حب في الذاكرة

ستبقى حبيبي للابد

دلشاد بفتحتي للباب فتحت جروح جانت مسدودة او جنت عبالي انسدت بس احساس داخلي يكلي اسمعي واحساس ثاني يكلي لا بس كلبي دائما جان يختار علي لان هو الوحيد الي مالكني كلي ردت اسد الباب دفعة وكالي حنين انتي لازم سمعيني وبعدين قرري طول عمري اكلج واجهي لاظلين خايفة واجهيني ضربيني بس لاتخلين غيرج يقرر عنج طول عمرج تعرفيني جكد احبج وجكد عزيزة بكلبي انتي عيونك المغوركة بالدموع حافظهة وتريد تبينلي جكد قوية وهي اضعف من الضعف تريديني اقراهم ظلت ساكتة رح اقرا شتريد تكول ..علي :ليش.ليش خذلتني عمري مخذلتك.رح اكلج خفت .خفت من الناس من نفسي بس من غيتي عني الخوف لاشي امام الي حسيتة .عرفت وكتة اني بدونك هيكل لاروح لاجسم بس هيكل تمر الريح تكسر عواميدة رجعت خطوة دكيت براسي الالاف الخطوات كل ليلة انتي مو ويايا مو من عمري صرت مثل المخبل واني افتر من مكان لمكان بلكي الزم خيط يوصلني الج .دلشاد : دموع علي نار تحرقني لان عمرة منزل دمعة وهو عزيز نفس وجان جوا الالاف الالام كالي منصدمت اذا ....انصدمت اخوية الة ايد بيها اخوية كاظم يضرب يتعصب يكسر البيت بس نملة ميكتل خلي بالج هالشي حنين .بعدك ساكتة محجيتي شي .مديت ايدي ضربتة راجدي وهو جرني حضني كافي عاد كافي هموم كافي حسرات حبيبتي دولي ومسح على راسي .اعرفج متكدرين بلايا اني نزلت دموعي لان كلبي جان محترك مو حاسة بشي جنت تعبانة حيل مراد حجة ويا زكريا عمود علي وهو يعرف شنو علي بالنسبة الي .اول مدخل لكانا متحاضنين استحيت منا .كال خليكم خليكم انتو لبستوني كرون من زمان ورضيت غصبا عني .بس المهم لبستي الهة بفائدة .باوع بعيوني وعرف جوابي .علي شفت عين دلشاد وعرفت هي شتريد من يوم ماجينة هنا مشفت عيونهة تضحك وهسة شايفهة مو تضحك طير اختي من اليوم زوجتك وبمباركتي وبحضور مراد زوجتلكياها الك ساعتين وراها تنزلون خ نسويلكم كعدة مرتبة ونفرح بيكم وننطي للحزن دفرة الله يسعدكم حبايبي حظن علي وكالة حطهة بعيونك .علي هي بعيوني من زمان وتعرف ومتاكدة من هذا .بيومهة جانت حفلة صغيرة والمعازيم كلهم منعرفهم ماعدا علي ومراد ودخلنا عشنا اللحظات الي جنا نتمنا نعيشها حبيبتي بين ايدي واول مرة الظلمة تجمعنا بحلال واي حلال ماكو احلى منة ويا روحي حنون .صلينا ركعتين وكضينا ليلتنا الحمدلله صح جان عندي شك بس بعد هالليلة تاكدت دلشاد محد لمسهة غيري .دلشاد:ع كصة ركبتي بيتك مينداس علاوي .حضنا بعض ومتفاركنا بليلتها وكل شوي اكعد اشوفة وارجع وهو هم ثاني يوم الصبح ...كعدي ياكسلانة كوميي كعدت اتمطى بالفراش .لك علي شعندك من الصبح كاعد هاي واحنا عراريس لازم نشبع نوم .علي :رح نشبع بس لازم عالسريع نطلع نلحك الطيارة .انقبض صدري كلشي ولاتكلي نرجع للعراق .لا مرح ترجع رح اخذك شهر عسل .شهر هاي الي الله كدرك عليهة .حبيبتي صدكتي كدامنا سنوات رح نطمس بالعسل نفسة  بس الجو بارد ميسوي واهس
لا شلون امشي كومي يلة جرني من ايدي تعاي وزن الريشة فدوة حبيبتي وهو شايلني حسيت بالفرح والسعادة ولمن اذكر انو مموجود وياية وراح وعافني اتندم علة كل دقيقة معشتها ويا عمود ارضي هذا وهذا اربع اشهر شفت الجنة ويا حبيبي علاوي ياريت يعود زماني وارجع اني وياك ومااريد من الدنيا شي بس هاي اللحظات متمشي مني جان ظميتك من عيوني خاف يلحظة حليت بعيني وحسدتك ومحد يحسد المال الا اصحابة بذيج الايام ذكرت ابوية من كلي لاضيعين لحظة فرح لان مقابيلها سنين الم واني عايشتة طول وقتي .بس قلبي ميتقبل علي نزل جوا التراب .اه ياحبيبي استغفر الله .اوكف يازمن وياك الحساب خذيت مني العزيز بلايا اسباب اخذتة شلون مني ضوا عيوني هذني اوكف يازمن ...كلمات هاي الاغنية تلامسني اكثر من اي وقت ورجعت نقطة الصفر ابني علي شون رح يعيش ويا منو مستحيل اعوفة ويا كاظم لاني حاقدة علي كلش وحاسة بسببة مات علي جان هسة احنا عايشين ومرتاحين.بس قدر رب العالمين مالة اعتراض ولاردة .
