...جنت اسئل نفسي ...شنو هذا التغير الي بي حسيت بية ...
معقولة لان شاف رؤى ورافد سوة ....
اكيد طبعا الهة تاثير ...باوعت على رؤى ...شفتة مرعوبة الخوف كاتلهة وصلنة للمركز الصحي ...نزل بكل هدوء....فتح الباب ورجع شالني بدون مايسالني ....سكتت مشة ورحع مرة ثانية للسيارة وهو يصك على سنونة من يحجي
رؤى....ممنوع اتنزلين من السيارة
رؤى من الهوف متكدر تحجي بس هزت براسهة....
...دخلنة للدكتور وهو شايلني....شافة الدكتور
_خير شكو
_والله يادكتور جانت تفحص الهايشة و داست على رجليهة
_لا ان شاء الله ماكو شي ...
كعدني على السدية اتغطيت بالجرحف وراد الدكتور يفحص رجلية ....بس حسيت بعيون جهاد الي مليانه شرر....مااريد ازيد علية الحالة
ايد الدكتور رادت تسحب الحرجف الي عل رحلية منعتة ....هو انحرج ...وصفن
جاوبة جهاد وكال ....افحصة من فوك الجرجف ...
ضل يفحص لحد ما سمع ال اااااه .. عرف مكان الاصابة ...
_خير دكتور ..سالة جهاد
_لا ماكو شي بس متعرضة لضربة قوية ...راح اكتبلهة على مراهم وحبوب ....اتساعدهة ...بس اهم شي متمشي علية لمدة اسبوع وهي راح تتحسن ان شاء الله....
_تمام ....ورجع شالني ....مرة ثانية بدون ميهتم لاي شي ...واصير بين هاي الذراع الصدر مثل الاسيرة ....
جنت اتمنى امشي واروح بعيد عنة ....ارفع اعيوني واشوف هذا الوجة الحاد الملامح ...وهذيج الشوارب الكثيفة ....وريحة عطرة الي دخلت لانفاسي ... واني احس نفسي مثل المخدرة بين هذاك القفص الصدري لاسمع ....دكات الطبوول الي يعزفة كلبة ...لتعلن الحرب علية....
ارفع عيني والمح هاي النظرات الحادة القاتمة ...وهذاك الخشم المتعالي المغرور الي يحملة يحس نفسة محد يكدر الة ولجبروتة ....جانت الدقايق الي مرت بية بية مخسيت بيهة بس واني اتأملة ....ومااحس بنفسي الا واني بالبيت ....
خلانؤ على الجرباية بكل هدووء ...مثل شي بخاف علية لاينكسر ...وسحب ايدة ....وحس بية اني اتابعه....
رفع ايدة مرة ثانية يعدل المخدة الي جواية ....علمود ارجع مرة ثانية بين حضنة .....محجة ولا كلمة ....متعصب ولا ثار مثل كل مرة ...
شنو الي اتغير....ليش هاي النظرات المختلفه ...
جانت نظراتة مثل السهام يرميني بيهة ....وزااعرف شنو نوعهة ....جنت اتمنى اختفي من يمة ...
وبلحظة شفتة ابتعد وراح يم الباب....وكال
_راح ....تصعدلج الحجية وهي اتعلمج على الدوة ....
طلع وسد الباب .....
طلعت من الغرفة ...مشيت وصلت لغرفة رؤى فتحت الباب ....ودخلت جانت كاعدة على الجرباية بس شافتني فزت من مكانة وهي مرعوبة....
بديت اتقدم عليهة وهي ترجع ....لحد ماانحصرت بالحايط ....
كتلة بصوت مليان غضب...
_اشعندج وي رافد الاحمدي ...ولج
_والله خوية ماعندي شي اصلا اني مشايفتة بي مرتين من جنة بالمزرعه .
_جانت شهد وياكم .....
_اي الله ويانة حتة اسئلة
_اي طبعا راح اسئلة ....جاوبة باجابة مسمومه...
....راد يطلع ...رجع الة مرة ثانية ...فهي خافت وارتبكت ...وكال...
_بعد ماكو طلعه الة اني وياكم سمعتي
_اي خوية ...ماشي ...
..........
