حب في الذاكرة

الم الفراق ..اين انتي؟

بعد هاي الحادثة زكريا حلف علية ماابقة بعد وكتها كمل اجراات الجواز مجان عندي واني بديت اتعافى .وطلعت من المستشفى وثاني يوم ركبت السيارة وعيني ليورى بلكي يجي بلكي يطل
ويسال عني بس هو عافني وراح اتخلى عني حتة قبل لايعرف الحقيقة اي حقيقة كان المفروض يازرني بهذا الموقف.بس هو بينلي موقفة تركني وراح تركني الالامي مفكر شو جنت حاسة ولابيش حسيت زكريا كالي ع كاظم اكيد من ورا كتلت ابوية بس وكتها ماكو قانون ولااحد يحاسب ودعت بغداد .وتركت وراية الالام وذكريات حلوة ومرة ومن يومهة دموعي نشفت وكلبي قسة وتحول حبي الة كره هذا الحب الجبير طلع كذبة واحنا الي اتفقنا بالسراء والضراء بس الظاهر جنت غلطانة حسيت الطريق طويل لزمت ايد زكريا وحطيت راسي ع جتفة وتيشرتة تبلل من دموعي كالي ابجي واغسلي قلبج من الهم والحزن.بس اول منوصل اريدك تنسين كل هذا الوجع وتبدين حياة جديدة تبنيهة بدون احد .جانت الكلمة توجع تبدين بدون احد واني عمري كله وكل مراحلي من بداية حبي لعلي ومشكلتي ويا اهلي ورجعتي لعلي وحبي الة وزعلي منه كلها جانت بدايات .بدايات بديتة ويا علي هو محور حياتي كلها ومحبيت غيرة اصلا مو كادرة احب غيرة اول موصلنا سوريا استقرينا بالسيدة زينب وجنا ناوين نقدم لجوء منها للUNاما اني فجانت حياتي عبارة عن بيت ومقام السيدة زينب مرات اشتري اشياء حتة زكريا كالي دوري ع شغل والتهي احسن  بس اني مجان الي واهس بشي مكسورة روحي ويومية اشوف نفس الكابوس وظليت علي سنين ابوية يجي ياخذ ويا علي ويروح واظل اركض وراهم واوكع واكعد فازة .جكد حاولت انسة مكدرت اصلا كلبي مو ملكي راح لعلي من زمان حرقة قلبي مراحت صار تسع اشهر من سافرت ووجعي منقص ولاشعرة ولاحبي نقص مااعرف اذا شفت علي شنو رح يكون احساسي تجاهة اكيد نساني هسة ويمكن زوج وصارت عندة عائلة .ولمت روحي داافكر  بي واصلا تفكيري انو عايش حياتة واني واكفة حياتي متغيرت .اليوم كلت من ازور اروح اطلب من السيدة زينب ذكرت علي من جان يكول من زار ال بيت وطلب منهم مراح يردو ابد لان مقامهم ومكانتهم .حتة واني افكر انسى اذكرة .وصلت للشباك ومعرفت شكول ربي يارب .يارب خلص حيرتي واجعل لي مخرجا بجاه حبيبك المصطفى يارب بجاه الحسين ابو عبدالله وبجاه سيدتنا زينب ربي تعبانة واريد طلعني منا يارب وظليت للظهر بالمقام .وكعدت اصلي واقرا قران وادعي ورجعت قريب العصر وسمعت صوت من بعيد يصيحني ...
حنون ..حنون ...اهنا وكفت وتبسمرت مستحيلة اني وصلت مرحلة يتهيالي اشياء رجعت تمشيت وردت اسكت هذا الصوت براسي وحطيت ايدي ع اذني ودموعي نزلت ردتة اسكتة بس حسيت قرب الصوت وحاسة روحي تتعذب انمدت ايد وجرتني ودرت وجهي عليه وجان هذا مو وهم هذا حبيبي ...وهذا روحي ..هذا النفس مالي يارب شكد جنت افكر واذكر هاللحظة شرح اسوي .بس من شفتة حسيت جكد ضعيفة اني وايدة جرتني وحضني .اه. منك ومن حضنك جكد مشتاقة الك وريحتك .بس لحظه محطيت عيني بعينة ذكرت وجعي ذكرت اتهامة الي ذكرت لحظة عافني بالمستشفى ومسمع صوتي .اهنا دفعتة وركضت اخذت تكسي وطلعت كبل جانت الدنيا باردة تموت احس دموعي ثلج على خدودي باوعت ورايا .ومجان اكو مموجود ...هذا وهم لو شنو الي شفتة ...
لا مستحيل شميت هدومي هياتهة ريحتة شكيت بروحي ورجعت للبيت واني شاكة بروحي صار العصر وكعدت اكتب شوية هوايتي المفضلة او هاي الهواية علمنياها علي في مرة من المرات كالي حتة من يجيني تهيء مستقبلي اكتبة. واترك ذكرى للناس الي احبهم ومن يومهة كل شي اعيشة اكتبة حتة هذا الي حسيتة اليوم كتبتة
اه .ياوجعي . اه .لو تعلم كم احبك كم اشتاق لك كم اعد الايام كم اسهر الليالي وانا اعيش وجع فراقك الم عذابك نظراتك اتهاماتك وانظر الى نفسي في المراة لاارى الا حطام .حطام حبك وبقايا جروح والالام تركتها بيديك على معصمي في قلبي حطمت بها كل شي والان وانا هنا عاجزة .عاجزة عن ان اخفيك من اين اخفيك وانت كل شي .كل شي قلبي .دقاته تصرخ بااسمك سمعي يرنو ولااسمع الانغمة صوتك بااسمي كل حواسي لك مالمخرج من حبك مالمخرج وانت ذاكرتي .احبك لا انا اكره ضعفي بحبي لك .
قطع تسلسل افكاري دخول زكريا وجان مو على بعضة .
دلشاد:ها ..زكريا جيت .
زكريا :اي حنون جيت .
دلشاد: صار وقت طويل مسمعت حنون من احد .صفنت بوجهة وجانت نظرتي نظرة تسائل معقولة شفتة اليوم مو خيال حقيقة انتظرت شوي اخذت سترتة اعلكها وبعده مو على طبعة خفت اسال .خفت افضح رغبتي يكلي موجود ...
دلشاد:زكريا ..انت شفت علي؟
زكريا:ليش شفتي انتي وين..
دلشاد : كعدت ..والي شفتة اليوم جان حقيقة وظليت ابجي واني حضنته وشميت عطرة وحسيت دفى نفسة .
زكريا:لاتخافين دلشاد محد يكدر يااذيج لاتخافين اني يمك .
دلشاد:زكريا بالة اني خايفة ميعرف اني بس شفت استسلمت الة ونسيت كل شي لاني بعدني احبة لهاي اللحظة بس هو جرحني ..جرحني هواي ولازم اخذ موقف وانسى مااريدة بعد مااريدة.
للقصة بقية......