يوميات وهم وسيف

3

يوميات وهم و سيف "مسجونتي ج2" الفصل الثالث

الراجل:ااااايه!!!!!
وهم مكمله:و زي ماهو ي باشا فتح محضر ضدي ، انا كمان هفتح محضر
الضابط:افتح ي بني
الراحل قاطع كلامه:باشا ممكن تسبني معاها 5دقايق بس
الضابط:ماشي ، بس مفيش زياده عن كدا
الراجل:مش هاذود
وخرج الضابط م المكتب واول ماخرج الراجل قال:بقا بتتبلي عليا ي انسه وهم
وهم:تستاهل ، عشان بس تفكر بعد  كدا تعرف انت بتقف مع مين ، لان انت طبعا جاي هنا وعامل حسابك اني هتسجن ، بس طلعت اشطر منك وجبتلك القاضيه ، ولبستك تهمه تقعد فيها يجي 6شهور
الراجل:طب خلاص انا هتنازل عن المحضر ، وانتي كمان ، ونقول للضابط اننا عملنا صُلح ، تمام
وهم:سبني افكر شويه
الراجل:لا ابوس ايدك ، الضابط هيدخل الوقتي ، يعني مفيش وقت
وهم بتفكير:ممم ، تمام ، بس انا عندي شرط
الراجل:اي هو؟
وهم:نبقي صحاب
الراجل:ماشي ، معنديش مشاكل
وهم:طب اسمك اي بقا؟
الراجل:طارق الرفاعي
وهم ومدة ايدها:وهم البشبيشي
ومد ايده هو كمان وهنا دخل الضابط واول ماشافهم كدا قال:انا شايف انكم اتصلحتم
وهم:ايوه 
الضابط و بيقعد علي المكتب:تمام ، يعني هتتنازلي عن المحضر
وهم:ايوه ي باشا
الضابط:تمام
وفعلا وهم اتنازلت عن المحضر وخرجت م المكتب لقت ليلا برا واول ماشفتها راحت عليها وقالت:وهم
وهم:خلاص كله في التمام ، وخرجت ، وبقينا انا والاخ طارق اصدقاء كمان ، صح ي طاروق
طارق:اه طبعا ، بس عن اذنكم لاني عايز امشي
وهم:اذنك معاك طبعا ، اتفضل
و مشي طارق و وهم وليلا خرجوا م القسم كمان و ركبت وهم جنب ليلا في العربيه وطلعت موبيلها وبتبص لقت سيف اتصل عليها اكتر م 20 مره فوهم قالت:يالهوووى
ليلا:ايه؟؟ في اي؟؟
وهم:اطلعي بسرعه ، و وديني ع الشغل
ليلا:طيب طيب ، بس حصل اي؟
وهم بتوتر:سيف ، سيف ، اتصل بيا اكتر م 20مره ، و مش عايزه يعرف اني كنت في القسم النهارده
ليلا:ليه؟
وهم:اصل انا وطارق بقينا صحاب ، ومش عايزه سيف يعرف ان قبل الصحوبيه بتاعتنا دي ، ان كانت سببها خناقه ، دا غير كمان ان سيف محرج عليا معنتش اتصاحب علي حد ، بس انتي عرفاني ، لا حياه لمن تنادي ، فيالا سرعي بقا ، عايزه اكون ف الشغل قبل 3
ليلا:حاضر ، بس انتي مش هتكلمي؟
وهم:اول ما اوصل المحطه هكلمه
ليلا:طب انتي خرجتي ازاي
وهم:هقولك بعدين ، بس سيبني بالله عليكي اجمع نفسي ، عشان اعرف هقول لسيف اي!!!
