حب في الذاكرة

صراع العادات

ظل علي يلح ع امة عمود الخطوبة وكل متحجي ويا كاظم يهد عليهة وميقبل لان اهلي يختلفون عنهم مو محافظين زايد عاللزوم عندة الاخ لازم يمشي يكفخ بااختة مو بمزاجها تنخطب هو يشوف المناسب ويختار الهة شايفة مناسب وعلة هالرنة ابتسام ظلت بلا زواج جكد جووهة خطابة ومقبل.لحد مامشة العمر وقلو الخطاطيب وبقت مقابلة اهلها وكاعده يمكن بيهة حكمة جان منو بقة لخالة وداراها بس ابتسام هم انسانة من حقها تختار الشخص الي رح تعيش علي واذا ع شرع الله فرب العالمين يقول(وَلا تُكْرِهُوا فَتَيَاتِكُمْ عَلَى الْبِغَاءِ إِنْ أَرَدْنَ تَحَصُّناً لِتَبْتَغُوا عَرَضَ الْحَيَاةِ الدُّنْيَا وَمَنْ يُكْرِهْهُنَّ فَإِنَّ اللَّهَ مِنْ بَعْدِ إِكْرَاهِهِنَّ غَفُورٌ رَحِيمٌ] (النور: 33).احنا نحكم بالعرف مو بالدين لهذا شوه الاسلام وبالخارج ماخذين نظرة عالاسلام انو دين تطرف وفرض عادات وتقاليد مادخل الدين بيهة. ثاني يوم الصبح كعدت لكيت ابتسام دك وتلطم كتلهة خير ابتسام خالتي بيهة شي كلتلي كعدت الصبح فتت غرفة امي ملكيتهة بغرفتها .
دلشاد:هي خالة مو تطلع الصبح تتسوك .ابتسام :لج دلشاد امي من موتت علي مطلعت باب البيت ولاحاجية ويااحد بلة وين اروح وهذا كاظم اذا خابرتة يكلب الدنيا ويذب الصوج علية .
دلشاد اهدي ابتسام اكيد خالة وين تروح اني شفتهة الفجر وحتة كلتلي تعاي تريكي ويايا بس كتلهة عندي شغل رح انام شوية واكعد .اهدي والله كلبي بارد .بعدنا مكملنا السالفة وانفتحت الباب ودخلت خالة ركضت ابتسام هايمة والله كلبي وكع وين جنتي شنو هالمسواك يمة .محجت ورا حجاية باوعت على خالة .ها خالة .الله يساعدك.
باستني وكلتلي جبتلج غراض دولمة اعرفك جكد تحبيها سودة علية خلصانة انتي شافت رزكار وحضنتة فدوة الك .ابتسام ظلت كاعده وتباوع كالتلها يوم فوتي غسلي وتريكي .باعت عالساعة لا مالحك هسة يااذن الظهر راحت ابتسام تغسل رحت وراها اشرتلي .ابتسام:دلشاد احلفج بروح الغالي اذا عندة حد هسة معزة لاتطلعين هسة وتكسرين كلب امي حنونة لج امي من يوم ممات علي حدهة الطرمة توصل
واليوم شفتي شون طلعت والله من فرحتها بيكم من ريحة الغالي .دلشاد:ابتسام مصيري رح ارجع مرح ابقة كتلج كم شغلة واروح مباقية ابتسام :ميخالف ظلي لحد متخلصين شغلاتك وراها يحلها الف حلال.بس خلي امي ترجعلها عافيتها والله محبوسة على حبستهة مااكدر اعوفها واطلع ونهارها كلة نايمة ومو نايمة. دلشاد:خاف يجي كاظم وكتها رح اظطر اطلع مااكدر ابقة ويا عيب وبقلبي جنت اكثر انسان اكرهة هو كاظم يمكن لولا موقفة جان اني وعلي عايشين وسعيدين ولو هو امر الله شسوي.
ابتسام اطمئني هو هم ميلفي امي تكلة من وراك راح علي يجي يجيب مسواك ويسالنة ويروح.ومبقي جهالة بس عمود يطمن. دلشاد:ورا مشفت خالتي بهاي الحالة خوفي وتعبي زاد جنت مفكرة بعدها بحيلها واطمن ع ابني بس بوضعها هذا هي محتاجة احد يراعيهاوكاظم مااثق بي ابد يربي ابنة عمرة محن على ابو يحن علي هو .الظاهر حجي زكريا جان صح جان لازم اوزنها قبل لااجي وافتح جروح جنت مفكرة سديتها من زمان.
