يوميات وهم وسيف

6

يوميات سيف و وهم "مسجونتي ج2" الفصل السادس

و راحو عنده و قربت منه وثني ركبتها وقالت وهيا حاطه ايدها علي راسه:مالك ي ركس ، جعان
وفضل زي ماهو يهوهو جامد وبيشد راسه من السلسه ، فوهم فكت السلسله ولسه جايه تمسكه طلع يجري فليلا وقعت من الخضه فراحت وهم بسرعه وراء ولقت عصايه خشب طويله فاخدتها احتياطي  وكملت جري وراء ركس لحد اما راحوا عند السور ولقت حد بيحاول يطلعه عشان يهرب وفي اقل من ثانيه كانت العصايه نزله علي دماغه واغمي عليه
وهم:اسكت خلاص ي ركس..ومسكت الحرامي من هدومه واعده تشد في جاامد لحد اما وصلت عند الجنيه لانهم كانوا في الجنينه الي وراء الفيلا
وهم بصوت عاااالي:حرررررررامي ، ليلااااا ، اطلبي البوليس ، حرررررررامي ، حررررررررررررررررررامي
الشغالين صحيوا علي صوت وهم و اول ماسمعوا كلمه حرامي ، واحده منهم اتصلت علي البوليس
"في فيلا سيف وخصوصا في اوضته"
سيف فضل مستني مكالمه ليلا لي بس متصلتش فقرر انو يروحلهم ، ولبس بسرعه واخد مفتاح عربيته و طلع عليهم
"في الفيلا عند وهم"
وهم:امسكي الحرامي دا ي ليلا ، علي ما اجي
ليلا برعب:ااايه!!! لا مقدرش ي وهم ، اخاف لاحسن يفوق ويعورني
وهم:متخفيش انا فتشته و ربطاه علي الكرسي اهو وحاطه لازق علي بوقه ، كنت ناويه احط علي مناخيره بالمره يمكن نخلص منه ، بس مرضتش
ليلا:لا بردو
وهم بضيق:عبوشكلك
وفي اللحظه دي نزلت مريم و جاسر لما سمعوا وهم كانت بتنهده وتقول حرامي ، فبسرعه نزلوا و راحو عندهم في الجنينه ,,, جاسر قرب من وهم وليلا وقال:فين الحرامي!!؟؟
وهم:اه ي بابا متخفش ، انا اصرفت خلاص ، واهو قدامك اهو "وشاورت عليه"واتصلت بالبوليس كمان ، يعني كله تحت السيطره
مريم:انتم شوفتوا ازاي؟؟
وهم:ركس كان عمال يهوهو جامد ، فكرته مخنوق من السلسه الي علي رقبته فافكتها ولس جايه امسكه لقته جري وراح وراء الفيلا وكان ساعتها الزفت دا بيهرب ، بس انا من حسن حظي ، اني اخدة معايا عصايه ، ونزلتها علي دماغه
مريم بافتخار:جدعه ، طالعه لامك
وهم:تشكري أ اتش
ليلا:بابي ، انت لازم تجيب غفير كمان عند البوابه الي وراء ، لان عم حسني بقا مهما وبقا ينام
جاسر و وجهه كلامه للشغاله:اندهيلي حسني ي تهاني
تهاني:حاضر ي فندم
و راحت ندهته وجه و هو شكله نعسان و هدومه مبهدله:امرك ي باشا
كان لسه جاسر هيرد بس لقي وهم راحه عليه ومسكه من هدومه و بتقول:دا انت ليلة امك سوده ، بقا ي غفير الكلاب تنام ولا اكن في فيلا فيها بهايم المفروض تحرسها ، و تصدق اني عايزه ادبحك الوقتي ، وتصدق ....