ليلا:طيب
و ذودت ليلا السرعه شويه بس اضطرت تهدي لانها لقت العربيات كانت واقفه بسبب الزحمه
وهم:وقفتي ليه؟
ليلا:انتي مش شايفه الزحمه؟
وهم:طب بصي انا مش هعرف استني اكتر م كدا ، انا همشي انا ، سلام
ليلا:طب لما توصلي ، كلميني
وهم:طيب
واخدة وهم حاجتها ونزلت م العربيه واعده تعدي بين العربيات و خرجت م الزحمه وكانت لسه هتوقف تاكس لقت واحد تعرفه كان سايق موتسكل "فيسبه" وبيقوفلها وبيقولها:وهم
وهم اول ماشفته بيقوف ركبت وراء وقالت بسربعه:عارف مكان المحطه بتاعتي ، وديني هناك بالله عليك ي رزق ، لاحسن مستعجله
رزق:حاضر
واتحرك ررق بالفسبه و وهم سندت بايدها ع المخدع الي وراء لانها مش هتحط ايدها ع وسط رزق....وسرع رزق ويدخل من حتت عشان يوصل بدري وفعلا كان خلال دقايق كانوا وصلوا فوهم نزلت بسرعه وقالت:سلام ي رزق ، وتشكر ع التوصيله ، وقابلني بليل عند الحسين انت والشباب و خطايبتهم ، ماشي
رزق:ماشي
ولسه وهم هتدخل المحطه خبطت ف حد ف ظهره ولسه هترد عليه لقته بيرد عليها و بيقولها:وهم
وهم اول ماشافت سيف قدامها وبيقول اسمها معرفتش تنتطق بكلمه اكن القط اكل لسانها
سيف بعصبيه ومسكها م ايدها واخدها برا المحطه و راحو علي العربيه بتاعته وركبها وركب النحيه التانيه وقال بهدوء مخيف عكس الي جوا لانه شافها وهيا نازله م علي الفسبه بتاعت رزق:كنتي فين ي وهم؟ ومين الواد الي كنتي وراء دا؟
وهم:دا رزق
سيف وابدي هدوه يروح حابه حابه وقال:زرق مين؟ و بعدين انتي مجاوبتنيش ع سوالي الاول كنتي فين ي وهم؟
وهم بارتباك بتحاول تداري برخامتها المعتاده:اي ي بني مانت عارف اني كنت
قطع كلامها سيف بيقول بحده:وهم ، كنتي فين بقولك ، ومين رزق دا ، ومبترديش ع مكلماتي ليه؟؟وعايز اجابه صريحه ع كل سوال ومن غير كدب ، والا قسما عظما هتشوفي وش عمرك ماشوفتي
وهم و خافت جدا م حدتة سيف وقالت:كنت في القسم ، ومين رزق؟ دا واحد معرفه صديق ليا يعني ، ومبردش ليه؟ عشان كنت في القسم ومكنش معايا التليفون
سيف و اول ماسمع كلمة قسم قال بحده:قسم!!!! وي تري تهمتك ايه المرادي؟وشاب ولا بت؟
وهم بخوف:طب بص براحه عليا ومتتعصبش وانا والله هجاوب ، تهمتي ضربت واحد و خبطت العربيه بتاعته ، وكان شاب ، مانت عارف ي سيف اني مبجيش علي حرمه مهما كان عملت فيا
سيف وهدا شويه وقال:وخرجتي منها ازاي؟
وهم:كنت هلبسه قضيه "واتوترت شويه"ق ، ق
سيف:قضيه ااي؟؟؟؟
وهم بخوف:تحمرش
سيف اول ماسمع اجابتها مسكها دراعها وقال بعصبيه:يعني تعتدي علي الراجل بالضرب وتخبطي العربيه بتاعته ، وفي الاخر ترفعي عليه تحرش!!! لالا كدا كتير ي وهم ، كتير ، ولاز م تتعلمي الادب
وهم اتوجعت م مسكة سيف ليها وخافت اكتر واكتر م عصبيه سيف وقالت:والله لا ،دا انا وهو عملنا تصالح ، لا وكمان بقينا صحاب والله
سيف وعلي نفس العصبيه ومسكة الايد لوهم الي خلاص تكه ودراعها تتكسر في ايده من شده عصبيته:وبقيته صحاب!!!!! وهو انا مش محرج عليكي معدش في كلام مع شباب ، ولا انا قرطاس جنبك