ام كاظم:تباوع على رزكار وتمسح عيونها بالفوطة عينا ابو يمة نفس مشيتة من جان نفس العمر صحتة بلا وعي علاوي تعال واشرتلة اجة ركض علية ذكرت ابو يمة حبيبي انت تعرف علي .رزكار:My name is Ali .Zack call me rezkarشنو .مفهمتك يمة شتكول .جتي ابتسام وكتها واني جنت اصلي .كالتلها ابتسام ها يمة شبيج ويا رزكار. يمة .متفهميلي شيحجي جني فهمت شديحجي.
ابتسام:شو كلت حبيبي خ تجي حنون ترجملنا .دلشاد:كملت صلاتي وكعدت دقايق ادعي بديت احس الاعراض بدت تبلش زين ابتسام كلتلي ابقي .سمعت رزكار يحجي وهم مو فاهمي جيت كتلهم ها ماما شبيك .ابتسام:رزكار ديريد يفهمنة بس منفتهم منة شي تعاي ترجميلنا حنون حجيت ويا رزكار وكالي انو يريد يفهمهم اسمة علي تغيرت ملامح وجهي كتلهم ديكللكم انو اسمة الثاني رزكار هو اسمة علي .
ام كاظم:والله عرفت ديكولي هيج. ابتسام:دكولي هيج من البداية شكبرة اسمة علي احلى بعد منصيحك غير علي وخلي ذاك الاسم لخالك.
ام كاظم :جان عندي شك بقة بس اعرف شوكت زوجو وصار علي بالنص انتظر بالليل لما ينامون واشوفها فاتت غرفة علي واحجي وياهة.خلص اليوم والكل نامو واني مو كادرة انام باوعت على ابني نام ورحت غرفة علي ورجعت بذكرياتي ويا مااعرف ليش احس بالراحة واني بين مذكرات علي وذكرياتي اصلا ماعندي حياة بعدة .تمنيت لو الزمن يرجع مجنت عفتة لحظة. مخليته يروح ويتركني (عودة بالذاكرة)
علي:يوم باجر رح انزل وانتي مرحتي خطبتيلي يوم والله اذا مزوجتهة الا اذب روحي ويا الحرس الجمهوري وهاي الدفنة ماارجعلج والله غير بتابوت.
ام كاظم:لك يومة ليش تريد تحرك كلبي بهالحجي .
علي :يوم شكلتي .تروحين لو مشوفيني بعد.
ام كاظم: خلص يمة رح اروح اخطبلك ارتاح والله..صدك يمة الله يخليج خيمة على راسنا وبستة من ايدة وراسة .من رخصتج يوم اروح ابشر حنون .
ام كاظم:لزمتة وكتلة يوم عيب تكمز عالبيوت مثل الحرامية وجيبلهة حجاية كافي حجي صار خ صير مرتك حلالك واشبع بيها .علي:خوش يمة اني رح اروح على زكريا واعتمد عليج يمة حضريلي جنطتي باجر الفجر اطلع.
ام كاظم:حسبت حسابي اروح العصر اخذ ابتسام واروح اخطب حنين وكتلهة لاابتسام وكيفت دلشاد ربت ع ايدينا من جانت صغيرة ومشفنا منها شي وهذا الحجي متاكدة رشا ورا طول عمرها غيارة يارب صير من نصيبة وهيج تجي مرة علاوي طبيبة وحلوة ونازكة ومحبوبة والله لاتموت بقهرهة هالرشا.والله يحقق مناية ونكسر خشمهة حتة اخوتي هجو هم ونسوانهم ديخلصون.
ام كاظم :يمة كافي لاتحجين تسمعك مناقصين مشاكل خل تفوت بفال علاوي. ترة متحلف حلفة مو زينة واني عمودهة مستعجلة .
رشا:هيج لعد ناوين جيبوهة يمي والله لااخربها على طلاكي متدخل هالمدري شسمها .لميت هدومي وتحضرت بس يجي كاظم اكلة اريد اروح لااهلي الا اسويهة عزة عليهم .صار العصر وامي وابتسام ديروحون يخطبون دلشاد وسمعو صوت كاظم ومرتة يتصايحون وهي لامة غراضهة وتريد تروح دخلت امي تريد تعرف شكو شصاير كاللهة غير خيرات ابنج وهاي الي رايد يجيبهة رح يهجم بيتي.
ام كاظم:وشعلي هو بيك انت لاتذب مشاكلك على اخوك مرتك شعليهة بمنو يزوج اخوك.
رشا:لا خالة لا اني اهلي بس يسمعون بالقسمة ماخذهة علي والله ميقبلون ابقة دقيقة وحدة بالبيت كلت احسن شي الم غراضي واروح والله يهني بهالزواجة.
