مر شهر ..
مافي احداث غير ان :
* النصيب جمع سلمان و ايمان .
* روان اللي قدرت تسترجع قليل من شخصيتها القديمه .. وتحاول تشغل نفسها بكثير امور وماتفكر في حُسام ..ملكة سلمان جتها من الله .
* حُسام اختار اننه يتركها في حالها بعد مااشقاها وكان اناني معها .. ماكان قرار سهل عليه .------
في ليلة ملكة ايمان و سلماناطلالة روان 🌸
روان : الحمدلله ياربي كل التجهيزات كانت سهلة
اروى : ايه الله يبارك لهم يارب
روان : خلاص امشي نجلس تعبت
اروى : يالله ..مع جلسة روان شغلوا اغنية "نساني وراح"
جات خلود : قوموا نرقص
روان : لاتكفين تونا اللي قعدنا
اروى : يالله انا اقوم معاك .."احس ويايا مو غايب
المسه وقلبي بيه ذايب
كل لحظه يجي وجايب
الف دمعه ..
اشوفه وكنني ماشايف
بحضني اتخيله وخايف
حكينا مو بالشفايف
ولا نسمعه 💔"روان * كل كلمه بهالاغنيه تغرس بقلبي سكينه
لكن هالكلمتين الاخيره ..
خلتني بعالم ثاني !
ماحسيت بااحد ..
اروى كانت تناديني ماسمعتها *اروى : بنت شفيك !
روان انتبهت : ايش ..
اروى قومتها واخذتها خلف الكوشه : دموعك !!
روان تتحسس وجهها بيدها : اهه
وصارت تمسحها وتعدل مكياجها ."واشوف الموت يوميه
وهوا مادرا بيه
بعدها النار بيديه
ولا راحت
مكانه بعده ظل خالي
مكانه بحضني وببالي
روحي ولت لحالي ولا ارتاحت
نساني وراح !
يحبني ؟
.. والسوالف تعذبني "روان تمسح دمعه تنزل وراها اربع !
استسلمت لقوة الشوق بدموعها ..
وحررت اللي كتمته ايام بصدرها ..لولا الموسيقى العاليه !
كان كل اللي في القاعه سمعوها
حضنتها اروى وقلبها متقطع على اختها : خلاص ياروحي ..
بتنسين .بعد ساعتين
اروى : هاا كيفك اللحين
روان تبتسم باانشكاح : عال العال .. تعالي اللحين الزفه
اروى بااستغراب : طيب .زفة ايمان ..
الكل مشغول بتأمل جمالها ..
جميله تكلم سعاد : ماشاءالله .. كل شي فيها كامل والكامل الله ..
سعاد : ماشالله ..
اروى : والله لااذل سلمان طول عمره .. ببتزه يحسبها ببلاش !
سعاد و جميله وروان : ههههههههههههه
روان : خالتي ترا فتحوا البوفيه .. تتعشين
جميله : لا لسا بدري
: السلام عليكم
كلهم : هلا وعليكم السلام
: كيف حالك ياام سلمان .. الله يبارك لكم ان شاءالله
سعاد : الله يسلمك حياك
: اختي ام سعد تسألني عن روان بنتك
سعاد : امري
: هي اللحين تدور لولدها .. وعجبتها روان
ونفتخر والله بنسبكم ..
اروى تضحك وروان تنغزها ..
سعاد : الله يسلمك لنا الشرف بس روان متزوجه ولد عمها .. ولد جميلة "وصارت تعرفهم على بعض ".جميلة تسلم على الحرمه : اهلاً تشرفنا
: الشرف لنا .. الله يسلمك
روان تسلم : حياك الله .. الله يوفقه .___
بالسيارة
روان : تكفين تعالي نامي عندنا الليله
اروى : لا والله مااقدر .. انشغلت عن خالد هالاسبوع
بعد اتركه الليله .. صعبه
سعاد : اي خليها .. اشغلناهم هاليومين .. يعطيكم العافيه
اروى تنزل لبيتها : الله يعافيكم ويحفظكم .. يالله اشوفكم بكره ان شاءالله .
روان : مع السلامه-----
في الجهة الثانيه من العالم
جوال حُسام يدق
حُسام : هلا امي هلا بالغاليه
جميلة : هلا عيني شلونك .. افطرت ؟
حُسام : اييه انا بالطريق اللحين رايح الجامعه
جميلة : الله يحفظك
حُسام : ويخليك .. كيف الملكه ..
جميلة : هاه تونا داخلين البيت ومنهدين .. تعب والله بس كل شي مرتب ماشاءالله .
حُسام : والله كلمت سلمان .. مبسوووط الله يتمم له على خير .
جميلة : الله يسعدهم .. حتى روان ماشاءالله عليها المعازيم طايرين معها .. بااناقتها وذرابتها .
حسام اختفت ملامح السعاده اللي كانت على وجهه يوم سمع طاريها :..
جميلة : تعرف سعد ال..
حُسام : ايه هذا كان صديقي في الثانوي .. من زمان عنهم
جميلة : الدنيا صغيره .. شفت خالته
واللي يضحك بعد.. انهم خطبوا روان لسعد ..
حُسام بخوف : ايه ؟
جميلة : وش اللي ايه .. قالت لها ام سلمان اننها متزوجه لاتشوف وجه الحرمه يوم قالت لها .. ههههههههه
حُسام *اخاف تروح منني !
اخاف يكلموني عشان اطلقها !
اخاف اخسرها بعد ماحبيتها ! *
جميلة : حُسام معاي ؟
حُسام النار بصدره : ايه معاك .
أنت تقرأ
حديث السكوت
Romanceهيَ و أخواتها اجبرتهم تقاليدهم على الزواج منه هو واخوته. هيَ تكره العادات والتقاليد و هو لا يأبه. هيَ لم تدخل العشرين و هو ثلاثيني. هيَ مرحة و هو هادئ. هيَ قصيرة و هو طويل. هيَ روان و هو حُسام.