زواج عرفي

١٥

المساء جا راجع من الشغل ..
كرب فتح الباب دخل علي ..
قومي ماشيين بيتكم تودعيهم .. والبسي عباية وطرحة كبيرة وطلع ..
حاضر يا عادل ما انا ما بقدر اقول كلمة ..
جينا بيتنا وكل الخلاني اقعدها معاهم نص ساعة بس ودعتهم فيها وانا وماما بكينا شديد 😢 .. من جواي قلت ليها شهرين وبجيك مطلقة ما تخافي 😢
مشينا اهلو تاني وبرضو ما قعدنا كتير جينا راجعين زي ١٢ مساء وما شفته وشو تاني ..
ستفته شنطتي .. ياربي رتب شنطتو ولا الحاصل شنو .. جيت علي غرفتو دق دق ..
عايزة شنو؟
جيت استف ليك شنطتك.
ما جاني رد وقفته ووقفته وقت ما رده قمته فتحت الباب ودخلته..
جاط فيني وكورك شكلو كان بتكلم في التلفون ..
جراني من يدي وطلعني بره ..
انتي منو السمح ليك تدخلي .. شفتيني رديت ليك قلت ليك اتفضلي ..
قلت ليه م ما انت مارديت افتكرت دا رد باني ادخل ودموعي جرو ..
منو انتي عشان ارد ليك ما تنتظري مني اعمل ليك قيمة في حياتك معاي انتي فاهمة ..
سكته
فاهمة ورفع يدو علي ..
من دون احس غطيت وشي بي يدي وانحنيت عليه .. وقعدته ابكي انا فاهمة فاهمة بس ما تضربني ..
من دون ارفع عيوني عليه حسيت بي نفسو هايج وبعد مني قال لي امشي غرفتك وانا معاك البسي شي ساتر ما اشوفك بالطريقة دي .. ورو رزع باب غرفتو ودخل ..
دخلته غرفتي وقفت قدام المراية عاينت لي روحي ولي بطني .. بقيت شاااحبة ومهمومة ومنهزمة ومنهارة لي..
شادن الكانت مبسوووطة وما هاميها شي وما شايفة زول قداما .. الكان بالا رايق وعايشة حياتها في أمان فجأة الدنيا بقت علي ..
قشيت دموعي ودخلته اتوضيت وفرشت المصلاية صليت كتير وبقيت ببكي وبدعي ربنا يصلح حالنا وينجح زواجي وما اتطلق .. وانو عادل يتقبلني مع اني عارفة دا صعب شديد بس مافي حاجة صعبة علي ربنا ان شاءالله ..
ياالله بعد قريت قرآن حسيت بي راحة ما عادية وبعدها نمته علي طول ..
صلاة الصبح صحيت صليت و دخلت المطبخ جهزته الشاي والكيك واكل خفيف .. نضفته البيت وبخرتو ورتبته كل شي مع انو ما كان محتاج نضيف ..
قعدته في سفرة المطبخ .. عادل حا داخل ختيت ليه الاكل والعصير قدامو وقت عايزة اقعد ..
هي هي قومي قومي اقيفي هناك حسك عينك تكرريها تاني .. تنتظريني اخلص وتاكلي تاني فاهمة ..
حاضر انا اسفة ..
ما رد علي ..
خلص اكلو وقام قال لي جهزي لي الحمام وجهزي حالك الساعة عشرة بنمشي المطار وطلع ..
مشيت وراه سريع شلت البشكير والصابون ومليت ليه البانيو وجهزتو وجيت كلمتو ..
قال لي طلعي لي هدوم ودي اخر مرة انبهك كدا اظن عرفتي طريقتي ..
قلت ليه حاضر ..
جهزته ليه الهدوم والجزمة والشرابات وقعدته منتظراه ..
وقت طلع ورفعت عيني جات علي عينو قلبي عمل شح وبقيت برجف ومتوترة .. جسمو كان مبلول موية ومن فوق ما لابس شي .. ريحة الصابون وترتني زيادة واتمنيت لو ياخدني في حضنو وينسيني كل شي ..
بقيت بعاين ليه لما وقف قصاد المراية ونشف شعرو وسرحو وشال الريحة وبخ بخ بخ اتريح ..
ما حبيتها وماقدرت استحملا مسكت بطني ودخلته حمامو استفرغته ..
وقت طلعته قعد يكورك دا شنو القرف دا الله يلعنك ياخ ما عرفتي تعمليها الا هسي امشي من قدامي ما حابي اشوفك امشي ..
طلعته منو ودموعي في عيوني .. انا ما استاهل منك القسوة دي ..
ياخ دا ربنا بغفر لي عبادو انت منو عشان تزلني بالطريقة دي 😢😢
اتجهزنا واتحركنا علي المطار قيلت منتظره مواعيد الطيارة لانو خلاني ومشي تاني ما شفتو الا لما المواعيد قربت جا شايل لي عصير وساندوتشات .. كنت جيعانة اكلته من دون انتبه ليه انو بعاين لي وما رفع عينو مني..
ندهونا وطلعنا الطيارة واتحركت ..
بي التعب نمته وراسي وقع علي كتفو .. صحيت فجأة لقيتو مايل علي راسي ونايم بقيت بعاين ليه وبقول يارب يارب تصلح حالنا ونعيش مبسوطين يارب ..
وصلنا اتنين صباحا وكنت هلكانة من التعب جاهو صاحبو وصلنا الشقة ومشي .. دخلنا قال لي اعملي اكل كل شي بتلقيه في المطبخ ..
بس انا تعبانة يا عادل ما قادرة ..
والله يعني اشيلك وارقدك في السرير واخدمك ولا شنو .. انا عرستك بي شروط ما محتاجة ازكرك بيهم كل شوية .. ومشي
المهم دخلته المطبخ بالغصب عملت ليه اكل وجبتو ليه ..
جيبي لي موية ..
جبتها ليه وانا طالعة منو ..
اقيفي انتي ماشة وين بعد اخلص شيلي الحاجات وغوري تاني ما لازماني ..
عادل انا تعبانة خليني امشي ارقد شوية عليك الله ضهري تاعبني شديد ..
سكت كدا قال لي امشي من قدامي ..
دخلته غرفتي ونمته بي هدومي علي طول .. ودموعي في عيوني 😢
ماما ماما مااااما ووقعته في بير مسكته في حديدة لاقتني قوي وبقيت بصرخ الحقيني يا ماما نادي بابا طلعوني .. المكان تحت بخوف شديد كل سواد ما شايفة ..
شي😢😢
امسكي يدي سريع يلا امسكيها
😮😮 عادل..
وصحيت مخلوعة بصرخ وعرقانة وبقيت ببكي وبرجف من الحلم المخيف دا ..
عادل جا جاري مخلوع لاني صرخت شديد فتح الباب لقاني خايفة .. ولع اللمبة واول مرة يحضني عليه احساس الامان لما تحسيه من الراجل بريحك كتير وكل شي ببق

