رفعت راسي مااعرف اشكد ....ظليت نايمة والمخدة متروسة دمع ....
كعدت ولكيت الغرووب ....وبدت صووووت الطبل والهلاهل الي بالبيت .....سديت اذاني واني .....متحطمة
مااعرف اشلوون راح بعد ساعات اصير زوجة الة ....شلووون اني راح انسة احلى ايام حياتي علمود اصير زززوجة لوووحش
ميهمة غير تعاستي ....والي اعيونة بس كفيلة اتخليني مااريد ابقة يمة
اشلوون راح اتعامل مع طغيانة وجبروتة
...اشلون راح اتعامل مع طولة وقووتة ....وهمجيتة بالكلام
....جنت كاعدة وحاسمة امري ....
هو رادني ذليلة .....بس صدكني مراح اتشوف هذا الشي
راح اخليك تدفع ثمن جيني لهنا ....
راح اخليك تندم وتكووول لو ماشفتة بيومهة
....كمت ورحت غسلت وجي وكعدت ...واني مهما راح يصير مراح يشوفني ضعيفة
.......
دكيت الباب وكلت ...احم ...بس مسمعت جوابهة
...فتت ولكيتة كاعدة ....
_اني دكيت الباب قبل لااطب ....يجوز ماسمعتي
.....جاوبتة ...بكل تحدي
_لا سمعت .....بس اتصور انت مايفرق وياك اذا كلت ادخل او لا
....من حجت وياي خلتني اثووور ....وكتلهة
_ماشي ...هسة موكت احاسبج .....الحساب راح يجي بعدين
هسة اني جاي اكلج ....السيد وصل ولازم نقرة الفاتحة ....وبعدين تروحين لبيت عمج ....
لان عمج هو الي طلب هذا الشرط
...انو اطلعين من عدهم
.....جاوبتة بكل سخرية
_ههههه مو المفروض هناك السيد يجي وبعدين اجي لهنا
...جاوبهة بكل صلابة ....
_علمود سلامتج ...اني سويت لان لو رحتي هناك قبل لااعقد عليج يكتلوج
......ضحكت بكل سخرية
_لا تكول انت خايف علية ......اه ...اااه ....ياريت اموت ولا اتزوجك .....واصلا انت كلت اعقد علية وتنفذ انتقامك ..واذا ماتت هناك ..انت سويت الي ردتة .....وصرت مرتك
...باووع علية بنضرات .....حسيت بالخوووف ....صح خفت واهتزييت
...مااكدر اقاووم هاي النضرة ....بس جنت اشجع نفسي
...لتخلينة يشووف خوفج ...انتي بعد ميهمج شي ...الي جنتي اتخافين عليى صار بعيد ....
وانتي بعد لازم اتعرفين تتعاملين وي هذا الوحش ....
اتعجبت من نضراتها ....الواثقة والمتمردة
كانما مو هي الي شفتة ....وتعرفت علية بالمزرعه عبالك اتبدلت .....مو هذيج الي جانت بين ذراعي واني انقذهة ....وجانت اخدودة حمر من الخجل ....
ولا الرقة والدلال تلي جانت تتميز بي ....
اتغيرت بهاي الساعات الي فاتت
جاوبتة.....
_عمج راح يدخل ....وبعدين اعقد عليج
...طلع من الغرفة وهو ثاير.....
....انفتح الباب ....ويدخل عمة ....والي ركض وحضنة وكال ....والله ياعمووو .لو كايلتلي مااريدة مااخليج هنا ....
اني عمج ...واحنة اهلج وعزوتج ....لتخافين علينة اني ادري بيج سويتي هذا الشي علمود ماتتجارة الدم ....بيناتنة
...بس اكو طرق هواي تكدر امنع هذا الشي
لاتستهينين بعمج الجبير......
لو تدرين ...برافد ابني مرتين لحكتة يريد يكتل جهاد ....والكل عشيرتج ضايجة علمودج
.....لاول مرة اشووف عمي ....واول مرة احس هذا الاحساس الحلو ...اكو من يخاف علية
.....سئلتة
_بابا اشلونة
_ابوج مو زين وخايف عليج ....وهو تعبان حييل ...لو تشوفين حالتة ينكسر خاطرج علية
....شهد ....ارفضي زواجج وصدكي اني وياج ولتخافين
_عمو...اني مواقفة اتزوجة .......ولتخاف علية ..
...جنت متاكدة بس ارفض مراح يسكت وراح ينفذ ويثير الدم مرة ثانية
قررت امشي واصير ضحية لزوجة واحد همجي ...ولا اندم على شي بسببي يومت احد
...حظني مرة ثانية ...وطلع ...
وصووت الهلاهل والطلق مال السلاح رج الغرفة .....وعرفت كل دقيقة تعبر اقترب من موتي اكثر...........
طلعت وي عمي وصلنة لبيتة ....دخلت وشفت ابن عمي موجود ....تفاصيل وجة حلوة ..الي يشوفة ينعجب بية.....ويحس هو بايد امينة واخو خيتة .... جان كاعد وصافن مكدر يباوع ابوجي...يحس بالعجز لان مكدر يسوي شي
دخلت للغرفة الي ابقة بيهة انتظر الموت الي يجي باخذني باجر ....
