بارت 14
الحمد الله اتغيرت حياتي وين جنت وشون يعاملوني وين هسة
لازم ارضة بلواقع وفعلا ام رافد عايشة هسة وتساندني اذا ماتت ابقة خدامة ل رونق
وهذا نصيبي لازم ارضة بي ورافد انسان خلوق ودرة مال الله
انتظرت رافد لنو امة گالت اليوم رافد يجي يمج لاتنامين
انتظرت رافد ما اجة نمت
رونق .. السالفة صارت صدك وراح يعتبرها زوجتها لازم اشوفلي حل
فكرت انو التفق وي ولد ومستعدة انطي اي مبلغ مبلغ بس كون اخلص منها واخلي رافد يكرها احسة بلفترة الاخيرة صار ينجذب الها
وفعلا طلبت مساعدة من اخوي واخوي يموت ع الفلوس انطيتة مبلغ والتفق وي صديقة يجي للبيت بوكت رافد ما موجود بلبيت
رافد گال راح اسافر يومين ما اريد مشاكل هنا استغليت الفرصة اجتي
التفقت وي اخوي انو باجر يجيب صديقة
ورحت اتودد لسالي گتلها لازم ارضة بلواقع انتي زوجة ل رافد من اليوم احنة صديقات ماشي
سالي.. تغير رونق ما دخل بعقلي
معقولة الله هداها الي
اي مو بعيدة عن ربي مثل ما هدة رافد وام رافد
يهديها الي
ثاني الصبح نزلت رونق للسوك
واني بقيت بلبيت
اجت من السوك ومشتريتلي كومة شغلات استغربت
صار بليل اجتني لغرفتي جابتلي بدلة نوم وكالت هذا اللون حلو يطلع ع جسمج وانتي حلوة
اخذتة وشكرتها
بس اصرت البسة وتشوفه علية
هي طلعت من الغرفة وكالت بدلي اشوي واجي اشوفة عليج خاف تستحين تبدلين كدامي
واني حيل فرحانة فعلا اتغيرت الحمد الله
ربي اشكرك واحمدك والحمد الله راح اخلص من كل مشاكلي
اشوي وانفتح الباب دخل ولد علية يمه جمدت مكاني كتلة منو انت واخذت ملابس غطيت نفسي وبعدها دخلت رونق وام رافد
والولد انهزم
لنو رونق شدكول ها شفتي هي هاي الي فضلتوها علية شوفي بس ابنج سافر خانتة وي عشيقها ومبدلة ومعدلة
اني اتخبلت وام رافد اغمة عليها من الصدمة
عيطت ع رونق گتلها شنو تحجين مو انتي. الي گلتيلي البسي
ام رافد .. اجتي رونق تركض تكول اكو صوت رجال بغرفة سالي تعاي اسمعي
&
&
&
#رواية_فصليه_الشيخ_رافد😻🦋