جاسر قاطعها بحده:وهم ، سيبي
وسابته وهم
جاسر:انت ملكش اكل عيش عندنا تاني ، اتفضل خد باقي حسابك ومع السلامه
حسني بترجي:ي بيه انا اسف ، والله راحت عليه نومه من غير قصد ، وبالله عليك ي بيه عاقبني اي عقاب تاني الا دا ، بالله عليكي ي بيه
وهم:بابا ، بلاش ترفده ، انا كنت عايزك تعاقبه مش اكتر ,, بس بلاش ترفده ، اصله ي بابا علي وش جواز ، والبت ي عيني بقالها اربع سنين مستنياه ، فحرام تقف قدام مصيرهم ، فعاقبه ي بابا من غير رفد
جاسر بجديه:خصم اسبوع ، تمام
حسني:ربنا يخليك ي بيه ، ربنا يخليك
جاسر:علي مكانك
حسني:حاضر ، و تشكري ي انسه وهم ، جميلك دا مش هنساه
وهم:دا مش عشان ي اخ ، دا عشان بس خطبيتك الغلبانه الي ملهاش ذنب تقعد 4سنين كمان ، عشان الجهاز مكملش ، بس اقسم بالله ي حسني لو نمت تاني ، لارفدك بس قبلها هدبحك
حسني:حاضر ي استاذه وهم ، عن اذنكم
ومشي
ليلا:شاطره ي وهم ، كويس انك قولتي كدا ، اصل حرام منار تستنا اكتر من كدا
مريم واخدتهم تحت دراعتها وقالت بافتخار:اهودول بناتي الي ربتهم ، ربنا يحفظكم ليا ي حبايبي
وهم وليلا بحب:ويخفظك ليا ي ماما/اتش
جاسر:مين الي جاي الوقتي
ليلا:نروح نشوف ، بس خليكي ي وهم هنا ، عشان ميهربش
وهم:دا لس قدامه شويه علي مايفوق ، دا غير اني ربطاه جامد ، متخفيش
ليلا:بردو ، خليكي
وهم:طيب
و راحو عند البوابه لقوا سيف نازل من العربيه ومقرب عليهم ، فافتحوا الباب ودخل
مريم:في حاجه ي سيف ، ليالي حصلها حاجه؟؟
سيف:لا ، بس وهم اخبارها
جاسر:وهم!!!!اخبارها!!!!هيا كويسه ، هو في حاجه كانت حصلتلها؟؟؟
وسيف كان لسه هيكلم بس ليلا ردت وقالت:لا ي بابي ، هما بس متخانقين ، فكان جاي يطمن لاني كنت قفلت معا بسرعه ، من غير ما اطمنه عليها
جاسر:ااه ، طب ي سيف ، اتفضل
و جاين يدخلوا سمعوا سرينه البوليس فلفوا و نزل ضابط من عربيه وقال لجاسر:ذي فيلا جاسر البشبيشي
جاسر بجديه:ايون انا
الضابط:طب احنا جالنا بلاغ ، ان في حرامي اقتحم الفيلا
جاسر:ايون ، واحنا رابطينه حاليا ، اتفضلوا تعالوا خدوا
وانر الضابط اتنين عساكر ينزلوا من البوكس و كان سيف مستغرب فسال ليلا:حرامي!!!!
ليلا:هبقا اقولك لما يمشوا
سيف:طيب
و راحو عند وهم و لقوها اعده علي الكرسي قدام الحرامي و حاطه رجل علي رجل وماسكه مطواه كانت بتاعت الحرامي وبتقول بجديه فيها شي م التريقه:بتقولي بتسرق ليه ي اخويا؟
الحرامي:وورايا كوم عيال ، فاضطريت اسرق ، بس والله انا عمري ما كلت حاجه بفلوس حرام
وهم بسخريه:ي بني الاسطوانه المشروخه دي قديمة ، و بعدين فلوس حرام اي الي عمرك ما كلت بيها ، دا انت شكلك خبره ف موضوع السرقه ، اصل هقولك الي بيسرق ، بيبتدي سرقه شنط ، نشل تليفونات ، وبعدين شقق ، تشلط حاجات من محلات دهب صغيره ، انما فيلا علطول ، دا يستحيل ، و اوعي تكون فاكر اني حتي هصدق الي قولته ، ي بني دا انا متربيه في اقسام مصر كلها ، سيبك من ادفيلا والحاجات دي ، دا انا السجون الي ربتني "فوقفت وقربت منه وحطت المطواه علي وشه وبتقول بهدوء مخيف:قولي بقا ي حلو ، بتسرق ليه؟بدام اخلي القموره الي في ايدي دي ، تعملك عمليه تجميل ، فاخلص و قول
الحرامي خاف من طريقه وهم ومن المطواه الي علي وشه فقال بسرعه:بضرب كوكين ي باشا ، ومعيش فلوس ، فاضطريت اسرق ، وانا لا عندي عيال ، ولا نيله ، انا اساس مقطوع من شجره
وهم وقفلت المطواه وقالت:تعجبني ، ويالا بقا عشان تروح باي باي
واخدته العساكر وهو بيقول:باشا ، ابوس ايدك خليهم يسبوني ، ابوس ايدك
