نهوة حارث

Part 16

#نهوة_حارث

،،،،،،،،،،،بقلم الكاتبه زينب ماجد،،،،،،،،،،،

البارت_16

حارث.. يمه شعندي غيرج متكليلي انتي بس اطلعي من بينهن واعدلي وياهن هيه تصفى الامور اعرف فاطمه بت اخوج يمه

بس رفل زغيره وانه احبها.. اذا تأذيها تأذين كلبي بيها..

الام.. وانته اعدل وياهن مو كله لافي لرفل وعايف فاطمه بس لخدمة جهالك..

حارث.. يمه تره ما صار 4 ايام من جبت رفل لبيتي تعتبر بعدها عروس شلون اعوفها بالغرفه وحده.. غير تاخذ علبيت وبعدين انصف بينهن

وبعدين فاطمه من يوم يومها.. معتبره نفسها خدامه الي والجهالي لا فد يوم فاجئتني بمكياج بدلع اجي الكاها نايمه بكلبيتها

هسه جايه تغار من رفل.. ذبحتني.. من البدايه كتلها انه احب بت عمي واريدها واتزوجها اليوم لو باجر.. وقبلت بهذا الشي قبل لا اتزوجها

لما اجي اتزوج هيج تسوي ما تتحملين من البدايه كولي ما ارضى وحده تشاركني برجلي واكطعي السالفه من الاول

الام.. تريدني ارجع تبات الليله يم فاطمه وتكسر الزعل بينكم..

حارث.. عايني يمه اجيت اصالحج وارجعج بس هذا يعطيج الحق تدخلين حتى بنومتي يمهن لو وين ابات

هذا شي راجع الي..  وين ما ارتاح ابات مفهوم.. رجااااء انه انتضركم بالسياره

طلعت وكعدت. بالسياره ادخن وبينت على ملامحي العصبيه.. صعدت امي يمي.. طفيت الجكاره وشغلت السياره ورحت للبيت

دخلت.. كالت فاطمه سويتلك اكل.. عاينت بوجها.. كتلها وديتي الرفل.. سكتت كتلها شنهي الحقد العندج.. كالت هسه اصبلك لو متريد

كتلها صبيلي.. كالت حاظر..

مشيت يم رفل لكيتها كاعده تعاين على التلفزيون.. كتلها شلونج كالت زينه بس دايخه من وره المنوم

كتلها هوه الاحسن ارتاحي.. بدلت وطلعت.. للصاله يم جهالي بالصاله.. همه شافوني تراكضولي ..اخدتهم وكمت العب وياهم

اخليهم على ضهري وامشي على اديه اجت فاطمه كالت كملت الاكل وين تاكل.. كتلها هنا جيبي..

خلته وكعدت وياي هيه والجهال.. اكل واوكل بجهالي.. كالت حارث.. كتلها همم.. كالت ليش تكرهني

كتلها ما اكرهج اكره تصرفاتج.. كالت كل مره بمكاني تسوي هيج ..كتلها السويتيه مو كل مره تسويه.. تحاولين تموتين جنين وتأذين بنيه..

ياهو اليقبل باللي سويتيه.. كالت غير اريدك ومن حبي الك اسوي هيج.. كتلها هذا مو حب هذا غباء وحقد .. انه مو بس الج

وتعرفين هذا الشي من لما خطبتج وانتي رضيتي.. كالت جنت انته حلم بالنسبه الي وانه طفله احبك واتحلم بيك..