بارت 22
هم خربو ضحك وگالو زين سويت بيها خل تولي
بصراحة من حاجتني اتعلق بيها اكثر وحسيتها مختلفة صار فضول اعرف عنها اكثر واتقرب الها عيونها بيها حزن
ثاني يوم صرت ادور عليها ماشفتها كل يوم ادور عليها ما ارتاح لمن اشوفها وهي من تشوفني تدنك راسها وتجنبي تخجل من الموقف الي صار
اني اشوفها ابتسم اسلم عليها هي صارت ترد السلام وتروح
فد يوم لگيتها تبجي بلحديقة
گلبي انعصر من شفتها تبجي
رحت الها سئلتها ليش تبجين
ما حجت شي اصريت عليها تحجيلي
گالت الاستاذ طردني من المحاضرة لنو اتاخرت سيارة اتاخرت عليها
اني ضحكت كتلها هاي لنو من المحاضرة طردج تبجين لو تدرين اني كم مرة مطرود جان مابجيتي اصلا ارتاح من انطرد عاد اكضيها بلحديقة يو اروح اكل
منورالاستاذ الي طردج
گالتلي استاذ ظافر
بقيت اضحك تعاي هذا صديقي ميانتي وياه فول تعاي نروح ونعتذر منة
رحت للاستاذ وهي فرحت كلش اعتذرت من الاستاذ وكتله استاذ كذا السالفة
مو بيدها السيارة اتاخرت
المهم حجاية مني وحجاية منها وشافتها تبجي دخلها للمحاضرة
سالي... اعتذرت من الاستاذ ودخلت للمحاضرة خلصت المحاضرة والبنات والولد يشمرون علية حجي لنو هذا الولد حجة وي الاستاذ وقبل يدخلني
مااهميت الهم لنو متعودة يشمرون حجي علية
طلعت للحديقة والاماكن الي موجود بيها ادور علية لخاطر اشكرة مالگيتها
ثاني يوم كاعدة بلحديقة اجاني كالي ها هم مطرودوة گتله لا بس بعد وقت لمحاضرتي
كعد يمي وكالي اسمي حسين
گتله سالي واني ممنونة منك ع البارحة دورت عليك ما لكيتك
گال اي طلعت عندي شغلة صارت
وكضيناها حجي
سئلني ليش ع طول وحدج السنة راح تخلص معقولة ما عندج صديقات ولا اتعرفني لا وحدة
حسين...جاوبتني گالت لا ما اصادق بنات اريد اكون وحدي الوحدة اجمل
وعافتني وراحت
غريب امرها شبيها حسيت اكو شي عدها مو طبيعية شغلت بالي بكلامة انو الوحدة اجمل ليش شصاير وياها
سالي رجعت للبيت ولگيت امي ماموجودة
راحت لمار عدها حالة ولادة
اوووف اذكرت نفسي بيومها متت وصليت ودعيت الله يسهل الها
والعصر اتصلت امي وتكول اخت صار عدها ولد الحمد الله
بليل رجعو من المستشفى وشفت ابنها يمه فدوة
انتببهت انو البنية ماموجودة معقولة خلتها وي زوجها اي يمكن خلتها لنو تعرف بيه ما احب اشوفها
بس اتمنيت لو جايبتها واشوفها شون صارت تقريبا هسة عمرها سنتين تشبهني يو لا حتى اسمها ما اعرفة
سئلت لمار
گتلها ولج لمار البنية البنية وين مخليتها
ضحكت لمار وكالت ما جبت توم هو بس ولد
گتلها لا هاي البنية الي انطيتها الج
اشو من سئلتها لمار انخطف لونها وصار اصفر
گتلها شبيج لا ماخذها والله وكلبي ماراح يحن عليها ابد بس اريد اعرف شنو اسمها شكلها شون صار
لمار... سئلتني ع مريم واحتاريت شكول الها خفت
شذكرها بيها معقولة تريدها اذا عرفت بتها بيت رافد شيصير بيها حلفت تنتحر
&
&
&
#رواية_فصليه_الشيخ_رافد😻🦋