وهم وبتشاورله بايدها:باي باي ي كوتش
مريم:قررتي الواد
وهم:طبعااا
مريم:تمام  ، يالا بينا نطلع ي جاسر ننام
وطلعوا اوضتهم و ليلا اخدت ركس ربطته مكانه و كمان عشان تسيب وهم وسيف علي راحتهم
سيف:وهم ، اناا
وهم بجديه:ايون
سيف:وهم ، انتي كويسه
وهم:احسن منك
سيف وعدي الكلمه دي عشان عارف انها مضايقه منه:طب انا اسف
وهم:اسف!!!!!انت متخيل ان اسف دي هتعمل حاجه ، هترجعلي الذنب الي ادتهولي ، هترجعلي حرجتي قدام صحابي ، بالله عليك ي سيف امشي ، عشان انا مش حمل كلام الوقتي
سيف:ي وهم
وهم بجديه:سيف ، ممكن تمشي ، لوسمحت ، انا ماسكه نفسي ، عشان بحبك ، ومش عايزه اخسرك ، فامشي
سيف:ماشي ي وهم ، هامشي ، سلام
ومردتش عليه وهم ومشي و ركب العربيه وطلع بيها بسرعه لدرجه انو كان هيخبط البوابه ، و اعد يلف في الشوارع يفكر في طريقه ازاي يسامح وهم بيها
"عند وهم"
اول ما مشي راحت عند اوضه الخنافس واخده سجاره واعده علي كرسي و فردت نفسها و فضلت مستنيه ليلا تدخل عليها وفعلا جت وسالتها:سيف فين؟
وهم ببرود وبطلع نفس السجاره:مشي
ليلا:حصل اي؟
وهم بسخريه و ابتسمت نص ابتسامه:قال جاي يعتذر ، هههه والله العظيم حاجه غريبه ، تصدقي ي ليلا ، لولا اني بحبه كان زماني ، حاطه المطواه دي في كرشه ، او مثلا اخلي ركس يجري وراء ، او مثلا اجيب العصايه الي نزلت علي دماغ الحرامي علي دماغه ، حاجات كتير كنت هعملها لو مكنتش بحبه
ليلا:وهم ، خلاص بقا عدي ، مش اعتذر ، ليه بقا الافكار دي؟
وهم:عشان ارتاح ، مانتي عرفاني ، مبرتحش الا ايدي الحلوه دي. ، تصبح علي وش الي بيضيقني
ليلا:طب بطلي بقا شرب السجاير دا بقا ، وادخلي نامي ، يالا وراكي شغل بكرا
وهم و ركت السجاره ع الارض و فرمتها بكوتشيها:تيجي معايا الفرح ، ولا مش عايزه
ليلا:فرح مين؟؟
وهم:نوال
ليلا:نوال مين؟
وهم:صحبتي ،ها هتيجي ولا؟
ليلا:هاجي ، بس امتي
وهم:يجي العشا كدا
ليلا:مع الاسف مش هعرف اجي ، عندي هوا
وهم:هوا ولا مايه هههههه
ليلا وبصتلها بتريقه كدا ولوت شايفها:هي هي هي ، ظريفه ، عامة انا خلاص مش جايه ، شوفي مامي يمكن تروح معاكي
وهم:لا هيا بكرا مش فاضيه ، نازله مع لوله و هاله و نورا ، ومتسالنيش فين ،  عشان انا معرفش ، ويالا تصبحي ع خير
ليلا:وانتي م اهله
وطلعوا اوضهم و غيروا و ناموا
تاني يوم
سيف منمش طول الليل فصل يلف بالعربيه ، و اول الشغل بدا ، راح عليه و دخل علي مكتب حسن علطول
سيف:حسن ، عايزك
حسن:طب قول صباح الخير الاول
سيف:حسن مش فايقلك ، تعالي علي مكتبي الوقتي علي ما اطلب قهوه تفوقني
و راحو المكتب وطلبوا اتنين قهوه و جت القهوه
حسن:قولي بقا ، عايز اي؟
سيف:اعد طول الليل افكر ازاي اصالح وهم ، مش عارف ، و روحت جربت اصالحها ، رفضت و شبه طردتني
حسن:ليه انت عملت ايه لكل دا؟؟؟
سيف وحكاله علي الي حصل
حسن بضحك:ليها حق ي بني تولع فيك
سيف:بطل ضحك ي حسن ، انا جايبك تدورلي ع حل مش تتضحك
حسن بيوقف ضحكته:حاضر "وابتدي يفكر بصوت عالي:فكر ي واد ي حسن ، فكر ي واد ي حسن
سيف بضيق:بصوت واطي
حسن:طيب "وفضل يفكر لحد اما جتله الفكره:لقتها
سيف:قول
حسن:تجبلها ورد
سيف وبصله بضيق مزيج م القرف:ومن امتي وهم بتحب الورد ، وبعدين انت اعد كل دا وفي الاخر تقولي ورد
حسن:اسفين ي باشا ، بص انا من راي انك تاخدها عند عبده تلوث ، وهيا هتقبل اسفك ، مهو الي زي وهم دول همهم علي بطنهم
سيف:اطلع برا ي حسن
حسن:ليه كدا؟؟انا عملت حاجه!!
