نهوة حارث

Part 6

#نهوة_حارث

،،،،،،،،،،،بقلم الكاتبه زينب ماجد،،،،،،،،،،،

البارت_6

فاطمه.. حارث كول تعشكها

حارث.. اخذت نفس كتلها ما اعرف

فاطمه.. حارث انته عندك كلب وما يرهم لثنين..

حارث.. شرايده مني هسه.. كتلج بت عمي الي ومتصير الغيري اليوم باجر مرجعها الي.. يبنت الناس قابله لهلوضع اهلا وسهلا ما قابله بكيفج.

ولا ادوخيني تره راسي مفجور من التعب اريد انام.. سكتت وطلعت ما حجت شي.. اوف يرفل شسويتي بيه.. درت وجهي ونمت

مرت الايام.. وانتقل مقر شغلي للناصريه.. كونت نفسي وجهزت الغرفه والنيشان واتزوجت فاطمه..

خوش بنيه ومطيعه وخادمتني بس تغار هواي من وره رفل.. وهيه لا يمها ولا واحد جايب طاريها.. يوميه تسألني بعدك تريدها.. وتبدي العركه..

صارت اسطوانه كل يوم..

اجو خوال رفل عليه.. كالو مدام تزوجت سقط النهوه عن بتنا.. كتلهم ماليش بتكم الف مره كلت رفل الي وما تصير الغيري..

كالو مو تزوجت.. كتلهم هذا الشي ميمنع انو اتزوجها.. عسا اتزوج عشره رفل قافل عليها..

بقو يحجون وياي اجو ثنين من عمامي تحاجو وياهم وكالولهم اطلعو منها البت بتنا واحنه بكيفنه الخوال شعليها بينه..

راحو ومرت 4 اسنين وانه صار عندي 2 جهال من فاطمه مطصفى ابني الجبير و مرتضى..

كل هلسنين وما نسيت رفل.. كل ليله اتذكرها ومتانيها تقبل.. اكدر اجبرها واجرها واجيبها وياي بس اريدها تجي بذاتها..

فد يوم جنت كاعد اشتغل بالمركز مالتي.. بعد ما ترقيت وصرت نقيب.. خابرني عمي ياسين.. رفعت الخط.. كتله ها عمي شلونك

كال حارث الحك عليه مصيبه وكعت على راسي.. كمت من مكاني كتله خير شكو عمي.. كال رفل..
…………

رفل.. بعد ما رجعنه من الناصريه لبيتنه وخلصت الحرب رجعت الحياتي.. عمر اول فتره انقطع عني بعدين تواصلت وياه

عرفت قاتلين ابوه مصفيه لان بعثي.. وتابع للحزب.. وعمر واهله من بعدها انتقلو لغير منطقه..

من داومت اول سنه كليه طب اسنان التقيت بعمر هناك جان ثالث سنه اله.. رسب مره وبقى بمرحلته..

رجعت علاقتنه وحبينه بعض نروح سوه نرجع سوه.. بس بتخفي لان والدي استاذ بهذي الجامعه.. بس ميدخل بيه.. ملتزمه بكروبي روحه وجيه وسفرات وطلعات سوه

فقط بالبيت ابويه بالجامعه استاذ ياسين .. مضت هاي السنين واني ادرس واحاول ما ابعد عن عمر لان كولش احبه بس حارث ابن عمي لليوم قافل