بديت اشرب الدوة ...الي جابتة الية الحجية ....وكعدت يمي اتسامرني...لحد ماطلعت و بديت انعس هذا الدوة يخليني انام...بس مكدرت انام ...جنت اتمنة اسبح لان احس نفسي ممرتاحة ...نزلت من الجرباية وبديت اكمز واكمز ....بديت اتعب باوعت لرحلي هذا الباندج ماذيني اخاف افتحة وماااعرف الفة ....ردت بس اوصل للحمام حسيتة بعيد...
واخيرا وصلت وردت اركص من الفرحة ...بس بلحظة...انفتح باب الغرفة ...الي فززني ومتوقعت جيتة ...ردت اوكع بس .....لكيت نفس الذراع الي دووم تسندني....عرفت هاي انخلقت علمودي ....
كال
_ليش كايمة من الجرباية ليش مصحتي احد يساعدج
مشاني وخلاني اكعد على احد الكراسي...
_الدنية ليل...والكل نايمين واني ردت اسبح.....سكتت...اني شحجيت اشورطني....
شفت اعيونه انفتحت وبدت تلمع ....وكال بسيطة ...
_شنو هي البسيطة ..
اجة شالني اني والكرسي ودخلني للحمام...
اني اخترعت ...لا عفية نزلني مارريد اسبح اصلا اني نعست هسة ...اريد انام على جربايتي
اكولك نزلني ...
_اولا اني مو خدامج ابكيفج وديني او لا
ثانيا هاي جربايتي....
وثالثا وهذا الاهم انتي ردتي اتسبحين ...لازم اتسبحين اني ماارضة مرتي اتنام وهي بنفسة شي...حجاهة وهو مبتسم ويمازحة ..
_ماشي لعد اني هسة نفسي ارجع انام ....حجيتة وكلت بعد ميكدر يغير كلامة
_من اعيوني .....مبتسم بمكر....بس لازم اتسبحين وبعدين اوديج اتنامين....
....خلاني بالبانيو ...اني والكرسي...وفتح المي ....وظل يباوع علية ...
...كتلة اشلون ...يعني اسبح بهدومي...حجيتة وتورطت طيعا احط نفسي مواقف بايخة من ورة لساني....
اي صح نسيت.....طلع راح جاب مكص
اباوع واني مرعوبة هاي شنو...
بدوون ميحجي بس مبتسم....اجة كص الدشداشة وضليت بلاتك
بهاي اللحظة اني وياه حسيت اعيونة راح منهه نظرة الشقه زبدت ملامحة القاتمة .... مد ايدة وراد ينزعني الدشداشة كمشت ايدة ....
وكتلة ...اني بعد اكدر تكدر تطلع ....
وكف وراد يطلع وكال هذا برنص....البسي اسهل من اتريدين اطلعين ....ومن اتكملين صيحيلي...
.....
طلع وبقيت بهذا الوضع...الي ممصدكة اني بي صح مجنت اكدر انزع الدشداشة ابد...
بديت اتنفس واني مااعرف راح اشلون تنتهي هاي ليلتي..
كملت ومااكدر اصيحة بقبت...لحد مااندك الباب عرفت حس بية كملت من سديت البوري...
كتلة اتفضل واني كامشة البرنص ...بكل قوة اخاف يطلع شي ....
اجة شالني ...بهدوء....واني بهاي اللحظة انعكس الامر عندي اجتني القشعريرة وبدة جسمي يتشنج...
نزلني بهدوء....
بدة شعرهة المبلل يلامس جسمي حسيت البرودة جردت بكل اطرافي....
رحت كعدت يم رجليهة سحبتة وخليتة على فخذي وبديت افتح الباندج وادهن الالم بشكل منتظم ...
حسيت بيهة ارتاحت على التفريك....
رجعت شديت الباندج.....وكمت سحبت الغطة عليهة ورحت ....انام على القنفه ...الي جانت مكانهة المفضل..
رغم تعبي ....مكدرت انام بسهولة وكل هاي الخواطر الي ادور بداخلي منعتني انام بسهولة....
.....جانت نومتي صعبة على هاي القنفة كعدت من النوم واني متكسر ..بسبب صغرة الي متناسب حجمي....
كمت من مكاني واني مااعرف ابيش الساعه افتح الموبايل وانتبة اتعدت التسعه ...
