عيشة سعيدة

16

#عيشة_سعيدة16
Shahd Alsalman
بفترة اسبوعين مهند شوية تغير وياية وما اعرف يمكن عمة كالتلةعلى الرفض او عندة شي شاغلة دزيتلة رسالة كتلة اليوم لا تتاخر رايدتك بشي مهم كالي ماشي ..

دزيت امي عليها حتى تجس نبضها اذا تقبلني كزوج الها بس متكوللها كانما هي الدتطلبها
ما اريد احرجها واريد تكول اي بدون ضغوطات وتفاجئت من رفضها لان اني قريب منها وجنت متوقع تفرح وتقبل
مرة سألتها عن مواصفات شريك الحياة كالتلي اريدة قبل كل شي مثلك ويكون صديق الي وتأملت بعد جوابها انه ما ترفضني ولا اكدر اسألها ليش ولا اكدر اتقبل انه ما تكون الي شسوي حرت كمت اتجنبها بس ما احسسها بشي وشوية انشغل عنها او اتاخر بالرجعة وكل يوم افكر ليش رفضت وما عندي الجرأة انه اكوللها يا ربي ساعدني ..
اجتني رسالة منها كالت اريدك لا تتاخر كتلها ماشي كلت بلكت الله وتفتح وياية هالموضوع وتقبل بية خلصت كل شغلي ورجعت من وكت لكيت امي ومروة طالعين لبيت عمتي وابويا وشهد بالمطبخ سلمت وبست راس ابويا وكلت لشهد شونج ولج كالت الحمدلله محسستها بضوجتي وبعد عندي امل كال ابويا شهودة سويلة عشا كتلة متعشي يابة كال خوش لعد اكوم اقرة قران بالغرفة وانام ولا يظل بالكم مترجع امك حتبات هناك يكولون جلبو بيهم تصبحون على خير وانت من اهلة جاوبنا اثنينا
مهند كالة ادعيلنا يابة وياك كالة الله يوفقكم ويحفظكم
وبكلبي كلت ويجمعني بيج يا معذبة كلبي
صاحتلي صدك متعشي كتلها اي جابو اكل واكلت كالت ها زين نحجي لو ترتاح شوي كال مرتاح قابل جاي من حرب وضحكت بس بالاول جيبلنا شي نشربة وتعاي بالحديقة كتلة صار روح انت واني هسة اجي حضرت كابتشينو اثنينا نحبة وكعدنا كالي كولي ظل بالي..
ارتبكت شون ابدي الحجي وياه سميت بالله
- هنودي اني مزعلتك بشي
- لا
-زين اكو شي مضايقك
- اي بس يعني عادي
- احنا مو اصدقاء؟؟
- ردت اكوم واصيح واكللها اني احبج مو صديقج بس كوة لزمت نفسي جريت نفس بحسرة .. اي
- لعد شبيك هيج متحجيلي ومبتعد عني
- عندي مشاكل بالشغل وتعبان
- وغير هذا
- اكو بنية اريدها
ما اعرف شون طلعت مني بس هي فتحت عينها
- شنو يعني انت تحب
- اي واحبها حيل همين
- سكتت شوي .. ليش متخطبها ؟
- مدتقبل
- هاي شنو هي مو تحبك ؟
- لا متدري احبها وما اعرف شنو مشاعرهة تجاهي بس اني اريدها وهي متقبل
- زين اني اعرفها ؟
وكفة لكلبي من ديحجي وما اعرف ليش تضايقت بس ما بينتلة لان هو يستاهل الخير والحمدلله انه رفضت حتى ما اظلمة لان هو يحب
- يجوز تعرفيها
- اي وشنو سبب رفضها ؟
- ما اعرف
- شفتة مكسور ؛ زين عمة ليش متروح تخطبها الك مو احسن ؟
- هو هيج حسوي بس خاف هي متقبل
- كتلني الفضول اريد اعرف منو وتمنيت اسالة ليش مكالي وما اعرف اذا غرت او لا ما ادري شنو هالمشاعر
- شفتها تسال بكل براءة وحسيت بيها ضاجت ومتريد تبينلي انطيتها اسم سرى
- يعني كرايبنا !
- اي بت خال ابويا ما اعرف شجابها على بالي وتورطت وحجيتلها هالاسم
- مهند اني اتذكرتها كم مرة تصادفنا بسوك وبفاتحة بس سرى شوية لسان يعني خاف مترتاح وياها
- جاوبتها بعصبية .. لا ارتاح وياها واحبها ارتاحي
- انصدمت من ردة .. اني ارتاح من انت ترتاح بس لانو هي مو مثل طبعك واني اعرفهم شوية بناتهم صعبات
- اي معليج عادي اتعود عليها
- زين ليش تحجي هيج وياية اني علمودك دا احجي لا تعصب