He's Dating a Panget - (On Hold)

Ika-Labing Apat Na Kabanata

Epal's Note:

Well, 'di na po ako mag-eexpect na me magbabasa pa nito. Basta ako, masaya ako na nagsusulat ako ng gusto ko. Gusto kong ibahagi sa iba ang mga magagandang kuwentong naiisip ko. Sa mga naniniwala sa kakayahan ko na makapagsulat, salamat. Salamat sa inyong lahat na mga nagbabasa ng mga gawa ko. That's all I wanted to say to all of you.... A VERY BIG THANK YOU!

So, enjoy and keep reading! Lovelots, Mamaru

IKA-LABING APAT NA KABANATA

Tawa nang tawa si Apollo at Liya nang makarating sa bahay ng huli. Gusto na sanang umuwi na lang na mag-isa ni Liya pero nag-insist si Apollo na ihatid siya sa bahay. Unang-una, medyo ginabi sila sa kanilang lakad. Nakakakahiya naman na mag-isang umuwi si Liya sa bahay at baka kung ano pa ang mangyari sa daan.

“S-Salamat sa paghahatid, Apollo,” nakangiting wika ni Liya na bitbit ang dalawang plastic bag na kinalalagyan ng kanilang pinamili.

“Apol na lang, “ ngumiting sabi ni Apollo sa kanya. “Mas gusto kong tawagin mo na lang akong Apol, total naman, friend na tayo,”

“Ah, sige, salamat, Apol.” Ang sabi ni Liya. “Baka gusto mong uminom ng juice o kaya ay kape.”

“Naku! Naku! Hindi na, okey lang ako. Di naman ako nauuhaw o ano pa man,” napakamot sa ulong sabi ni Apollo. “Saka, pauwi na rin lang ako.”

“Baka gusto mong kumain?” alok ni Liya sa lalaki. “Alam kong ‘di ka pa kumain simula nang mamili tayo ng mga beauty products na ito.”

“Wag na.” mariing tanggi ni Apollo. “Ayokong tumaba ‘no?” nakangiting wika pa nito na itinaas ang suot na school uniform. Pinakita pa nito ang tiyan. Kitang-kita ni Liya ang six pack abs ni Apollo. Ay putek! Nang-aakit ka ba, Apollo? Anang bahagi ng isip ni Liya. Linsyak ka, Liya, huwag mong tingnan ‘yan! “Kawawa naman ang abs ko kapag tumaba ‘no?”

“Oo na!” sumimangot si Liya na umiwas ng tingin. Ayaw niyang mahuli ni Apollo na tumitingin siya sa maganda at kaakit-akit na six pack abs nito. “Puwede bang ibaba mo ‘yang polo mo, sumusungaw ang hindi dapat,”