ام كاظم:يومة بس كليلي حسج بالدنيا ليش تكولين هيج الله لايحرمج منا ولايحرمة منج .
دلشاد : خالة هنا المصيبة بس دخيل الله لاتهبطين اني جيت هنا للن حاسة ايامي معدودة يعني الدكتورة كلتلي متعيشين اكثر من شهرين .وهسة شهري الاول بدا يخلص .خالة اني بية سرطان ومنتشر اليوم يمج باجر يم الباري عز وجل خالتي لا انتي امي بست ايديناتة خالة ابني امانة الله يمك ويم ابتسام دارو وحبو ذكرو ابو بي اصلا محد صبرني غيرة هو كل ماشوفة اذكر ابو .
ام كاظم: عمة عين المقابر تاخذ بس الزينين والي منحبة يضل كاعد على كلوبنة جكد ذبينا دمع بذيج الغرفة ذبينا الم مدفون صار سنين واي سنين الذكرى فد شي يموت .نمت بليلتهة بغرفة علي نفضت فراشة ونمت علي وتخيلتة جاي اتجاهي.علي هذا انت .حبيبي والله جنت اعرف اعرف اني بكابوس وهسة صحيت .انت صدك يمي حبيبي علي .لزمت ايدة جانت باردة حيل .علي ايدك باردة ليش لاتهتمين بحرارة ايدي المهم احنا سوا بس علي انت والانفجار انت مامتت مو اني شفتك شالوك ودفنوك مو لو هذا كابوس لاخ حنون تجين وياية .دلشاد :طبعا .حبيبي اجي وياك صار هواي منتظرتك تفتح الباب وتكلي جيتك هز راسة وكالي لا لا حنون شكلج نسيتيني؟لاوالله مانساك علي انسى روحي ومانساك دومي اوفوت من الشباك تذكرين مناخذ ابنا ويانا .لا خلي دتشوفين نايم بحضن عمتة لاتقلقين راحتة مو كتلج امي وابتسام رح يفرحون بيج وباابنة حنون .يلة تعاي خ نروح .ماشي .علي هو انت متت بالانفجار لو لا شفتك كدامي وكعت وبحضني اني وجان اكو دم ايدي كلهة جانت دم وكلتلي دلشاد وجانت اول مرة تكولها الي جكد توسلت بيك مجنت تكول اسمي علي .الانفجار ...انتي هواي تحجين وعود انتي ميتة. هو اني متت!انتي انقهرتي لان متي ..انتي وياي دلشاد ورح ظلين بكلبي حتى واني ميت اوكف لحظة ذاك اليوم توسلت بيك لاتنزل وخلينا نرجع بس انت اصريت وشفت ضحكتك وانت تباوع عليه وبعدين صار صوت وعصف وانشمرت ركضت عليك كتلك حبيبي لاتعوفني دخيلك لاتعوفني اني حامل باابنك ساعتها عيونك ابتسمت وغمضت عينك وكتلي الحمدلله جنت شايل همج شون تعيشين وحدك هسة عندك جزء مني ابتسمي لحياتك وتمسكي بيهة تمسكي ماطول عندك امل تعيشين علي لاتجر ايدك من ايدي انتظر .كعدت من الحلم فازة .علي ..علي وانفاسي سريعة جتي خالتي وابتسام .ركضت عالشباك ..علي. علي جان هنا وكالي تعاي تعاي وضليت اضرب علة رجلي وخالتي وابتسام حضنوني ويمكن تالمو نفس المي واكثر بيومهة جنا مخلصين اريع اشهر من زواجنا وجنا سعيدين جدا عمري ماانسة ذيج اللحظات العشتهة ويا علي .بس علي جان خايف لانظل عايشين بالسر واقترح علية نرجع للعراق صح جنت خايفة بس من زوجتة حسيت بالقوة والامان .