ماساة امرأة

الجزء 9

#قصه_ماساة_امراءة
للكاتبه فردوس عبد اللطيف
جزء  9
خليتهم يحجون براحتهم خالى وابوى بعدين انهارت اعصابي بقيت الطم وابجى كتلهم شتردون اوزع جهالى بالبيوت واتزوج رجال هذا مستحيل انى حياتى لاولادى ما تزوج كالو لعد ماكو طلعت اناى ارمله كعدى وسكتى خالى كال عوفى الكليه وعوفى المدرسه  وابقى بالبيت ممنوع تطلعين
اى ومنين اصرف على جهالى
احنا نجمع ونصرف عليج ننطيج راتب
كتله خوش وسكتت وفعلا بطلت من التدريس ومن الكليه وكعدت بالبيت ما اطلع شرطهم ما اطلع من باب الحوش بقيت سنه ونص ملتزمه وما اطلع واذا اريد شي هما يجيبو وابوى كل كم يوم يجيبلي مسواك والراتب كان 3000 دينار سنه 1996 بس هما انطونى بس اول شهر والباقى نقصت شهر ورة شهر لحد ما انقطع كلشي وجهالى متعودين على مصرف
بنتى اسراء صارت اول متوسط وماكو متوسطه بالمنطقه اكو بس للولد وبعيده لازم سيارة سجلتهه ويه اخوها يرحون يوم الى عندى انطيهم كروة ويوم ماعندى يرحون ويه ابو البيكب يصعدون بالورا مال جيرانه
نسوان حموينى خافن منى على رياجيلهم يجون يسالونى انت صدك ماتردين تتزوجين كتلهم ابد اتطمنو طبعا هن كل وحده مهددة زوجهه وحدة دكول اذب روحى بالشط والثانيه دكول اتطلق المهم عرفو ما اريد الزواج
حموينى يوكفون ولازمين سلاحهم ومحضرى عبالهم عندى واحد ولهذا رفضتهم وعود بلكى يلكفو يكتلو يعنى من رفضتهم الا عندى واحد
المنطقه الى كاعدين بيهه الماء مو صحى لازم افور ونشرب لان جهالى ما متعلمين على حياة الريف
بنتى الصغيرة ايه تمرضت وصار بيهه تيفو ونمت بيهه بالمشفى 3 يوم وراها اخذت العلاج ورجعت للبيت انى كملت انطيهه لان بقو وحدهم ورة فترة اجانه مرض حبة بغداد وكلنه انصبنه انى والجهال ونروح لمدينه الطب ناخذ العلاج وكوة تحسنت حالتنه
بنتى اسراء صارت بالثالث متوسط والولد وياها بالمدرسه مشايفين بنات وياهم بس هى البنيه الوحيده بينهم حتى المدرس يكلهه شكو تدرسون روحو تزوجو احسن نقلتهه بمدرسه يم اهلى واختى كانت مدرسه احياء بنفس المدرسه وصارت بعيده عنى افكر بيهه ومرات ابوى يجيبهه يمى بالعطل نفسيتى تعبت ما متعوده على فراك جهالى وهى عدهه ربو وعلى طول تختنك طلعت راسبه بالاحياء واختى هى الى تدرسهم احياء دخلت البكلوريا وطلعت 95 بالاحياء بامتحان الوزارى
تعبت رحت لابوى كتله الى متى ابقى محبوسه وانى ما مسويه ذنب بحياتى اريد اشتغل ضجت من الكعده وامى شاده وياي ليش ما اتزوج كلفت اخوى يشوفلى شغل وياه يشتغل بمعمل بالتصنيع العسكرى ومنطى شقه وعافهه ورجع ويه اهلى لا كان متعارك وياهم واخذ الشقه وعافهه من تصالح وياهم وبقت مقفوله قدملى على الشغل وياه كالو محتاجين موظفه اداريه عالذاتيه وداومت وانطانى اخوى الشقه بعد ما ابوى حجه وياه الحمد لله راح اخلص من عيالى وتحكمهم عشت يمهم 7 سنوات كلهه مرار طبعا انى ما سردت الكم مل المشاكل والقال والقيل ما اريد اطول عليكم بالتفاصيل فى سنه 1999 تعينت بالشركه ودوامى من 8 صباحا لغايه 4 عصرا ومسوؤليه اطفالى والبيت احضر الهم الاكل بالليل وادرسهم واسمعلهم قدمت على تقليص دوامى للنصف يعنى اداوم نص دوام  ورحت قدمت للكليه باعادتى بعد ما ىقنو قيدى سنتين وقابلت العميد وحجيتله ظروفى ووافق على اعادتى للدوام
بس ما اداوم كل المحاضرات بس الصعبه والى اعرفه ادرسه بالبيت كان عندى صديقه بصراويه طيبه وحبابه تطبعلى الملازم بدون ما اكلفهه وساعدتنى هوايه صحيح طول الوقت مشغوله وتعب لكن الحمد لله حصلت نتيجه ونجحت وتخرجت سنه 2003
بدت الحرب على العراق وبده القصف ونظرب معمل يم العماره الساكنين بيهه احنا طابق 2 وبنتى ايه تخاف احظنهه وانيمهه بحظنى وانوب بالليل ماكو كهرباء والسوق بده يفرغ واكثر الناس طلعو من بيوتهم راحو لمناطق امنه لو يم اقاربهم
شركتنا انضربت بعد وين نداوم عطلنه بالبيوت والرواتب كل 2 شهر 3 ينطونه قسم قبل كان شغل وحوافز كله راح كالو اكو موقع بديل ببغداد بعيد على ولازم كراوى بقيت لا راتب ولا مصرف كالو اكو تطوع لموظفين الشركه جيش القدس انى اداريه رحت ويه البنات وقدمنه داومنه بمعسكر المسافه نص ساعه عن الشقه خلونى كاتبه بس هم لازم نتدرب ونطونه ملابس عسكريه هنا انى ضجت من التدريب بس الحاجه  ولا امد ايدي لاحد واطفالى يردون اكل
فديوم اجه ضابط ضخم بدا يسالنه وحده وحده على ظروفنه انى حجيت ظرفى الحقيقي  كام كل يوم يجى يمى ويسالنى على جهالة ووظعى وظروفى وبدا يتقربلي سالنى ليش بعدج لابسه اسود صار 10 سنوات من وفاته والحياة حلوة ليش دافنه نفسج عيشي حلاوتهه مو بس مرارتهه ليش ما تتزوجين حسيت بي مهتم بي وكلى انت بعدج زغيرة وعرض على الزواج
للحكايه بقيه