وهم معرفتش ترد م وجع ايدها وفجاه جالها ضيق نفس جامد وبتحاول تاخد نفسها مش عرفا.....سيف اول ماشافها كدا ساب ايدها واعد يهديها عشان تعرف تاخد نفسها بس مش عارف بس نزل م العربيه و اعد يدور ع اي كشك ولا سوبر مركت يشتري منه ازازه ميه عشان يرشها عليه عشان تهدي لان الي بيجي لوهم مش مرض لا دا بيجلها ساعة اما تكون مخنوقه او خايفه او متوتره او بتعيط تقدروا تقولوا حاله نفسيه ، لانها راحت كشفت والدكتور قال ان كله تمام قلبها و رئتها وان الي بيجلها حاله نفسيه لا اكثر....واشتري سيف ازازه ميه وبسرعه راح علي وهم وفتح باب العربيه و خرج وهم وشربها مايه وبردو مفيش فايده وحط حبه ميه في ايده ومسحها ع وشها وقال:اهدي ي وهم ، اهدي بس وبطلي توهمي انك مش عرفا تاخدي نفسك ، اهدي
وهم حاولة تهدي مش عرفا....وركبها سيف العربيه وفتح المروحه بتاعت التكيف و. وهم اول ما المروحه بتاعت التكيف حست ان الروح اتردت تاني ليها وان نفسها انضبطت تاني فسيف اول ماشافها هديت سالها بقلق وخوف عليها لان هو لما بيقسي عليها خوفا عليها وغيره عليها مش بيقسي عليها تسالي يعني:بقيتي كويسه ي وهم
وهم بتعب وجاوبت بصوت ضعيف وضمت رجليها ليها:آآ ، اه ب-ق-يت كويسه ، بس،،،يالا نروح ، تعبانه
سيف: حاضر ، بس اهدي ومتتكلميش عشان متتعبيش تاني
وهم ابتسمت بتعب و لفلها سيف و ركب جنبها وطلع بالعربيه وهما ع الطريق فضلت وهم ساكته تعبانه مش قادره تتكلم ، لان حالة الضيق دي بتتعبها بشكل جامد ، بتتطلع منها ولا اكنها كانت بتفارق الروح....و رن تليفون وهم فوهم طلعته م جيبها وبتبص لقت استاذ عماد "صاحب المحطه" فتحد سيف الموبايل منها و رد عليه وقال:لا انا سيف...وهم حاليا تعبانه فهيا بتعتذر انها مش هتعرف تيجي النهارده..الله يسلمك...سلام
وقفل سيف معا و وصلوا الفيلا بس مش فيلة وهم لا فيلة سيف...ودخلوا الفيلا وركن سيف العربيه في الجراج و نزل عشان يروح النحيه التانيه عشان يسند وهم وفتح باب العربيه وقال:يالا بينا
وهم بصوت قوي شويه وقالت باستغراب:احنا ايه الي جبنا هنا؟؟؟
سيف:خالتك ي ستي عزماكي علي الغدا ، مانا عشان كدا كنت عندك في الشغل وبكلمك عشان اعرفك ان امي  عزمنا ع الغدا ،دا غير اني كنت قلقان عليكي
وهم:ماشي....وجت تنزل م العربيه رجليها مشلتهاش فسيف سندها علي كتفه فوهم قالت: سبني ي سيف ، وانا همشي انا ، وبعدين الضيقه دي بتجيلي دايما ، يعني عادي انا متعوده ، فسبني
سيف بصرامه وعدل دارعها الي سنده علي كتفه:لا ، ومش عايز صوت ، بدل ما  اشيلك
وهم بابتسامه خفيفه:ماشي ي سيدي براحتك
ودخلوا الفيلا و ليالي اول ماشافت وهم مسنوده علي سيف راحت نحيتها بسرعه وقالت بقلق:مالك ي وهم
وهم:ماشي حاجه ي لوله ، دا مجرد ضيقه نفس بس ، مانتي عرفا يعني
ليالي:طب داخلها ي سيف اوضه اللينڤنج عشان ترتاح
و دخلوا اوضه اللينڤنج واعدها سيف ع الكنبه و فردت وهم جسمها وحست انها بقت احسن خلاص فاعده عادي وقالت وهيا بتخلع الكوتشي الي هيا لابسه:قوليلي بقا ي لوله ، عاملنا غدا ايه؟
ليالي واعدة جنبها وسيف راح اعد علي الكنبه الي قصادهم:مكرونه وفراخ باينه
وهم:ايون بقا ي لولو ، اموت انا واعيد السنه
ليالي ضحكت جامد علي طريقه وهم و سيف ضحك بردو بس مش جامد ، ضحك عادي يعني مجامله
ليالي:قوليلي ي وهم ، سبب ضيفة النفس دي اي ، اوعي يكون سيف السبب ، قوليلي وانا اقطعهولك
سيف بضيق:ماماااا
ليالي: في اي ي سيف ، مضايق ليه؟
سيف:لاحظي اني اعد ، وانك بتقولي الكلام دا عليا!!!
