أينَ الطريق إلى دُنيا بلا نَكدٍ؟
فكوكبُ الأرضِ يا الله..
💔أشقانا💔
احمد" قرب وهو مجلوووط من المنظر يلي يشوف فيه عاااائله باكملها مقتولة
{ رجل كبير ف السن يمكن يكون العم او الجد واب وام و4 اولاد اكبرهم عمره ف حدود 15 بنتين صغار اعمارهم تحت 6 سنوات} قرب منهم وبدا يشوف فيهم واحد واحد كلههمم متوفيين حس بخصه ف قلبه والم وحسره ع حال مدينتهم يلي يموتوا اهلها بكل دم بارد ولا احد يتكلم دمعوا عيونه عائله كلللهم مقتولين بالرصاااص امام بيتهم يعني مايكفيهم القصف يلي صار امس ع المدينه لين يقتلوا عائله كللهااا ف يوم واحد ويفنوهم .... قربهم من بعض كلهم ودعالهم وغطاهم بغطاء كان منشور ع الحبل و قرر بعد يوصل المجموعه يجي هو والشباب يدفنوهم مستحيييل يتركهم بدون دفن لف ومشى باتجاه سيارته لمح شي احمر تحت عشب راح باتجاهه وقرب منه وانصدددم بنت!! بنت صغيره اكيد هذه فرد من العائله قرب منها وهو يدعي يكون فيها نفس ع الاقل طفله تنجو من العائله المغدور بها افضل من يموتوا كللهم وينفنى معهم السر وراء مقتلهم الجماعي .. قرب منها وشاف الجروح امليا جسمها كله واثار تعذيب او ماشابه قرب ولمس عرق يدها حس بفرح يسري داخله لان فيها نبض ولو كان ضعيف قرب ورفعها بين يديه وهو يشوف ف ملامحها الطفولية البريئه وشعرها الاسود القصير حس بالم اتجاهها يعني لو عاشت كيف بيكون موقفها وكل اهلها ماتوا واكيد امام عيونها .. سمعها تأن بوجع بسرعه رفعها وحطها ف السيارة جنبه ع الكرسي وراسها ع رجله وحرك السيارة بسرعه واتصل بالشاب يلي من جماعه جامد: اسمع صار معاي ضرف طارئ سامحوني مانقدرش تو نجيكم لكن تو نرسللكم واحد من جماعتي يوصلكم للموقع ... تم اوك سلام " اتصل بمعاذ: اسمع اختار 4 شباب يجو معاك لشباب يلي من جماعه حامد انت تعرف المكان اكيد .... انا صارلي ضرف مستعجل مانقدرش نمشيلهم .. تم خلاص زي ماوصيتك خود 4 شباب برو سيارتين ... سلام " صكر الخط وبسرعه اتجه للمخيم واتصل بعمر: اسمع وتي الاسعافات
عمر" بخوف: خير خير انت مضروب ولا حد من جماعتك
احمد: لا مافينا شي غير لما نوصل تعرف بسرعه عجل معاي مصابه
عمر: مصابه!!
احمد: مانقدرش تو نشرحلك تو قريب نوصل وتي الاسعافات "صكر ولف للبنت يلي تأن بوجع زاد السرعه خاف يصيرلها شي وتموت "
""""
جواد" يمشو ف الساحه: تمام اكتب كل شي ناقص نعطيه للمجموعه يلي بعد غدوة ليطلعوا من المدينه
محمود: قلت المجموعه راك تكون منهم
جواد : تطمن مش طالع انا
محمود" باستغراب: احمد من رافع
جواد " لف وشاف احمد رافع بنت صغيره خاف ومشوله : من هذه شن صابها
