نهوة حارث

Part 20

#نهوة_حارث

،،،،،،،،،،،بقلم الكاتبه زينب ماجد،،،،،،،،،،،

البارت_20

فاطمه ..هسه راح تحجي ويه حارث يرجع جهالي..

رفل.. خل يجي واكوله وانشالله يصير خير..

فاطمه.. كون يبجون .. وكلتيهم شربتيهم

رفل.. مو بنت ابليس اني وما اوكلهم.. ماكلين وشابعين ونايمين الحمدلله.. كملت منها سديت الخط.. كعد مرتضى

كال جوعان.. سويت بيض سلك.. كعد مصطفى كال اكل بدون خبز.. كتله عادي.. كال ماما ما تقبل كتله اليوم سماح.. ضحك واكل بيضتين سلك وفرحان مسوي انجاز هههه

مرتضى كعدت العب وياه.. وعلمته ابطني نونو يبوسه ويحجي وياها ويكله داده.. بعدين خابرت حارث علغدا كال اني اجيب دجاج مشوي لا تسوين..

اخذت الاطفال كعدتهم علتلفزيون طلعتلهم افلام كارتون.. بقو يباوعون.. لشوي ترست البانيو للنص..

وصحت عليهم منو يطبش ويايه.. ثنينهم تراكضو قبلي ويصيحو هييييي.. كعدت بالبانيو وكعدتهم وياي ونغني يلي بيسمع كلمة اهلو شو بنألو وهمه يصيحون شاطر شاطر ويطبشون بالمي بأيدهم

كاعد نغني يلي بينجح في مدرستو ومبيعذب معلمتو بنحبو ومنضل انألو.. مد راسه حارث كال زعطوطه زعطوطه..

ضحكت.. الجهال شافو ابوهم ركضوله.. هوه نزع ملابسه ودخل للحمام.. بوسته.. كتله اسبح وياهم على ما اسوي الاكل..

جاي اطلع كال والله اعشقج.. ضحكت.. وكتله واني اموووت عل المليق مال اني وكرصت من خدت.. ضحك.. باسني بخدي.. وطلعت

سمعته نزل وياهم بالبانيو وكمل الاغنيه.. رحت حظرت الصينيه.. والكلاصات جايب بيبسي..

انوب رحت طلعت ملابس لحارث وللاطفال.. ودخلت عليهم.. يله اطفالي الحلوين.. خلص الحمام.. جان حارث يصيح لاااااا ماما بعد بعد..

كتله وكيح وراك سبح كومه كوووم وغمزتله… كال الله كايم. هههههه.. اخذت الجهال نشفتهم ولبستهم ومشطتهم ..

وكتلهم روحو للصاله حجيب الاكل.. جبت الاكل وخليته بالكاع.. اتعاركو علفخذ مال الدجاج 🍗 منو الياخذه..

كسرت الفخذ مال الدجاجه ثنينهم وانطيتهم.. حارث كال لا يدمرون نفسهم هسه سبحو خل ياكلون بخبز

كتله قابل المي بفلوس خل الطفل على راحته هذي طفولته لازم ياخذ حريته بالاكل.. يكمل اكو مي ويغسل..

كال تعبوج.. كتله لا والله ابد بس ما اريد يبقون يمي.. عقد حاجبه.. كال ليش.. كتله مو اطفالي.. الهم ام تبجي عليهم

كال امهم حذرتها وما سمعت كتلها ما اريد مشاكل وتشتري المشاكل مشتره.. كتله حارث لتوكف على هلسوالف..