سيف بحده:برا
حسن وبياخد قهوته:برا برا ، سلام عليكم
سيف:ابوشكل الي بعتمد علي عيل تافهه شبهك
حسن:تشكر ، تشكر
ومشي حسن وفضل سيف يفكر ع طريقه تسامحه بي وهم وفعلا لقي وهيخلص شغله و هينفذها
"في الفيلا عند وهم"
صحيت وهم واتوضت وصلت و لبست ونزلت علي السفره لقت جاسر و ومريم وليلا لس مصحيتش بيفطروا
وهم:صباح الخير
جاسر و مريم:صباح النور
وهم وهيا بتاخد عيش وبنحط في جبنه:بابا ماتخدني معاك ف طريقك توصلني الجامعه
جاسر:روحي بعربيتك
وهم:مع حازم
جاسر:يبقي ريسك
وهم ولوت شيفتها:ماشي ي بابا ، تشكر ، انا غلطانه
مريم:وانتي سياتك هتفضلي في سنه 4 كدا كتير
وهم:اعمل اي بقا مانا معايا دكتور حمار مستقصدني وبيشلني الماده "وغيرت نبرتها للبرود:وانا عندا في والدته الله يرحمها ، مس همتحن ف الصيف ، وبعدين انا خلاص اشتغلت مذيعه ، فالكليه بروحها تسالي ، فافكك
مريم:لا اعنلي حسابك لو شيلك السنادي هتمتحنيزفي الصيف ، او تتلمي في محاضرته عشان يعديكي ، وبلاش عند معا
وهم و وقفت:ان شاءالله ، سلام
ومشيت و ركبت الريس بتاعها وطلعت بي ، و كانت مقربه م الجامعه لقت واحد واقف جمب عربيته وباين علي العربيه انها عطلانه ، فركنت وهم قدامه
الشاب:مين حضرتك؟
وهم وشالت الخوذه:مش عرفني ي يوسف الكلب
يوسف:مخدتش بالي ، بس انتي جايالي م السما
وهم:عارفه ، بس انت رايح فين
يوسف:الجامعه عندك
وهم:لحلا طبعا
يوسف:هوفي غيرها
وهم:طب اركب ، و ركب وراها ومسك ف السناده الي ورا و طلعت وهم و ودخلوا الحامعه و ركنت وهم و نزلوا م الريس
وهم:هتلاقي حلا عند الكافتيريا ي في المحاضره ، واسيبك انا عشان عندي محاضره الدكتور الحمار ، الي بيشلني كل سنه
يوسف:ماشي
و مشيت وهم و راحت المحاضره ولقت الباب مقفول فاخدت نفس عميق و فتحت الباب فكل الي في المحاضر بصولها
الدكتور:اتاخرتي ليه؟
وهم:اسفين ي دكتور ، بس معلش كان صديق ليا محتاجني ، وانتي عرفني ي دكتور "وحطت ايدها ع رقبتها:رقبتي سداده
الدكتور:برا
وهم:لا
الدكتور:يبقي هاتشيلي الماده
وهم بابتسامه استخفاف:ي دكتور انت مبتزهقش ، انت كل مره تشيلني الماده وانا مبجيش ، شكلك حبيت اعدتي عندك صح ، قولي والله اني صح
وضحكت المحاضره ع طريقه وهم وهيا بتتكلم فالدكتور اتعصب وقال:بررررا
وهم وماشيه:ماشي ، بس انا مش هاجي امتحن تاني ، سلام عليكم
و ردت المحاضره بالسلام و سكتوا اول ما وهم مشيت
