديني فرصة بس ..
دموعي جرو بين بحبك وما بحبك وانك حا تكون ابو طفلي الجاي .. اعمل شنو مجبروة اعيش معاك واتعود عليك .. برضو انا ما ناسية وقفتك معاي لو حتي انت كنت سبب الانا فيه واتصدمته فيك ..
امكن اقدر اسامحك يا عادل امكن ..

يتبع