......
كمت من الفراش ..واني امشي على اطراف رجلية ...اريد اروح البس هدومي قبل لايطلع من الحمام ....بس ملحكت طلع ....
...طلعت واشوفة متسمرة بوكفتة ....نفس جمالة مال ليلة البارحة بعدهة تجذبني ...رغم تعابير وجة الي امبينة بعدهة نعسانة...وشعرهة الي مخربط....ماانسة هاي الليلة وهي نايمة بحضني وخايفة من الضلمة ....وتجذبني الهة جان احساس محاسة بحياتي ....
راحت ركضت ختلت....جوة الجرجف ....عرفت خجلانة من الصار...
رحت لبست ملابسي وعكلالي ولبست المحزم ...ونزلت
طلع.....اشتميت الهوى واخيرا رحت سبحت وعدلت نفسي ونزلت جوة اتريك لكيتة مموجود ....
اليوم هذا مشة عادي ....
وصارت الدنية ليل واني صعدت الغرفتي ...اتعدت المدة كلت يجوز ميجي اليوم ينام هنا ....بس جنت غلطانة مااحس الة انفتح الباب بعصبية.....خلاني افز واسوي نفسي نايمة...واني دكات كلبي يمكن كل البيت يسمعه من الخوف ....
جنت فاتحة عين سادة عين ....واشوفة مثل الفهد المجروح من دخل للغرفة ابد ممرتاح شمر عبايتة بالكاع ونزع غترتة .....ودخل للحمام....وسد الباب قوي اشوي وينكسر الجام ....
جنت خايفة ومتعجبة من تصرفه ...اشبي..
طلع واني افز مرة ثانية وحسيت بي طفة الضوة .....حسيت بالراحة كلت راح ينام واخلص...
وفعلا نام على الجربابية بس ....مكدر ينام كل اشوية ويتكلب ....كانما نايم على جمر
ظل يتحرك ويتحرك حتى اسمع اهاتة ....مااعرف اشبي ....وفجئة فز من مكانة بس هو النار تطلع من عيونة لبس ملابسة والمحزم وقبل لايطلع ....
اتقرب للجرباية ...وشال الجرجف الي بيهة والمخاد وشمرهة بالكاع.....
واتقرب الي وكال وهو يصك بسنونة من العصبية ...باجر اريد هاي الجراجف تتبدل مااريدهة نفسة ....جان يعرف بية منايمة كاعدة
جنت اموت ابمكاني لات وضعيتة بهاي الساعه يمكن يكتلني بمكاني ...
وطلع من الغرفة وهو مثل النار الي تاكل يهو الي يقترب منة ...
طلعت من البيت واني اريد اتنفس وابرد النار الي بكلبي ....
بقيت امشي وامشي اريد انساهة مااكدر..
اني دمرت نفسي من جبتة لهنا ....ليش مااكدر انساهة ....
ليش تاسرني بعيونة بريحتة بخركتة حتة بملابسة الطفولية ....
كل مااغمض عيني واتذكر اشلون جانت ابحضني اتريد تحتمي ....واتذكر اعيونة الصلفة والي تتحداني ...يعني مااعرف شنو هي ....مرة اتخاف مثل الطفل الصغير ومرة اتصير جبارة بقوتة ...
تعبت من تفكيري بيهة ....
وحتى من ردت انام ....الفراش متروس من عطرة ....كل مااريد احاول انساة يدخل بروحي وبعقلي ...صارت مثل الارض المتحركة كلما حاولت ابتعد تجذبني اكثر...
مااعرف ياشهد شنو راح اتسوين بية ....
رحت للاستطبل بالغرفة وردت انام بس مكدرت ...
ظليت كاعد اتمنة ينتهي هذا العذاب الي اني بي
.....
سمعت صهيل الخيل.....رحت اشوفهم وافرح من اكون يمهم ...ردت انسى كل شي متعلق بيهة ....
انطيت قطعة من السكر لشكرة....
وجنت فرحان لان ولدت بسلامة ...
باوعت اوليدهة الصغير وراسا رجعت اتذكر شهد ....كلشي يذكرني بيهة ...
طلعت شكرة ....وركبتة وكتلة اركضي....
اركضي باعلى سرعتج.....كلت الة اروضج يابنت سلمان
الة اخليج تتمنين ارضى عنج الة اخلي كبريائج يمي ينكسر....
جانت سرعة شكرة ...والهوى الي يضرب وجي.....
وملامح شهد كدامي اتصير ....
وحقدي علية ....لان كرهت اليوم الي شفتة والي جبتة يمي ....
جنت عازم على نفسي الا اخليهة تهواني واخليهة تتمنى رضاي...
...مااطلع جهاد اذا ما اكسر خشمج العالي وعيونج الصلفه ....
....ظلت شكرة ركض للمكان الي دووم روحة وهو مهموم ....وينفس عن راحتة بي...
بس فجئة ارتفعت شكرة ....مااعرف ليش وحركتهة اختلفت كانما شافت شي كدامة وخافت ....
حاولت اكمش باللجام ....بس مكدرت وكعت من ظهرهة على شجرة جتفي صار على شجرة والباقي ارتكزت بالكاع ...
ظليت على وكعتي فترة ....كمت حسيت الم بالجتف الي وكعت علية .....بس كمت وركبت الحصان ورجعت للبيت ....بس الالم كام يزداد ....شفت شاكر كتلة رجع شكرة للاسطبل ....
واني صعتدت لغرفتي ...متوجع حييل
...فتحت باب الغرفة بقوة ....بحيث فزت بنت سلمان ....
فزيت من فتح الباب حييل ....وشفتة بالكوة يمشي....تعبان مكدرت اكوم الة ....