"كافيرتيا الجامعه"
وهم وحطت حاجتها ع الطرابيزه وشدت كرسي واعده مع يوسف ع نفس الطرابيزه
يوسف:اطردتي
وهم:طبعااا
يوسف:ليه السبب؟
وهم:عشان اتاخرت و دخلت بعده ، وفيها اي يعني اما ادخل بعده كان رئيس الوزاره ي خي
يوسف بضحك:شكلها كدا
وهم:بس انا يستحيل اشيل الماده السنادي ، انا زهقت
يوسف:هتعملي اي؟
وهم و وقفت:هتشوف
و راحاتفقت مع صحابها وصحابها بلغوا صحابهم و جابت مايك و وقفت عند عربيه الدكتور و قالت في المايك:الدكتوررر ، اكرم السلحدار ، يجي الوقتي عند عربيته..وفضلت تكرر الجمله لحد اما جه و علامات الغضب ع وشه وبيقول:ااااي!!!عايزه اااي!؟؟ بتزعقي كدا ليه؟؟؟
وهم وفي المايك:ي جماااعه اجمعوا هنا
واجمع حوالين وهم و الدكتور طلاب كتير منهم صحابها وقالت وهم في المايك:1.....2....3...ابدوووا
الطلاب كلهم:دكتور ، دكتور ، متشيلهاش الماده ، دكتور ، دكتور ، متشيلهاش الماده
وهم:بالله عليك ي دكتور، امي هتتطردني
الطلاب:دكتور، دكتور
وهم:عشان خطري ي دكتور
الطلاب:دكتور ، دكتور
وهم:دا انا بحبك ي دكتور
الطلاب:كدابه كدابه
وهم:عشان خطري ي دكتور ، تنجحني ي دكتور ، دا انا امي هتتطردني ي دكتور ، وعيالي هيتشراود ، يرضيك ي دكتور
الطلاب:يرضيك ي دكتورر
الدكتور بصوت عالي وبيشاور بايده:خلاص خلااص ، خلاص ي وهم مش هشيبك الماده
والكلام طلعوا الحاجات الي بطلع اشرطه وقالوا كلهم بوهم:هيييييه ، ربنا يخليك ي دكتورررررر
وسقفوا
الدكتو وهو هيمشي:بس بعد كدا تيجي ي وهم
وهم بسعاده:من عيوووني ي دكتوررررر
وابتسم ومشي والطلاب ميشوا ، و راحت وهم لطرابيزه يوسف
يوسف بيسقف ليها:شابوه ليكي ، بس جتلك الفكره
وهم:افتكرت فيلم قديم كان في الحركه دي ، قولت اجربها ، لو مكنتش نفعت ، كنت بقا ههمل معا الي متعملش ، اصل انزمش هنزله ف الاجازه عشزن امتحن ، اصل حضرتك انا ورايا شغل و نوم واكل ، وحاجات كتيره مهمه
يوسف:قادره
وهم بثقه:طبعا ي بني ،دا انا وهم ،،، بس قولي البت حلا فين؟
يوسف:تلاقيها جايه اهي
وهم:ماشي ، بس ي ريت متتاخرش عشان ورايامحاضر كمان نص ساعه كدا
وجت حلا ولما شافت وهم و يوسف مع بعض الغيره تملكتها و قالت بعصبيه:ممكن تقولي انتم اعدين مع بعض ليه؟
وهم باستغراب:جرا اي ي بت ي حلا!! معلايه صوتك كدا ليه ع الصبح!!!
حلا بعصبيه:مزاجي
يوسف:حلا وطي صوتك ، عشان مش عايزه اعمل رده فعل تتضايقي منها
حلا:لا والله...