رجعنا جانت فاتحة عمي دلشاد راحت بيت خالتهة واني رجعت لكيت الفاتحةمنصوبة سكتت خلصت الفاتحة جيت افتح موضوع ويا كاظم قفلة وكال علة جثتي وهددني بيومهة مخفت علة روحي خفت على دلشاد كافي صارلها وعرفت مامنها فايدة امشي بكلام زكريا واهاجر واحافظ ع نفسي وعلى عاىلتي دلشاد من يوم زوجتها وحاسها خايف علية مااعرف من شنو تخاف عمر الشئي بئي ع كولتهم جنت رايح على مراد اخذ فلوس لان تفيدني بالسفر وجكد توسلت دلشاد مانزل وشافت ازدحام وامريكان بس طمنتهة ونزلت رجعت باوعت بوجهة وضحكت وجانت اخر ضحكة الي مسمعت شي وتذكرت الي يكول لاتخف الرصاصة التي تقتلك لن تسمع صوتها ماانقهرت بس على دلشاد جانت منهارة عبالك جان كلبها حاسهة وجكد جنت ثقيل والناس تنهزم خايفة جرتني ونقلتني للمستشفى بس الاوان خلص جا وكتي زين تماسكت لحد مشفت امي وكتلهة يوم دير بالج ع مرتي وابني امانة يوم ابريني الذمة .خاف يوم زعلتج خاف يوم تعبتج سامحيني وسلم امانتة ...
ابتسام : يعني دلشاد.رز .علي ابن علي اخوية والله كلبي جان عالمني واني اجذبة اكول شوكت رحتو قبل سنة من وفاة علي .عرفت ساعتها ليش يسوون للواحد فاتحة ويكعدون يذكرون مواقفة وضحكاتة وعلى هالرنة الكل تبجي .ختامها مسك جانو جهال والبراءة بعيونهم تخبل وصارو شباب وحبهم تشهداله كلمن شافة ووصلة بقو سوا ودلشاد سلمتها رب العالمين وهي مطمئنة ع ابنها ويا عمة كاظم وعمتة ابتسام وبيبيتة الي المرض والحزن هدهة دلشاد سامحتة لكاظم وطلبت منة يعتبر علي ابنة ويصلح اخطاءة خطاءهة بوكتها صدمة كاظم بموتت ابنة وكتها كالتله دلشاد يمهل ولايهمل وراحت بركبة الولد ورا الفاتحة صالح ويا مرتة وقدم عالUNوبفحص الابوة زينب طلعت مو بنتة ولا المرحوم احمد وكتها سلمها لااهلها وطلكها والعصابة خطفت دلشاد وكتلة ابوهة بتحريض من مرتة وراهة زكريا رفع دعوة وبعدها بالمحكمة لحد هسة وكاظم هم رفع دعوة سحب الابوة من زينب واكتشف انو ميصير عندة اطفال وخلة علي بنص عينة واعتبرة ابنة واكثر وظل يداري امي لااخر لحظة بحياتها وماتت وهي راضية علية اني ابتسام الله كتبلي ازوج على كبر والحمدلله .وصية دلشاد تندفن بصف علي ونامت بصفة وحققت رغبتها الاخيرة...الله يرحم اخوية توفى بتاريخ14 \9\2004بمنطقة باب الشرجي هو وصديقة مراد الف رحمة تنزل على روحة وروح زوجتة الطاهرة ربي يحفظ احباءكم وميفجعكم بعزيز لان احساس الفقد فد شي كلش عظيم وسامحو الناس المغتربة لان مسافرو بمزاجهم غصبا عنهم وتركو وراهم احبة او جروح ربي يرجعهم لااوطانهم سالمين دمتم باامان الله وحفظه.
نازك الملائكة...