عيشة سعيدة

6

#عيشة_سعيدة6
Shahd Alsalman
فتت للغرفة باوعت الكارتونة ملزكة بالتيب دورت على مكص ملكيت رحت جبت سجينة حتى افتح مكان اللزكة، كملت الكارتونة جبت كرسي وصعدت للرف
دا الم بالكتب حسيت اكو صوت انداريت ماكو شي
بس خفت لان دا احس بشي مو طبيعي ومو قصة خوف لاني لوحدي بس احس اكو احد
شلت وجبة كتب من الرف نزلت وانداريت لكيتة بوجهي وواكف منتجي ع الباب ويبتسم بخباثة من الفزة وكعت الكتب واريد بس البس شي لان بجامتي شوية حصر كلت ماكو احد اخذ راحتي جريت العباية ولفيت نفسي بيها
كالي ليش قابل اني غريب كتلة لا و هسة يجون خالة ومودة كالي ليش وين هم كتلة طلعو زيارة بس كلبي يدك الف دكة بالدقيقة من الخوف
كام يتقرب بمشيتة كتلة ليش مطلعت صوت من جيت وصحت اكثر من مرة اني كلت اكو احد
كالي جنت اسبح مسمعت بعدين بيتي هذا هم لازم احجي واكول كتلة لا العفو مو قصدي ردت اخلص منة كتلة حروح اسويلك اكل لعد دا اطلع سحبني ورجعني للغرفة وسد الباب وراه قفلها
فتحت عيني حيل كتلة شدسوي انت وبعيطة ورجلي بعد متشيلني من الخوف وارجف
كالي دا اسوي اللي لازم يصير من زمان كتلة اطلع لا اصيح والم الدنيا عليك
كالي صيحي وشنو يعني اتقربلي واني ارجع ليورة طخيت بالكتب الوكعت ووكعت بالكاع مدلي ايدة كالي تعالي لا تخافين كتلة وخر
كومت نفسي بس دخت و خفت لا يغمى علية بقيت ادعي الله يساعدني ويخلصني لو ياخذني على هالورطة
حصرني بينة وبين الرف ويباوع علية مثل السكران كالي شعرج لو بيدي اشمة كل يوم وخصرج ما اهدة ويلزم بي
حاولت ادفعة بس هو ضخم كل ما ادفعة يتقرب اكثر لحد ما حضني كمت ابجي وادفع بي ضربتة برجلي على رجلة قوي وخر مني دا انهزم افتح الباب لحكني و جرني من شعري ويصيح ويسب ويكلي وين تفلتين مني اليوم انت الي
وكعني بالكاع وحاول يبوس شكلي هدومي واني ابجي واصرخ محد بحالي ولا يمي يضرب بية ويسكتني ويعتدي اكثر وكام حتى ينزع قميصة باوعت للسجينة زحفت منة وجريتها ملحك علية وحطيتها برجلة ودفعتة وكمت محسيت الا لما عاط من الالم وشفت الدم يجري منة بعد ما بية حيل اوصل للباب رجعت ليورة من الخوف طخيت بالحايط واحس رجليا انشلت متمشي بعد
وكعت بالكاع وكعدت على حيلي وابجي حيل واغطي بجسمي
بهاللحظة اندكت الباب وخالتي تصيح شبيج وشكو وابنها يكول كتلتني الحقيرة ويدفعون بالباب واني مدا اكدر اسوي شي ما اعرف شصارلي جمد كل شي بية لحد ما جابو احتياط المفتاح وفتحو الباب خالتي كامت تصيح وتضرب بية وتكول يمة ابني راح بهالاثناء هو فقد وعية
مودة لازمتني وتعيط بوجهي احجي شسوالج لج خما اذاج وكامت دفرتة يا كلب يا حقير وامها تعيط عليها ورجعتلي لج شهد احجي حضنتها وبجيت مكدرت احجي بس كمت اكول معلية مكتلتة مكتلتة و حسيت راسي ثكل ودخت بالزايد واسمع مودة تصيح وتحجي وياية وبعدها ما اتذكر شصار

