حيــن تــرانـــي أتجـــــاهـــــل
اغــلــب كــلامـــك
فــعـــلــم انــني اتـــألـم
مـــنـــك💔
ص
بــاحــــــا......
ميار" ف الكوجينه مقعمزه تفطر "
رمزي: صباح الخير
ميار" لفت عنه وما ردتش"
رمزي" رفع حاجبه" قلت صباح الخير ما سمعتيش
ميار" طنشاته و بدت اضم ف افطورها "
رمزي" فهم انها زعلانة مشى و قعمز قدامها : شن الافطور؟
ميار" مطنشاته ولا تبيش ترد عليه"
رمزي" كتم عصبيته" قلت شن الافطور؟
ميار" تمت الضمان لفت بتطلع"
رمزي" بعصبية" هي انت وقفي
ميار" وقفت بدون ما تلتفت له"
رمزي" بعصبية" نكلم فيك شن ما ترديش
ميار: الكوجينه قدامك كول يلي تبيه "طلعت"
رمزي" عصب وضرب الطاسة بقوة طاحت وانكسرت" افــــف منها بتجنني اخ
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
جواد "يمشي ف المخيم هو ومحمود : ان شاء الله تتحسن الاوضاع
محمود: ان شاء الله بس مشكلك ها لقصف والمواجهات يلي كل يوم اتصير
جواد: ربي ينصر المجاهدين ويدمر كل جيوش الاعداء
محمود: امين شكلها روعة جايه لعندنا
جواد" لف" أي
روعة" تمشي بتجاههم : السلام عليكم " وقفت"
الاثنين: وعليك السلام
روعة" شافت لجواد: كيف حالكم ؟
محمود: بخير وانت شن اخبارك؟
روعة: انا بخير والحمد لله انت يا جواد كيف حالك؟
محمود" لف لجواد يلي باين انه سرحان بعيد ومش منتبه ضربه بشوي: جواد
جواد" فز وشد كتفه: أي شن ؟
محمود: البنت تكلم فيك
جواد: اي بنت
محمود: ههههه يعني اي وحدة اكيد يلي قدامك
جواد" اتنبه ع روعة وحس بالأحراج : ا اسف كنت سرحان
روعة" ابتسمت" ولا يهمك شن اخبارك؟
جواد: تمام
محمود: شن اخبارك يا دكتورتنا؟
روعة: تمام بس والله ها الايام جاي فيروس للأطفال وانا وممرضين نحاولوا ان باقي الاطفال يأخذوا مضاد قبل ما ينتقللهم المرض بس للأسف ما فيش ادويا متوفر