دخلت وكعدت على الفراش جنت محتاجة انام ....انان ومااريد اتذكر اي شي ...اي مذلة صار ....وجنت اعرف بابا جان متواجد باحد الغرف الي هنا .....
بس مااريد اشوفة ....مااريد اضعف كدامة ....اريد تنتهي واخلص ...من هذا العذاب ....
حطيت راسي على المخدة.....وبجيت ....كلت ابجي شهد ....هسة صبي كل دموعج
باجر ....ماكو بعد دموع ....واجتني صورة جهاد كدامي ....
اريد انساه .....اريد انام وما يلحكني باحلامي.....مااعرف يجوز اني احلم وراح افز واشوف نفسي بيتنة ....
.........................
ظل الباب يندك....وهوسة واسمع صوت نسوان وبنات ....كعد رافد ....وهو متفاجىء شنو هاي الهوسة والدك .....
يفتح الباب ..ويشوف بنات هواية ....واكو وحدة مرخة وبتسامتة مرسومة على شفتهة...
_احنة جاين للعروسة
_هااااا ياعروس هاية .....جنت صافن ومااعرف شيكولن
.....كامن يضحكن البنات.....
_هااااا شهد.....اي ...اتفضلو دخلو.....
واني واشوفهن يهجمن مثل الجهال ....وهاية كدامهن تركض ...وفرحانة وتكوول اني اول زحدة ادخل
....دكت ااباب وكالت راح ادخل ياعروسة ....
فتحت الباب وطلعت السانهة ...بحركة طفولية وهي تضحك على البنات الي مدخلن للغرفة .......
....اني ضحكت من شفت حركتة .....
رغم اني قليل اضحك ....او ابتسم ....
......
شنو هاي ياعروسة ...كل هذا نوووم ....
.....فزيت من النوووم واسوف ابنية بشوشة اتباوع علية ....
صفنت عليهة واني افرك بعيوني
_ههههههه حقج متعرفيني اني اخت الشيخ ....اسمي رؤى ....يلة امشنة خلي انجهزج
....بمجرد كالت اسم الشيخ ....اني فزيت وعرفت اني الي صار بيةة مو حلم .....
وهسة لازم استعد لمواجة ...الموت المحتم ....رغم بشاشة وجهة وضحكتة الحلوة وبرائتة .....
بس ممحت الحزن الي بداخلي والحقد على عشيرتهم واهلة ....
...ياربي ليش ما اخذت روحي
..ليش ما صار يوم القيامة ....
...اجتي وكعدت يمي ......وكالت اشكد محظوظ الشيخ.....ههههههه عاش ذووقه يخبل
كامت وكالت اني لازم اروووح ...لان عدنة هوسة وخبصة ....بعد الشيخ وعرس هننهههننه
......كامت اتهلهل....اتفاجئت بيهة ....
ودنكت عليه وباستني وكالت ارووح انه ...
طلعت.....واني متعجبة ...اشلون هاي اخت هذاك المتوحش الظالم ....
شلوون بريئة...وطيبة ....مااعرف اشلوون راح اتعامل وياهم ...كمت ردت اطلع ...واشوف فد شي حلووو...
اتقررت وافتح السحابة واطلع ...بدلة عرس من الستن والدانتييل .....فد شي جذبني ...ررووعه ...اتعجبت ....ليش جابلي بدلة عرس ..
اتلمست البدلة ومشيت اصابعي بيهة ....
كوولش حلوة ...دمعت ادموووعي ...وبجيت من كل كلبي ....
مو هذا الي جنت احلم بي ....مو هاية البدلة الي اريد البسة بهذا اليوم ...مو هذا هاية الي البسهة لهذا الشخص
....بجيت حييل رغم جمال البدلة ونزاكتهه
مسحت ادموعي.....وشفت اكو علب ...رحت فتحتة ....
عاااااااااا.......هاااي شنو .....ايااا ادب سيز ....
شفت ..سيتات نوووم ....احمر واسود ..وابيض ....
....والله مااخليك اتشوفهن .....
صرت اعصاااب ...بس ...اتوقفت وكلت ...الحمد لله بابا جاب الي هدومي مال النوم ...
ابتسمت .....وكلت
جبتلي ....بدلة.....وستات نووم.....وتريد عرس
ماشي .....اني انتضرك ...ياجهاد ..حجيتهة بكل حقد
........
لبست البدلة ....واجتي ام المكياج وعدلتلي الطرحة ....باوعت لنفسي ...واتعجبت
ابتسمت ....كووولش حلوة طلعت....هههههه الجميلة والوحش...
صح ...قصتنة تتشابة هوواي ....بس مااتوقع ينفك السحر ....
انعجبت هواي بالبدلة والحذاء...ونسيت كل شي لحد ما اندك الباب ....وفزيت من حلمي ...
اشوف بابا دخل وعيونة حمر والدموع بالجفوون..