كانت لي هتكمل لقت وهم حاطه ايدها ع فمها و مسكه من ايدها الاتنين وقالت بجمود:يوسف ، هاخد حلا و راجعالك تاني
واخدتها علي جنب بعيد عن الدوشه وقالت وهم بجمود:اقسم بالله لو طلعتي صوت ي حلا ،لاكون لطشاكي قلم علي وشك يربيكي ، تمام"وشالت وهم ايدها وكانت حلا هتتكلم بس وهم قطعتها وقالت:قولت ااي
حلا بعصبيه:ابعدي عني ي وهم
وهم:مالك ي بت؟؟؟ من امتي وانتي بتغيري مني م يوسف؟؟
حلا:انا اغير عليه من اخته ، مش انتي بس
وهم:اخته مش انا ، انتي عرفا كويس ان يوسف صديقي من الطفوله ، واهله يعرفوا اهلي ، و عرفا اننا عشره عمر ومش هنخسر بعض ، و بعدين متنسيش ان انا الي معرفاكم علي بعض ، ومتنسيش ان انا بحب سيف ، و متنسيش ان يوسف دا بيعشقك مش بيحبك بس ، فاتلمي بقا ولمي الدور ، بدم اضيعي الواد من ايدك
حلا وهديت:عرفا ي وهم كل دا ،بس اعمل اي بغير ، غصبن عني
وهم:لا تعودي نفسك ، عشان دا مش صح ،او تستني لما تعودا مع بعض و تعرفي الي ضيقك ، مش تولعي الدنيا وفي الاخر تقولي غصبن عني
حلا:حضار هحاول ، ومتزعليش مني
وهم:مش زعلانه ، ويالا بقا وضبي نفسك كدا و روحيله ، وانا اتكل علي الله اروح للمحاضره بتاعتي
حلا:ماشي ، سلام
و راحت وهم للمحاضره بتاعتها ومكنش لسه الدكتور جه فسلمت علي صاحبها كلهم و اعده معاهم
تامر:شوفتي الواد سكيا عمل اي؟
وهم:لا ، عمل اي؟
تامر:خطب البت سونيا حوارت
وهم وضحكت:بجد
تامر:ايون والله ، حتي بصي لاخر بنش كدا ، هتلاقيهم بيحبوا في بعض
وهم وبصت بصه سريعه:يالا ربنا يوفقهم ، احنا مالنا بيهم اصلا
تامر:حبيت بس اعرفك
وهم:اشطا ، و اعد عدل بقا عشان الدكتور داخل
واعد عدل و كل الطلاب اعدوا عدل لما الدكتور داخل و قال:سلام عليكم
الطلاب ردوا السلام
الدكتور:انسه وهم ، منورنا
وهم:انتي الي منورنا ي دكتور
الدكتور:انتي ناويه تتخرجي امتي ، انتي بقالك 4سنين هنا
وهم:ههه لا خلاص انا هتخرج السنادي ، بس ادعيلي ي دكتور
دكتور:ان شاءالله ، اعدي يالا
واعده وهم وابتد الدكتور يشرح ، وخلصت المحاضره و كل الطلاب خرجوا ماعدا وهم الي راحت نحيه الدكتور وقالت:دكتور
دكتور:ايوه
وهم بابتسامه:انا عزمه حضرتك ان شاءالله يوم خطوبتي ، وهات معاك عاليه "بنته"
دكتور:ماشي ، و مبروك مقدما
وهم:الله يبارك فيك ي دكتور ، عن اذنك
ومشيت وهم و ركبت الموتسكل و طارت علي المحطه و ركنت و دخلت الاوضه بتاعتها وخلصت فقرتها ومشيت راحت ع البيت لقتهم بيتغدوا فاعده معاهم
وهم:ليلا فين؟
جاسر:هتلاقيها نازله تتغدي و تروح شغلها
وهم:مم طيب
وجت ليلا واتغدوا و خلصوا واعدوا ف الليفنج و راحت ليلا شغلها
وهم:بابا عايزك تبقي تجيب عمال تعمل الجنينه عشان الخطوبه
جاسر:من بكرا هيجوا
وهم:ماشي ، ويالا عن اذنكم هطلع انام عشان اعرف اسهر بليل ، سلام
وطلعت نامت وصحيت بعدها ب3ساعات دخلت الحمام واتوضت وصلت وفتحت الدولاب تشوف تلبس اي
وهم:ممم البس اي ، البس اي؟؟؟ خلاص لقتها
وطلعت بنطلون اسود في في اشكال بالون الابيض و بلوزه قصيره بكم عليها كلام بالانجلش ولبستهم ولمت شعرها كحكه و نزلت قُصه ولبست كوتشي ابيض وبصت علي نفسها باصه اخيره و نزلت ومشيت وطلعت بالعربيه و عدت علي رزق