ليالي:وفيها اي
سيف بضيق:مفيهاش حاجه ، كملي كملي
ضحكت ليالي ع ضيقة سيف و رجعت تبص علي وهم الي لقتها بتبصلهم بسهتانه اووي فليالي قالتلها:وهم ، وهم
وهم بنفس السرحان:تعرف ي سيف ، تعرفي ي لوله
ليالي وسيف:لا منعرفش
وهم:اني نفسي اتجوز سيف بسرعه اووي واجيب منه طفل صغير
سيف بغرور مصطنع:اكيد عشان بتموتي فيا ، ونفسك في طفل مني عشان تربطيني بيكي للابد
وهم:لا طبعا ، دا بس عشان ياخذ العيون الحلوه دي ، خصوصا لوله
سيف:تصدقي انك عيله جذمه
ليالي:سيف ، متشتمش وهم
سيف و وقف وقال:تصدوا انا غلطان اني اعد معاكم ، انا رايح اوضه التدريبات علي ما ابويا يجي من الشغل وتكوني جهزتي الاكل
وخرج سيف من اللينڤنج و اول ما خرج سيف م الاوضه ، فطسوا علي نفسهم م الضحك وخصوصا وهم الي ضحكتها طولت حتي بعد انا ليالي خلصت
ليالي:خلاص ي وهم
وهم بضحك:مش قادره مش قادره ، قصفت جبهته ع الاخر ، همووت ، وكان شكله مسخره
ليالي:طب ي حبيتي ، براحة ع نفسك ، واضحكي بالله عليكي ضحكه بناتي ، بدل الضحكه الي خلاص حسستني اني اعد مع راجل
وهم و هدت الضحكه لحد اما خلاص وقفت وقالت:بصي انا رايحه لسيف ، ماشي
ليالي:طب استني بس اما يعدي مده عشان متجلكيش ضيقه النفس تاني
وهم:لا مهي خلاص راحت  ، وانا هديت خلاص
ليالي:طب ماقولتليش اي سبب الضيقه
وهم: ي لوله فكك
ليالي:مش هفكني واتفضلي قوليلي
وهم واعدة تاني:طب احكيلك بيا من اول يوم حصل عشان تعرفي لي جتلي الضيقه ومتتهميش سيف ظلم....بصي وحكتلها م اول الخناقه لحد اما جت الفيلا
ليالي:واخرتها
وهم باستغراب:اخرتها في اي؟
ليالي:يعني هتفضلي تعملي مشاكل كتيره كدا ي وهم
وهم:ي لوله متخفيش عليا ، انا بمية راجل
ليالي:بس انتي بنت ي قلبي ، يعني مينفعش تعملي الكلام دا ، لان لا حيائك ولا مجتمعك يسمح بكدا
وهم بلامبالاه:ي ستي ، فكك ، ويالا بقا انا راحه لسيف ، سلام
ومشيت وهم وسابت ليالي الي كانت هتتفقع منها و من  طريقتها واسلوبها و قامت ليالي و راحت تساعد الخادمين ف الاكل عشان ادم كان قرب يجي
"في اوضه التدريبات"
سيف كان بيدرب جامد وكان خالع التيشرت وكانت عضلات بارزه جدا و مديا منظر رجولي حلو جدا.....وبعد شويه دخلت وهم عليه ولقته بيدرب ومش لابس التيشرت ومتحرجتش لانها اصلا في الغالب بتشوفه كدا لما بيروحوا يدربوا مع بعض او ينزلوا حمام السباحه او اي حاجه
وهم بانبهار بعضلاته و حركاته في التدريب:اي ي عم الفخامه دي كلها ، و يقولك الانتاج المصري خرع ومش حلو ، اومال الي انا شايفه بعيون الجوز دول اي؟
سيف و بيعمل ضغط:عايزه اي ي وهم؟
وهم وقربت منه شويه وقالت وهيا ثني ركبتها:مفيش ، جيت اتفرج عليك
وخلص سيف الضغط و وقف ومسك وهم عشان يوقفها:ليه تليفزيون؟
وهم برخامه:لا راديو هههه
سيف:بطلي ام الاشك الرخيص دا بقا
وهم بضحكة صغيره:حاضر ، بس بقولك
سيف:نعم
وهم:بص ومن غير ماتتعصب كدا ، انا عايزاك في مشوار علي عشاء كدا
سيف:ليه؟
وهم:اصلي صراحة كدا ، ومن غير لف و دوران ، انا عزما الشباب ع العشاء بليل
سيف وبصلها جامد و قال بحده:نعم!!!!!