كمت على كيف مااريد افززهة من النوم وامشي بهدووء شفتة نايمة .....وانفاسهة مستقرة ..
عرفت مابية شي يوجعة ...صفنت عليهة
....معقولة حقدة وكرهه مني اتخليهة تنتقم من رؤى ...مثل ماكالت رقية ....
لو هاي....اوهام ابراسي اني اخترعته عليهة....
زين واذا هي صح الهة نية فعل هذا الشي ...
اشلون اخليهة تفلت من دون مااعاقبهة
واشلون اكدر اعاقبة ....بعد ماعرفت هي اتصير بنت خالتي...
هواية جانت شكوك وتساؤلات ابالي.....مااكدر الكة اله اجابات....
نزلت من الدرج والكة الحجية كاعدة نفس مكانة بالهول ...وهي تبتسم ....
شافت ملامح التعب على وجي....
_اشلونك يمة ....وشلونه شهد هسة
_الحمد لله ..احسن ....نايمة هي لان الدوة يخليهة اتنام ...علمود ترتاح
_وشوكت انت ترتاح ....باوعت علية بحنية
....عرفت امي شتقصد .....
_مرتاح اني ...عوفي هاي السوالف يمة ...
_لا ابني ترة شهد مرتك حلالك .....قربة الك ..الكلبك .ً.وراح اتشوف اشلون تتغير
جانت كلمات امي مثل اابلسم الي محتاج اسمعه ...اني ادري محتاج الهة وهي محتاجتني بس اخاف اخطي هاي الخطوة ... جنت مرتاح وهي تحجي وياي ....لحد ما اجة شاكر ويكول ...
اكو واحد يريد الدكتورة ....
_فزيت ...منو هذا الي يريدهة .
......
كعدت من النوم واني متكاسلة وتعبانة وعندي ملل حسيت برجلي صارت احسن ...
كلت اريد اشتم هوة مخنوكة ....
باوعت ...على المحزم بعد موجود ...يعني جهاد مطالع....
ركت اتجة ..وامشي لحد ماوصلت للبلكونة واشم الهوى ...لمحت شاكر جوة يم الرجال ...الي رحت يمة وعالجت البقرة مالتة....
وشفت خيال واحد عرفة كلبي من دكاتة السرعه الي زدادت بس شافتة قبل لا اسمع صوتة .....
سمعت يكول
_انت منو ....ومنين تعرف الدكتورة ...وشتريد منة..
_جاوبة الرجال وهو مستحي وخايف لان واكف يم شيخ العشيرة...والي الكل اتهابة.....
اني تلبارحة كلبت من الدكتورة اتعالجلي الهايشة مالتي ....سودة علينة اتاذت من ورانة .....
وهسة الهايشة بخير من ورة العلاج الي اطتة الهة ....وهي الي فاتحة بيتي لو ما الدكتورة يمكن مااكدر اشتغل ....
جبتهلة هذا الحليب يشفيهة .
_ابتسم جهاد من سمع هيج....يعني هاي هدية ...
_اي والله وادري هي مو على غالية ...بس هذا الي اكدر علية ...واني حرمتة على بيتي وجبتة الكم لان تستاهل الدكتورة ام كلب الطيب....والله يحرسة
.....
سمعتة يحجي واني خايفة من ردت فعل جهاد ...كلت هسة رةح يسمعه حجاية ...اعرف بي قاسي....ردت ادخل بس سمعت ضحكتة ....
_ابتسم الة ...وكال هدية مقبولة ....
واريد منك ...الاسبوع الي يجي كلة اتجيبلنة حليب لحد ما اتصير الدكتورة بخير وراح نشترية منك ....
....فرح الرجال هواي .....
وصاح شاكر كلهة رووح شيلة جيس شكر وتمن من جوة ....
_بس....ليش مو راح ندفعلة افلوس
_انت مسمعتة يكول احنة عايشين على هذا الحليب ...روح سوي الي كتلك علية ..
..طلع الرجال فرحان ....ممصدك ..وكالة
_الله يخليلك الدكتورة ....وتكون زواجة الدهر دووم مو يووم ...
ويبعد عنكم كل حاقد ...
...البتسمت ...كتلة علمود هاي الدعوة الحلوة ....دخل ايدة بجيبة وطلع افلوس ..واطاهة للرجال ..مصدك الرجل وهو فرحان ...
