هيَ و أخواتها اجبرتهم تقاليدهم على الزواج منه هو واخوته.
هيَ تكره العادات والتقاليد و هو لا يأبه.
هيَ لم تدخل العشرين و هو ثلاثيني.
هيَ مرحة و هو هادئ.
هيَ قصيرة و هو طويل.
هيَ روان و هو حُسام.
روان * خلصت الرحله على خير واخذت لي غطه ساعتين في ممر الطياره كان قدامي رجال وخلفي رجال والحريم يتدافعون مسببين زحمه .. انحرجت شوي لأن اللي خلفي لاصق فيني ! التفت ورا الا الصدمه .. كان هذاك الغبي اللي ناشب لي طول السفره .. حسيت بحر وكتمه ماقدرت اتنفس حاولت ابعد عنه ! حسيت بقبضه على يدي .. قلبي وقف انسحبت بقوة على ورا .. يدي المتني كثير لفيت بعصبيه الا طلع حسام !!! اقل شي افتكر ان عنده زوجة .. بس المصيبه مو هنا ! لف يده على خصري وشدني له وبيده الثانيه كان ماسك ظهر اللي قدامي عشان مانصدم ببعض .. من كثر ماني لاصقة فيه صرنا جسد واحد !
كنت بدوخ من الاحراج ونبضات قلبي اشكك اننه يسمعها اول مره فحياتي اكون قريبة من رجال هالكثر وفين !! بالطياره .*
حسام * انا بالعاده مااطلع من الطياره الا لما يطلعون كل اللي فيها وتخف الزحمه لكن شفت روان قامت ودخلت في الزحمه .. هي هبله ماتشوف ان فيه زحمة رجال !! اخخ شكلي بتعب معها كثير ! مشيت وحاولت اوصلها ماقدرت لكن لما شفت الغبي اللي كانت تسولف معاه عندها ماصرت اشوف شي غير انني امسكها واسحبها عندي ورا ! شديتها وانا في كامل عصبيتي خلاص مصخت حسام يهمس بأذنها : ماودك تروحين معاه بيتهم بعد ! روان : شتقصد ! حسام بهدوء : انتبهي لتصرفاتك .. هذي الحركات مو عندي ! روان * بدال مايفكني مننه يهينني كذا ! * روان حست بالظلم والدموع ملت عينها حطت يدها على ذراعه وحاولت تبعدها : وخررر .. بعد عنني ! حسام شد على خصرها اكثر : استني لما اطلع من هنا اعرف كيف اتفاهم معاك !
طلعوا من المطار وهو يسحبها من يدها هي قاومت بالبدايه لكن فرق الاحجام كان كفيل انها تستسلم . دخلها بسيارة التاكسي وركب قدام مو طايق حتى يجلس جنبها . طول الطريق كانت روان ماسكه دموعها ماتبي تظهر ضعفها قدام قوته وبروده .
وصلوا الشقه اللي ماخذها حسام لهم في سياتل كانت دور اول ماتدخل صاله كبيره مفتوحة يمين جلسه ويسار طاولة طعام خلفها مطبخ صغير وفيه مدخل غرف النوم وغرفة التلفزيون غرف النوم ثنتين وحده بسرير شخصين والثانيه شخص واحد ! روان تنهدت لما شافت غرفة النوم الثانيه .. صدق هي صغيره بس مو اصغر من الكنبه .
دخلت روان الغرفه تبي تبدل وترتاح قبل ماتسكر الباب حط يده حسام دخل ووقف قدامها
Oops! This image does not follow our content guidelines. To continue publishing, please remove it or upload a different image.
حسام : من اللحين اقولك دامك ببيتي لازم تحترمينه وتنفذين كل شي اقولك عليه ! روان بقهر : ليش جايبني من الرياض خدامة ! حسام : وتردين بعد .. روان بعناد : دامك ماتبيني ليه خربت كل شي كنت اخطط عليه فحياتي وسرقتني منها ! حسام : انتي عارفه زين انني مابغيت زواجنا يصير اللحين ولو بيدي مااخذتك بس الشكوى لله ! كلامه كان سم لروان اختفى التوتر ورفعت يدها واعطته كف وسط شهقاتها .
حسام * عورني قلبي شوي على الكلام اللي قلته لكن تستاهل لازم اضرب بيد من حديد من البداية لكن بعد الكف عرفت انن طريقي طويل معاها والموضوع مو سهل ابداً .. فاجئتني! هي اول وحده تمد يدها علي !! استوعبت بعد اقل من دقيقه .. حاولت اتماسك واعطيها الكلام اللي انا جاي اقوله لها واطلع احتراما لعمي و ابوي اللي موصيني عليها *
حسام : اسمعي .. باب الشقه هذا ماتتعدينه الا اذا انا سمحت لك عندك طلبات ارسليها لي رسالة حسك ماابي اسمعه ودراسة انسي و بعد ثلاث اسابيع ان شاءالله يبدا الدوام .. بااروح واسحب ملفك .
Oops! This image does not follow our content guidelines. To continue publishing, please remove it or upload a different image.
مشى حسام وسط صدمة روان اللي ماقدرت تنطق ولا حرف .. وقبل مايطلع التفت لها حسام : اه صح نسيت سفرة للرياض مافيه الا بعد مااخلص انا .. تقدرين وقتها ترجعين معي .