وهم ولحقته قبل ما يتعصب:لالا ، انا قصدي الشباب وخطبيتهم معاهم اقسم بالله ، متفهمش غلط
سيف:مم ، بس بردو مش قولتلك معنتيش تكلمي الشباب دي ، ولا كلامي بيدخل هنا "وشاور ع راسها"وبيخرج م هنا
وهم:سيف ، انت عارف كويس اني مقدرش اسيبهم ، لان معظهم صحابي م ثانوي ، و جامعه كمان ، وانا يستحيل انساهم لان دى عشره مابينا ، والعشره مابتهنش الا علي ولاد الحرام
سيف:يعني كلامي مش هيتسمع؟
وهم بتسعطاف:ي سيف بقا متحبكهاش ، وعشان خطري بقا وافق
سيف:سيبني افكر
وهم: ي سيف بقا ، ها وافقت ، قولي انك وافقت ، صح انت وافقت صح ، يالا قولي صح
سيف و زهق من زنها:خلاص موافق ، بس بعد كدا لو كلامي متسمعش ، هتشوفي هعمل اي ي وهم
وهم بفرحه:حاضر ، حاضر  ، هسمع الكلام بعد كدا
سيف:طب يالا بينا عشان نتغدي
وهم:ماشي يالا ، بس البس تيشرت الاول
سيف وهو بياخد التيشرت بتاعه:اكيد هلبسه يعني ، مش هستني امر منك
وهم بضيق:تصدق انا غلطانه
سيف:طب يالا ي ست الغلطانه ، عايزين نتغدي......وخرجوا م الاوضه ودخلوا جوه الفيلا و راحو و نحيه السفره و كان ادم اعد ع راس السفره وجمبه ليالي و راح سيف و وهم يقعدوا  واعد سيف ع شمال ادم و وهم اعدة جمب ليالي
ادم:ازيك ي وهم
وهم:الحمدالله ي عمو ، واخبارك انت
ادم بابتسامه:الحمدالله
وهم:دايما....وبدوا ياكلوا لحد اما ليالي قالت:صحيح ي وهم هتختاروا امتي القاعه؟
سيف:م بكرا هننزل ندور
ادم:لا سبها عليا دي وانا هشوفلكم قاعه في احسن فندق في مصر
سيف:تمام
وهم:هو انتم بتحددوا علي اساس اي؟ومين قال اصلا اني عايزه اعمل خطوبتي في قاعه؟
ليالي:طب عايزه تعمليها فين؟
وهم:في جنينه الفيلا عندنا ، او عندكم ، انما قاعات لا ، انا مليش خلق ليها
ادم:خلاص ي وهم ، الي تحبي
سيف:خلاص تمام ، مفيش مشاكل ، بس تعالي ننزل بكرا عشان نشوف فساتين
وهم بابتسامه:لا دي بقا سبها مفاجاه ليكم كلكم
ادم:ربنا يستر ، ومتعمليش زي امك في فرحها وتلبسي سلوبت
وهم:عيب عليك ي عمو لما تقولي الكلام ، دا انا وهم
ليالي ضحكت:مهو عشان كدا خايف
سيف:ماشي ي وهم هسيبك براحتك ، بس طبعا انتي عرفا ممنوع فستان قصير او شفاف او مكياج اوڤر و كعب ، خصوصا الكعب لان احنا مش عايزين نروح المستشفي ، عايزين نعدي الليله علي خير
وهم:مع اني مبعملش الحاجات دي ولا هفكر اعملها حتي ، بس اشطا تمام....وكملوا اكل و راحو الليڤنج و اعدوا يتفرجوا علي التليفزيون لحد اما رن تليفون وهم و كان "مريم" فردت وهم وقالت:ايوه ي اتش...انا عند ليالي مع سيف و عمو....لا هتاخر...عيب عليك ، عيب عليك لما تقولي الكلام دا لبنتك.....يالا سلام"قفلت"
ليالي باستغراب:هو ايه الي عيب عليك؟
وهم:بتقولي يعني خدي بالك من نفسك
سيف:وتردي كدا؟
وهم:اومال اقولها ايه؟حاضر ي مامي هاخد بالي من نفسي
سيف:وفيها ايه؟
وهم:ي بني هو انا ناقسه فقعه مراره ، وبعدين امي متعوده عليا كدا مش قصه يعني
ليالي:ربنا يهديكي ي وهم
وهم وهيا بتاكل:ي رب ي لوله.....وخلصت وهم الاكل ودخلت هيا وسيف الليڤنج اما ادم فهو طلع الاوضه عشان يرتاح و ليالي طلعت معا
وهم:بقولك اي ي سيف
سيف وهو باصص في الموبايل:نعم!!!
