بلقاك حلم

الجزء 09

(...................•○•...................) 

في فيلا الأستآذ سيف : نزل سيف من العربية وجنبو عمآد ، دخل البيت وعمآد يتلّفت في فخآمة الفيلا وضخآمة الحديقة اللي افتكرها في البدآية منتزه .. كآن ياسر ومها وهيفاء وغيداء قآعدين و بيشربوا الشاي في واحد من الطرآبيز الحديدية الذّهبية ، دخل سيف بابتسآمة وسلّم عليهم ، قعد على واحد من الكرآسي و متجآهل عمآد الكآن وآقف زي الصّنم .. عمآد في نفسو وكآن بعآين لهيفاء و غيدآء : وينها العميآ فيهم ؟ ماشاء الله الاتنين نظرهم أقوى من نظري ! غيداء وانتبهت لعمآد الكآن وآقف بعيد منهم شوية ، التفتت على هيفاء الكآنت قاعدة جنبها ومندمجة في الونسة ، لكزتها بكوعها وهمست ليها : هيفو ، فوفو .. يآ بت ، دآ منو الجآيبو أبوي معاهو دا ؟ هيفآء والتفتت مكآن غيدآء بتعآين : مآ عارفة والله ، أسألي أبوي .. غيدآء بهمس : بس الولد قرَض .. هيفاء ضربتها على كتفها : بس يآ بت ! بلا قلّة أدب .. غيداء : ههههههههههههههههههههه .. هيفاء التفتت على أبوها : بآبا ، ما عرّفتنا على الزول الجبتو معآك دا .. سيف التفت وراهو على عماد وقآل ليهم : أيوا صح ، ذكّرتيني , * و التفت على يآسر* أمشي نادي ريم يآ ياسر ، سريع ياسر وقآم على حيلو : حاضر يا أبوي ومشى ينادي ريم سيف بأعلى صوتو : يآ ولد ، ياا هناي ، إسمو منو الولد دا ياخ عماد الكآن مدّيهم ضهرو التفت على صوت سيف .. 

سيف بعصبية : ما تجي هنا يآخ ، أطرش إنت ولا شنو ؟ 

عماد مشى عليهم بسرعة 

سيف بزهج : إسمك منو إنت قلت لي ؟ 

عماد بإحترام : إسمي عماآد حضرتك ..

 سيف : حسي دآ إسم ليك دا ؟ أنا أحفظو ليك كيف ؟

 عماد وحاسّي بإحتقار سيف ليهو لكن مآسك نفسو عشآن بيآن ومآزن

 اتدخّلت غيدآء بسرعة : وآآو ، إسمك عماد ؟ يجننن إسمك 

هيفاء لكزتها بكوعها : بس يا بت ورفعت راسها على عماد معليش أصلاً هي كدا مجنونة 

غيداء : مجنونة براك يآ بت ..

 أما عماد إكتفى بإبتسامة باهتة .. إلتفتوا كلهم على صوت البآب الفآصل بين حوش ريم وحوش سيف ، كآن يآسر دآخل وسآند ريم على يدّو وبعآين للأرض في خطواتها ، وصلوا عندهم .. قعدت ريم مكآن يآسر ، أما ياسر وقف جنب عماد .. سيف إلتفت على عماد : دي هي بت المرحوم أخوي عآدل ، إسمها ريم والتفت على ريم : ريم ، الوآقف قدّآمك دا اسمو عماد جبتوا ليك عشآن يكون مرافق ليك ريم بصوت خافت : كتّر خيرك يا عمو .. 

سيف التفت على عماد وقال بنبرة حادّة : زي مآ قلنآ برّة البيت لآ ! 

عمآد هزّ رآسو بالموافقة : تمآم

 يآسر : تجي تبدآ دوامك من بكرا السّآعة 7 صبآحا ، 

عماد : طيب يآ أستاذ ، أنا داير يوم إجازة ..

 سيف بزهج : عندك الجمعة بس ، و رجّع ضهرو على الكرسي وولّع ليه سجآرة وقآل ليآسر : قوم سوقو خلّيهو يتعرّف على البيت .. 

يآسر التفت على عماد بابتسآمة : تعآل يآ أستاذ خلِّيني أوريّك البيت .. 

مشى عمآد معاهو وعرّفو على أجزاء بيت سيف و طلعوا من البآب الفآصل بين الحوشين وعرّفو على أجزاء بيت ريم وطلعوا قعدوا في حوش ريم , 

يآسر : بس يآ سيدي ، دي الفيلا كلها كدآ 

عماد باستغراب : والبت العميآ دي

 ياسر بابتسآمة : ريم قول ليها .. 

عمآد : أوكي ، ريم بتعيش هنا براها ؟

 ياسر بأسى : أيوا , 

عمآد : مش هي أمها ميتة و أبوها ميت ؟ يعني هي أصلاً وحيدة ، تزيدوا عليها وحدتها ؟ 

يآسر : تقول شنو بس ، أبوي الله يهديه ..

 ياسر وكأنو إتذكّر حاجة : طبعاً هي مخطوبة لأستاذ إسمو سعد ، وهي طبعا ما عندها تلفون ، يعني إتوقّعو يجيها في أي لحظة 

عمآد : أوكي .. 

يآسر : الله يعينك يآ ريم ، من يومك والدُّنيآ تلعب بيك يمين وشمآل .. عمآد عآين لسآعتو كآنت السآعة 11:30 قآم على حيلو وقآل ليآسر : أستأذنك يا أستاذ يآسر قآم على حيلو : قول لي يآسر ، 

عمآد : أوكي يآ ياسر ، أستأذنك أنآ لآزم أطلع الآن عشآن ألحق الموآصلات و مآ أتأخر على أخواني ..

 يآسر باستغراب : موآصلات ؟ وتركب الموآصلات ليه يآ عماد ؟ خلّيني اوصِّلك بعربيتي . 

عمآد : لآلآ كتّر خيرك ، بمشي بالموآصلات .. 

يآسر : علي بالطلآق مآ تمرق من هنآ إلا بعربيتي .، 

عمآد بابتسآمة : مآ تطلِّق سآي يآ ياسر .. بالمواصلات بمشي مآ مشكلة .

 يآسر : حرّم أطلِّقها هي المآ جات ، تمشي الليلة بعربيتي يعني تمشي بعربيتي , تحت ضغط ياسر على عمآد ، وآفق عمآد إنو يمشي بعربية يآسر .. 

(♪)----------------------•♫•----------------------(♪)

 مرّ أسبوع وعمآد شغآل مع ريم ، مكآن مآ تمشي هو معآها بوصِّلها أي مكان ، وكآن لسه مآ عارف عنها أي شي ، غير إنو إسمها ريم ومخطوبة وأمها وأبوها ميتين .. وإنها جمييلة ، جميلة شديد ! أمآ ريم مآ كآنت مُرتاحة لحكآية إنو معآها رآجل غريب في نفس البيت ، بس عآرفة إنو عمّها مآ ح يدّيها أكتر من كدا فقررت إنها تسكُت على الحآصل ، مآ كانت عارفة عنو غير إنو اسمو عمآد و إنو محترم ، مآ حصل مرّة اتكلم معاها في حاجة غير شغلو ، وبس ! 

يتبع...