شفتة دخل للحمام....وسد الباب بقوة ..
ظل هواية بالحمام ....مااعرف اشبية يجوز اتخربط ظل بالي يمة ...زين شسوي اني هسة
وبين ماافكر واشوفة طالع وهو مصلخ.....بس لاف علة خصرة منشفة ...
صرخت من المنظر استحيت اول مرة اشوف جسمة ...ودرت وجي ....
.هو ولا عبالك اكو شي مهم....
ومااحس الة صرخة منة يكول
_كوومي شوفيلي جتفي اشبي.....
اني صفنت...شنو ..مثل الفطيرة ...مااعرف شسوي ....
..كمت واني امشي على كيف ...وشفت اتزفر لان امشي على كيف ....زدت السرعه .وتقدمت يمة وصلت لظهرة واشوف جرح قوي وخدوووش ...واصلة لحد ظهرة بشوية
_هاي اكو جرح وخدووش
_هااااا بيهة الخير ماادري ....كالة وهو يسخر من الكالتة
خوش لعد يلة يادكتزرة عالجي اكو صيدلة بالحمام ....وحتى ادية مااكدر احركة لان توجع
رحت لمست ايدة
واني نبضات كلبي ادك بقوة ....اتلمست جتفة وكتلة اني منحرجة ...
ايدك مخلوعة لازم ترجع لوصهة امبين واكع قوي علية
...سكت وكال..
_زين رجعيهة
_شنوووو...اني مااكدر فتحت اعيوني واني اباوع علية
_اشبيج انتي مو دكتورة
_اني دكتورة هوايش ...حجيتة بسخرية
.....متحمل احجايتي وكام يصك بسنونة وجرني من ايدي وقربني لوجة وهو يحجي ...باعي كلمة ثانية ...وتعرفين شسوي بيج كومي سوي الكتلج عليج...
_ماشي.....سكتت وكتلة
راح اعد لل٣ ومن اكمش ايدك انت شد ..
....عديت لل٣ وهو حاول ميصرخ ...بس الالم جان اكبر منة طلعت الصرخة من حلكة بصعوبة ...
وكع على الحرباية وهو تعبان وعركان ...
رحت ركضت للحمام بس نلميت ولا مرهم يفيدة
...طلعت وكتلة ماكو اي مرهم هنا يفيدك
_روحي نزلي للمطبخ راح تلكين صيدلية جوة...
....نزلت جوة واني ادور بالصيدلية بس فجئة ...طفت الكهرباء
_لا يبربي مو وكتة هسة....كعدت بالكاع واني خايفة ومتكورة على نفسي ...
ومتشنجة
....جنت كاعد انتضر ترجع اداوي الوجع الي ازداد ....ممتحمله...بس طفت الكهرباء ..
فزيت عرفت هي اتخاف بالظلمة ...كمت رغم التعب والالم ...نزلت جوة ركض وصلت للمطبخ واني اتلمس وشفتة متكورة على نفسة...
_لتخافين اني هنا ....جان اكو ضوة خفيف بالمطبخ ...
مديت ايدي شفتة كمشتة ودموعة على خدهة....حسيت بخوفة ....اجتي ركض بحضني ارتمت.....جنت احاول السيطرة على نفسي ...بس مكدرت جانت الكلمات تطلع من شفتي الهة كلهة حنينة ....اي هو الحنان الة ...والهة بذات ..
جنت اتمنى احاول الف اذراعي علية بس مكدرت لان متاذي حييل ....
_لتخافين هسة تجي الكهرباء...
ردت اتحرك اجيب لايت ...الي اعرف مكانة بس هي جانت تمنعني اتحرك ...والخوف الاكثر...هو لا يطلع احد ويشوفنة بهاي الوضعية
هي حاضنتني وترجف...واني امصلخ بس المنشفة على خصري....
وبلحظة اجتي الكهرباء....وحمد ربة وبدة يبعدهة اشوية عنة وهو يكول
_افتحي عينج شهد احتي الكهرباء....كمشة من اكفهة مثل الطفلة الصغيرة وصعدهة فووك ....وهي تمشي وراه وباديهة المراهم...
وصلت للغرفة كعدهة على الجرباية وكال...
_انتي زينة
_اي ...حجت وهي بعدهة متخوفة....
...باوع على ايدهة كامشة المراهم ...ابتسم وكال ...
انطيني هاية اني ادهن نفسي
_لا متكدر متلوووح الاجروح كلة اني زينة اكدر ادهنك
_يلة لعد ....
....كعد على الجرباية ...واني صرت وراة بديت ادهن ظهرة بحركة خفيفة ....
....بدة جسمي بتشنج ...مو من الوجع لا من لمسة اديهة وبدة بضات كلبي اتزيد وحرارة جسمي ترتفع ...
ضليت ادهن وشفت تشنج جسمة كتلة
يوجعك ....
_اي شوية ....كلتة واني اجذب ...
بس كملي
...كملت ....كتلة خلصت هسة .....
خاول يلبس دشداشتة بس مكدر
كتلة اني اساعدك .....بديت البسة الدشداشة من راسة وايدة الي منضربة....
من بدت اتلبسني ...بديت ةتخاشة اعيونة ...مااع،ف ليش اني جهاد الي مافديوم وخرت عيني عن احد ولا اخاف من عيون احد اني دون نظراتي قاسية ...وصلفة....وخاصتا وياهة...بديت اتحاشى اعيونة ....
خلصت تبديلتة ...رحت جبت كبسول وانطيتة وكتلة هذا كبسول مسكن ...لان يجوز تتوجع بليل
...شفتهة راحت على القنفة .....وكالت
_اذا تحتاج شي بس صيحلي اني نومي خفيف....
يتبع
%&%&لينه سعد%&%&