كعدت وشفت نفسي مربوطة بحبال وبالفراش وراسي جبل عبالك اصيح ومحد يجاوبني الدنيا ظلمة جنها داخلة ع الغروب
تذكرت كل الصار واتهسترت بالبجي والصياح لحد متعبت وبعد فترة من الهدوء
دخلت خالتي علية كتل وضرب ومندعى لان ابنها بالمستشفى ومكان الضربة خطر والنزيف داخلي صار يا يعيش يا يموت كتلها يستاهل راد يعتدي علية وانت عندج بنية حرام عليج خلي يموت واصيح وهي تصيح
كالت عبالج اخليج هيج والله لا اذبج بالحبوس تعفنين ادري بيج رايدتة يا حقيرة وهو ميعبر وحدة مثلج كتلها شبية لج خالة اني منج وبيج ومن لحمج ودمج اشرف منة هالخايس من كتلها هيج زادت بالضرب كتلها زيدي بعد خليني اموت اريد اخلص منكم ومن هالدنيا اجتي مودة سحبتها مني رادت تخنكني وطلعتها برة ورجعتلي تسالني فهميني اعتدى عليج اخذج كتلها ما لحك كتلتة وخلصت منة خلي يموت حضنتني وكالت كافي اني يمج ما اعوفج لا تخافين اجتي خالتي لزمت مودة كتلتها وهم حبستها بالغرفة الثانية تعرفها تحبني بقيت 3 ايام انتظر الفرج ولا اكل ولا شرب وبس ادعي الله وحتى صلاتي هيج اني وكاعدة بس جسمي تيبس وتعبت حيل من البجي والجوع والعطش ومحد بحالي ومودة ماكو يمكن هي هم بسببي تاذت حاولت اغمض وانام بس الخفقان اذاني كلش ومدا اكدر اتحمل اكثر دا اصيح خالة حتة تجيبلي ولو قطرة مي ما اريد شي بعدها
فاتت هي وزوجها كالت همزين صحة ابني وحجالنة كل شي انت جنتي تدرين بجيتة وعلى هالشي ما قبلتي ترحين للزيارة ويانة علمود تورطي بيج ومن منعج انت كتلتي الله لا يوفقج سمعتها تحجي واني اضحك بعلو صوتي ودموعي تجري ما اعرف اضحك على حياتي لو ع الكالتة عبالك اني اللي اغتصبتة واذيتة مدري اضحك على وحدة محافظت على شرف بنت اختها الميتة
زوجها ضربني راشديات كالي تربي شوية يا كلبة وخلي ببالج ما بقى شي حتى يجون الشرطة وتعفنين بالسجن كتلهم حسبي الله ونعم الوكيل وسكتت حسيت ببرود و لزمتني الضحكة ما اعرف شنو السبب صدمة او من التعب او بعد عرفت مصيري ما اعرف ..
سمعت صوت سيارة الشرطة لان هو مقدم بلاغ علية وما يريد يتنازل حتى لا تبين عملتة السودة الجبان طبعا فكوني ولبست هدومي واجوي اخذوني بس تعبانة كلش ..
بسيارة الشرطة طلبت من الضابط اشرب مي لان ما بية حيل من العطش
كال الضابط بيج حيل وتتحملين تكتلين رجال شكبرة شكدة بس ما تتحملين عطش
ضحكت همين كتلة ما اريد احسن خليني اموت استغرب من برودي وطبك سيارتة اخذلي مي وشربتة مثل المشوهة كالي شبيج ترجفين خايفة هي حبس لو اعدام وضحك ويا السايق واني هم ضحكت وياهم كالي شنو انت مخبلة وبقيت اضحك كالة السايق عوفها هاي جنها مصدومة ومنهارة مدتحس على اللي ديصير لا تستفزها ممكن تثور علينا بأي لحظة كالة اوكي خليها اندار علية كالي بطلي ضحك ترة صرعتينا كمت اضحك بالزايد بس هالمرة بدموع
وصلنا المركز ما بية حيل انزل احس بهبوط اكثر من قبل
لزموني ودخلت على الضابط واني واكفة كتلة اريد اكعد لان الرجفة اكلت حيلي كلة كالي بعد تعاي بمكاني سكتت اني وحاولت اتحمل
سالني اسمي وعن اهلي وعنواني وديسجل اللي يمة المحضر ويا كل جواب مني احس روحي تنسحب واعرك حيل وابرد بنفس الوقت بعدها بلش يسالني عن اللي صار كتلة بس اريد اكعد و احجي مدا اكدر اوكف كالي يلة لج لا تعبيني كتلة اعتدى علية وضربتة بالسجين
كالي اعرف هالفلم كلكم تحجو
احجيلي بالتفصيل ليش وشلون اعتدة اذا صدك معتدي وانت ببيتة يعني محد وياكم
حجيتلة بس الدوخة ما خلتني بحالي حجيت كل شي من طلعت اجيب كراتين لحد اخر شي صار وكالي هو جان يتحرش بيج قبل كتلة اي واختة تعرف هالشي كال هسة التحليل يثبت منو كلامة صح وبعد استجواب واخذ وعطا صاح ع العسكري حتى ياخذني للسجن من اجة وجرني شفت سواد وغواش وعركت حيل ونفسي انكطع عبالك بعد محسيت على شي
فتحت عيني راسي ياذيني وغرفة صغيرة بيدي مغذي الايد الثانية مكبلة بالقيد والجهة اللوخ بالسرير ودكتور فوك راسي طلعت عيادة السجن وصار عندي هبوط حاد وشد عصبي بعد كم ساعة صحيت وارتاحيت وصار وكت اروح لزنزانتي او بيتي الجديد ..