#رامي_ربيعة
بعد اسبوع من ساعت اللي حصل و روان مبقتش نفسها ،، اتغيرت و مبقتش روان اللي بتهزر و تضحك .. بقت واحدة تانية خالص 💔 كل اللي بتعمله انها بتسهم كدة و بقت تقعد في الاوضة كتير.
فريدة : طب و بعدين ؟! مش هينفع اللي روان فيه دة !! 😒
أنا : أنا السبب في كل دة ،، يا رب اعمل ايه بس 💔 ؟!
مروان : بص يا رامي ،، حاول تدخل تتكلم معاها ..
أنا : حاولت ميت مرة يا مروان و بتصدني !! اللي بتعرف تكلمها هيا ردينة ..
فريدة : خلاص أنا هكلمها ،، بس الحوار ان كدة ممكن اهلها يعرفوا مكاننا ..
أنا : لا ردينة بتعرف تحفظ السر كويس اوي ،، كلموا ردينة على ما أنا ادخل لـ روان.
دخلت لروان لقيتها قاعدة ماسكة صورتها هيا و مريم و بتحسس عليها و بتعيط ..
أنا : حبـيـبـتـي !!
جريت عليها و حضنتها و هيا مسكت فيا و عيطت بصوت عالي ..
روان : مريم ماتت يا رامي !! خلاص مش هشوفها تاني !! مش هنخرج سوا !! مش ههزر معاها و لا اتريق عليها تاني !! خلاص سندي ماتت 💔 !! ضهري اتكسر من بعدها يا رامي 😢💔💔 ..
كلامها خلاني اعيط أنا كمان ،، و بوست راسها و هيا فضلت تعيط.
أنا : طب بزمتك مريم هتفرح لما تلاقيكي بتعيطي كدة ؟! هتفرح لما تشوفك زعلانة ؟!
روان : يعني مش كفاية خدوا مني اغلى اتنين عندي !! محمود و سليم !! لا مكفاهمش !! خدوا مني مريم كمان 😢💔 !!
فضلت ساكت ،، حسيت بعجزي فجأة انها بتتوجع و أنا مش عارف اخلي وجعها دة يروح !! كنت بغلي من جوايا 😡 !!
###
#ردينة
فريدة كلمتني و قالتلي على حالة روان ،، بس مكنتش هيا لوحدها كدة .. كلنا كنا كدة 💔 موت مريم كسرنا كلنا .. كنا نسمع عن ناس نعرفهم يموتوا ،، بس اول مرة نجرب احساسها غير بموت مريم :") 💔
لبست و سبت ماسدج لأحمد عالتلاجة عشان اعرفه و ميقلقش عليا ،، ركبت عربيتي و سوقت على بيت مروان و فريدة.
***
كنت لسة في الطريق لقيت عربية كسرت عليا و خبطت عربيتي جامد من ورا !! ركنت و نزلت علشان اشوف في ايه ،، لقيت ستات شكلهم يخوف لابسين عبايات و لقيتهم نازلين بحاجات عشان يضربوني بيها.
أنا : ابعدوا عني !!
جريت عالعربية لقيت واحدة منهم جابتني من طرحتي و قلعتهالي ..
هيا : تعالي يا حلوة هتروحي مني فين !!
و عينك ما تشوف الا النور الضرب جاي من كل حتة و نارل على ضهري و رجلي و درعاتي ،، فضلت ماسكة بطني خايفة يحصل للبيبي حاجة لحد ما كتفوا ايدي و قعدوا يضربوا في بطني و أنا اصرخ.