_يلة بنتي ....وصل العريس..
رحت حضنتة ...وبستة .....ومتلة لتخاف علية
باسني من راسي ....وكمش ايدي وطلعني
كتلة ماما واهتي وين ...
...ارتبك وكال ....
_ميكدروون يجوون لان منو يجيبهم......هو حجة هيج بس يعرف زوجتة ماريد تجي هليج ناس لان مو من مستواهة
ضلت الطبوول ادك والظرب الطلق يطلق واطلع واشوووف هواي لابسين عكل رغم اني جنت مشمور علية الطرحة ....بس عرفتة ....من طوولة ...وطغيانة .....اتقرب مني واخذ ايدي من ايد ابوية ....
وصعدني بالسيارة .....ضل الطريق كلة موسيقى ....واصوات الطلق لحد ما وصلت لبيتهم ....
واستقبلتني رؤى ....والحجية ودخلوني جوة ....
وهو راح طلع يم ....ربعه
دخلت جوة ....اجتي الحجية رفعت الطرحة ....بس انصدمت من شافتني ....ضلت مصدوومة اني ورؤى انتبهنة عليهة ....بس حست على نفسهة وبسرعه داركت الوضع واخذتني وكعدتني يم النسووان
وضلت تضحك ...ضحكة مصطنعه...
وبعدين اختفت.....لحد ما سئلو علية ....ترجع بعيوون حمر .....متروسة دمع ....
معرفت ....اشبيهة بس كل ما اتشوفني ....اتركز كانها شافت شبح ....
ضلن النسووان يركصن ....ويصفكن ....بس اني مااسمع بس صووت وجع كلبي ...لحد ما علت الهلاهل ...لاعلان انتهاء العرس حسيت ...بالكووون يدوور بية
اجتي حجية فرحة كومتني .....وصعتني لغرفة جهاد...الي بالطابق الفوووق كمشتني وباستني من راسي واتمنت الي الحياه السعيدة والرفاه والبنين ....مجنت اصدك الي اسمعه منة ...هي بالذات ...شنو الي صار بس كلت يجوز مثل رؤى طيبة ....دخلتني للغرفة وقرت علية ايات لدفع العين والحسد ....وطلعت
دخلت الغرفة وسديت الضوة ....وبقت الغرفة ظلمة الا من ضوء خفيف ...من شباج الغرفه رحت ....فتحت البردة ...اريد اشتم هوة لان انخنكت ....واشوووف القمر مكتمل .....باوعت على صفائة ....اتمنيت لو عندي جناح ...واطير .....
ضليت صةفنة واني شنو الي راح يصير بعد هذا كلة.....
حسيت انفتح الباب .....اتسمرت بمكاني ....
...دخلت الغرفة ...وانصدمت من شفتة .....لكيت ضوءالقمر يزينة .....وجمال طوولة رغم هي توصل حلد جتفي .....بس منظرهة اليوووم مااكدر انكرة من جمال ...بشرتة الخمرية ...وعيونة الجوزية الجبيرة ....ورشاقة جسمهة
من غير خصلات شعرهة الي لحد هسة اشتم عطرة من رفعتة وضميتة لذراعي
كل هذة .....واليووم غير شي ....
فتحت الضوة .....وكلت بصوووت خشن
__السلام عليكم
_وعليكم السلام.....جاوبتة وهي متحركت من مكانهة
اتقربت منهة وكمشت جتفة وردت ادورهة ....بس سمعتهة اتكوول
_دير بالك تكمشني .....حجيت هاي الحجاية وشفت اعيوونة اتحوولت لشرارة ...وحاوبني
_جهاد ابن حجي جاسم .....مستحييل اخذ شي ميريدني
_اني جهاد ابن حجي جاسم بس اريد شي ....يجيني يركض جوة رجلية .....وصدكي راح يجي اليوووم الي راح اتكوونين هنااا
.....مااعرف اشلوون اجتني جرائة وجاوبتة .....
_لعد خلي ابالك زين ...مراح يجي هذا اليوووم ابد
.....سكتت وعرفت اني
كعدت الوحش......
.....ظل واكف هواي وهو يباووع علية ....وكل نضراتة اتخير شتسوي بية ...لحد ما ...كمشني.....وجرني لصدرة .....جنت قريبة حييل منة واني اسمع انفاسة وهو يلهث ....والخرارة الي متوهجة من وجة .....وقوة ايدة وهو كامشني ....وكاني بوضع حميمي مثل العشاق.....وكال بصووت قوي وهو يصك بسنونة ....
_مااحب المرة الي اتراددني .....صدكي اذا اتكررت راح اشوفج الي متشوفينة ....
...بهاي اللحظة حسيت بالخووف.....وما مال اكون قوية او اسوي نفسي قوية واجادلة .....لان جنت اعرف راح يكون الرد قاسي
....كلت اسكت .....لان مااكدر اتعارك وي اسد واني داخل قفصة ....
دفعني بقوة عنة .....وكال روووحي بدلي وتعالي نامي .
يتبع....
(¯´•._.• لينه سعد •._.•´¯)