وكال...ربي يفرحك ويمتعك بحلالك ....ويرزقك الذرية الصالحة ....
جنت احس براحة نفسية ....مااعرف ليش...وخاصتا من كال حلالي ...اي هي حلالي ....اليوم مرتين اسمعهة ....جنت احس الهموم كلهة تنزال من صدري....ومااحس الة واني اكوول ""اميين""
.....التفتت فوك واشوف الي اتصورتة نايمة كاعدة ...اتباوع ....مجنت اعرف موجودة ومن اشوكت هي هنا وتسمع
....
دخلت من البلكونة واني اتجة ...لحد ما كعدت على قنفتي...
واني جنت متوقعة راح اشوفة ..ودكات كلبي اتزيد ...مجنت متصورة ..راح الكة هذا الجانب منة
مجنت اتصور يتعامل وي الناس بهذا الاسلوب ...يعني هاي القساوة هو وهم اني اوهمت نفسي بي ...يعني هو يحمل حنية بكلبة ...مو مثل ماجنت متصورتة....
اندكت الباب ...ارتبكت وبدة الخجل يرتفع عندي او وجي تزداد احمرارة ...واني اكول اتفضل...
بس كل هاي الابتسامة راحت من شفت ام شاكر جايلة صينية الريوك وتكول هذا اليوك ...
اجتي خلتة قريب مني ....وراحت ..
اني ضجت حييل ماادري ليش ردت اشوفة ...وحتة شهية مالي دفعت الصينية واني متململة ....ردت اكوم ..بس اسمع صوت اشعار للرسالة ...
كعدت اقراهة...
وبدت الابتسامة ترتسم على وجي .."اكلي زين علمود الدوة .....واشربي الحليب هاي الهايشة دزتة الج "
_هههههههههههه ضحكت من كل كلبي ورجعت الي الشهية وبديت اكل ....وشربت الحليب كلة ....ورحت على الجرباية ....لان الدوة يخليني انعس...
واني ارجع كل اشوية اقرة الرسالة ...وابتسم....
.......
كعدت من النوم واني تعبانة ومتململة مااعرف اشكد نمت ...واسمع صوت رسالة ...افز واقراهة ...جانت الرسالة من جهاد...يذكرهة بموعد الدوة الثاني ....
_ليش اني اشكد نمت ....مرت اكثر من ساعتين واني نايمة وماادري ...
صفنت هو ليش مهتم بية ...شنو الشي الي غيرة ...ماافهمة دااحس ...اشو نظراتة مرات احس بية يريد كتلني ويخلص مني ومرة تتمنى الي الرضا اني ماافهمة ....تعبت واني افكر بهاية الازدواجية بالتعامل وياي....رحت شربت الدوة ...
وادنك الباب عدلت نفسي
_اتفضل....دخلت رؤى ..وهي امدنكة ومستحية
_واخيرا احد اجة يكعد يمي ....متت من الضوجة
_والله يا شهد اني مستحية حيل منج ....تحجي واحس بيهة ندمانة
_ليش رؤى شكو...هي حادثة وصارت بعد والحمد لله برجلي ولا بغير مكان ....واصلا وين احلى من هاي ...كاعدة على الجرباية والاكل يجي لحد عندي هههههه اكو اخلى من هذا
_ههههه ابصراحة لا ....
....سكتت وسألتة ...بكل جدية .....انتي شنو نوع العلاقة بينج وبين ابن عمي....
...اتسمرت رؤى وكامت تفرك بايدة دليل على التوتر ....وكالت
_اني مااريد اضم عليج وخاصتا انتي ...لان تتمليلي الخير ....هو يريد يتقدملي
_شنووووو حجيتة بنبرة مفزوعه ....انتي صدك تحجين ....ولج اشلون اتخلينة هيج يسوي ..ومو كافي الي صار...
احنة بيناتنة ثار....واني رحت بالرجلين ..للتهورين رؤى ...
_ليس تحجين هيج ....هو راد يتزوحني عل سنة الله ورسولة ...مو حرام ولا عيب....
_اي اعرف م حرام ولا عيب ....بس صعبة واخوج اول واحد راح يعارض
يتبع....
&%%&لينه سعد%&%&