وهم:هو مينفعش لما نيجي نعمل فرحنا باذن الله يعني ، منعملوش في قاعه
سيف ولس باصص ف الموبايل وقال بنبره استهزاء:اومال عايزه فين؟في القسم
وهم:والله كان نفسي بس مينفعش ، وعامة يعني انا نفسي اعمله في منطقه شعبيه ، فرح بلدي يعني
سيف ورفع راسه من ع الموبايل وقال باستغراب:نعم؟!؟!!منطقه شعبيه!!!!
وهم بتاكد علي كلامها وبتقول بكل ثقه:اه منطقه شعبيه ، مالها المنطقه الشعبيه يعني؟اجدع واطيب ناس هناك ، وكمان معظم صحابي كانوا م الحتت دي ،وكمان دي احسن مية مره من الي بيروحوا قاعات وفراح 7نجوم ، لانهم اقل حاجه مش بيجوا مكلفين نفسهم ، ولا لابسين اقنعه مزيفه ولا فساتين غاليه ، الي انت لو بعتها ممكن تاكل وتشرب وتعلم عيله كامله ، فياريت ي سيف تفكر في كلامي كويس ، وهتلاقي اولا موفر جدا ، ثانيا هتحس بمتعه الفرح و انت شايف ان الكل قدامك فرحان وعلامات الرضا علي وشهم ، ويالا انا راحه الحمام "و وقفت وهم و قالت:متنساش تفكر في كلامي ، وقدامك وقت كبير يعني ، الفرح مش بكرا يعني ، دا احنا يدوب لسه خطوبه ، فافكر ف كلامي ، انا راحا الحمام....ومشيت وهم وسابته مستغرب من طريقتها في الكلام و من وجهات نظرها الي عجبته جدا وقال لنفسه"مع ان وجهه نظرها غريبه ، الا انها عندها حق ، الفرح في منطقه شعبيه. ، احسن ميت مره في قاعه ،،،،فيها عندها حق"وجت  وهم وشغلت التليفزيون وقلبت في القنوات ملقتش حاجه فقفلته م الريموت واعده تقلب في الفيس وقالت وهيا باصه في الفون:سمعت عن جروب كيف تشقطين ذكرا؟
سيف باستغراب م سوالها:اه ليه بتسالي!؟؟!
وهم:اصله مستفزني ، لان البنات دي معدتش عندها حياء ولا خشاء ، قال تشقط قال ، طب سابت ايه للرجاله ، او الذكور يعني ، بجد حاجه مستفره ، وقله ادب ، ربنا يهدينا و يرجمنا برحمته
سيف:ي رب ، بس ايه الايمان والتقوي الي نزلوا عليكي فاجاه دا؟؟
وهم:مش حكايه ايمان وتقوي ، بس كل حاجه وليها حدود ، وهما تخطوا الحدود كلها ، فبدعي ان ربنا يهدينا و يرحمنا قبل ما نموت ونقول ي ريت الي جرا ما كان
سيف واعجب بكلامها جدا بس مبينش وقال ببرود:طيب.....و رجع بص لتليفونه تاني و وهم بصتله لمده ثانيتن كدا و رجعت تبص لتليفونها ، لانها اصلا متعوده علي كدا ، ان سيف يسمع كلامها وفي الاخر يرد بكل برود ويقول "طيب ....طب اعمل اي يعني...وهكذا"وبعد مرور وقت كبير والمعاد بتاع وهم قرب فوقفت وقالت:يالا بينا
سيف:علي فين؟
وهم:العزومه
سيف:طب تمام....وسلموا ع ليالي و ادم و وركبوا العربيه وطلع بيها سيف ولما قربوا يوصلوا وهم قالت بصوت عالي فجأه لدرجه انها خضت سيف:...........
"الفصل القادم"