رزق:ازيك
وهم:الحمدالله
رزق:ملبسايش فستان ليه؟
وهم:مليش مزاج والي انا لابسه احلي
رزق:براحتك
و وصلوا الفرح وكان كل صحابها هناك و راحت وهم هيا و رزق عند العروسين
وهم وهيا بتحضن نوال:مبروك ي قمري
نوال:الله يبارك فيكي ، عقبالك انتي واستاذ سيف
وهم:ان شاءاالله
وقامت من حضنها وقالت للعريس:مبروك ي عريس
عبدالرحمن بابتسامه:الله يبارك فيكي
وسلم رزق علي العروسين و دورت وهم علي كريمه و اول ناشفتها حضنتها وقالت:وحشتيني اووي ي داداه
كريمه وعنيها دمعت:وانتي كمان ، وحشتيني اووي ، بقالك زمن مبتساليش كدا ي وهم
وهم وقامت من حضنها ومسحت دمعتها:اسفه ي داداه ، حقك عليا
كريمه:هزعل بعد كدا لو مسالتيش
وهم:متخفيش هسال ، وعلفكره انا مستنياكي يوم خطوبتي الخميس الي بعد الجاي دا ، هزعل لو مجتيش
كريمه:هاجي ، مبروك
وهم:الله يبارك فيكي ، ويالا بقا عن اذنك ورايا شغل اعمله
كريمه:هتعملي اي؟
وهم:مش معقوله اجي فرح ويبقي بالهدوء دا ، دا انا حاسه اني في عزاء ، وبعدين انا جايه اعمل مع العروسه و العريس احلي واجب ، لازم اشرفهم
وضحكت كريمه:ماشي
و راحت عند الدي جي وطلبت منه المايك وادهولها و راحت عند العروسين وقالت:كل صحاب العروسه والعريس يجمعوا هناا
وجم كلهم
وهم:اولا كدا ، عايزه اسمع احلي مبرووك للعروسين
والمعازيم:مبروووووووك
نوال وعبدالرحمن:الله يبارك فيـــــكم
وهم:ي عرريس ، عايزه اسمع احلي كلمه بحبك لاحلي عرووسه
وقربت منه المايك وقال:بحبك ي نوووووووواااال
وقربت وهم المايك م نوال:وانا كماااااااااااااااان
المعازيم كلهم سقفوا و عيون كريمه دمعت من الفرحه
وهم:صحاب العريس و العروسه يعملوا دايره حلوه كدا
و عملوا دايره ومسكت وهم ايد العروسه والعريسه ووقفتهم في نص الدايره وقالت:اجدع اغنيه رومانسيه تستغل عشان احلي عروسين
واشتغلت اغنيه و قصرا وصحابهم بيسقفوا براحه وخلصت الاغنيه واشتغل مهرجان و كلهم رقصوا و صحاب العريس شالوا و رفعوا لفوق و نزلوا و كملوا رقص وسابتهم وهم و راحت قاعده ع طرابيزه لقت طفل جاي عليها وماسك وراء مطويه ورمها علي حجرها وجري
وهم:ي بني ، انت يالاه ، واي الورقه دي "وفتحتها ولقت جواها:وهم
وهم بضيق و لوت بوقها:وحياة خالتك ، يعني الورقه دي مكتوب فيها اسمي ، دا ع اساس بيفكرني
وقامت تشوف الطفل الي رملها الورقه عشان تساله مين الي ادهاله وهيا ماشيه لقت طفل تاني جه عليها و رمي الورقه علي الارض فوطت وهم واخدتها وقالت:دا ايه اليوم الي مش باين من اهله دا ، "وفتحت الورقه لقت:انا
وهم:طب وحياه الي جابتك لادور علي الظريف ابن الظريفه دا
وكملت مشيت لقت شويه جاين عليها وبيذوقها و وهم مش عرفا توقفهم فبتقول:بس بقا ، عايزين مني اي ، طب موديني فين
محدش بيرد عليها لحد انا ودوها في وسط الناس وكان سيف واقف وعليه ابتسامه بسيطه وبيقول:اسف ، وهم انا اسف ، هتسحميني ولا هتكسفيني
وهم من صدمتها مش ع فا ترد لكن فاقت لما سمعت الفرح كله بيقولها:سامحي ، سامحي ، سامحي
وهم بجمود:بسسسس.........
"الفصل القادم"