ي ليك هين .. بس

ما استمتعته بيه كتير بعدني عنو وقت حسيتو حسه بي نفس الشي مع حركة يدو في جسمي وانفاسو الهايجة وهمساتو .. بسم الله ياشادن قولي بسم الله انا جمبك ما تخافي..
بس في ثانية اتقلب انسان تاني وبعد .
انتي كويسة ..
اي الحمدلله
اشربي موية وارقدي نوم وطلع علي طول سريع ..
اتبسطه شوية علي حبة الحنية دي وبيني وبين نفسي انا كيف اخلي عادل يرجع زي اول ويتناسي كل شي .. يارب يارب بقيت بدعي وببكي لاني عارفة مافي شي برد القضاء الا الدعاء..
قمته اشرب موية بعد عايزة ادخل المطبخ زي سمعته صوت ..
قلت احتمال بتهيأ لي .. بعد جيت راجعة تاني سمعته المرة دي انا متأكدة مشيت علي جهة غرفة عادل وبدي يوضح الكلام قربته من الباب .. كان بضحك مبسوط شكلو ..
عادل: ياخي ما ممكن لكن بالغتي في دي يا سمر ..
😮😮 بتكلم مع بت .. عادل بتكلم مع بت العبرة خنقتني واتصدمته شديد ما اتوقعتو كدا ..
رخيت اضاني تاني اسمعهم بقولو في شنو ..
عادل : حبيبي واحشاني اتمنيت ما امشي منك واسوقك معاي .. انتي ما عارفة اني زهجان هسي من دونك كيف ريحيني حبي ..
اتخلعته وزحيت من الباب بعيد وكرهت عادل موووت معقول هو كدا .. يارب يارب لشنو بتعاقبني بي كل زول ببدا اتعلق بيه ..
دخلته الغرفة استغفر الله العظيم استغفر الله العظيم .. اغفر لي يارب علي كلامي وغفلتي ..
بقي كلمة عادل ريحيني بزن في عقلي لما ختيت يدي علي اضاني ..
كفاية كفاية يارب اموت يارب اموت 😢...

يتبع