#روان
كنت في العربية قاعدة جمب اسر اخويا ورا ،، عادل كان بيسوق وغالي جمبه ورنيم جمبي أنا واسر .. ورحمة كانت ماشية قدامنا بعربيتها ،، كل ما حسيت ان احنا بنقرب قلبي بيدق اسرع واسرع .. بحس اني خلاص هيغم عليا 💔
اسر : اهدي يا روان ،، متخافيش مش هيحصل حاجة ..
قربت من اسر ووشوشته في ودنه عشان رنيم مستمعناش ..
أنا : خايفة اروح الاقي جثث محمود وسليم هناك 💔
اسر اتنهد وأنا بصيتله وبعدها بصيت لـ رنيم .. كانت في عالم تاني اصلا ..
عادل : احنا بعدنا اوي ..
غالي : مش مجرمين ؟! لازم يكونوا مخبينهم في مكان مفيهوش سريخ ابن يومين .. 😏
أنا : بس ليه رحمة قررت تساعدنا ؟!
رنيم : مش مهم .. المهم اني ارجع ولادي دلوقتي ..
###
#الكاتبة
سكتوا وروان حست العربية بتقف ،، اسر نزل من العربية وجهز مسدسه وامنلنهم الطريق .. نزلت روان وجهزت مسدس عمر اللي ادهولها ،، جريوا على مكان عامل زي فيلا مهجورة .. هيا مش مهجورة بس ،، لكن محروقة كمان .. !!
اسر وقف قدام الباب وقام ضربه برجله الباب فتح ،، وضرب النار اشتغل في كل حتة ..
كان نفس المشهد بيحصل في المكان اللي كانت مريم مخطوفة فيه .. كله معاه مسدس وهاني ما صدق جري ولقى مريم مستخبية تحت الترابيزة ..
هاني : مريم !!
بصتله وكانت بتعيط ،، فجأة حس ان دنيته نورت من تاني وحياته رجعت جنة بعدما قلبت جهنم ،، مريم كانت بتعيط من الخضة بس اول ما شافت محمد دموع الخوف اتحولت وبقت دموع فرح ..
مريم : حاسب يا محمد !!
صرخت ومحمد لف لقى واحد هيضربه بالرصاص ،، محمد بسرعة ضرب نار في ايديه عشان ميحاولش يضربه تاني ..
عمر : خد مريم واخرج يلا !!
عمر زعق لما حس ان ضرب النار مش هيقف وكله شغال بيضرب نار ،، مازن كان مأمن المكان كويس اوي .. وحاطت فيه حراسة جامدة وتقريبا حراس بيعرفوا يضربوا نار كويس ..
محمد سمع كلامه وخد مريم وحسين غطى عليهم وخرجوا ولقوا سما مستنايهم برا ..
سما : فين عمر ورامي ؟!
حسين : لسة جوا ..
وجوا اتقلبت بقت مجزرة ،، كذا ظباط من اللي طلعوا المأمورية استشهدوا ..
عمر : انسحبوا انسحبوا خلاص !! *زعق في اللاسلكي*
كلهم بدأوا يتراجعوا وعمر لما خرج لاحظ ان رامي مخرجش من جوا ،، عمر رجع تاني ولقاه كان هيتضرب بالنار .. !!
