Forever is With You

Chapter 19.

"Ang ingaaaay," Inis na anas ko.

Ang aga aga makabulabog. Ang lakas bumusina. Anong trip non? Ang layo pa kaya ng bagong taon.

Puyat kasi ako kagabe, anong oras na natapos yung ball, kaya anong oras na ako nakauwi. Buti nga't gising pa si tito 'nong nagtext ako kaya nasundo agad ako.

Tapos hindi pa ako nakatulog agad ng ayos gawa ng naisip ko yung sinabi ni Caesar na lalab-

"Lalabas nga pala kami! Sabi pa niya'y after lunch. Gaaahd! Anong oras na ba?"

Kinapa ko ang cellphone ko sa gilid ng unan ko pero yung dalawang rosas ang nahawakan ko. Bakit dito ko nilagay 'tong mga 'to?! H-ck!

Sumilip ako sa baba ng kama at andon ang cellphone ko. Pinulot ko naman ito at "12:42 na?!"

Kumaripas ako ng takbo pababa. Wala na si momsicle, nakaluwas na pabalik ng Laguna. Si tito ay nasa trabaho, samantalang si tita'y nagbabantay ng tindahan nilang mag-asawa sa palengke kasama ang bunso nilang anak. Ang pangana'y naman ay nasa Maynila.

Binuksan ko ang gate at nakita ko si Caesar na prenteng nakasandal sa upuan ng kotse niya, bahagyang naka-kunot noo.  Tumingin naman ito agad sa pwesto ko at dali-daling lumabas ng sasakyan.

Nakasuot siya ng itim na v-neck tee at faded blue jeans. Suot na naman niya 'yong sun glasses na gamit niya 'nung nagpunta kami sa bahay nila tapos napag-usapan yung lig--. H-ck?! Why am I reminiscing?!

At saka ano?! Am I checking him out?!

"You just woke up and yet you're still dreaming. A penny for your thoughts?" He said, smirking

Agad naman akong napailing. Doon ko lang naalala na hindi pa ako nakakahilamos at naka-pantulog pa ako. Nakakahiya! Ni hindi pa nga ako nakasuklay!

Nag-iwas naman ako kaagd sa kaniya ng tingin ng napagtanto kong ang dugyot ko tignan kumpara sa kaniya, "Ahhh- ano, m-maligo lang ako, kung okay lang dito ka na mag-antay? K-kase ano-"

"Kasi ano, Amaris?"

"Aahh wala akong kasama don b-baka ano, ah ano.." Why am I stuttering?!

"Kanina pa ako nag-aantay dito tapos pag-aantayin mo pa ulit ako?" Nakabusangot na niyang tanong. Halata ang pagka-irita.

Agad naman akong binalot ng kahihiyan, oo nga naman kanina pa siya nag-aantay tapos pag-aantayin ko ulit.

"Oh edi sige tara na-" akmang pupunta na ako sa kabilang side ng kotse nang hawakan niya ang palapulsuhan ko at pinigilan niya ako. "Fine, bilisan mo. Mag-ayos ka na, may muta ka pa." Natatawa niyang saad.

Agad naman akong napahawak sa mga mata ko at kinapa 'yon. Lokong 'to! "Wala naman ah!"

"Oh edi sige bad breath!" Ngiting ngiti niyang saad. Kahit kailan talaga Caesar!

"Bahala ka talaga dyan, antayin mo ako dito!" Inirapan ko ito bago tinalikuran at naglakad papasok ng bahay.

Agad ko namang narinig ang pag-sara ng pinto ng kotse niya, pumasok na siguro.

Pagkalagpas ko ay agad kong inamoy ang hininga ko. "Wala ngang amoy e." Pabulong kong sabi saka umirap sa kawalan. Inulit ko pa para makasigurado, pero mokong na 'yon wala naman talaga!