ام كاظم :لج انتي شنو .شنو طينتج من مرة ولدي ٢هجو من ورا مشاكلج ممخلية احد سالم .وانت عيني يالرجال لك انت شنو خلص هاي مرتك عمت عينك كلت ابني الجبير وحزام ظهري تالي هيج انهجم البيت من وراك لك الله لايرضى عليك ولاعلى زوجتك .امشي يلة روحي لااهلج وعلي رح يزوج البنية الي يريدهة غصبا عنج وعن رجلج .
رشا:شفت كاظم عمود صدك من اكلك هم يريدون يطلعونة من البيت ويجيبون الخاتون هاي بالبيت عمود صدكني وهو لازم ايد مرتة والله مطلعين وامي تصيح طلعها واطلع وياها والله لايرضى عليك بيومهة امي علك ضغطها ونقلوها للمستشفى.وكاظم ومرتة خربوها وكعدو على تلتها .
علي :لمن سمعت امي متخربطة ركض رحت للمستشفى ربي لايخليلهة مكان والله باقي بالبيت بس عمود حسهة .وراها ضغطت على ابتسام وسولفتلي علي الصار يومهة رحت كبل للبيت وتعاركت عركة ويا ويا مرتة بسببة امي بالمستشفى .
علي:كاظم ولك كاظم انت رجال انت لك رجال اطلعلي وينك جكد جنت اخاف منه ومن ضرباتة بس هسة بعد ماكو شي اخاف منة .الاثنين الي احبهم بسبب كاظم ومرتة متااذاين .
كاظم:لك ليش صيح فوك الي صار بسببك وبسبب الي جاي تنزوجهة هجمت البيت بسببه
علي:لك منو دتحجي انت لك هاي مرتك تمشيك .لك حسافة عالزلم الي انت منهم وضاربنا ليلتها وصوتنه علة والجوارين سمعو .واجة عمي ابو حنين وزكريا يفاككونا مو عارفين السالفة شنو .
ابو زكريا: يمعودين عمو استهدو بالرحمن دخل الشيطان بينكم يمعودين .
كاظم :غير من ورا بنتك خربت البيت جرتة للطريق ويومية .تعال وتعال وهسة تريدة يزوجهة .والله على جثتي يزوجهة .
ابو زكريا:شنو شدتحجي انت لك بنتي اشرف من الشرف شدتحجي انت صاحت مرت كاظم.ياشرف وهو يومية نايم يمهة .
زكريا :لك علي هيج تسوي انت خرب شرفك واكول صديقي والله لااسكطك اليوم .
علي ظل زكريا يضربني واني اكلة اسمع مني زكريا والله كذب يمعود بس اسمع.
ابو زكريا :زكريااا..يلة للبيت بسرعة .
علي:عمي انتظر والله اني نيتي صافية ورايدهة بالحلال والله بالحلال مغلطت وياها .
ابو زكريا:اوكف ابني لهنا حدك لاتتعدى اني ماعندي بنات للزواج اني غلطان جنت اعوفهة بالبيت وحدهة ومااخاف لان كلت عندي اهل بظهري ماعرفت الطعنة تجي من اقرب واحد.رجع زكريا وابوية وعيونهم طفر شرار زكريا راد يلزمني يموتني .بس ابوية مخلا كالة اطلع عوفني ويا اختك شوي.
دلشاد :بابا.بس اريد اكلك شغلة. محسيت الا راجدي على خدي ركع .هاي اول مرة ابوية يضربني .
ابو زكريا: مرح اعاتبك ولارح اكلج ليش سويتي هيج .بس اريد اضرب روحي مية ضربة لان كلت انتي كد الثقة والي صار اني رح اتحمل مسووليتة .بس اني لخاطر امج لان وعدتها اصير حريص عمود تكملين كليتك وتصير عندك شهادة لهذا رح تسمعين كلامي للنهاية علي تكطعين علاقتج بي نهاىيا واريد وعد منك باجر تنزلين بغرفة امج .وتخلص هالسنة السنة الجايةتداومين بالموصل.السنةاني واني اوديج واجيبك مااريد نقاش .لو غيري اب والي سمعتة جان دفنتج بمكانج بس كلبي مينطيني واني اكول انتي كد المسوولية بعدين انتي شون تفكرين تزوجين واحد مثل علي لاشهادة ولا مستقبل لا وفوكاهة حتة اخو ميحترمة شون رح يحترمج.
دلشاد مكدرت احجي شي لان احنا مجتمع عادات وتقاليد..مو حب وحرية بالاختيار