Enslaved Mind

Chapter 21

CHAPTER 21

Stalker Mom

"HIJA, baka mahipan ka ng masamang hangin at hindi mo na maigalaw 'yang leeg mo," tudyo kay Monique ng kanyang Yaya Mercy.

Ngumiti lang siya. Ilang segundo na ring nawala sa paningin niya ang sasakyan ni Raffy subalit naroon pa rin siya sa labas ng bakuran nila at nakatanaw sa kalsada.

She refused his invitation. Alam niya namang pabalat-bunga lamang ang imbitasyong iyon. Perhaps he just felt the need to do that out of respect. Isa pa, kahit pa siguro sinsero ang pag anyaya nito sa kanya, hindi pa rin talaga siya sasama kasi walang papalit sa kanyang ina sa ospital. Mabuti na ring masolo nito si Eon. That would give Raffy the chance to bond with his son freely without her constant nagging.

"Mabuti naman at nagkakaigihan na kayo ni Rafael," wika ng kanyang yaya habang papasok na sila sa loob ng bahay.

"No, no. Hindi kami nagkakaigihan, yaya. Walang gano'n," nakangiwing tugon niya. "We're just being civil towards each other for the sake of our son."

Tumaas ang kilay ng kanyang yaya. "Sus, sa tanda kong ito, ako ba'y mapaglalalangan niyo pa, anak? Halata naman sa mga kilos ninyong dalawa na mahal niyo pa rin ang isa't isa," dagdag pa nito saka ngumiti ng makahulugan.

"Yaya!" She felt her cheeks flush.

"Naku, halika na't mag-agahan, hija. Amy, handa na ba ang pagkain?" Baling nito sa kawaksi.

She silently ate her breakfast. Her mind's still occupied by the thought of her only son.

PAGDATING ni Monique sa ospital ay ang maaliwalas na mukha ng kanyang ina ang sumalubong sa kanya. Her dad woke up and he's recovering well. Masayang masaya ang kanyang ina sapagkat nakakapagsalita ang kanyang daddy ng maayos. Ayon sa doktor nito, mabuti at naagapan nila agad at ilang araw na lang umano itong mananatili sa ospital para maobserbahan.

She told her mom to go home. Ayaw pa sana nitong umuwi ngunit pinilit niya ito sapagkat kailangan nitong magpahinga. Natatakot siyang ito naman ang magkasakit dahil ilang araw na rin itong nagpupuyat.

"Call me when your dad wakes up. The doctor said he's just sleeping because of his meds," anito sabay halik sa kanyang pisngi.

"And by the way, where's my grandson? I'm sure matutuwa si Manolo kapag makikita niya si Eon paggising niya," dagdag pa nito.

"He's with his dad. Raffy and I agreed on a shared custody and parenting plan for Eon," sagot niya.

Tila namangha ang kanyang ina sa narinig. "That's good to hear. Mabuti naman at nagkasundo kayo ni Rafael.

Tumango lang siya. Ayaw niya nang mag usisa pa ito kagaya ng ginawa ng kanyang yaya. Sa ngayon ay nababahala siya kung na ano na ang nangyayari kay Eon. Did Raffy even give him breakfast? Baka sa sobrang excitement ay  dumiretso na ang dalawa sa Subic!

Nang makaalis ang kanyang mommy ay halos ngatngatin niya na ang kanyang mga kuko dahil sa labis pag-aalala. She knows she's being paranoid. But what the heck, she can't help herself. Ever since Eon was born, she was the only one who took care of him.

Magmula nang manirahan siya sa California ay naging dormant na ang lahat ng kanyang social media accounts. That was her personal choice. Nanatili lamang siyang konektado sa kanyang pamilya at kay Dra. Delgado sa pamamagitan ng Skype.

And all the while, she's just been a lurker. She also decided to unfollow some people that reminded her of her past. Nangunguna roon si Raffy. She unfollowed him on Facebook. She never unfriended him because that would raise suspicion amongst their own circle of friends. Kaya in-unfollow niya lamang ito para hindi na siya makakita ng anumang update mula rito.