ماساة امرأة

الجزء 6

#قصه_ماساة_امراءة
للكاتبه فردوس عبد اللطيف
جزء  6
كلبي ما مرتاح بقيت الح على زوجى يسافر لبغداد لكن ميسمع كلامى اتصلت باهلى واهله كتلهم تعالو اخذوه حياته بخطر مستهدفى هو بس انى والاطفال ما علينه شي احلم كوابيس كانى لابسه فستان ابيض واوكع  وكلبي مقبوض اخو خابره حجه وياه كله تعال لبغداد فترة هم ماسمع الكلام
يوم الاحد اشوفه مخبوص تلفونات يحجى ويه جماعته بالشغل بس شنو ما اعرف ولا هو يحجيلي مخلى سر بس حسيت اكو شي مضموم على هو طبيعه شغله كله اسرا ر ولازم ميحجى وبعدين هو جزبي ويشتغل بداءرة امنيه اكيد حياته بخطر بس هو لا يخاف ولا فكر باطفاله ولا بي اشلون من بعده
فى يوم الاثنين 1/11/1993
الى هو اسوء يوم بحياتى
كعدنه الصبح هو سبح وبدل وتعطر وصلى وانى سويتله ريوك يحب بيض سلق تريك وشرب شاى وساعه 8 طلع للدوام بالمعهد الظاهر منتظرى يم الشارع ويعرفون الوقت الى يطلع بي كان مطر
ما اسمع الا جيرانى ام عباس تصيح على وتدك بالباب حيل هى هم كاتلين 2 من ولدهه تدك دكه مرعبه وصريح
انى جمدت بمكانى لا اكدر اخطو احس الباب صار بعيد المسافه صارت بعيده اريد احرك رجلى كوة انشلت وصلت للباب جهالة كعدو من النوم على صوت الباب فتحته عاطت بي ام عباس الحكى ام امجد شوفى شوفى
ركضت مثل المجنونه دماغى جمد توقف عن التفكير بدون وعى وعيونى ماتشوف شكو احس خيال كدامى مثل العميه تذكرت الحلم والكابوس الى شفته وصلت لكيت زوجى غركان بدمه وينزف نزيف قوى وبي نفس لزم ايدى كتله منو منو سواها ميكدر يحجى ركضت عالجوارين ادك بالبيبان محد يفتح يخافون  بس اريد سيارة توصله للمشفى بقيت اصرخ بالشارع رحت ورة المدرسه لكيت ولد يحرك سيارته يشتغل بالزراعه كتله اخوى ابوس ايدك زوجى كتلو كال منو كتله كتله ما اعرف ما شفتهم خلى نتلاحك عليه مشى بالسيارة لاندكروز عاليه شفت جيرانه جابت بطانيه غطته واشرت خلاص توفى انى شمرت نفسي من السيارة وهى تمشي وكعت بالارض صار عندى رضوض زحفت زحف والكاع مبلله من المطر لحد ما وصلت يمه حظنته وخليت راسه على صدرى وبجيت وكتله ليش رحت وعفتنى اباوع لجهالى حفاى ويبجون ومبللين من المطر يخافون يجون يمنه
هو وكشخته وعطرة تاليته بالكاع وغركان بدمه وهيج نهايه كان عمرة 31 بعز شبابه وانى كان عمرى 27 سنه بقينه بعد كالو خلى تجى الشرطه ورة ساعه ونص جتى الشرطه الا انى منتهيه من الصدمه والبجى واللطم الجيران اخذو الجهال واهتمو بيهم  شالو ومن اخذو اخذو روحى وياه  فقدت الوعى نيمونى على القنفه بالبيت ورة 3 ساعات اهلى اجوى الجوارين متصلين بيهم امى وابوى بقو يم الجهال وانى واخوى رحنه على الطب العدلى شفت تقرير تشريح الجثه مسدس 7 ملم كاتم للصوت جايه على الشريان مسويه تمزق ونزيف قضى على خياته يعنى الى قتله قاتل محترف متدرب ويعرف وين يطلق الرصاصه
التشييع من كركوك لبغداد هوايه جتى سيارات  من وصلنه استقبلونه امه وابوه وخواته يباوعون على كانما انى السبب الفاتحه بقت 7 ايام اكثر من مرة حاولت ارمى نفسي من السطح ويلحكون على اهلى تمى خلت خواتى يحرسونى حتى لا اموت نفسي
من هذة اللحظه بدت ماساتى
للحكايه بقيه