بارت 2
تمارة..لج معليج بيها هاي القذرة طالعتنة ب اسطولنة جديدة تريد خدامة
اتاثرت بمسلسلات الخليجية تريد ميري ههههه
سالي ... هسة رافد يجيب الها ميري عيني رافد مو اخذها عن حب اكيد يوفر الها كلشي الي تريدة
تمارة .. لج معلينة بيهم باجر مو تنسين تمرين بل 5 ونص ونروح سوة
يلا باي
ودخلت للبيت جنه نحجي اني وتمارة ع طول الطريق المدرسة مال الرجعة دخلت للبيت وهي راحت لبيتهم لبشارع الي ورانة
دخلت للبيت لكيت ماما صابه غدة وبابا توة جاي من الشغل
شفت الاكل والغدة ماما طابختة تبسي بلا ما ابدل ملابسي جيت وي اهلي اكل
كعدت ع السفرة وجان اندمغ ع راسي واخوي سحبني من شعري هل المرة مسح بيه المطبخ ليش لنو كعدت بمكانة
بابا عاط ع اخوي وكتله كتله وقسم الة اذا مديت ايدك عليها اموتك تموت
الاكل صار زقوم علية من ماما بس تباوع وتخزر بيه وتتحلف بسكتة
لنو تموت ع اخوية وحتى لو غلطان توكف وياه لنو هو الولد بعد ثلاثة اخوات
رحت للغرفة وكملنة عركتنة والحمد الله ابد ماقصرت وي اخوي خليتة يشبعني كتل لنو اولا اگول خطية وكلبي مينطيني اضربة ثانيا اذكر خزرات ماما وتتحلف بيه
فة سكتت لمن شبع مني كتل وراح
بجيت ومشطت كفشتي
ولفيت راسي ونمت
والعصر كلت لماما وبابا ام رافد دخلتني دورة ع حسابها
ماقبل بابا لنو نفسة عزيزة بس ماما قنعتة المهم ثاني يوم راحت لبيت تمارة يبوووة وجان رافد كدامي بلسيارة ينضق
ختلت ورة الشجرة خاف يكرصني من خدودي
اشوي وشفت رافد اجة الي طلع شايفني بلمراية مال السيارة
گالي اين المفر ولج شفتج يلثولة بلمراية تعاي انطيني حصتي اكرص خديداتج
رافد.. عمري 30 سنة شيخ لعشيرتي
مزوج رونق حبيبتي وحب الطفولة بت خالتي
وعندي اثنين ولد وامنيتي بلدنيا هي اشوف تمارة دكتورة والله يرزقني ببنية تشبه سالي
خطية مجزعها بكد ما اگرص خدودها
اليوم اريد اوصلها هي وتمارة للمدرس وبعدها اروح اوصل رونق لبيت اهلها
شفتها اجت لبيتنه اني بلمراية شفتها بلبداية ماجانت منتبهتلي بس بعدين انتبهتلي وراحت ختلت ورة الشجرة خاف اكرص خدوها اوووف تفاحة مدنفشات وردي بيهن غمازة عشق عشق خدوها من جانت طفلة عمرها 6 سنوات لهذا العمر واني اگرص بيهن وما اشبع
شافتني بلسيارة ختلت ورة الشجرة
&
&
&
#رواية_فصليه_الشيخ_رافد😻🦋
